تشكن تكا والخبز البوري المالح والحلو

32 7٬896

تشكن تكا والخبز البوري المالح والحلو
معكم صديقة زاكي الشيف الموهوبة  فلسطين

تشكن تكا والخبز البوري المالح والحلو

المقادير

  • مقادير الدجاج :
    دجاجه ونص مقطعه 6 قطع منزوعة الجلد .

    تتبيلة الدجاج:
    3 معالق كبار لبن معلقتين كبار صلصة بندوره معلقه كبيره بابريكا حلوه معلقه صغيره زنجبيل نص معلقه صغيره قرفه معلقه كبيره ملح عصير نص ليمونه 4 سنان تومه مدقوقه بصله مبشوره فنجان قهوه صغير خل ابيض وفنجان قهوه صغير زيت نباتي

    مقادير الخبز البوري :
    كوب طحين ورشة ملح ومعلقة زيت نباتي وماء دافئ للعجن .

الخطوات

بتنظفي الجاج وبتقطعي متل الطريقه الموضحه بالصور وبتنقعي بعصير ليمونه وملح ربع ساعه ،بتخلطي كل مكونات التتبيله مع بعض وبتبلي الجاج فيها اقل شي 3 ساعات ويفضل قبل بيوم ،

بتحمي الفرن بتبطني صينيتك بورقة قصدير بتحطي الجاج وكل الخليط الي معاه عليها وبتفوتي الفرن وهوه مكشوف 45 دقيقه بس يبلش يتحمر بتشيلي من الصينيه على الشبك تبع الفرن وتحتو صينيه فيها مي وحب هيل وورق غار وتقلبي كل ربع ساعه ليستوي ويوصل للتحمير المرغوب فيه بطلعيهم بتحطيهم بصينيه او قصدير وبتفحميهم وبتسكري عليهم ربع ساعه وبتقدميها.

الخبز البوري :
بتخلطي الطحين مع الملح والزيت بعدين المي بالتدريج لتحصلي على عجينه متماسكه ما بتلزق بتعجنيها 5 دقايق وبتتركيها ترتاح نص ساعه بعدين وايدك عليها زيت بتقطعيها دوائر متوسطة الحجم وترقيها وتقليها بخليط من الزيت والسمنه متوسط الحراره ما بياخد الرغيف ثواني بتقلبي الجهه التانيه وبتشيليه وبتغطي عطول مشان ما ينشف اما البوري الحلو اول ما اطلعي الرغيف بترشي عليه سكر مطحون وقرفه ناعمه وكمان بتغطي هوه ما بطلع طري متل الخبز بكون في قرشه حلوه وصحه وهنا ان شالله يعجبكم

تشكن تكا والخبز البوري المالح والحلو

تشكن تكا والخبز البوري المالح والحلو

تشكن تكا والخبز البوري المالح والحلو

تشكن تكا والخبز البوري المالح والحلو

عرض التعليقات (32)