طريقة الكشكة المدعبلة مقبلات شامية روووعة
تحرير طريقة الكشكة المدعبلة
مع صديقة زااكي المذهلة و الررائعة Sahera Da
الطريقة
حطي الكشكة يلي حضرتيها بكيس المونه شرط يكون ابيض مافي الوان .
واتركيه بمصفاية وتقليه بتقل حتى تنزل المية من الكشكة وتصبح الكشكةتقريبا ناشفة باستطاعتك تدعبيلها .
ادهني ايدك بزيت الزيتون ودعبلي الكشكة على شكل اقراص صغيرة ولكن يكون حجمها اكا0بر من اللبن المصفى المدعبل
ثم رصيهم بصينية .
انركيهم يوم كامل .
حطيهم بمطربان فيه زيت زيتون .
والف صحة وهنا اصبحت الكشكة الخضرة المدعبلة جاهزة .
عند التقديم .
ضعي كم حبة بالطبق وزينيه بالبقدونس والجوز والبصل وزيت الزيتون .
رووووعه من الاخر تسلم ايدك يا معدله
👍👍👍😋😋😋😋
تسلم ايدك والله شهيتيني ع اكله كشك بس انا بحب اعملها حشوة بالمعجنات بتطلع كتير طيبة
ياعيني تخبللللللللللل💖💖💖
يمي طيبه راح اجربها ان شاء الله
زاكّي🍡💛💚💜
بتشهي الي الامام ان شالله
طيب انا ما فهمت شو هو اللي بنحطوا بالكيس؟
ممكن المكونات مو حاطه الا الطريقه
أبدعتي😉😉
يعني لبنه
أعطينا المكونات
شو هو وشو لمكونات مافهمت شي
نرجو التوضيح
هي نزلت طريقه الكشكه من قبل
اها ….سوري شيف هلا لئيت الوصفة …هي كانت منزلة من قبل طريئة الكشكة الخضرة والناشفة اعملي بحث عن الكشكة بتطلع الوصفة يعطيكي الف عافيه شيف… بس بدي اسأل والناشفة هي اللي بعملها والمعجنات ؟
يعني لبنة جامدة ع شكل كوره بالاردني يسلملي الأردني تشعاشيل بتنحط بزيت زيتون
يسلمو كتيررر الطريقة مزبوطة بس بحب ضيف للوصفة انو بنقدر ننشفها بالشمس 3 ايام وبنطحنها بتصير بودرة وبنطبخهاا بالشتوية وطيبة كتير كتير ♥
لا ميمي اللبنه شي والكشكه شي تاني بتختلف كتير اختي
طيب احكيلي شو هيه الكشكيه
مو عارفها
الكشك هو لبن وبرغل
بينخلط مع بعضو مع ملح وبينحط بالشمس ليجف
بيشبه طريقه الجميد عندكن بس انتو بدون قمح
في ناس قبل ما تجففوا بيعملوا منو الكشكه المدعبله
وناس بعد ماتجففوا بيطحنوا وبيحتفظوا فيه بالفريزر للاستخدام