بالله عليكم اللي بقرأ هذه المقالة يروح يقبل أو يتصل على امه

86 7٬274

بالله عليكم اللي بقرأ هذه المقالة يروح يقبل أو يتصل على امه

بالله عليكم اللي بقرأ هذه المقالة يروح يقبل أو يتصل على امه

كبرت يا أمي وعرفت أن الدجاجة تقطع 4قطع للضيوف و8قطع لاهل البيت…

كبرت يا أمي وعرفت قيمة البامية والملوخية الناشفة للزنقات.

كبرت يا أمي وعرفت الفرق بين السميد الناعم والسميد الخشن.
كبرت يا أمي وعرفت أنه الهريسة بتشرب القطر وهي ساخنة، والفرن ما بنفتح على الكيك

كبرت يا أمي وعرفت الفرق لحم الخروف ولحم العجل.

كبرت يا أمي وعرفت سر قدح السمن البلدي عالمنسف والمقلوبة.

كبرت يا أمي وادركت ان الرز لازم يتوطى النار عليه.

كبرت يا أمي وعرفت انه كاسات العصير وفناجين للقهوة بنحط فيها ماء اول تنحط في المجلى
كبرت يا أمي وعرفت انه المطبخ مش بس جلي، المطبخ :ارضية وغاز وشباك نظيف.

كبرت يا أمي وعرفت قديش شكل معجون الاسنان في المغسلة بنرفز.

كبرت يا أمي وعرفت أنه قعدة الاطفال على طقم الصالون بتقطع القلب وخصوصا لو كان ماسك كاسة بيبسي.

كبرت يا أمي وعرفت انه الاكل في السرير والكوب على الكومدينة وصحن البزر جنبه بحرقوا الدم.

كبرت يا أمي وعرفت أنه الدعس عالسجاد بشبشب الحمام بتجيب الجلطة.

كبرت يا أمي وعرفت قيمة طقم البورسلان عند كل عزومة

كبرت يا أمي وعرفت معني الحمل والولادة وقيمة الأمومة

كبرت يا أمي وعرفت شوي يعني عشقي لبيتي وزريعتي وكراكيبي

كبرت وكل اللي عملته فيك بشوفه بعيني

كبرت وفهمت قديش تعبتي في حياتك

تحية كبيرة لكل أم

تقبيل-قدم-الام-300x226

عرض التعليقات (86)