طريقة عمل رز مندي بالدجاج

38 28٬414

طريقة عمل رز مندي بالدجاج
معكم صديقة زاكي الشيف الموهوبة AM YOUSEF

المندي

المقادير

  • جاجتين
  • حبتين بندوره
  • فليفله خضرا كبيره
  • بصلتين كبار
  • 4 سنان تومه
  • ملح. فلفل اسود. قرفه ناعمه. هيل ناعم. كمون. بهار مشكل او ساده. كركم. بابريكا حلوه
  • 5 كوب رز بسمتي
  • صلصة بندوره

الخطوات

سهله خفيفه لطيفه بالبليندر بتحطي البندوره وبصله والفليفله والتومه وملح وفلفل اسود حسب الرغبه ومعلقة زيت نباتي وشوية مي وبتخلطيهم منيح وبضيفي عليهم معلقه كبيره معبيه بابريكا حلوه ومعلقة صلصه ونص معلقه صغيره هيل ونص معلقه صغيره قرفه ومعلقه كبيره مو معبيه بهار مشكل وملح بتحركيهم منيح وبتبلي الجاج فيهم من تحت الحلد وفوقو منيح واتركي من قبل بيوم او من الصبح لوقت الغدا وبتشويهم بكيس حراري او قصدير بالفرن.

اما الرز بتقلبي البصله التانيه بزيت نباتي مع معلقة قرفه ومعلقة كمون ومعلقه بهار ونص معلقه هيل وماجي بودره وكركم حسب درجة اللون الي بدك اياها بس تدبل البصل بضيفي الرز المنقوع بعدين مرقة جاج او مي مغليه وبتزودي الماجي البودره وبس يغلي غلوتين تلات بتوطي وبتتركي يستوي بتكوني مولعه فحمتين منيح بتحطي بنص الرز فنجان وفي الفحمه وعليها زيت وسكريها بسرعه وخليها 10 دقايق مسكره والفحمه التانيه بتحطيها برضو بفنجان بين قطع الجاج بصينيه وتحطي زيت وتسكريها بسرعه كمان خليها عشر دقايق وصحه وهنا ان شالله تعجبكم


عرض التعليقات (38)