قصة عريس الغفلة الحلقة الثانية

58 8٬215

قصة عريس الغفلة الحلقة الثانية
#
عريس_الغفلة_بقلم_حنين_طه

الحلقة الثانية ( تاني عريس)
تأتيكم هذه القصة من قسم المنوعات في زاكي

وتستمر المعانااااااااة
مروة ( ها هي خالتي سناء هون شو خالتي انتي ما بيلحق يغيب راسك الا بطلو اجريكي)
سناء( ام لسان اسكتي والله ما بعرف على مين طالعة اختي الله يرحمها كان الها تم ياكل ما الها تم يحكي )
مروة ( بحكو اني طالعة عليكي
طيب خلص خلص لا تعصبي وينها ستي )
سناء( تحت بتفاصل ابو عامر تبع الخردة على كم غرض بدها تبيعهم
تعالي شوفي زوجي شو جابلي )
مروة ( شو هاد موبايل يا عمي ما حدا قدك بس خالتي ليش خلتيه يجيب سامسونج كان خليته يجبلك نوكيا 3310 احدث واجدد وبعتت رسائل كاملة مو متل هاد بظل يكتب جزء من النص مفقود )
سناء( الي منه احسن منه تعالي علميني عليه )
مروة ( خالتي صرت معلمتك الف مرة جننتيني ليش بتظلك تبعتي مسجات فاضية هلا بيخصمو عليكي رصيد حق الرسالة 3 قروش )
مروة ( طيب خدي خدي ابعتيلي رسائل لكل سلفاتي بدي اياهم يعرفو انه زوجي جبلي موبايل يلا
هي ارقامهم عندك عالورقة هون رايحة اعمل كاسة شاي وراجعة )

مسكت هالورقة وكتبت مسج لسلفة خالتي ( كيفك يا حلو احزر مين انا ) قلت خليني اتسلى فيها شوي
( يييييب خربطت برقم يا ربي لا تبعت لا تبعت والله خالتي هلا لتعلق مشنقتي قلتلها خليه يجبلك نوكيا يا مسترخص اللحم عند المرق تندم
يييييي هاد برن شو اعمل احسن ايشي افوت عالغرفة جوا وارد )

مروة( الو السلام عليكم )
تيسير ( وعليكم السلام والاكرام حضرتك بعتيلي رسالة وانا ما بعرفك مين معي )
مروة ( ااه وانا كمان ما بعرفك بالغلط بعتها )
تيسير ( مو مشكلة بنتعرف انا تيسير )
مروة ( شو نتعرف ما نتعرف استحي البيوت الها ابوابها وهاد الرقم اوعى ترجع ترن عليه )

سكرت الخط وانا برجف ( الله لا يوفقه ما بينعطو عين احسن ايشي اروح اشوف ستي وخالتي شو بيعملو )
مروة ( ستي اجيتي شو بعتيهم للخرديات )
ام جاسر ( اه بعتهم يا ستي شلتهم من خلقتي الله يسترنا من سيدك بس يجي ويعرف اني بعتهم بدون ما احكيله )
مروة ( وشو عم تعملو انا جوعانة )
ام جاسر ( يلا يا ستي هانت هلا بروح سيدك وبنتغدى كلنا سوا )
مروة ( هي الباب بدق هاد اكيد سيدي)

مروة( خالتي ام مصطفى هو انتي )
ام مصطفى ( بس ما اكون اجيت بوقت مو مناسب )
مروة ( يا خالتي انتي مش مقصرة بتيجي بكل الاوقات تفضلي هي ستي وخالتي جوا بالمطبخ
شو هاد الي بايدك )
ام مصطفى ( هدول زيتاتي ستك حكتلي انه اليوم بدها تعمل صابون حكيت لحالي اجي اعمل صابونتي معها )

ام جاسر ( اهلا اهلا يا ام مصطفى فوتي فوتي هلا بلشنا تعالي ساعدينا )
مروة ( يا ستي مطولة والله فرطت جوع )
ام جاسر ( طولي بالك يا ستي شوي بخلص )

خلصت ستي وضبينا البيت بسرعة وفرشنا للغدا وقعدنا نتغدى وطبعا خالتي ام مصطفى معنا ما بتحب تضيع عحالها ايشي
ام مصطفى ( يسلم ايديكي يا ام جاير هاللوبيات بشهو )
سناء( كأنه تلفوني برن بدي اروح اشوفه )
مروة ( خليكي خليكي يا خالتي انا بروح اشوفه اصلا انا شبعت )
ام جاسر ( وينتا شبعتي صرلك ساعة رايحة جاي بدك تتغدي هلا شبعتي )
مروة ( اه اه يا ستي شبعت )
دخلت عالغرفة واول ما مسكت التلفون كانت خالتي سناء فوق راسي ( اي اي داني يا خالتي )
سناء( اذا انا ما بدي اعرفلك شو مخبية عني سوسة )
مروة ( طيب اتركي ذاني والله سحبتيها بايدك
انتي لما اعطيتني التلفون بعتت لسلفتك رسالة وخربطت برقم مش ماخدة ايدي عليه لهاد والمهم وصلت الرسالة لتيسير وحكى معي بس والله انا لما رديت عليه قلتله السلام عليكم حتى اورجيه اني مو شغل هيك وهيك )
سناء( لا متدينة ما شاء الله انتي ما بتنتركي لحالك خمس دقايق
هلا المهم الشب صار رانن اكتر من عشر مرات قال عجبه صوتك الطفولي دخل لقلبه عن طريق الشريان الابهر ودخل لعقله عن طريق المخيخ وقال بده يجي يتقدملك بس نعطيه العنوان )
مروة ( عن جد خالتي الله يسعدك الحمد لله )
سناء( وهدول الجوز الي برا شو بدنا نحكيلهم من وين عرفناه )
مروة ( دبريها خالتي الله يوفقك )
سناء( هيني طالعة اشوفلي كذبة اكذبها وانتي لا تطولي والحقيني )
طلعت خالتي وانا لحقتها سمعتها بتحكي لستي انه شافت امه للشب بعيادة الدكتور وسألتها عن عرايس وهي دلت علي وهون ستي بلشت بالموشح تبع الدوعاي لكن بالنهاية استسلمت للامر الواقع
حكت خالتي مع تيسير وخبرته تاني يوم يكون عنا
مروة ( بتعرفي يا خالتي اذا صار نصيب بدي اشتريلك تلفون عحسابي ويكون اله كاميرا كمان
بتعرفي يا خالتي حاسسته رح يكون شبه جمال سليمان طول وعرض وسمار غير شكل )
سناء( ان شاء الله بكرة بنشوف هلا المهم شلتي الصبرة المرة من الخزانة )
مروة ( كبيتها بالزبالة لا تخافي علي طول عمري حدقة هالمرة ما رح يقدرو ستي وسيدي يعملو ايشي )
سناء( ان شاء الله )

تاني يوم صبحت من الصبح انظف واليف واتشعبط عالحيطان بده يجي تيسير والله هو شكله من اسمه في تيسير وستي وسيدي بالغرفة وخالتي سناء راحت عبيتها وقالتلنا بترجع المسا

في الغرفة
ام جاسر ( شو يا ابو جاسر قصته للكعب )
ابو جاسر ( اه اه خليت الكندرجي يخليلها كعب اطول من كعب بس انتي متاكدة انها رح تلبس هالصندل هاد)
ام جاسر ( اه اه بتحب تلبسه كل ما بيجي عريس عشان تطول شوي يلا يلا نطلع هلا بوصلو الجماعة )

خلصت تنظيف ورحت تحممت ورحت البس كانت خالتي جايبتلي معها بلوزة حمرا وتنورة سودا قال عشان ابينله انه عندي رومانسية
وبلشت تدهنلي بهالمكياج وتكتر من هالبودرة
يعني لو حدا نفضني بتتطاير البودرة بوجهه
وبعد شوي سمعنا صوت الباب بدق والجماعة وصلو

في الصالة
ام جاسر ( اهلا وسهلا فيكم شو اسمك انت يا ابني )
تيسير ( انا اسمي تيسير )
ام جاسر ( الله يجعل كل ايامك ميسرة يا رب
تحكي انت ولا احكي انا با ابو جاسر )
ابو جاسر ( احكي انتي انا ما الي قلب احكي )
ام جاسر ( هو الصراحة بنت بنتي معها خلع ولادة من وهي صغيرة بس احنا ما بنحب نبينلها هاد الشي واحنا يا ابني مش حابين نخدعكم حتى هلا بس تيجي بتشوف بعينك )
تيسير ( اه كيف يعني )
ابو جاسر ( هلا بتشوف بعينك بس لا تحكي انه حكينالك حرام بينكسر خاطرها )

طلعت خالتي سناء وقفت ورا الباب تطلع عالشب واهله
سناء( هلا قولتيلي بشبه جمال سليمان شكله متل اللبنة المكورة )
مروة ( اه مو مشكلة مو مشكلة خالتي الرجال بالبيت رحمة لو كان فحمة )
سناء( اه ما شاء الله هاد كانون فحم كامل
خلصينا البسي صندلك والحقيني تقدمي القهوة )

لبست الصندل وطلعت لعندهم بس يا ربي في ايشي مش طبيعي حاسة في تقوس برجلي واهتزاز بعامودي الفقري وانكسار بالركبة وامتلاء بالمثانة بس مو مشكلة هاد اكيد علامات التوتر
مسكت القهوة وقلت يا الله بس ما بعرف شو صارلي تدحدلت تدحدل على كل بلاط الصالة وما لقيت حالي الا بحضن تيسير وهو عم بنفض حاله من البودرة الي كانت عوجهي
مع القهوة عملت لوحة غير شكل ابيض واسود
وهيك بكون طار تاني عريس

…. يتبع في الحلقة القادمة

عرض التعليقات (58)