ابنة الفوال للكاتبة جمايكا الفصل الثاني

115 22٬378

ابنة الفوال للكاتبة جمايكا الفصل الثاني
هذه القصة مقدمة لكم من قسم المنوعات في زاكي

#ابنة_الفوال
#للكاتبة_جمايكا_أحمد
الجزء الثالث..الرابع..الخامس

ابنة الفوال للكاتبة جمايكا الفصل الثاني
ابنة الفوال للكاتبة جمايكا الفصل الثاني

جنى :- شووو معقول..

ابتسام :- اي هاي بنت الضابط سفيان..شي كبير بالبلد غبر انها حلوة وانيقة وشيك ..وبتلبس على افخم تياب ..

جميلة :- حمدي ماقالوا لالنا هاد الحكي شو القصة..

حمدي :- مابعرف كلو من استعجال بنتك..

سما :- 😑😑..يا على هالحظ..احكي شي لمى..

لمى :- شو بدي قول ..

ابتسام :- اكيد مافيكي تقولي شي..على فكرة عي قبلك وبموت عليها قصي ..بيعشق ترابا..

صفية :- ابتسام شو عم تعملي هون على المطبخ..

ابتسام :- اي سيدي ليكني رايحة…

صفية :- اتفضلوا اتفضلو..اهلا وسهلا ..نورتي بيتك لمى..

لمى :- شكرا..

صفية :- قصي يالا ماما لاتتأخر ..

قصي :- اي ليكني جاي مشي حبيبتي تعي..لك لاتقلقي انا ليش جبتك اليوم مشان قلبك يرتاح واثبتلك انو هالشي مو من ايدي من ابي..

(( قعدنا بصالة يمكن حتى بالاحلام ماكنت رح شوفا من شدة جمالا ..والفخامة يلي فيها حتى صفية كانت مثل الملكات ..بعد دقائق فات قصي وخطيبتو نادين وهو حاضنها لعندو ..

جابر :- هاد ابني قصي..

قصي :- وهاي لمى يلي جنب بيا…

(( وقتا ماقال مرحبا ولا شي بس صفن فيني شي دقيقة وهو عم يزاوني بعيونوا . مابعرف شو احساس الانبهار يلي شافوا ..بس من الغيرة نادين كانت متوترة ومخنوقة وعم تتنفخ من حالا…

جابر:- فوت ابني سلم على خطيبتك..

نادين :- اها قال خطيبتوا..

صفية :- نادين شو قلنا ..

نادين :- اي ماشي مرت عمي الله يقضيها هالفترة على خير ويرتاح قلبي..

جميلة :- حمدي فترة شو …شو عم يقصدوا
.
جابر :- لا مافي شي والله ..لا فترة ولا شي شرفوا اقعدوا ..

(( مثل الثعابين كنت أحسن ..حركات الدلع تبع نادين قدام قصي ماكانت تنتهي وهو عم يصفن فيني وساكت ماحكا شي..

جابر :- صفية اعطيني مهر لمى..

صفية :- اي تكرم..

جابر :- استاذ حمدي هاد مهر بنتك اولا ..ثانيا انا بعرف انك عم تتسائل عن موضوع خطبة قصي من الانسة نادين..بصراحة رغم اني خبيت الموضوع عنك بس صار لازم تعرفوا ..ابني خاطبا من قبل بنتك ونحنا مابدنا نكسر خاطر بنت الناس ولا نكسر خاطرك ومانو غلط من يتزوج اثنين الشرع حلل لالو هالشي ..بقلب رضيان البنت قبلت ..وبنتك لازم تقبل..

(( حديثهن الطويل يوما ..اقنع ابي وهو بداخلو مانو مقتنع مجرد..تمشاية حال..وانا ماكنت بعرف شو خطوبة وشو زواج وشو لازم اعمل شو حقوقي وشو واجباتي ..بعد اسبوع بعتو لابي عنوان واني روح حط تيابي فيه اللي فهمتو انها شقة لالي ..واني مارح عيش بالفيلا مثل ماقالو قبل.. اخدت جهازي وطلعت جهزوا بالشقة..كانت كثير حلوة بالنسبة لأخواتي ولأهلي وبالنسبة لالي كانت مجرد كابوس انا بنتظاروا..

جميلة :- عقبال عندك ياجنى انتي وسمى..

جني :- يارب بشقة مثل هيك امين .

حمدي :- والله ماني مرتاح لكل هالشي..

جميلة :- مشان رح تسكن بشقة بعيدة عن اهلو..اي احسن شي .بضلا بعيدة عن كل المشاكل ..

سما :- من كنا عندن اسمعت انو نادين لالها جناح خاص في بيت جابر ..ليش ماعملو لاختي مثلا..

جميلة :- نادين هي العروس الرسمية للعيلة….

سما :- اها هلاء فهمت ..يعني هي يلي رح يستقبلوا العالم فيها..

جميلة :- هيك شي..هاتي الكراتين امي الفارغة لنكبا..

سما :- بس شقة اختي بتجنن ..مشان كل ما اشتقنا لالها نجي نزورا..بس صحيح ليش مابجي قصي لعنا..ياخدا مثل مابيعمل مع نادين..

جميلة :- هشش اسكتي امي ..هاد الموضوع لحالو بزعج .قايمة اشوف ابوكن خلصوا ترتيب هون ..

حمدي :- خلصتي جميلة..

جميلة :- اي بقيان شوي ..بدي اسئلك ..

حمدي :- اسألي..

جميلة :- ليش مابيجي ياخد هالبنت ويحسسا انا مخطوبة ..ليش هيك مانو معبرا بشي ..

حمدي :- ماني عرفان شو قلك..بدنا نشكر الله انو هالامور انحلت هيك بقعد اصفن بحالنا ..لو انا مارفعت قضية وانتركت البنت على حالا لبقيت طول عمرا في وجهي وتزيد وجعي. وحالنا للاسوء..الحمد لله انها اتزوجت ولعيلة واصلة ..وصار عندا بيت ..احسن ماتطلع سمعة لالها..والشاب وسيم ومنيح واذا على خطيبتو هي بمكان وبنتي بمكان ..مشان ماتزعجها وتعذبها بالاكثر..

جميلة :- طيب احكي معهن ..يعني قربت فترة زواجا بدنا نعملا عرس على قدنا ليش لنكتم على خبر زواجها هيك والله حرام..

حمدي :- اعملي انتي وخواتها ..الرجال هيك طلبوا شو رح نعمل اكثر من هيك..

جميلة :- ياويل على قلبي ..

(( بعد شي اسبوعين اجو لعنا مشان ياخدوني على بيتي ويتم زواجي رسمي..مالحقت لا اعمل حفلة صغيرة.ولا افرح كنت امشي مع التيار مابعرف لوين بدي روح..اجو عالم وقصي وجابر وصلوني على شقتي..

جابر :- عمي ابقي هون ..رح نروح نخلص انا وقصي كم شغلة وراجع..

..

قصي :- يابي والله مابدي ابقى معها ..

جابر :- ابني انهي هالموضوع بأسرع وقت..

قصي :- والله يابي ورطتني ..

جابر :- بطريقتك بتحسن تريح حالك هالعالم لا بتناسبنا ولا بناسبهن فضيحة صغيرة اهون من الفضيحة يلي سببها اخوك..

قصي :- ونادين..

جابر :- حاجي تقلي نادين ..شو بدك احسن من يلي عملتو لإرضيها عملت لالها ضمان يضمن حياتي لبعد ماتموت ..وكل عم تطلبو عم وافقلا عليه ..غير هيك البنت وعدناها انت ماتقربا وتعيش بعيدة عنا وعرس ومافي ..يعني انا خايف بسبب هالتصرفات يرجع ابو البنت يرفع قضية من تاني..

قصي :- 😔😔..بس البنت حلوة ..

جابر :- منيح انك لاحظت هالشي ماهاد يلي قاتلا لنادين ..مابتجي نقطة بجمالا للمى ..

قصي :- هيك شفتا..

جابر :- ههههه بلشت تقارن بيناتن 😂😂..

قصي :- لا مو هيك بس للامانة ..يعني كل شي فيها عم يسحر وجها دقنا البارزة غمازاتا ..عيونا الكبار غير لونن انفا ضحكتا..

جابر :- لك وين شايف ضحكتا..

قصي :- اها نسيت..

جابر :- مانك قليل لكان..

قصي :- هلاء هاي البنت بدا اضلا هيك معلقة..

جابر :- هاي مرتك اذا بتحسن تقضي واجباتك معها بدون ماتعرف نادين بتكون انجزت انجاز غير طبيعي..

قصي :- بس كأنها طفلة ..كثير صغيرة..

جابر :- اي بعدا 17 لو ما اخوك ورطنا هيك توريطة ماوصلنا للي نحنا فيه..بعتلو مصرياتو..

قصي :- اي والظاهر ناوي يرجع لهون ..

جابر :- اذا رجع رح يكون حسابو عسير خليه هيك مختفي لنحسن ندفن السيرة يلي خبصها..انت هلاء التهي بتجهيز امور فرحك ..جايين لعنا عالم كثير والرئيس رح يكون اول الحضور ..اتفقنا ..

قصي :- مثل مابدك…

(( بقيت اكثر من اسبوع لحالي بالبيت ..مثل يلي انتقلت من حرية لسجن ماحد بسأل عني غير اهلي وكل مابسألو كيف وضعي انا وقصي بقلن مبسوطة ..وانا ماشفتو من يوما ..محروق قلبي على حالي ومابدي ينحرق قلبن هني كمان عليه ..مابدي ارجع عيشهن بنفس يلي كنت عايشتو..الظروف يلي مروا فيها مابدي يرجوا يكرروها الي ماحمل صدمات ثانية وانا موجاهلة انا واعية لكل شي عم مر فيه لو بقيت بين اهلي رح ضل حسرة بقلبن وماحد يتقدملي…

جنى :- لك اشتقنالك خيرات الله..

لمى :- وانا بالاكثر..

جميلة :- بنتي جوزك هون..

لمى :- لاء رح لشغلو..

جميلة :- اي منيح..تعي قليلي كيف وضعك شلون عايشة ..

لمى :- بخير امي ماشي الحال..

جميلة :- شلون قصي معك..

لمي :- كثير منيح ..

جميلة :- شبك نحفانة بنتي هيك..

لمى :- لا مافي شي بس لانها حياة جديدة كيفو ابي..

جميلة :- بسلم عليكي طلب منا نجي نطمن عليكب ..اذا ناقصك شي قليلنا..

لمى :- لا امي انا ماناقصني شي اختي سما كيفا..

جميلة :- بهالسوبر ماركت اليوم عليها الشغل..في خبر بجنن لالك..

لمى :- شو هو..

جنى :- اختك الضرسانة متقدملا عريس ..

لمى :- جد ..

جني :- اي ..شفتو انا كل يوم بمر يشتري من عنا اغراض ..وهو استاذ بمدرسة ..والظاهر معجب خيرات الله ..

جميلة : – بعت اهلو امبارح بالمسا ..وقلنا لالو بنرد لالك خبر..

لمى :- واختي شو رأيا..

جميلة ؛- موافقة ومو موافقة….

لمى :- شلون هيك..

جميلة :- موافقة على الشاب واكلي هم السوبر ماركت ..قلتلا لاتعتلي هم انا بشيل عنك يوم انا ويوم اختك ..

لمى :- واذا اختي جنى اجا نصيبا..

جنى :- لا انا فاتني القطار بدي ابقى عند امك وبيك احسن لالي ..

جميلة :- شفتي هالحكي اللي بقول طبقت 35 وعنست ..وهي بعدا ب 23 سنة..نصيبك جاييي لاتستعجلي كل شي بوقتو حلو 😍😎..

جنى :- لما ليش مانو مستخدم البرفانات يلي اشتريناهن لالو ..ولا بجامتو ليش مافي ثياب الا يلي جبناهن بس ليكون ماعجبو ..

لمى :- لاء مو هيك بس هو قلي بدو يخبيهن لانهن هدية ويبقو ذكرى..

جميلة :- اها ممكن ..بس قليلي ماحسيتيه شي هيك او هيك..

لمى :- فهمت عليكي امي لاتقلقي عادي الامر ما اهتم ..

جميلة :- اي تمام……

في الجانب الاخر..

نادين :- حبيبي شلون طالعة والله متوترة ..شو رايك بفستاني..

قصي :- والله بجنن ياعمري ..

نادين :’ لا بدي ارجع البس الاسود شوي راسم جسمي..

قصي :- حبيبي حاجي صرتي مبدلة شي 6 فساتين ..لازم نطلع نستقبل العالم …

صفية :- بعدكن ماخلصتو ..يييي شو صار نادين ..

نادين :- تعبت مليت حاسي ولا شي حلو عليه ولا فستان..

صفية :- كل الفساتين بتجنن وكلا من عند افخم المصممين..لازم تثقي بحالك وماتركنا دولة الا جبنا كوافير شو بك نادين يالا خلص حاجي تعي نطلع..

نادين :- لامرت عمو هلاء بيجو المصورين ..واطلع مبهدلة ..وغير هيك تشوفهن هاي يلي مابتسمى لما..

صفية :- من ناحية هيك انتي عندك حق ..لمى من دون شي جمالا جزاب..

نادين :-😭😭 واااااااء ..

صفية :- ايون بلش اعزف لمرتك على دلعها سلام..

قصي :- حبيبي..

نادين :- اسمعت امك شو قالت..

قصي :- انتي زودتيها ياقلبي يالا حاجي تعي نروح ..هلاء الكل ناطر يستقبلنا ..
..

بعد ثلاث ايام بالصدفة عم قلب بالتلفزيون وبلشو يعرضوا فرح قصي من نادين وانو افخم فرح صار على مر السنين بالدولة..سيارات على افخم شي فستان بملايين الدولارات غير حركاتا يلي كانت عم توصل لالي رسالتها…ماكنت زعلاني على شي مو بايدي لانقد او اعمل شي ..بس هني اخدو سعادتي هالحيطان وشوية ثياب واكل ماعم يبنو لالي سعادة .

بل تعاستي زادت عن قبل لدرجة..اني اهلي ماعم شوفن الا بالاسابيع..وانا عم اتحمل كرمال اهلي.. بس لمتى الف سؤال كان براسي ..انا ماني عايشة ليجي ناس من طرفوا يلبوا احتياجاتي ويروحو..انا انسانة وبدي عيش مثل الخلق..بيوم كانت تقريبا شي الساعة 8 المسا كان الباب عم يدق بقوة وشي حد بدو يقيم الباب من مكانو..

نادين :- افتحي يا شرشوحة لك ان ماربيتك..

لمى :- مين انتي..

نادين :- مابتعرفي مين قليلا امي ..لك انا مرتوا لقصي يلي ساحرتيه بافعالك..

لمى :- بس انا ماسحرتو ماعملت لالو شي..

نادين :- حاجي تكذبي انا بعرف انو عندك جوا..شو قصي شو بيبي مابدك تفتح لمرتك..

لمى :- والله قصي مانو عندي ومابيجي لعندي..

((كان صراخا هي واما مالي البيت ماشعرت للحظة انهن عالم راقيين .. ماعرفت شو اعمل غير دق على عمي جابر..

جابر :- لمى شوفي بنتي..

لمى :- هاي نادين واما عند الباب عم يصرخوا مشان قصي وانا قصي مانو عندي..

جابر :- هووف بعدين مع هالشغلة ليكو قصي عندي بالشغل..

لمى :- شو اعمل قلي..

جابر :- رح ابعتو لعندك ..

(( فتحت الباب وفاتو بالبيت مثل المجانين يخربوه لالي ..ماكانو عارفين اني اتصلت على عمي جابر..ماحسيت انهن عم يبحثو عن قصي بس بدهن يخربوا اغراضي ..

نادين :- شوفي امي شغلات سوقيه سووفااج..

…ام نادين :- مو قلتلك ماتعزبي حالك شوفي هيك منظر ممكن ينافسك ..يعني اخر شي تتوقعي انو قصي يشوف هيك شكيلات..

نادين :- ههههه قولتك هيك امي ..يالا خلينا نروح ..

قصي :- بعدو بكير ..وين ..

نادين :- قصي..

قصي :- لاء خيالو ..شو جابك لهون ست نادين اها وحماتي هون كمان..

نادين :- اها مافي شي بس هي اتصلت تهددني ..

قصي :- تهددك وشلون اخدت رقمك. فتشت في موبايلي واخدت الرقم ومو هيك وبس بعتتلك العنوان يلي محفوظ برسالة بموبايلي كرمال تجي لعندا اتبهدلك..

نادين :- اهااا

قصي :- شووو هااا فهميني ..

ام نادين :- ليش عم تصرخ على البنت..

قصي :- شو مرت عمي وانتي هون كمان ماشايفك جاي تشجعي بنتك ما..

نادين :- لاتحكي مع ماما هيك..

قصي :- انتي لا تحكي شي حسابك ماخلص..

نادين :- بدك تحاسبني ليش بشو غلطت اسمعتي ماما بدو يسترجل عليه.مافشرت

قصي :- انا مافشرت ..الله معك نادين ..

نادين :- عم تطردني.كرمال هاي المعفنة .

قصي :- اخرسي .. واذا بشوفك عتبتي هاد المكان او الفيلا مارح يحصل خير..

نادين :- شو يعني..

قصي :- مثل ما سمعتي واكيد امك فهمت شو بقصد..

ام نادين :- امشي بنحكي مع بيك وهو بيتفاهم معو..

نادين :- قصي انت شو عملت ..مشان هاي عم تجرحني هيك..

قصي :- انا ماجرحتك انتي اللي اتطاولتي عليه وانا كلامي خلص ..شرفي مع امك ..الله معك..

((واقفة مصدومة من كل شي صار هاد اذا اتحركت من مكاني كنت خايفة منهن..ماكانت قدرتي واجه شي جديد..طلعوا من البيت وهي عم تزاورني بطريقة بدا تنتقم مني..قفل الباب قصي..وهو معي بنفس البيت..

قصي :- حقك عليه لاتدايقي ..انا هلاء بتصل على الخدامة بتجي بترتب كل شي..

لمى :- لا مافي شي انا برتب كل شي..بس والله ماعملت لالها شي ولا اتصلت عليها ولابعرف رقما..

قصى :- بعرف مابدها حلفان روقي انتي هلاء..انا اساسا تعبت من اول اسبوع من هالوضع فيكي تعملي لالي قهوة..

لمى :- حاضر هلاء بعملك..

قصي :- تسلمي يارب..

فتت المطبخ لاجهز القهوة اجا ووقف جنبي ..حسيتو قريب كثير من حدة انفاسوا اتجمدت بأرضي ومن الخجل ايدي صارت عم ترجف على دلة القهوة..

قصي :- روقي مابحتاج كل هالتوتر..ناقصك شي بالبيت ..

لمى :- اها لاء انا لا لا اليوم جابوا كل الاغراض..

قصي :- بعدك مدايقة ..

لمى :- انا لاء مافي ..ياربي اندلقت القهوة..

قصي :- اي مو مشكلة بنروح بنشربها سوا بشي مكان شو قلتي..

لمى :- نروح برا سوا..

قصي :- ليش مستغربة..

لمي :- لا مافي شي بس

قصي :- لاتقولي شي بغيرلك جو . كرمال ماترجعي تدايقي..فوتي غيري تيابك ناطرك هون..

((فتت لاغير تيابي وانا متفاجئة من تصرفات قصي معي بقيت واقفة قدام خزانة تيابي ماعم بعرف ليش هيك عم يتصرف وشو بدو من ورا هيك شي خفت غير تيابي ..وقت بلشت اغير ثيابي انفتح الباب…

الحزء الرابع..

لمى :- قصي..

قصي :- بعدك مو مغيرة ثيابك..

لمى :- اها لاء هلاء بغيرن..

قصي :- بتحبي اخترلك انا تياب..

لمى :- انا بعرف ما تعزب حالك..

قصي :- هاد اللون عليكي حلو ليش مانك جايبة فساتين ..

لمى :- قصدك شي قصير انا مابلبس قصير ..

قصي :- لا ماقصدت قصدي شي طويل..

لمى :- عندي بس هاد الاسود..

قصي :- حلو كثير البسيه ..

لمى :- هلاء بلبسو..

قصي :- خجلاني ..

لمى :- لاء بروح بالحمام بلبسو..

قصي :- تعي لاتخجلي انتي مرتي كمان..لاتخجلي مني تعالي ساعدك..

لمى “- دخيلك لاتلمسني..انا بغير تيابي..

قصي :- لمى شو صرلك ليش خايفة هيك انا بس بدي ساعدك..مالازم تصرفي هيك ..

لمى :- انا بحسن سدقني ..بس بعد عني شوي

قصي :- روقي روقي رح بعد..انتي خايفة شي مني مدايقة شي ..

لمى :- مابعرف ..

قصي :- لمى انا زوجك وانتي بتحلي لالي بكل شي انتي فاهمة هالشي واكيد امك فهمتك..

لمى :- لاء انا مابدي روح مشوار خلص اتركني بحالي..

قصي :- غمضي عيونك..

لمى :- ليش مابدي..

قصي :- بس غمضي..حاولي ترخي اعصابك لاتشدي على اديكي وعد ما اعمل شي..

لمى :- حاضر ..رح غمض بس شو بدك تعمل ..

قصي ؛- من تغمضي بتعرفي ..

لمى :- غمضت ..

قصي : هاتي ايدك اقعدي هون ..اسمعيني منيح ..حاولي تنسي يلي صار معك انتي مع قصي ..انا تركتك تقضي ايام لحالك لتحسني تتحكمي بحالك وماتخافي..انا ما اجيت ولا زعجتك مع انك مرتي ..خليتك تتقبلي وضعك يلي انتي فيه ..عجبني فيكي صبرك واصرارك وانك عم تقبلي بكل شي بدون مقابل..اخي صقر غلط معك وانا عم صلح كل اخطائو. انا مابحب اظلم حدا ..نادين كانت خطيبتي قبل لاخطبك ..واعطيتا كل شي بدا اياه مقابل لا شي بس هي ماحسنت تسعدني ..مع اني ماعملت شي الا اسعدتها فيه ..انا ماني ندمان..بس انا كمان بدي عيش حياتي مع شخص يحسسني باستقرار وانا بعرف انو هالشخص هو انتي ..مقابل رح اعطيكي الامان والسعادة..بتعرفي انو شعرك الرول هاد بياخد العقل انتي صابغتيه شي ..

لمى :- لاء..

قصي :- بس في شعرات شقر كثير ..

لمى :- هاد شعري هو لونوا هيك..

قصي :- بس فتحتي عيونك فجأة هيك اخدتيني لعالم ثاني..رسمتن فتحتن لونن حواجبك كل شي فيكي بيسحر معقول انتي من نصيبي ..من نصيب هالشب الاسمر 😍😍..
اويل عقلي راحو مع هالغمازات بس اتبسمتي ..

لمى :- ممم اول مرة ..

قصي :- اول مرة حد يغازلك..شو مجانين هالناس

لمى :- لاء مو هيك كل مين ..

قصي :- العما بقلبن لو اشوف حد بغازلك قدامي بدي اقتلو انتي لالي..

لمى :- خليني احكي ..

قصي :- اي يالا قولي..

لمى :- بس من احكي لا تطلع فيني هيك..

قصي :- انا حر مثل مابدي بعمل ..بعدين ليش لتحرميني من هالسحر يلي اخد عقلي وقلبي وروحي ..اذا طلبت من مرتي طلب بتعملو لالي..

لمى :- اي تكرم..

قصي :- قولي وعد..

لمى :- وعد

قصي :- قومي البسي هاد الفستان الاحمر يلي اول مافتت وانتي فاتحة الخزانة خبيتيه ..

لمى :- مممم بس هاد.

قصي :- هاد امك من جهزتك اشترتوا كرمال تلبسيه لالي مو هيك ..

لمى :- بس بخجل..

قصي :- تعرفي كلمة بس مابحبا..رح انطرك برا رح جهز الشموع وانتي تكوني لابستيه اتفقنا ..

(( قمت متلهفة لاعمل يلي طلبو مني..يمكن صار وقت انو بالي يرتاح يمكن اجا وقت نول جزات صبري ..بحياتي كلا ماحلمت بشخص مثل قصي غني او صاحب مكانة غير هيك شيك وشخصية ..رومانسيتو معي خلتني انسا كل يلي صار .. لازم هلاء اكون زوجة رسمية واكسبو لصفي ..وخاصة بعد افعال نادين معي.. لبست وانا خجلاني من منظري .بقيت بقلب الغرفة عم روح واجي وانا ماني عرفاني شو اعمل ابقى هيك ولا اغير ثيابي واستر على حالي..وقتا اخدت قراري اني غير ثيابي خلااص وارجع البس مستور..

لمى :- مين طفا النور هاد انت قصي..

قصي :- هششش..روقي ..حامل شمعة معي..واااوو بجنن شو هااد يا ربي ..لك شو هالجمال ..

لمى :- بدي اغير ثيابي..

قصي :- لا اوعك ..بحياتي ماشفت جسم محلي فستان هيك ..لك رح يغط على قلبي ..

لمى :- عجبك ..

قصي :- قال عجبني قال..لك بجنن بياخد العقل بشل ..لحظة اجيب برفان..

لمى :- الحمرا هاديك..

قصي :- الله بتجنن هاي يلي ماما جابتها لالك هدية..

لمى :- اي ..

قصي :- رائعة .تعي اسطحي هون ..

لمى “- خلينا نروح على الصالون..

قصي :- رح انروح بس بدي احضنك شوي .

(( كنت مستسلمة على الاخر وماحسيت على حالي الا على ضو الشمس بوجهي وثياب مافي عليه ..وقصي مانو جنبي..قمت لبست ثيابي وبلشت نادي عليه بقلب الصالة مالقيتو فص ملح وذاب..لدرجة صرت شك بحالي او يلي صار حلم بس كل شي حواليه عم يثبت لالي انو كان امبارح جنبي..اخدت حمام ونطرتوا ليجي او يتصل فيني وفات النهار كلو وانا ناطرة..بس بالليل وصلت لالي رسالة من رقمو ..

قصي :- كانت ليلة بالعمر ..انتي بتجنني ..جسمك بيسحر .. بعرف اني طلعت بلا ماتشوفيني نامي هلاء وارتاحي ..

( الرسالة الاولى يلي وصلتني من قصي ..بقيت طول الليل وانا عم اقرا فيها ..لوقت ماغفيت.. واتعودت كل يوم البس وجهز حالي واقعد انطر قصي وافيق مالاقي شي ..او حتى اتصال كنت خاف اتصل او ارسل مسج..بس بيوم مابعرف شو صرلي دقيت عليه وكان يلي عم يرد ..

نادين :- اي ياعمري عم جهز حالي شو بتحب الاسود القصير ولا الفانيلا والشرط ..اها القصير..حبيبي شو بدي قلك كم يوم رح نبقى بسويسرا….لك بحبك مووووواه..

(( كنت عم اسمع صوتا وحركاتا ..بس ماكنت اسمع ردة فعل من قصي عرفت انو هالشي مصطنع وكذبة وحركة خبيثة من حركات نادين لانها بتعرف رقم موبايلي…بس الظاهر هو رجعا لعندو ثاني يوم ارجعت اتصلت كان موبايلو مقفول كان يعطيني صوت اسطوانة لايمكن الوصول للرقم المطلوب ..وثالث ورابع صرت مثل المجنونة وعقلي مو معي عم اتصل …صار عقلي يقلي انو خلاص هو مسافر مع نادين..مرق الاسبوع الاول والثاني ومثل يلي شم ريحة السعادة بعدها انحرم منا..تعبت نفسيتي على الاخر صرت محرومة من كل شي بزيادة.لوقت دق موبايلي بنص الليل وكانت الساعة 3 تقريبا ..بس رقم غريب يلي خلاني اتلهف وارد هو اعتقادي هالرقم لقصي..

لمى :- الو قصي..

..ماني قصي ..ياحلوة انا شخص بتعرفيه منيح..شخص وصلك للقمة بحركة وحدة شخص خلاكي تعرفي قصي وابو قصي ..بتذكريني ..

لمى :- مين انت وشو بدك مني..

..انا مابدي شي ..انا بدي اعلمك شلون تعملي فيني هيك شلون تخليني عيش مثل الشحاد وابي وزير..

لمى :- صقر..

صخر :- اي صقر ..يلي قاعد هلاء تحت بيتك افتحي الشباك رح تشوفيني اها روحي على الصالون رح تلاقي بوكيه ورد لالك هدية زواجك صح متاخرة بس شو بدي اعمل ..

(( قمت مثل المجنونة لاتاكد انو هاد صقر ولا كذبة ..فتحت ستارة الشباك وصدمني وجودوا..اطلعت برا الغرفة لقيت بكيت ورد بقلب الصالة ..صرت ارجف ماعرفاني شو اعمل شو ساوي شو جاب هاد البوكيتك لهون 😢😢..

صقر :- هههه صوت انفاس الخوف ظاهرة مثل ضوء الشمس بعتم الليل .مثل هاديك المرة من قطعت لالك ثيابك وعيشتك اجمل لحظات الرعب بحياتك..مو كان احسن لالك تموتي لحظتها..😂😂..ليكني رجعت ياحلوة يامرت اخي ..بتحبي نجرب يلي صار مرة ثانية..

لمى :- جيت والله جابك صقر..جيت لعندي برجليك لاتفكرني عم خافك او عم هابك..انا ناطرة هاي اللحظة صرلي اشهر..بدي عيشك الموت بدل المرة الف..بدي ذوقك الرعب بدل الرعبة الف..بدي اخليك تشحد اللقمة مثل ماعملت فيني..بدي خليك تتوسل لالي وللعالم وللرمل يلي تحتك وماحد ينجدك مثل ماعملت فيني اطلع ليش حطيت الورد في بيتي وهربت..تعال عم انطرك..

صقر :- هههه قويانة بس رح اجي بس مو هلاء ..من ترجعي تلبسي قصير من ثاني ..اها صورك بتجنن تحت دياتي ..شكلك وانتي لابسة الاحمر وناطرة قصي بياخد العقل هاد المجنون ماعرفان شلون متحمل ينام بعيد عن هيك جسم بسحر..بحبك ياحلوة..

(( طفى الخط وانا من ايدي وقع الموبايل صرت ارجف وانا ماعم استوعب شو عم يصير شلون وصل لرقمي شلون وصل لبيتي شلون وصل يفتحوا ويقعد فيه من متى هو عم يراقبني كم مرة صورني وانا عريانة ..انهرت على الارض وحاولت اكثر من مرة انتحر او اقتل حالي ماحسنت ..صار لا ليلي ليل ولا نهاري نهار قلبو حياتي كاابوس..

جميلة :- لمي افتحي الباب امي نحنا برا صرنا ساعة عم نتصل..

لمى :- طيب ..

جميلة :- اسم الله شو صايرلك لما..عم نتصل عليكي امي ماعم ترد قلقتي قلبي جيت ركض لعندك صاير معك شي ليش وجهك اصفر هيك ليش عم ترجفي حد ضاربك حد عامل معك شي..

لمى :-ساعديني امي ساعديني..😢😢

جميلة :- يالطيف بشو ساعدك قليلي شو صاير معك شو يلي مخوفك هيك..

(( كنت عم احكي وانا عم ارجف كل شي صار معي من يوم ما اتزوجت لوقت ماحكى معي صقر..كان قلبها على نار ودمعتها على حدا ماعرفاني شو تحكي اتربط لسانا ..مين بدو يوقف معي اذا هي خبرت ابي وخسرتوا من بعد مايسمع هيك..

جميلة :- اااخ مابدي بيك يعرف بالشي يلي صار..رح ابعتلك اختك جنى تنام جنبك.. هلي الفترة لوقت ما اخبر جابر..

لمى :- خايفة..

جميلة :- الله ينتقم منو الله يسخطو ..شو بدي قول شو هالمصيبة هاي يارب ساعدني وين رقم قصي..

لمى :- قصي مسافر ..وماعم يرد على اتصالي..

جميلة :-دقي ارجعي اشوف..

لمى :- شوفي..(( لايمكن الوصول للرقم المطلوب حاليا..

جميلة :- هاتي جرب من عندي ..لحظة انقل الرقم..اها عم يدق..ليكو عم يرن ليش عندك لاء..

لمى :- صرلوا اسبوعين عم يعطيني نفس الاسطوانة..

قصي :- الووو..مين معي..

جميلة :- مرحبا ابني قصي انا جميلة امها للمى..

قصى :- اها اهلين بدك شي محتاجة شي..

جميلة :- بدي تجي لهون بأسرع وقت لبيت لمى ..

قصي :- خير قولي صاير شي..

جميلة :- اخوك صقر..

قصي :- شبو صقر..

جميلة :- اخوك صقر اتصل على بنتي يهددها بنتي شافتو من تحت البيت وباعتلا وورد بنص البيت وهي نايمة وبقلا انو هو مصورها شو ابني شو يلي عم يعملو اخوك..اذا ما انحلت قصة صقر رح اخلي ابوها يرفع محكمة بحق بنتي من ثاني .. ..

قصي :- صقر..

جميلة :- اي صقر.

قصي :- هلاء بشوف شو عم يصير وبرجع احكي معكن..

….

في الجانب الاخر..

صفية :- امي ابوك اذا عرف انك بالبلد رح يسلمك بإيدو للدولة اطلع من هون ..

صقر :- بدي مصاري امي..

صفية :- لك ابني عم تصرف نص ميزانية البيت انت ..شو صرلك وين عم تصرفهن..

صقر : – ماحد لالو عندي بهيك شي ..مو بكفي العذاب يلي عيشتوني فيه ..

صفية :- انت يلي عيشت حالك..

صخر :- ها ليكو ابنك الحج متولي عم يتصل ..هاا يا حج متولي شوو عند مين الليلة..

قصي :- صقر اطلع من هالبلد بسرعة..

صقر :- شو حابب تهف كل شي لحالك..

قصي :- انا مااخدت شي..انا كرمال مصلحتك بقلك هالحكي اعمامي وابي بدهن يسلموك للدولة ..

صقر :- انا حر وقت مابدي بضل وقت مابدي بطلع لا ابوك ولا اعمامك ماحد بحسن يطلعني من هون..

قصي :- رح احكي اخر كلمتين نحنا تعبنا لصلحنا يلي خبصتو بعد عن هاي البنت ولا تقربا ابوها معو اوراق قادر فيها يحرق ورقة ابوووك..وكل هالشي من تحت راسك..

صقر :- هههه ليش محملين كل هالمسؤولية لهيك موضوع تافهه شوية صور لبنتو غصب عنو بيعطينا التقرير مو هاد يلي مخوفكن..رصاصة براسو بتنهي كل شي..

قصي :- صور شووو..

صقر :- صور يلي لازم تكون مرتي بس انت اخدتها مني..

قصي :- قصدك عن لمى ..

صقر :- اي طبعا لمى..

قصي :- الحكي يلي قالتو اما حقيقي..انت فايت بيتي صقر ومصور مرتي..

صقر :- شي هيك واذا بدك ببعتلك صور لمرتك نادين وهي بحضني..

صفية :- صقر شووووو عم تخبص لاخوووووك امي لا تجن ..

صقر :- اتركيني امي ..اخي وابي عم يتلذذوا بتعذيبي وانا عم عاني بالغربة كرمال غلطة انا كل يوم بغلطا مع احسن مرا بالكون..

قصي :- رح اجي اقتلك صقر..

صقر :- ناطرك على احر من الجمر ..

صفية :- شو عم تعملووو قصي ..صخر لاتجنو لا تخلوني جن لك شو صرلكن لتهددوا بعض هيك..اعطيني التلفون اعطيني..الووو قصي الووو..

صقر :- صار وقت اخد حقي

صفية :- اطلع من هون صقر اطلع من هون اذا اجا بيك هلاء رح يقتلك بأرضك بترجاك امي..

صقر :- لاتترجيني انا ناطرهن على احر من الجمر..انتي بس اهدي وروقي ..

صفية :- انت جنيت شو الحكي يلي خبصتو عن نسوان اخوك ..

صقر :- انا ماخبصت انا عم احكي الحقيقة..نادين بدا تتخلص من لمى ..وانا بدي اتخلص من لمى واخي ..دقت بابها بحجة بتغار . هي .وامها لعبو لعبة فادوني العمر كلو فيها
.نسخوا المفتاح وهاديك الغبية ماحاسة على حالا..اعطتني طرف الخيط لانتقم منا وامحيها عن وجه الكون ..ونادين البنت الشريفة يلي عم اطبطبو عليها بتعرف منيح انو عندي بنحل كل شي بمقابل طبعا ..سلمتني حالا لابسطها ساعتين .شو رايك يا مرت الوزير بالزبالة يلي عم تكبو عليهن المصاري يلي مجبور ابي يعطيني اياهن .. يالا صار لازم هلاء روح ..خدي هاي المومري اعطيها لاخدي يشوفها..وانتي اشربي فنجان قهوة لتروقي سلام..

بعد مرور ساعة..

قصي :- وينو المجنون ..امي ..

صفية :- 😔😔..شو يلي صار لالكن امي ..قلي شو صار بعقلكن وصلتو لدرجة تاكلو بعض..بدك تندفوا ابوكن بالحيا..بدكن تجلطووه ..

قصي :- شو يلي معك..

صفية :- تركها لالك صقر ..

(( بلشت اقلب ببطاقة الذاكرة انصدمت بالصور يلي شفتها للمى وهي نايمة..واللي قتلني بالاكثر تصوير الفيديو تبع مرتي نادين..وهي عم تضحك مع صقر وقاعدة بحضنو ..معقول يصل الحال اخي يغدر فيني بالطريقة هاي..كنت على لحظات من فقدان عقلي بلشت كسر بكل شي بالبيت مثل مجنون..لفقت على حالي وانا قاعدة جنب امي وهي بسرير بالمشفى..كانت على لحظات اني افقدها للأبد..قفلت على كل شي مؤقتا لاحسن لاقي طريقة اطلع من يلي انا فيه..

جميلة :-حمدي حاجي تسألني جوز بنتك يلي طلب مني هيك..

حمدي :- طيب البنت حامل شي..

جميلة :- لاء ليش بضلك تسأل..

حمدي :- مابعرف قلبي حاسسني ..

جميلة :- لاء مافي من هالشي..

حمدي :- اي لكان ليش بدو اياني نقفل كل شي ونروح لعندا نعيش..

جميلة :- قال هو مسافر هالفترة..وبعدين خبرنا انو صقر بدو ينزل وخايف على مرتوا من صقر ولازم تكون جنب بنتك بهاي الفترة..

حمدي :- والسوبر ماركت..

جميلة :- خطيب بنتك سما قلي هو بهتم فيه هو واخوه ..ريح بالك هاي الفترة..

(( بعد ما طلبت من اهل لمى يقيمو عندا غيرت حتى الباب مو بس القفل ..والشبابيك عملت لالك مفاتيح امنة وركبت كاميرات بكل مكان..ماكنت بعرف ليش هالقد خايف عليها او يمكن خايف على ابي لو صار شي ثاني مع لمى ..
..

قصي :- شو نادين لوين هالمرة..

نادين ؛- اها ولا لعند حد بس عم رتب حالي انت مو طالع اليوم..

قصي :- اي هلاء بطلع ..فيكي تجيبي لالي كاسة مية..

نادين :- اي هلاء بطلب من ابتسام تجيب..

قصي :- لا بدي من دياتك..

(( كنت ناطرة هاديك اللحظة لاعرف وين طريق صقر او المكان يلي بتروح لالو نادين تقابل صقر..هو بيعرف منيح اني عم راقبها ..وهو بدو يضربني بالصميم عن طريق هالمقابلة..وخاصة انو مرق فقرة على معرفتي بموضوع نادين وهي بعدا على ذمتي..وانو لهلاء ماصار بينا انفصال..

باعتقادو اني مافتحت المومري او باعتقادو اني ماخبرتا..باللي عرفتو..بس خطتي لاوصل لمكان صقر هو يلي كان مخليني اتحمل كل هالفترة..ركبت على شنتايتا جهاز تحديد المواقع غادرت الفيلا وانا عم انطرها لتنزل لاشوف لوين هتروح ..اتبعتا..لنزلت بمكان وقعدت فيه. بعد دقائق اجت سيارة وقفت مقابيلا وغادرت فيها ..هالسيارة ماكانت غريبة عليه ..لحقتا وانا متلهف لاقابل صقر بس يلي صدمني انها وقفت عند مكتب ابي ..نزلوا رجال ابي من السيارة وبعدها نادين وصقر …

…استاذ قصي لو سمحت هاي اوامر من سيدي جابر ..مافيك تفوت لو سمحت..

قصي :- ابي جوا..

..اي الوزير جابر بإجتماع مع الضابط سفيان وبنتو وصقر.. .

الجزء الخامس..

((دفشت الباب بقوة برجلي وفتت.

الامن :- سيدي قصي لو سمحت . ..

قصي :- هشش..

جابر :- قصي …

(( عيد وزيد وسفيان ونادين وصقر وابي .قاعدين وكل واحد كامش سيجارة بإيدو كانت الجلسة باين عليها الهدوء..بلشت صفق بإيدي على شجاعتهن بإخداعي..

قصي :- شو ليش وقفتو حديث كملو..

جابر :- شو جابك لهون قصي..

قصي :- جابني يلي جابهن لهون ..شو هاد الاجتماع كل افراد العيلة فيه بشوف ..شو ابي مو قلت صقر نهايتو على ايدك..بشوف صقر قاعد ورجليه فوق مكتبك..

صقر :- هههههه لك انا صقر بدي حط رجلي مو بس فوق مكتب ..فوق راس يلي مابعجبو..

قصي :- هاد الحكي قولوا لحالك رجليك بدك تحطهن بتمك واضل مخرووس لاحسن والله نهايتك اخليها هلاء..افعالك مانسيتا ولا رح انساها..

صقر :- عم تهددني هههه لك بدي اضحك ضحكوني..

جابر :- صقر ..

صقر :- خلص خلص رح اسكت..

جابر :- قصي يابي هالاجتماع ماكان مخبى عليك بس بدنا نحل شوية امور ماكنا بدنا نزعجك فيها..

قصي :- امور ..كثير حلو هالامور شو كانت..بتخص مين يعني..معقول سفيان شاف فيديو يلي بنتو بحضن اخي..ولا انت شفت صور لمى بعد مانادين عملت حجة البيت وانها بتغار هي ومرتك عمي سفيان..ليسرقوا نسخة مفتاح..كرمال صقر يحسن يوصل لنص بيتي ويصور لمى..ولاخايف من الملفات اللي كامشها صقر عنك ..انا ماني غبي ولا انا متخلف..ولا اني مغمض عيوني..سكوتي مو معناه انو تفكيري بعيد عن الساحة انتو بتعرفوا من البداية انو صقر ماطلع برا البلد وانك انت يلي اخفيتو..وخاصة بعد ماوصل التقرير للمحامي من المعارضة ومو هيك وبس عملت المستحيل لتظلمو البنت بزيادة بزواجها مني ..كرمال انتو عارفين مليون بالمية انو ابوها رح يرفض يجوزها لصقر ..وعارفين انو لو ماسحبتو القضية رح تشعل فتيلة حرب عن فساد سيدنا الوزير جابر قاموس..بقيت طول الوقت وانا عم راقب لعبكن عليه..وعم اركض ورا مشاعر امي خوف عليها من الزعل ..شو مصدومين..مو هيك عمي زيد..قديش دفعت للمحامي كرمال يرفض قضية ابوها للمى واتصيبوا ذبحة قلبية بسببها..اها عمي عيد..كم مرة هددت البنت وخوفتا على وضع ابوها كرمال تسكتوها وتقبل فيني..مو غلط..العبتو لعبتكن الوسخة واشربتا انا ووافقت..

جابر :- قصي..

قصي :- هششش بدي اكمل حكي..

عيد :- بتقول لبيك هششش..عمي شو صرلك ..

قصي :- هشش ونص ..صفقات ادوية الكيماوي لمرضى السرطان وين راحت..صفقات منع الهيروين بالبلد وين صارت..كلها بإيدين صقر ..من شفتوه بلش يتواسخ عليكن ويعمل يلي بدو اياه صفيتو كلكن جنبو وتركتوني بناري..

صقر :- حلو برافوا انك بتعرف ..مادام خلص كلامك انت رح تورجيني عرض كتافك لان حسابي معك مو هلاء..

قصي :- اسمع صقر ..

صقر :- لا لا لا ماحلوة هيك تشد تيابي ..

قصي :- بقتلك بأرضك فهمان..بنشر وساختك كلا على الملا ..جورج صار تحت دياتي فيديوهات تعاطي المخدرات معي..بحرقك بأرضك افهمت ولا لاء .

صقر :- اوووه شو هاد في تقدم ملحووظ ..اتاري ماحد نايم الكل عم يتربص للثاني شي حلوو..

قصي :- صادق عيلة انقلبت متل غابة الشاطر يلي ينهش الثاني لا اب برحم ولا عم بخاف على اخوه ولا حتى مرا شريفة ..

سفيان :- مابسمحلك تحكي عن بنتي هيك..

قصي :- لا رح تسملحي ورح تبوس الاراضي كرمال حد يستر على بنت الضابط.. بتحب تشوف الفيديو كامل ولا حاجتك شوية مناظر قرف خلاك تشوفا صقر ..

سفيان :- جابر اعمل شي ..

قصي :- ابي مارح يعمل شي..ومارح يحسن يعمل شي..خوفوا على منصبوا من العالم حماااه بس خوفوا من اولادوا هاي ماعمل حسابا…

صقر :- شو يلي بدك اياه قصي..

قصي :- بدي كل شي بخص مرتي لمى..وروحوا اصطفلوا ذبحوا بعضكن..

صقر :- هههه لمى مرة وحدة مو عيب عليك تطلب هيك طلب من شخص هو الاول لمسها..

قصي :- لا انت ناااوي على قتلك اليوم..

جابر ..عيد ..زيد..:- …….#قصييييي#

جابر :- عم ترفع سلاحك على اخووك..

عيد :- قصي نزل السلاح كل شي بنتفاهم فيه ..هاد اخوك ..قصي ..

قصي :- ليكو بين عيونك..رصاصة وحدة بتنهي حياتك ..وبنرتاح كلنا ابي بكمل نصب وسرقة بالعالم..واعمامك بضلن محافظين على ثروتهن..سفيان بياخد بنتو وبستر عليها وانت بتموووت ..وبموت كل شي وسخ صار بحياتنا معك..

جابر :- ابني نزل سلاحك بضلو اخوك..

قصي :- اييييييه حاجي تقلي اخي صرعتني بهالكلمة بحياتي كلا ماحسيت انو عندي اخ ..حياتو كلا نسوان وهيروين وسهرات ومصاري..

جابر :- طيب خلينا نتفاهم رح انا اتحمل نتائج كل شي ..وصور لمى رح تنمحى كليا ..صقر رح ياخد يلي بدو اياه ويترك البلد ..

صقر :- على موتي اترك البلد..لك بدك تقتل اقتل ..شو انك جبان..ليش ايديك عم يرجفوا هااا ..هههههههه

قصي :- صقررررررر..لاتحكي حرف..

((ضحكات ضخر عم تزيد وتزيد وايدي على زناد المسدس بدي اقتلو غمضت عيوني يمكن كنت بدي ما اشوف مقتل اخي يلي من لحمي ودمي على ايدي..فتحت عيوني على صوت سحب سلاح براسي..

الامن ..:-…نزل سلاحك..

(( سحبو سلاحي مني بالقوة ..ودفشوني بالارض ..

صقر :- قلتلك لاتلعب مع الاكبر منك مابتفهم..خدووه برا..

قصي :- لا تلمسوني ….

جابر :- اتركوه ..

زيد :- اذا بدنا نحل الامور بالسلاح رح نخسر كثير..خلص خلينا نفتح اوراقنا للكل..وننهي هاي الجلسة يلي بتوتر الاعصاب..سفيان تعال وقع على هاي الورقة..

جابر :- هاي الورقة ..سفيان بدو يتنازل عن كل شي دفعناه ضمان لالو ولبنتو..مقابل شريط الفيديو..

قصي :- ماسألتك ولا بهمني..

جابر :- حبينا بس انخبرك..

سفيان :- انا شو يضمني انو صقر مايكون محتفظ بشي نسخ عن الفيديوهات او صور بالصفقات يلي تحت اسمي..

جابر :- كل شي تحت دياتي سفيان مافي اي احتفاظ لاي شي ..بتاخد عيلتك وبتطلع برا البلد كل حياتك برا رح تكون محفوظة مع حصانة دبلوماسية ..

سفيان :- اي تمام وين اوقع..

جابر :- هون.

قصي :- لحظة سفيان..مشان ينتهي كل شي يربطنا فيك..بنت طالق..وماني بحاجتها .

نادين :- لاء الا هالشي قصي..

قصي :- لك ولالك عين لسه تقولي لاء اتفي..

سفيان :- شووو هاد جابر..

جابر :- خلص حاجي هيك..

نادين :- كل هالشي صار بسبب بنت مابتسوى بنت فوال..

قصي :- على الاقل اشرف منك..

جابر :- ييييه خلصت سفيان الله معك..

(( طلع سفيان من المكان معو بنتو..وصفيت انا وابي وعمامي وصقر..مثل يلي كان عم يصير تصفيات بينا ..

صقر :- هيك تمام..صار وقت نتصافا بيناتنا..ليكني اتنازلت عن وحدة ورح اتنازل عن الثانية مقابل شي واحد..

جابر :- قول شو هو..

صقر :- ياخد قصي يلي لالو ويطلع من هون ..مقابل مايحصل على شي ..من اي حساب لالك..ويغادر الفيلا..ويسلم كل حساباتو وكل شي تحت اسمو..وحتى بنت الفوال ..

قصي :- شو قلت..

صقر :- مثل ما اسمعت وهاد المطلوب..

جابر :- على ما اعتقد هالشي مو مقبول بنت الفوال لاتعني شي لقصي ..لاتلعب هيك لعبة صقر..

صقر :- ها ليش قاتل حالو على الصور لكان..

جابر :- مانو قاتل حالو على شي هو مارح يتنازل عن شي لالو ..

صقر :- اي لكان نخلي امرو لبعدين..اعطيني يلي لالي وخد اللي لالك جابر..

جابر :- جابر هيك بدون شي..

صقر :- انت يلي علمتنا بالشغل مافي قرايب..

جابر :- صقر انت رح تخليني انفذ اعصابي كلا سلمني الصفقات ..

صقر :- حاضر حاضر رح سلمك كل شي ..بس الافضل يكون بينا بدون قصي..

جابر :- انت عم تلعب صقر..

صقر :- لاء بس انا عندي طلب واحد..مارح وافق على شي الا ببنت الفوال..

قصي :- انت مريض شي..

صقر :- مثل ما اسمعتو انا بدي لمى لالي..

قصي :- قسم بعزة جلالة الله اذا بتلمس شعرة وحدة من لمى ما يفوت عليك نهار فهمان..

صقر :- خلص اعطيني يابي اللي لالي موضوعي معك خلص..وحربي هلاء مع قصي..وهاد توقيع وهاد الصفقات يلي لالك..رح اتفرغ بس لقصي لنشوف مين يلي رح ينتصر بالاخر ..ماهيك قصي..

عيد :- صقر ..نحنا انجزنا كثير اشياء وليك صار باسمك اكثر من خزينة بيك..كرمال كم صفقة..وهلاء صار وقت تروح من هون..

صقر :- بروح بس مع لمى طبعا..

عيد :- صقر حاجي خلص..

صقر :- انا قلت يلي عندي..حيدر..

حيدر :- اي معلم..

حيدر :- جهز السيارة..عنا مشوار مهم..

(( ماكان بإيدي اي سلاح وقف فيه صقر عن حدو..اطلعت مثل المجنون اركض لبيت لمى..

بس من وصلت كان سابقني …منظروا وهو نايم على سريري..وكامش لمى من شعرا ..واهلا مربطين..قتلني..

صقر :- مساء الخير مو قلت لالك مانوحلو اللعب معي..

(( كان مفكرني رح روح واجه شي بدون سلاح مثل المجنون صرت من شفتو كامش شعر لمى وعم يشدا لعندو..مشان يحضنا..ما ناقشتو ولا حكيت معو حرف رفعت مسدسي من ثاني ورميت اول رصاصة عليه..

لمى :- لاااااااااااا…قصي بترجااك ابي اغمى عليه لاتضرب النار..امي شو صرلوا..

جميلة :- ااااخ ياحالي راح الرجال..بترجاكن مريض بالقلب شو عملتو فيه…

جنى :- بابااااااااا…

بالجانب الاخر…

..

(( لحظات مرقت بلمح البصر وقت ما قصي قوص صقر ..وقع قصي بالارض فجأة وبلش ينزف ..وصقر دمو غرق سريري..رجال جابر يلي صارت موجودة بعد بدقائق من حضور قصي
.ومع ورجال صقر صارت بيناتن تصفيااات ..وعلى صوت القواص ماعرفت شو صرلي غير اني صرت تحت السرير وعم حاول ازحف لعند ابي..بدي اطمن عليه بعد ماصقر فرجاه صوري ….

وقف القواص والكل طلع من البيت اخدو صقر وبقي قصي بالارض..

جميلة :- ابوكي ماعم يتنفس جنى..دقي على الاسعاف..

لمي :- ….

(( بهاداك اليوم كانت اخر مرة شوف ابي..مات لحظتها على وجعي وهمي..بعد مانقلناه على المشفى كان نبضو متوقف …خسرت اعز شخص حاول بكل قوتوا يحميني ويجيب حقي..لو يومها اسمعت كلامو وماقبلت بهاي العالم كان ماخسرتوا كان هاد قضاء الله وقدروا..صارت حياتنا عذاب ومعاناة بعد مافقدناه ارجعت لبيت اهلي وبقيت معهن..كان الشخص الوحيد يلي عم يعتني فينا هو زوج اختي سما…بقيت على هالحال شهر..لوقت دق باب بيتنا…قصي..

جميلة :- فوت ابني فوت..

جنى :- اختى هاد زوجك قصي..

لمى :- شو بدو مني لاتفوتوه لعنا ..اكثر من يلي صار بسبب هالعيلة ليش جايين لعندي ..

جنى :- الله يرحمك يابي والله اشتقنالك ..

جميلة :- بنتي جوزك صار عنا برا ..

لمى :- امي انتو عم تفهمو عليه ولا لاء

جميلة :- بنتي لازم تفهمي انتي علينا.. الشاب مالو ذنب بلي صار ..وقع ضحية طمع ابوه ووساخة اخوه ..لو ما كان خايف عليكي ما اجا واجه اخووه ..يعني بقي لحالو بالمشفى مقوص وماقبلتي تزوريه والله يامو ماحلوة..هاد جوزك..بعدين امو اجت لعنا بحالا بدل المرة اثنين وثلاثة ..بتذكري..

قبل اسبوع..

صفية :- انا الله بيعلم بحالي ..ابني صقر ابوه ساجنو ومانعني اشوفوا او اطمن عليه بعد ما انصاب بصدروا … صح غلط بس بضلو ابني..رح يبقا سنين مسجون تحت رحمة ابوه بسبب اخطائو بس والله قصي مالو ذنب..دخيلك والله عم يهلوس بإسم بنتك..ومابدو يحاكي حد الا هي..بس خليها تجي تشوفوا اللي صار معو مو سهل ولا حد بتحملوا اخوه غدر فيه ومرتوا خانتو….

جميلة :- ام قصي انا مبسوطة بجيتك لعنا بس نحنا جرحنا بعدو ما طاب وبعد ملتهب وبيوجع ….البنت زعلاني على ابوها ..اللي صار كمان عليها مو سهل ..هاد ابوها هي عم تلوم وتعاتب حالا ..وكل ما حد حكاها بتقول هي يلي قتلت ابوها هي السبب..الحمد لله على ما ابتلانا..

صفية :- جميلة..انتي ام بنات وانا وجهي اسود قدامك ابني بعرف دمر حيات بنتك..بس قصي والله مالو ذنب ارجعي احكي معها .

جميلة :- طيب رح احكيها..

جنى :- امي ..عملت لالها ليمون بس ماعم تقبل تشربوا .

جميلة :- لمى ارفعي راسك امي..هاي ام قصي ..شو بدي قلا ساعديني بنتي..

لمى :- خليها تروح ..مابدي ارجع لابنا..

جميلة :- بنتي بس انتي حامل ولازم يعرفوا ويعرف زوجك…

صفية :- لمى حامل..

جنى :- امي ..هاي ام قصي هون ..

جميلة :- صفية..

صفية :- لمى حامل جميلة..

جميلة :- اي ..بس والله ماعم تقبل لاتاكل ولا تشرب وزعلاني على ابوها..

صفية :- بنتي الحي ابقى من الميت ولله ما اعطا ولله ما اخد هاد الولد حرام تعملي هيك فيه ..لازم تتغذي وتهتمي بحالك الله يخليكي فيقي احكي معي..

لمى :- اطلعي برا بيتنا لو سمحتي اطلعي…

……

جميلة :- امي الرجال جاي بطولوا بعد ما طردتي امو..اكيد هلاء هي خبرتوا انك حامل..

لمى :- هلاء انتو شو بدكن فيني ..اتركوني روح لعند ابي..

جميلة :- لاحول ولاقوة الا بالله..

جنى :- خلص امي خليهن يتركوها بحالا والله بدهن يجننوها..انا رايحة احكي معو…

جميلة :- جنى يابنت..

جنى :- قصي..

قصي :- كيفك جنى..

جنى :- اسمعني قصي اختي مابدا اياك بعدو عنها اتركوها بحالا ..بكفي يلي عملتوه فيها سرقتو كل شي منها اخدتو منا احلا شي ..شو جاي بدكن كمان..اختي مابدها تشوفك الله معك الباب بفوت جمل..

قصي :- انا ماني جاي شوف لمى انا جاي شووف ابني…

جنى ؛- شوو..

قصي :- انا بعرف انها حامل ..انا بدي اطمن على ابني واروح ومارح حد يمنعني ..

(( فتت للغرفة لقيت وجها للحيط واما قاعدة جنبا ..وهي وامها عم يشهقوا من البكي..وقتا حسيت اني اكثر انسان ظالم بالكون..واني كان لازم ما اتردد واخد حقها بقتل اخي بس قد ماصار هي فقدت اغلى انسان عندا وفقدت حتى حالا ..قامت اما من جنبا ..وقعدت بداالا ..كانت ايدي اليمين فيها الاصابة وماعرفت اكمشا.منيح..قربت وجهي لعندا وقربت شفافي لعند اذنها لاحكي معها وتسمعني..

قصي :-سامحيني..هاد بس يلي بدي اياه منك..سامحيني على هاديك اللحظات..يلي تركتك تتعذبي فيها….سامحيني لاني ماقدرت وقف كل شي عن حدو سامحيني عن تصرف نادين اللي خلا صقر يصل لبيتنا فيه سامحيني على انتظارك ليالي لالي وكانت نادين عاملة حظر لالك عندي سامحيني عن كل اخطاء البشر بالكون. انا رح امشي من هون واتركك تنسي وتنسيني .مارح زيد الوجع عليكي اثنين بدي تعتني بإبنا منيح ..مشان بس يجي تسميه حمدي…وانا بحبك ورح ضلي حبك

جميلة :- ابني انطر شوي..

قصي :- مرت عمي اي شي بتحتاجيه انا موجود بدي اضلك اطمنيني عن لمى والطفل كل شي بخصها وبخصكن انا رح لبيه..اذا صار معكن شي خبروني..

..

(( غادر قصي المكان ..وماعدت شفتو ايام..بس البيت اختلف شوي مرق الاربيعين يوم لابي..وبلش بيتنا يرجع لوضعوا النص طبيعي ..لان شو ماعملنا مارح تعوض مكانتو..امي واختي كانو كثير عم يحاولوا يرضوني ويخففوا عني..ويوم عن يوم صرت احس انو في شي بالبيت غريب شي اهتمام ورود بكل مكان وبرفانات جديدة ماكنت بعرف شو عم يصير..

لمى :- امي حاجي ترشوا من هالبرفان ريحتو مزعجة..

جنى :- هلاء هاد ريحتو مزعجة..شلون لو تعرفي من وين..

لمى :- من وين..

جميلة :- من ولا مكان انتي امي عم تتحسي لانك حامل وببتوحمي .

لمى :- اها ماشي..


في الجانب الاخر..

جابر :- لازم حفيدي يربا بينا ..مابدي يربا في بيئة فقيرة هيك..

صفية :- البنت ماعم تقبل تحكي مع حد لا معي ولا مع قصي..

جابر :- مو بكيفها غصب عنا..صقر وانا سجنتو بإيدي وزوجها وصار بس بدو يرضيها شو بدها اكثر من هيك..اذا بقيت على على هاد العناد انا الطفل غصبا عنها راح اخدوو. ليربا معنا…وبكرة رح احكي مع الوزيرة سماح ..وزيرة التربية مشان بنتا لقصي…

صفية :- شووو عم تحكي من عقلك..

جابر :- اي من عقلي. قصي لازم يطلع من يلي هو فيه ..ويتزوج لازم احاول اعوضوا عن يلي صار معو شوي..جهزي حالك

يتبع

عرض التعليقات (115)