قصة سكر بنات بقلم سارة الصفدي

47 10٬114

قصة سكر بنات بقلم سارة الصفدي
نقدم لكم هذه القصة المميزة من قسم المنوعات في زاكي
حبيباتي نزلت القصة كاملة بتمنى تعجبكم واعطوني رأيكم فيها لو سمحتو

قصة سكر بنات بقلم سارة الصفدي

(ناري نارين .ناري من جمالو .ناري نارين قلبي ايه جرالو)
قاعدة بالتاكسي وصافنة بالهشوارع وفجأة طلعت هاي الاغنية رجعتني 20 سنة لورا
عم نرقص انا وخواتي 5 بنات ونطير شعراتنا ونتمايل ونحط شال ابيض عراس اختي الكبيرة (عاساس انها العروس) وفجاة تدخل امنا نرمي الشال بسرعة نطفي الراديو ونقعد عالفرشة
امي: انتو لهلا لسااا ما نمتوا يييي الله يكسر خاطرهم اليهود ناموا ناموا بلاش ابوكم يجي ويبهدلكم ويبهدلني معكم بعدين الراديو هاد كم مرة قلت مافي يشتغل بليل اه اه انا بعرف كيف اربيكم رح اخدو وما تشوفوه…
لااااا لااا امي دخيلك ما تاخدي خلص والله لنخبيه بس ما تاخديه مارح نشغلوا دخيلك عفوفة حبيبتي انتي ونطبع بوسة عخد امي وتصير تمسك ضحكتها وتبين انها معصبة بس مابتقدر دخييييييل قلبها الحنونة
امي:طيب مارح اخده بس ناموا وما بدي اسمع همس
احنا: ماشي ..حاضر.امر .تكرمي .عيونا .
يلا تصبحوا عخير
وكلنا بصوت واحد زي كأنه بالمدرسة( تلاقي الخير ست الكل )😂
ومن تطلع امي من الغرفة نضحك كلنا عالهسي نفرش الفرشات الخمسة وننام جمب بعض ايوا وتبلش كل وحدة تحكي المواقف اللي مرت معها باليوم لحد ما ننعس وننام اخخخخ عهديك الايام شو حلوة
نحن 5 بنات ما بينا كتير بالعمر كل وحدة والتانية بينها سنة امي كرجتنا كرج بسموها (ام البنات )كان نفسها تجيب صبي بس الله ما راد
تيتا ام بابا الله يسامحها كانت دايما تعبي راسه وتقلوا لازم تتجوز وتجيب صبي يحمل اسمك بس بابا كان بعقشها لماما ومستحيل يعمل هيك حبهم كان نادر وقوي بس من كتر تعباية راسه من ستي كان يجي يفش خلقه فينا نحن ال5 وكان قاسي بالمعاملة معنا بما انه ماعنا اخ سند لالنا كان بدو يانا نطلع قواية وعن مية زلمة وستي قد ما كانت تحكيله البنات همهم للممات والبنات الا ما يجيبو عار بيوم من الايام .البنات بنزلوا الراس ربيهم منيح خليك فوق راسهم ما تخليهم يدورو عحل شعرهم كاان ابي بعدها مايخلينا نعتب باب البيت الا معه او مع امي وبعد الف ترجاي
صحيح ماعرفتكم علينا نحن ال5 (سلمى19 ..سدين18 ..سوار17 ..سهر 16…واخيرا انا15 نورسين ) اكيد مستغربين ليش اسمي بحرف النون غير عن كل خواتي انا كانوا رح يسموني بحرف السين برضو بس الدكتور سماني مابعرف ليش الدكتور اول ما شافني قال لامي اجتك قمر وقالها هالبنت غير عن كل شفتهم ممكن اسميها انا طبعا ابي قالو اه سميها شو حابب قالو نورسين ومعناها ضوء القمر وهاي هي حكاية اسمي 😂
كتبت اعمارنا قبل 20سنة انا وخواتي كنا صبايا باول طلعتنا والعين علينا كترت مع انه امي كانوا يعايروها انها ام البنات بس كانت تفتخر انه بناتها احلى بنات بالعيلة كنا متميزين كلنا بعيون امي الوواسعين والمكحلين الخضر والباقي الملامح متقسمين بين ابي وامي الا انا فكنت نسخة عن امي وخالتي اه صحيح امي الها توأم (عفاف ورباب ) ماخدة عيون امي وتقاطيعها وشعراتها بس انا كنت سمرا عيوني خضر وواسعين ومكحلين سماري تمي الصغير وانفي المرسوم وغمازتي كانوا كفيلات بانهم يطيروا العقل
نحن ال4 بدون اختي سلمى الكبيرة لانها خلصت توجيهي وقعدت بالبيت من كتر خوف بابا كمان ما خلاها تكمل جامعة لانه عقولة ستي كلها حكي فاضي وصياعة 😒 سدين وسوار وسهر وانا كنا كل يوم نروح عالمدرسة عالساعة 6 نصحى نعمل شعراتنا جدولة ونعمل فطور ونلبس المرايل ونجهز حالنا كان الجو الصبح عنا صاخب ومعجوق هاي بدور عكندرتها وهاي كتابها وهاي وين بكلتي وهاي مع مين المشط وهيك نقضيها صياح وفوضة وبعد ما نجهز امورنا منطلع بعد ما نبوس ايد ابي وامي وما منتخلى عنصائح ابي الحنون عيونك بالارض وازا حدا حكى معك بتضلك ماشية من البيت للمدرسة ومن المدرسة للبيت حتى عالدكانة ما تفوتو ضحك مابدي توزيع ابتسامات مابدي وديرو بالكم عحالكم مفهوم ….مفهوووم كابتن …برغم قساوتوا من لما نحكيله هيك بصير يضحك 😂وبمسك الصحن وبحكي ازا مارحتو هلا من وجهي برمي هاد عليكم وما بتعدي ثانية الا وكلنا طايرين طبعا نصائح ابي مو كلها بتتنفذ كنا نمشي ونضحك ونعمل بلاوي لحدا ما نوصل عالمدرسة كل وحدة منا بتروح لعند صحباتها ومنقضي اليوم عادي وبالرواح منلتقي مع بعض عند العلم ومنروح مع بعض هاد كان الروتين اليومي لالنا لحد ما صارت القصة مع اختي سدين
اللي كانت عم تتغير بتحكيلنا سبقوني عند ابو محمد الخضرجي واستنوني هناك انا بدي امشي مع صحباتي وكنا نعمل هيك سدين صاحبت بنات جداد ابدا مناح وحذرناها منهم اكتر من مرة انهم شكلهم صايعين ومو من توبنا بس اختي كان راسها متل الحيط وما بتسمع لحدا ابدا وطبعا لما يجي وقت الاعترافات الليلية كانت تحكي شويصير معها بس من لما تعرفت عليهم وهي بطلت تنطق بحرف ودايما ما علسانها غير ما عملت شي زي دايما كنا نستغرب لانه سدين ام المغامرات وحتى سلمى بلشت تحس هالتغيير اللي صار لسدين وصارت دايما تسالني بما انه انا الاذاعة الاخبارية لخواتي كنت انقل كل الاخبار لاختي سلمى اول باول😆اسم الله علي…… .يتبع
#الجزء الثاني
يوم الجمعة كان يوم مميز عنا هاد اليوم هو يوم زيارة عيلة امي كنا نطييير من الفرح منلتقي كلنا عند دار جدي من الصبح منفطر ومنتغدا ومنعشى مع بعض واحيانا منام عندهم كان عنا خالتين وخال واحد طبعا توأم امي رباب وخالتي اللي اكبر منهم سعاد وخالي اكبر شي محمد خالتي توأم امي عكس امي كانت( ام الصبيان ونفسها ببنت كان عندها 4 شباب وخالتي سعاد كان عندها 3 بنات وولدين بناتها بحبهم كتير زينة نفس عمري واختها الاكبر مريم قد اختي سوار واصغر شي ليان يسعد قلبها عمرها 3 سنوات وشبين احمد 24 وامجد 19 كنت ما بطيقوا ابدا ..خالي الله ما اككرموا بولاد وحاولوا كتير هو ومرتوا بس للاسف مافي امل مرتوا كتيير طيبة وحنونة وكانت حتدورلوا ععروس بس هو رفض من حبه الها مابدو اي اشي الا يكون معها ومعه حق لانها مرة بتتقل بالدهب زي مابقولوا
هيك كنا نجتمع الصبايا بقعدو مع بعض والشباب مع بعض والنسوان مع بعض ….وهيك لحد ماشفت شي غريب وبلش الفار يلعب بعبي سدين وامجد نظراتهم لبعض موو طبيعية كل شوي يجي ويطلب طلب وهي تقوم وتعملوا اللي بدو اياه وتوزيع ابتسامات وهالقصص ما تحملت امسكت سدين من ايدها ودخلتها عالغرفة وبلشت استفساراتي وهون سدين ما قدرت توقف قدامي برغم صغر سني الا انهم كانوا يخافوا مني لاني ام لسان😛😛..المهم حكتلي سدين كلشي انه امجد كان يعرف وحدة من هدول البنات اللي تعرفت عليهم وكانوا مجرد اصدقاء وهو حكالها انه بحب سدين وهي اجت صاحبتها وحكتلها وهيك صارت تحكي مع امجد وتشوفوا قدام المدرسة طبعا طار عقلي لانه لو هالحكي ازا وصل لابي فيو قطع رووس 😆 سكرت عالموضوع بلا ما حدا يسمعنا بس ضليت فكر وفكر امجد انسان مش مسؤول معروف انه صايع ومن بنت لبنت وحتى امه دايما بتشكي منه ومن اخلاقه السيئة على عكس اخوه احمد اللي كان الكل بشهد باخلاقه وبأدبه قاطع افكاري صوت لؤي ابن خالتو رباب لؤي نمرة 2 عمره 20 قالي شو مالك ام لسان قلتله ولا شي كان دايما بحب يتزانخ معي مع انه بابا كان دايما يحكيلنا انتو بطلتوا صغار وما تاخدو وتعطوا كتير مع ولاد خالاتكم افضل برغم انهم زي اخواني بس معه حق هي سدين وامجد صارو اكتر من اخوان …كل القعدة ضحك وهبل والكل بحكي وانا مو هون انا عم بفكر باختي خايفة كتير عليها سدين بنت طيبة وهشة كتير اضعف وحدة فينا حساسة كتير بنت حلوة وطيبة بحس انه في كتير ناس بدهم يستغلوها ولو ما نحن دايما واقفين جمبها كان تاكل حقها من زمان ….مر هاليوم ورجعنا لدوام المدارس ونفس الروتين اليومي وسدين كل يوم تشوف امجد طبعا كل خواتي عرفوا بقصتها ورجعت تحكيلنا كل تفاصيل يومها كل ليلة بدون اسرار وبدون ما نخبي عبعض كانت بتحكيلنا عن امجد وصفاته شو جبلها هدايا شو حكا شو عمل انا وقت اسمع هالحكي اتخيل امجد تاني غير اللي منعرفه امجد اللي بدها اياه اختي واللي بخيالها واللي بتشوفوا بعينها مو امجد ابن خالتنا الصايع الهامل …اجى يوم وطلب امجد يطلع مع سدين للحديقة طبعا صارت تترجى فيي لنقنع امي ونحكيلها انه بدنا نروح عالمكتبة ضروري وبعد الف ترجاي وافقت ورحت انا وياها بسرعة قبل ما بابا يرجع من الشغل ويحس ..قعدو امجد وسدين جمب بعض زي العشاق وانا لحالي عمقعد تاني كانوا يحكوا ومبسوطين لحد ما شفته مسك ايدها جن جنوووني قمت وعصبت واخدتها وروحنا وبلبيت اختي عصبت علي ليييش هيك عملتي قلتلها لانه عييب وزودتوها قالتلي مادخلك فصعونة زيك تعلمني الصح من الغلط ضربتها كف وهي ضربتني وشدينا شعر بعض لحد ما اجت امي وفكتنا وقالت زي الصغار انتو كيف رح اجوزكم اه قال صبايا قال بعد شي ساعة من لما هدينا رحنا بوسنا بعض واعتذرنا انا وخواتي مستحيل نزعل من بعض كتير ….تاني يوم سدين كانت عاملة خطة انه تروح هي وصحبيتها ويهربوا من المدرسة نهار وتشوف امجد طبعا حكتلنا قلبي كان كتيير قلقان عليها بس هدتنا وقالتلنا ما تخافوا معي رفيقتي وامجد ابن خالتي مستحيل يأذيني ….اخخخ مستحيل مستحيل😔 الطعنة من القريب بتدبح زي ما بحكو
راحت اختي وبهداك اليوم اللي بندم لهلا اني ما وقفتها عند حدها وما سمعت كلامها مو بس انا انا واخواتي الاربعة راحت اختي وفقدت اغلى اشي عند البنت 😔
رجعت اختي عالمدرسة زي ما اتفقنا بس بوجه غيير وجه اصفر شاحب بكيانة لقالت بس وجسمها باأاارد وبترجف وطول الطريق منسالها مالك ماردت اختي ضلت اسبوع كامل بالبيت زي الميتة ما بتحكي ولا كلمة بس بتبكي وبتصلي وبتستغفر وبعد محاولات فاشلة من كل خواتي ليفهموا السبب انا عرفته قعدت معها بالليل وحطيتها بحضني وحكتلي كلشيي برغم اني اصغر وحدة بس عقلي بوزن بلد ابن خالتي قريبنا اللي مستحيل ياذيها اغتصبها ايوا اغتصبها بعد ما سمعنا هالحكي طبعا حكينا لاختي سلمى وهي طلعت بالحل انه لازم يتجوزها حكينا مع امجد كتير ومابرد لحد ما اجى يوم الجمعة كالعادة جمعت العيلة شفنا امجد طبعا سدين ما قدرت ترفع عيونها قررت اختي سلمى تحاكيه والاشي اللي ما كاااان حدا منا بتوقعه انه امجد ….يتبع

#الجزء التالت
امجد يا عزيزاتي انكر كل اشي وبكل وقااحة وجرئة حكى ما دخلني واختك اجت برضاها وبعدين انا شو بعرفني انها مش عاملة هالحركات مع اكتر من واحد اختك فلتانة هي وصحباتها هالاشكال ما خصني فيهم سدين كان فيها عقل وطار صاارت تصرخ وتبكي بشكل هستيري وتضرب فيه دفشها وقالها ما تلمسيني يا وسخة انا وسلمى دخلنا بحالة صدمة مع انه هالوسخ كنت متوقعة منه كل اشي الا انه يعمل هيك طب ما حسب حساب لخالته شو هالوساخة رحت وضربتوا كف من كل قلبي عصب حمرو عيونوا بخوف كتير بس انا لما يوصل الموضوع لخواتي خط احمر مافي قوة بالكون بتخليني اسكت ونحن عم نصرخ ونحكي معه اتفاجئنا بحدا سمع كل الكلااام وتقريبا مابدها تنين يحكوا فيها فهم القصة وهالحدا كااان…اخوه احمد دخل وضرب اخوه كف حامي صوته مسموع وقاله ازا ما بتصلح غلطتك رح نرميك زي الكلب بالشارع هاد ازا ما قتلناك وانا رح اشهد مع بنات خالتي امجد كان يخاف من احمد لانه كلمته مسموعة وحبيب ابوه وهو انسان مثقف ومحترم وراقي وغصبن عن الكل اللي بتعامل معه بحترمه امجد ضل سااكت وكان رح يبكي زي الاطفال كمان شوي حتى حرام احكي زي الاطفال لانه شيطان وسخ لا يملك ولا نقطة من براءة الاطفال بعد اسبوع بالزبط اجو دار خالتي وخالتي طايرة من الفرح لانه من زمان نفسها تجوز لولادها وحدة منا وطلبوا ايد سدين بابا استغرب انه لسا بتدرس بس مو مهم بما انه مارح تكمل جامعة ورح تقعد بالبيت زي سلمى بابا دقر شوي ومو بس شوي كتير صار يحكي نحن ما بنفع انجوز الصغيرة قبل الكبيرة انا اسف بس تتجوز سلمى منجوز سدين بس خلص ازا بدكم احجزوها وبالفعل حجزوها من هون لتخطب سلمى بعد باسبوع بلشت سدين تستفرغ وتدوخ كتيير وبعد الاستفتاءات والاجراءات اللي عملناها اكتشفنا انها حامل خفنا كتير ينكشف الموضوع حكينا لاحمد وامجد وطبعا زي دائما يوم الجمعة لما اجتمعنا قعدنا نفكر بحل لحتى بابا يوافق عالجواز بشكل سريع وبعد تفكير مطول نط احمد ليفجر قنبلة على مسامعنا قاال انا رح اخطب سلمى 😮 هو حل ذكي الصراحة وما قدامنا غيره بس سلمى شو ذنبها تعيش مع واحد مابحبها ومو مفكر فيها وممكن يتجوز عليها يعني بالاخير ما حتروح الا عليها بس سلمى طيبتها وحنانها وتضحيتها كانوا اكبر من هيك وعشان اختها واقفت وبدون طول انتظار تاني يوم بالزبط اجو وطلبوا سلمى لاحمد هالتنين مافي اطيب من قلبهم بضحوا كتير عشان اللي بحبوهم وزي مابحكو الطيبون للطيبات وكنت متاكدة وعندي امل انه حيكونوا احلى ثنائي .. تمت خطوبة سلمى واحمد وقررو يعملوها قصيرة عشان سدين وبعدها دغري خطبت سدين وبرضو سلمى ما خطبت الا اسبوعين واتجوزت عشان سدين وسدين نفس الشي عملوا عرسهم بيوم واحد هاد اليوم اجتمعنا في كعيلة وحدة وفرحنا وانبسطنا بس كل واحد من العرسان كان براسه قصة وكان بقلبو حكي راحو العرسان كل واحد عغرفته سلمى واحمد كان متفقين انه الزواج يكون صوري من هون ل6 شهور ويشوف كل واحد حياته بعدها دخلو عالغرفة غيرو اواعيهم وكل واحد اخد جنب من التخت وناموا وهو بفكر انه ظلم سلمى وسلمى بتفكر انها ظلمت احمد معاها وهم التنين ما بعرفوا انه في اعجاب متبادل بينهم …..بالغرفة اللي قبال غرفة سلمى واحمد امجد وسدين واللي كان مصدق حاله وجاي يعمل عريس وبدو يرضي رغباته المقرفة ويقرب عليها زي الوحش وقفته عند حده وقالتله حامل بلاش يصير اشي للبيبي بعد عنها وهو عامل حاله قرفان (بقرف بلد)
وقلها انخمدي الكتاب مبين من عنوانه نامت اختي ودموعها شلال عخدها بعد ما اكتشفت حقيقته ومات هداك الشب اللي بتحبه اللي كان بخيالها ….مرت اشهر سلمى واحمد زي الاخوان والاحترام والاعجاب متبادل كان يخاف عليها كتير وهي ترضيه وتقوم بواجباتها كاملة ومبسوطين مع بعض وكل واحد بقلبوا مابدو يترك التاني بس بكابرو وما اعترفوا لبعض باشي …اما عن حياة سدين فكانت اهانة وضرب وقلة احترام ودايما بكى بطنها بلش يكبر والكل عرف انها حامل طبعا نقصناها شهر جوزها برجع لاخر الليل هاد غير العادة السيئة اللي ما تركها الحكي مع البنات بس سدين ما كانت فارقة معها كاانت تكرهوا كتتيبير واحيانا تتمنى موتوا من المعاملة الزفت لالها اتغيرت سدين كتير هالنذل خلاها تكبر 10 سنين برغم حلاوتها السواد تحت عيونها من التعب بلش يبين بطلت تهتم بحالها ودايما حزينة بعكس سلمى اللي كانت عم تصغر وتحلو سبحان الله …..طبعا انا وخواتي سوار وسهر كنا بهاي الفترة نفس الروتين نروح ونيجي مع بعض عالمدرسة كان في شي بقلبي عم يكبر ويكبر وهو حبي للدراسة كل ما تخلص سنة احس انه مابدي خايفة خايفة اوصل للتوجيهي وابطل بدي اكمل مابدي اعيش زي خواتي واتجوز ما بدي تقتصر احلامي على عريس ورجال يتزوجني بدي اكون حلم كل رجال بعقلي وفهمي بدي اكون شخص مهم اله كيانه بساعد الناس خلص مابدي اغسل واكوي واجلي وانضف بدي اشتغل مابدي ضل خايفة جوزي يتجوز علي او يطلقني واصفى لحالي وبدون سند بدي اكون سند لحالي بدي ابني حالي لحالي كانت هاي كل طموحي وافكاري
#الجزء الرابع
عم بكبر وبكبر حلمي وطموحي وبزيد اصراري لحتى اكمل تعليمي …اختي سوار اتجوزت ابن عمنا وسهر بتستنى كل يوم بيجيها عرسان وابن خالتو رباب سامي حاطت عينو عليها بس بستنى تتحسن اوضاعه شوي طبعا ما تخافو بس هو غير تماما عن امجد ضريب يخلع نيعه امجد ..اما عن سدين فهي صار عندها بنوتة متل القمر سبب قوتها واصرارها لتعيش بالهحياة صار الها هدف تعيش مشانه اما سلمى فاعترفت لاحمد بمشاعرها بعد الحادث اللي صار معه احيانا لما نحس حالنا رح نفقد اشخاص منحبهم منطر نحكيلهم مشاعرهم ونستعين بكل كلمة لحتى نخليهم معنا ..فلااش بااك ليوم الحادث
سلمى: الو اه انا مرتوا مبن حضرتك
…..: استاز احمد عمل حادث وهو هلا بالمستشفى
سلمى :شووووووو شو بتحكي (انهااارت سلمى بالبكاء وراحت عالمستشفى كلنا رحنا يومها لانه احمد شخص بنخاف انه نفقده
سلمى:دكتوور كيف وضعه طمني 😭
الدكتور : بالعناية المشددة حالته خطيرة ممنوع حد يدخل عندو
سلمى :الله يخليك دخلني انا مرته بترجاااك بترجااك
طيب بس انتي ادخلي
دخلت سلمى وقعدة جمب احمد مسكت ايده ودموعها بنزلوا بدون وعي مارح اتركك انا كتير بحبك ازا صرلك اشي بمووت انت سبب عيشتي بالهحياة انت مليت حياتي وعبيت الفراغ انا كل حياتي قوم منشان الله قوم وصير قوي انا من دونك ضعيفة
فتح احمد عيونوا ليشوف حبيبة قلبه ومن بين هالاجهزة حاول يحكي بس صوته ما كان مسموع نادت الدكتور وهيك بلش احمد يتحسن يوم ورا التاني لحد ما نطقها وقالها بحبك ومارح اطلقك لانه انا حياتي مو حلوة بدونك وبعد ما تعافى احمد وطلع من المشفى بليلة من الليالي صارو زوج وزوجة بكل معنى الكلمة (وما الكم دخل بالتفاصيل 😒😂هع )
وهيك اختي سلمى حملت وسقطت للاسف ردت حملت مرة تانية بولد وعم تستنى ولادتها بفارغ الصبر ….
بقيت انا يا حلوين انا الهدف الرئيسي لباقي شباب العيلة 🙃 نعم يا سادة اتخيلو معي هلا يووم الخمييس يوم اجتماع عيلة ابي ابوي بالنص عمتي صبحية فوق راسه بنتك ماااا لازم اطير لحدا غريب بدي اياها لابني بتروح صبحية بتيجي عمتي التانية فتحية اسم الله عليه حبيب قلبي اسعد عم بشتغل وشرا بيت وسيارة مو ناقصه غير عروس حلوة والله يا اخي نفسي ما ابعد واخد بنتك مهي زي بنتي برضوا 😛 بتروح فتحية بتيجي ستي 😒😒 شو رايك انت واخوك تصيرو عيلة وحدة 😮يما منحن عيلة ولا شو نحن ؟ ولك لاااااا قصدي اكتر تعطي بنتك لابنه محمد الكبير الله يرضى عليه شو مرضى والضفر ما بطلع من اللحم والدم مابصير مي شو رأيك يما ….
وهيييك كانوا كل جمعة عيلة يقرفوا ابي بحياته لحتى صار يتحجج كل مرة ومايروح 😥
وانا مبسوطة من هاد الاشي حتى ما اخد حدا واكمل تعليمي مرقت السنيين وصرت توجيهي هون زاد التوتر علي والعرسان كترو ما ضل غيري كل خواتي اتجوزو يااااربي تساعدني وما اتجوز ….
كنت دايما اقنع بابا بفكرة انه يخللني وانه انا اضل اخدمهم بعيوني وماضل غير اخر النعقود وارقق قلبه علي واعمله اللي بدو اياه بس ما يجوزني لحد ما اجى سعيد النصبة 😒 مواصفاته كاملة عجب ابوي
ابوي قال خلص انا حاسس انه نصيبك (تحسش يابا ارجووك تحسش 😣😣الهي يطلع فيه علل الدنيا الهي يصيبه شلل اطفال بس ما يتجوزني )
انقلبت ايامي لجحيم كانت امتحانات التوجيهي النهائية
لما صرت اروح عجمعات العيلة قلبت بنت تانية الكل يضحكو ويلعبو والولاد الصغار مبسوطين وانا احط ايدي عخدي وهمي بقلبي واللي فيني مكفيني
اجى لؤي كالعادة يتزانخ علي برغم انه كبر وصار مهندس وبشتغل ودنجوان زمانه الا انه الزناخة اللي فيه ما بتتغير 😆تقيل دم حبيب قلبي 😅 حكالي مالك بعد محاولات فاشلة بالتنغيش وانه يضحكني هيك فجأة كأنه كنت مستنية حدا يقولي مالك كرجت الحكي كرجة وحدة وحكييت كلشي صفن فيي ولاول مرة بحياتي بحس لؤي جدي هيك حكالي نورسين (بعدين بالعادة بحكي اسمي باختصار يعني بس نور بس هالمرة كامل🤔) حكتله نعم وانا قرفانة ..

تتجوزيني

يما

شو

ما استوعبت

تتجوزيني انا وبكملك تعليمك انا معجب فيكي من ونحن صغار واللي بدك اياه بصير
مابعرف يومها شو صرلي بس قلبت بنت وقلبي دق ومن هالقصص يعني بخجل احكيها 😜
وبدون مقدمات وافقت عشان دراستي يعني مش تفكرو اشي تاني 😅😂
صراحة كنت معجبة بزناخته ونغاشته بس خلوها بالقلب تجرح ولا تطلع وتفضح
بعد اسبوع لما فتح الموضوع مع اهله طبعا امه طاااارت لاني كنت اقرب وحدة من خواتي لالها بحكم الشبه الكبير بيناتنا سواء بالشكل او الشخصية
اجو وطلبوا ايدي رحنا شرينا المحابس وطبعا ايامي ما بتكمل بدون نغاشته وفصوله الناقصة يوم ماشرينا المحابس حكالي ما معي مصاري معك بس عبين اخر شهر طبعا انجلطت انا انا حق سندويشة شاورما ما معي 😭ترققت الدموع في عيني وفجأة هالقرد طال المصاري دفع وصار يضحك يزلمة ينعن ابو نغااشتك 😒بس مع هيك بحبك 😗 عملنا خطبة بتجنن وقبل العرس باسبوع طلعت نتائج التوجيهي ناجحة بمعدل 97 كانت صدمة للكل مابعرفوني شاطرة 😜 …يتبع
#الجزء الخامس والنهاية
اجى موعد عرسي وبنفس الوقت حفلة تخرجي من التوجيهي كاانت احلى ليلة بحياتي لبست الفستان الابيض وفوقه روب التخرج غنييت ورقصت لحتى قلت بس رجعنا عالغرفة واتعشينا لؤي نزل يشوف اشي من الريسبشن بالفندق رجع لقاني نايمة …طبعا حملني جميلة هالموضوع لسنة وانا هاتي افهمه انه والله من التعب نمت والله 😣 مو مهم …طلعلي تخصص بالجامعة طب طبعا طار عقلي وبلشت رحلتي مع الدراسة وبالصدفة يااا حزركم مين كاان اللي يدرسنني بالجاامعة 🤔 ايواااا اللي حزرت الها شوكلاتة الدكتور اللي سماني نورسين وحبه الي ضل
لهلا وصار يراعيني بالعلامات 😜 كملت دراستي وحاولت قدر الامكان ما احمل عشان ما اتعب بس خلص الله راد وحملت ببناتي ريم وريما وحملت ومرت علي ايام اعيط من كتر التعب بالحمل والدراسة بس الله يرضى عليه لؤي ما تركني الله عوضني فيه عن الدنيا كلها ساعدني كتير خلفت بناتي طبعا اجلت الدراسة شوي لحد ماصار عمرهم سنة كنت احطهم وحدة عند امي والتانية عند خالتي ومرات مع بعض يجيو التنتين عندي حماتي وامي كتير ساعدوني وما بنسى فضلهم كملت تعليمي واتخرجت وبعدها قررت اقعد مع بناتي حرام وبس يكبروا شوي بشتغل وبعد ما كبرو اشتغلت سنتين وحملت بابني معن واخدت اجازة من هوون لكبر يعني لهلا وناوية ارجع اشتغل بس استقر شوي هاد اول يوم مدرسة لمعن وصلتو عالروضة ورحت اشرب فنجان قهوة انا وخواتي طبعا بتسالوا حالكم شو صار بخواتي (سلمى صار عندها 4 ولاد ومبسوطة كتير الحمدلله ..سدين بنت وحدة ماجابت غيرها بسبب معاملة جوزها اللي ما تغيرت وبدها تطلب الطلاق ..سوار 3 ولاد وسهر 3 كمان وانا 3 🤗) وصلت عبيتنا دقيت الباب كان صوتهم طالع لبرا كالعادة ومن نحن صغار وصوت بيتنا طالع لبرا دخلت سلمت و شغلت الراديو على اغنية ناري نارين وبلشنا رقص زي زمان وعيون ابي وامي وفرحتهم فينا ما بتنوصف رحت لعند بابا وبسته من جبينه ..بشو بفكر الغالي؟ اطلع علي بنظرة كلها فرح وقال 😂كانوا يحكو هم البنات للممات وانا بحكي البيت بدون بنات متل الغابة بدون نبات …..
النهاية
#سارة_الصفدي_بقلمي

عرض التعليقات (47)