صار معي سرطان بعد عرسي ب 3 شهور قصة مؤثرة جدا

65 5٬757

صار معي سرطان بعد عرسي ب 3 شهور قصة مؤثرة جدا
راقت لي ……قصة من المجتمع, هذه القصة مقدمة لكم من قسم المنوعات في زاكي, متابعة ممتعة نرجوها لكم, وننتظر رأيكم في التعليقات.

18952934_446931032331917_2942661905880364632_n (1)

#الحب_الحقيقي

صار معي سرطان بعد عرسي ب 3 شهور،
كنت قول لأمي انه راسي بوجعني ودايخة تقلي يمكن حسد، وبعد العرس قالتلي يمكن من الحمل،
بس اخر مرة وقعت عالأرض ، صحيت لقيت حالي بالمستشفى !
كان وجه امي ما بيتفسر؛ وزوجي واقف عجنب ومو عرفان شو يحكي ….
قلتلن شو في ؟
حكولي هلئ ارتاحي ما فيكي الا كل خير…
ما بعرف كنت تعبانة كثير و مو مركزة بس ما صدقتهم …..
بعد يومين ، اجى زوجي ومسك ايدي، قلي حبيبتي بدي احكيلك شغلة ، تفاقيد ربنا رحمة !
وانا بعرف انك قوية ورح تتحملي، عندك ورم صغير، بتتعالجي وبترجعي مثل اول وأحسن …
انا وقتها انصدمت وصرت ابكي قلتله رح موت صح خلص ما في امل قلي قديش رح عيش ….
قلي لك بلا حكي المسلسلات ما رح تموتي ، بس لازم تبلشي جلسات كيماوي ….
هالكلمة وقعت على راسي مثل الصاروخ!
و فورا خطر ببالي منظري كيف رح يصير، ووجع العلاج، وأكيد زوجي رح يتركني
قلتلو رح تتركني صح !
ضحك وقلي شوجنيتي ما رح اتركك ، ورح اجي استناكي بعد كل جلسة….
بس انا رفضت العلاج؛ قلتله بدي موت هيك ولا اتعذب وموت وانا خسرانة كل شي ورحت عالبيت!
اجت امي لعندي واهلي وكلهم يقنعوني اتعالج ورفضت…
تاني يوم لقيته جاي وحالق شعرو عالصفر
اطلعت في وقلتلو ليشششش بحب شعرك!
قلي خلص هيك بطلتي تحبيني يعني؟
قلتله : لا بحبك …
قلي لكن جهزي حالك للعلاج وفعلاً اقتنعت منه …..
اول جرعة كيماوي، دخلت لحالي عالغرفة، حرقتني حرق، حسيت بنار بتمشي بجسمي، وللحظة شفت الموت، وبعد ما خلصت نمت كثيررررررر !
صحيت لقيتو ماسك ايدي وجنبي ، قلي كيف صرتي ….
عيطت وقلتلو متوجعة …
قلي رح تمشي ….
وصارت حالتي بعد كل جلسة اني صرت اخسر شعري؛ والشغلات الحلوة الي فيي….
بشرتي كانت باهتة كتير وعيوني ذبلانين، كنت اطلع عزوجي بحسرة و قول شو ذنبه يعيش هالحياة معي ….
بعد فترة من العلاج قللتله طلقني،،،، حسيت اني ظالمته معي ، بتذكر وقتها عصب علي وصار يحكيلي حرام عليكي انا مقصر معك بشي !
قلتله لا والله بس انا ظالمتك !
قلي هيك ربنا كاتبلنا ولو انا صار معي هالشي متأكد ما تخليتي عني ضلك قوية !
ثاني يوم كان عندي جلسة، كان في وحدة متزوجة معها سرطان كمان بشوفها قبل الجلسة دائما، كانت تحكيلي كيف زوجها طلقها بعد ما عرف انها مريضة ، وكيف بيت حماها بيعاملوها!
سألتها طيب انتي ما تزوجتي عن حب!
قالتلي حب 4 سنين …
وبعد هالحب تركك لانك مرضتي!
قالتها والحسرة بعيونها، للاسف كان يحب شكلي …..
وقتها زعلت عليها جد، تذكرت كيف زوجي تقدملي بطريقة تقليدية؛ ورفضته، وبعدها رجع تقدملي ورجعت رفضته ، ولحد ما تعرفت علي وارتحتله وافقت علي !
سألت الممرضة عنها، قالتلي عطتك عمرها!
انا وقتها صابني انهيار ما عرفت اتحكم بحالي، صرت عيط وقول اكيد رح موت متلها اجا زوجي لعندي وشافني هيك جن قلي شو في !
قلتله القصة زعلللل كثير وحضني، قلي والله رح تعيشي هلأ كنت عند الدكتور وقلي انك متحسنة كثير !

فتت عالجلسة وطول الوقت وصورة الست للي ماتت براسي؛ يا الله اكيد ماتت من حسرتها، اكيد ماتت وحيدة ولا حدا كان معها !
طلعت بعدها … وضليت فترة مكتئبة كثير، بس زوجي ما قصر ليغيرلي جو، يحسن نفسيتي، يساعدني بكل شي

كنت حابة كل ذرة بحياتي مشانه بس! لانو كان قوتي وقت ضعفي …
فعليا انا انشفيت من هالمرض، وحياتنا رجعت طبيعية وصار عندي بنوتة اليوم سميتها على اسم الست الي شفتها بالمستشفى! بس دائما بقلا اوعك يا ماما تتزوجي واحد حب شكلك وبس، تزوجي واحد حب روحك الحلوة، عقلك الكبير، تفكيرك ،حب فيكي تفاصيلك الحلوه والبشعة!
تزوجي مشان اذا لا سمح الله وقعتي يوقفك وما يتركك ! واذا زعلتي يراضيكي ما يهجرك
طبعا بنتي بتصفن ومو فاهمة شي … بس بتقلي اتزوج واحد مثل بابا !
برد عليها اي متل ابوكي …
تزوجي لانو الزواج استقرار ، تزوجي الشخص الي بدك تقضي كل عمرك معه لو شو ما صار لاي حدا فيكم!
تزوجي الي حب قلبك وروحك مو الي حب شكلك ، واعرفي انه الزواج في ايام حلوة كثير وفي ايام مرة ! بس مع لي بحب روحك كل الزعل رح تنسي …..

لانو اللي بيحبك رح يفرجيكي الحياة الحلوة من خلاله هو وبس

عرض التعليقات (65)