طريقة عمل حلاوة الجبن المحشية بالقشطة‬‎

3 4٬962

طريقة عمل حلاوة الجبن المحشية بالقشطة‬‎, صديقة زاكي المبدعة Iman Sakakini H, تعلمنا طريقة مميزة لتحضير حلاوة الجبن فلنتابع معها.

طريقة عمل حلاوة الجبن المحشية بالقشطة‬‎

المقادير:
2 كوب ماء
3 معالق سكر
معلقة ماء زهر
1 كوب سميد ناعم
3 كبايات و نص جبنة موزوريلا
ازا متوفر عندك جبنة عكاوي بتحليها و بتخلطيها و حليت جبنة مشللة كمان و حطيتها مع الموزريلا اذا غير متوفرة بكفي الموزوريلا.

(القطر :كبايتين سكر و كباية ماء و عصرة حامض)

الطريقة:
– في طنجرة ضعي كبايتين الماء و 3 معالق سكر و معلقة ماء الزهر و بتضيفي فوقهن كباية سميد ناعم, وحركي المزيج وارفعيه على النار.

– و حركيهم بسرعة حتى يجمدوا, ثم ضيفي الجبنة و حركيها و اول ما تدوب الجبنة حركي المعلقة و ارفعيها لفوق ﻻزم الجبنة تمط ما ﻻزم تقطع بسرعة طفي النار.

– جيبي كيس بلاستيك لكي نفرد عليها العجيبة اسهل, حطي عالكيس البلاستيك القليل من القطر و قطعي العجينة ل 3 قطع او 4 و افرديها و هي سخنة ما ﻻزم تكون ﻻ رقيقة و ﻻ سميكة.

– و احشيها قشطة بالطول و لفيها رول و قطعيها و زينيها بالفستق
القشطة ممكن تجيبي جاهز, و ممكن انت تعمليها في طريقتين:

* اول طريقة اغلي الحليب و حطي علبة قشطة و حطي قلب الخبز الفرنجي لحد ما تجمد.

* الطريقة التانية اغلي الحليب و حطي معلقتين خل حتى يفرط صفيها
حطي عالنار كباية حليب مع معلقتين سكر و معلقتين قشطة (قيمر) كبار و معلقتين اكل نشا و عندما يجمدو انتظري خمس دقائق و زيديها فوق الحليب الفارط و خلطيهن مع بعض و حطيهن بالثلاجة ليبردوا و يجمدوا و بعدين استعمليها.

– بتاكليها مع القطر, بمعنى اسقيها بعد حشيها بالقطر.

ملاحظة/
– اللون الاخضر انا ضفت صبغة من عندي اختياري
فردت اول طبقة من اللون اﻻصلي و بعدين الطبقة التانية اللون المصبوغ و بعدين القشطة و لفيها و قصيها.

– و الزهر اﻻحمر اشتريته جاهز من محل الحلويات, و صحة و هنا.

11392882_10205632194178029_1660503392471802064_n

طريقة عمل حلاوة الجبن المحشية بالقشطة‬‎

لمتابعة هذه الوصفة, وللحصول على المزيد من الوصفات المتميزة تابعونا على جروب “زاكي” لفن الطهي:
طريقة عمل حلاوة الجبن المحشية بالقشطة‬‎

عرض التعليقات (3)