مطلقة والسبب امي بقلم الكاتبة جمايكا احمد

64 18٬701

مطلقة والسبب امي بقلم الكاتبة جمايكا احمد

#مطلقة_والسبب_امي
#للكاتبة_جمايكا_احمد
.الجزء الأول .. الثاني .. الثالث … اضفت الجزء الرابع 👇 اضفت الخامس ضفت الجزء الاخير انتهت

هذه القصة تأتيكم من قسم المنوعات في زاكي, ننتظر رأيكم في التعليقات.

 

مطلقة والسبب امي بقلم الكاتبة جمايكا احمد
مطلقة والسبب امي بقلم الكاتبة جمايكا احمد

.
.
. في بنات كتير بالكون بطلقو بسبب مشكلة فيها او بطليقها او بسبب انهم مو متفقين .. بس عمركم سمعتو ببنت اطلقت بسبب خيانة امها … اي يابنات هاد اللي صار .. انا اسمي منى عمري 21 سنة خلصت جامعة وموظفة مديرة عام بدار العجزة .. ابي الله يرحمو اتوفى من سنة .. وبعدها تربتو خضرة كان هو سندي بالدنيا كلها ومصدر قوتي من بعد مامات ابي ماعاد لالي معيل . انا وحيدة ماعندي لا اخ او اخت
كنا عايشين بمنطقة بعيدة عن اقارب العيلة بمكان ما ابي كان يشتغل ..كان ابي مدير دار العجزة .وكنت خاطبة ابن رفيقو ..((بهاء)) هاد كان اسم خطيبي السابق .. او زوجي السابق .. قبل وفاة ابي تمت خطبتنا..
: وكنت مبسوطة وراضية على نصيبي كان شاب متعلم ومثقف بهاء اكبر مني بسنة .. كنت انا واياه رايحين نجهز الشقة تبعتنا من اجاني اتصال من امي اني لحق ابي نقلوه على المستشفى .. رحت على المشفى لاطمن على ابي كانت امي باين على وجهها القلق بس مو خوف على ابي خوفها من شي تاني .. من طلب الدكتور نفوت نطمن على ابي بعد ما اصابتو جلطة قلبية ..امي رفضت انها تدخل .
.#انا :- امي ليش مانك حابه تطمني على ابي هو بحاجتنا هلاء ..
#امي:- لا لا فوتي انتي بطمن عليه بعدين .. فتت على ابي وقعدت جنبو ابكي كان ابي في غيبوبة ..ماعم يشعر بشي ..طلعت لإمي وقلتها ابي بغيبوبة ارجوكي فوتي ابقي معو اطمني عليه ..بعد إلحاح مني امي دخلت تطمن عليه وطلبت مني اطلع برا .. رحت برا الغرفة وقعدت اتفرج على ابي من الشباك .. امي طول الوقت كانت عم تحكي معو وتبكي وتشد على ايد ابي ..كانت امي بشدة من الخوف خايفة لأبي يروح منها …. فجأة شفت جهاز القلب سار خط مستقيم من الصدمة سرت نادي على الاطباء يلحقو فتت غرفة ابي وسمعت امي تقول سامحني الله يخليك سامحني ..
انا بالبداية ما ركزت مع امي سارو الاطباء يعملو انعاش لأبي .. بس ابي مات ماعاد قلبو يدق .. ابي مات واخد روحي معوو… مابقيلي غير امي . مابقيلي غير بهاء .. بس قد مايكون يكون ..راح سندي بالدنيا ..راح اللي حامي ضهري ..راح الحضن الدافي الحنون مني ..مرت ايام من بعد وفاة ابي عيوني مانشفو من الدمع .. امي نسيتو بسرعة وتوب السواد من بعد ايام العزا .. شلحتو ..امي اللي ماشفت اقوى منها على فراق ابي .. كان قلبي واجعني على ابي كتير ..حتى امي ماواستني بفراقو …..
#امي :- شو بدك تبقي بالفراش تنوحي وتجوحي هاي حياة وكلنا راح نموت قومي اشلحي الاسود واستقبلي خطيبك ..
#انا:- امي هاد ابي هاد روحي انتي مابتشعري لك جوزك هاد عشرة عمرك .
.#امي :- شو يعني اموت حالي وراه الدنيا مابتوقف على ميت .. مرت الاسابيع والأشهر .. بيوم شفت امي مانها عرفانة تنام وعم تتقلب بفراشها ..كنت انا عم جهز ملفات الشغل ..نمت بعد ماخلصت وفقت وبعدها امي فايقة .. اجتني امي الصبح ..
#امي:- شو مابدك تروحي على الشغل ..
#انا:- لا إمي تعبانه اجتني الدورة ورجلي وضهري بيوجعوني راح ابقى بالبيت اليوم ..
#امي:- راح تبقي بالبيت اذا بدك انا بخلي السواق يوصلك للشغل ..
#انا:- لا امي انا فايتة ارجع نام .
. #امي:- طيب قبل لتنامي تعي مكيجيني واستشوريلي شعري وطلعيني عروس ..
#انا:-امي الدني الصبح عندك مشوار..
#امي:- لاء عازمة الحريم على البيت وهادول حريم اعزاز وفخفخة وبدي اطلع قدامهم شي فاخر .. .
.#انا :- تكرمي امي ..
انا وقتها اقتنعت برد امي وفتت اعمل اللي طلبتو مني كانت مجهزة فستان استغربت منو مابينقعد فيه مع نسوان .. هيك فستان بيتلبس بسهرة بشي فرح بشي عزيمة خاصة .. غمضت عيوني عن كل شي وخلصت امي وفتت ارتاح ..بعد شوي من فقت لقيت باب غرفتي مقفول بمفتاح …

.
.
.الجزء الثاني ..
.
.

حاولت افتح الباب معي مافتح مما خلاني اضطر اطلع من شباك الغرفة اللي كان عم يطلع على الصالة الخارجية والمطبخ .. طلعت من الغرفة وفتت المطبخ والصالة وكانت الضيافة متل ماهي وكل شي موجود متل ماكان ولا كأنو حد كان عنا ..
: بقيت اتنقل من غرفتي للمطبخ والصالة لعند ما امي اجت فتحتلي الباب ..
#انا:- امي انتي ليش قافلة عليه هيك ..
#امي :- لا كان في حريم كتير واطفالها وماحبيت يطلعو لفوق ويفيقوكي …
#انا :- امي بس الضيافة متل ماهي والصالة ماتحرك ساكن فيها … بلشت امي ترتبك قدامي وصرخت عليه .
. #امي:- يووووه حاج اسئلة انا فايتة ارتاح …
: فاتت امي غرفتها وكمشت موبايلها وسارت تتبسم ..انا قلت لازم اعرف امي شو عندها لتتصرف هيك ..حاولت اكتر من مرة اني احصل على موبايل امي بس ماكنت لاقي الفرصة المناسبة … بيوم امي غفيت بالصالة ونسيت موبايلها على الشاحن بالغرفة انا استغليت نومتها وفتحت موبايلها وياريتني مافتحتو فضولي كان دمار حياتي كلها بس مصيبة ليش ما افتحو امي هاي .. كانت رسائل يا احلى ست بالكون .. كانت احلى يوم قضيتة معك والفستان كان يجنن وانتي بتجنتي كنتي ..
سرت قلب بالرسائل ..شفت اللي يقشعر بدني عليه ..حتي شفت رسائل من مات ابي …وكلام من السرعة والصدمة مافهمتو .. تركت موبايل امي ..وفتت غرفتي .وانا الصدمة راح تموتني ، امي خانتو لابي .. ابي مات بجلطة بسبب هالشي ..انا يلي كان موتني ليش امي عملت هيك ابي والله ماكان نقصو شي بعد بال 40 ومال وخير وكان مدللها لامي . وكان اللي بدها اياه ينفذو لالها والشي اللي تطلبو يوصلها قبل لتكمل قول الطلب . ابي كان يحبها وطاير عقلها ..الحريم يحسدوها عليه ..العيشة والاهتمام اللي كان ابي معطيه لإمي ماراح حد بالكون يعوضها اياه بس امي خانتو ومع مين ..اتذكرت اني ماعرفت مين الشخص اللي امي بتخون ابي كرمالو ..بسرعة قبل لتفيق امي اخدت الرقم ..ورجعت على غرفتي دق على الرقم ..ومن دقيت ظهر الرقم عندي مخزن وكان ..
كان لحماي .. ابوه لبهاءء ..رفيق عمرو لأبي ..ابي التاني …ابوه لزوجي المستقبل.. معقول الصدمة على قلبي سارت صدمتين ماتوقعت انو هالمصيبة تكون بالحجم هاد .. سارت تمر ايام وانا افكر شو اعمل وتركت امي تعمل كل شي متل مابدها .. قررت صارح بهاء قررت اقلو شو سار.. بعدها اتراجعت قلت مصيبة هاي اذا خبرت بهاء راح يقلي امك خاينة وانتي راح تصيري متلها .. شو اعمل ..ياربي ساعدني ماني متحملة صدمات كتير … بعدها فكرت حاكي امي واقلها اني كشفت كل شي .. جهزت كل كلامي وكل الادلة ورحت اقعد مع امي . من وقت دق جرس الباب كانت الساعة 10 بالليل .. مين راح يكون جاي لعنا بهيك وقت .. رحت افتح الباب ..كانت مرت عمي امو لبهاء …
#انا :- مرت عمي اهلين اتفضلي ساير معك شي. كانت مرت عمي عيونها مورمين من البكي وعيونها كلهن شرار ..
#مرت عمي :- وينها امك وينها العايبة وينها اللي ماتخاف الله هدامة البيوت ياويلكو من الله انتي اخدتي ابني وهي جاي تاخد جوزي على جثتي . امي على الصوت طلعت وبلشو يتخانقو ويضربو بعض ..بعتت رسالة لبهاء انو يلحق في مصيبة ..بهاء مارد عليه ..بعد دقيقة كان بهاء على الباب وفات فكهن عن بعض .. وامو حلفت يمين ماتطلع من البيت الا من ينطق يمين الطلاق عليه … وبهاء بكل برود قلي..
.#بهاء :- انتي طالق منى من غير ما امي تحلف اليمين .. انا مابدي اياكي انا مابتجوز وحدة امها ……. . ماتركتو يكفي كلامو وقلتو الله معك روح وصرت دافع عن امي اللي انا متأكدة انها غلطانة ..بس بحكم انها امي .. انا من راحو انا انهرت بأرضي وسرت ابكي بحرقة . اجت امي تحضني تقلي لاتزعلي كدابين كدابة هاي المرة وابنها هني بدهن يطلقوكي بس مالقو غير يتهموني لاني ارملة .. امي بلشت تتمسكن قدامي وتبان انها مظلومة ..
#انا :- امي حاااااااااااج خلص لولا انك مانك امي لعرفت اتصرف شي تاني …
#امي :- شو بتحكي انتي مصدقتيها لمقصوفة الرقبة ولا مشان طلقك ابن الحقيرة .. امي لاتغلطي مرت عمي بحياتها ماغلطت بحقك انتي اللي غلطي بحقها وبحق بهاء وبحقي وبحق ابي .. لاتفكري اني ماني عارفة انا بعرف كل شي وشفت كل شي ماتركت طريقة الا بعدك بس انتي خنتيه لأبي .. ابي مات بسببك .. طيب ليش هيك عملتي ابي شو كان مقصر معك …ليش خنتيه ومع مين خنتيه مع ابوووه لبهاااااء انتي قتلتي ابي بس هو ارتاح منك ..بس انت كل يوم عم تقتليني وماارتحت منك … امي وقتها فقدت الوعي .. وبقيت جنبها لعند مافاقت ..كنت مجهزة شنطي مشان اطلع من البيت …
ومن فاقت قلتها …
#انا :- امي كملي حياتك وعيشي بالبيت هون ..مابدي شي من مالك ..واذا نقصك شي انا كل شهر راح ابعتلك نص راتبي .. من بعد اذنك ..
.#امي :- وين بدك تروحي وتتركيني اه ليش بدك تتركيني وين المشكلة من احب ..
#انا :- امي انتي ابي كان يحبك وحبيتي عليه وتمعشقتي انا بنتك ماعملت هالشي ..
#امي :- انا بعدني صغيرة وماطبقت 40 والله اعطاني الجمال والجسم والمال ليش ابقى العمر كلو ارملة.. #انا :- امي حرام عليكي اللي بتعمليه ……طلعت من البيت وتركتها وهي تصرخ عليه وبتهددني .. اخدت حالي ورحت على دار العجزة تبعت ابي الله يرحمو واخدت غرفة هونيك وجودي مع هالناس الطيبة كان ينسيني اللي مريت فيه ..ورقة طلاقي وصلتني … وانا حزينة على نصيبي بكل شي امي كانت كل ساعة ادقلي وتبعتلي مسجات بعد اسبوع انقطعو وماعادت ترسلي شي من بعدك مالقيتني ماعم رد عليها ..
.
.
الجزء الثالث :-
.
.
بعد ايام اجتني زيارة من حد على دار العجزة بالاول شكيت وقلت للموظفة اذا امي قليلها مانها هون ..وبهاء كذالك ماكنت بدي شوف حد منهم .. قالتلي الموظفة مو امك هاد رجال غريب ..قلتلها دخليه .. من فات الراجل كان عمي اخوه لابي اللي بكل حياتي ماشفتو الا مرة او اتنين ..من شفتو رحبت فيه ..وكنت بوقتها محتاجة سند اشكيلو همي ومن قعد ..قلي اكيد ..
#عمي :- اول شي بعتذر اني ما اجيت على عزا اخي الله يرحمو ..اللي بفراقو كسرلي قلبي بس كنت مشغول والظروف اخدتني …
سرت اقول بحالي شو هي الظروف اللي ممكن تمنع اخ يجي يودع نعش اخوه ..حسيت شعور اللئم بانت عليه ..
#انا :- ولا يهمك عمي الله يرحمو لابي كان يقلي عنك كل خير ..
#عمي :- الله يرحمو ..المهم يابنتي مشاني مشغول وبدي روح بس حبيت اجي اسالك كم سؤال..
#انا :- اتفضل عمي عم اسمعك ..
#عمي :- المرحوم ابوكي كان تارك ميراث وانا جاي اسال اذا في لالو وصية ولا لاء …. انا وقتها اتاكدلي انو عمي جاي ليطمع بميراث ابي ومانو جاي مشاني …
#انا :- لاعمي ماترك وصية ابي الله يرحمو تركلي كل شي انا وامي …..ملامح الغضب بانت على وجهو لعمي وصرخ عليه ..
#عمي :- لامك لاتجيبي سيرة هالمرا على لسانك مفهوم سمعتها طين بالعيلة لاتفكري مابنعرف شو سار لاعرفنا وكل هالدنيا بتعرف واسمعي حتى انتي مطلقة سرتي بوجهنا ولازم نلاقي طريقة مشان ماتصيري متل امك..وطلع عمي وطبق الباب وراه ..وانا بلشت قطع بتيابي من الوجع اللي على صدري يافضيحه يافضيحة سمعتنا انا وامي سارت على كل لسان اللي يسوى واللي مايسوى 😢😢😢 .. رحت غيرت رقمي وطلبت من الموظفة اي حد بيجي من عيلتي يسأل عني قليلو مانها موجودة ..بقيت ايام داري فضيحتنا ..وانا يلي مافرحت بالدنيا ..سرت مطلقة وسيرتي اني بنت هاديك المرة الخاينة على كل لسان 😢….
بقيت اشهر وانا اعتني بالشي اللي بقي من ريحة ابي ..كنت اقضي كل وقتي مع العجزة واللي من اسمع صوتهن يهون عليه همي…
سمعت قصص تشيب شعر راسي امهات ضحو بعمرهم كرمال يسعدو اولادهم وكان مصيرهم بالاخر دار العجزة .. وانا اللي كل شي عملت ..كان مصيري وانا بأول عمري ابقى بدار العجزة …كانت في شخصية جدا احبها كنت من اضيق الدنيا عليه ..كنت روح حط راسي على حضنها وابكي .. اعرفكم بالشخصية الطيبة الحاجة ام حيدر .. خالتو ام حيدر سرلها ثلاث سنين هون كانت الشخص الوحيد اللي يهون على ابي كل تعب الشغل ..وهلاء سارت تهون عليه كل تعب الدنيا .. خالتو ام حيدر ابنها جابها لهون بعد ماكان وجها وجسمي مضروب بسبب ابنها ومرتو . خالتو ام حيدر ..عندها اتنين اولاد حيدر وسامح . سامح الابن العاق لالها اللي طردها بالشارع وضربها كرمال يرضي مرتو.. وحيدر الشاب اللي دايما تحكيلي عنو اللي سارلها شي 10 سنين وهي بتنطر خبر عنو …ابنها حيدر شاب عمرو 28 سنة هرب من الجيش على اوروبا ومن بعدها ماسمعت اخبارو ..اعطتني صورتو من كان عمرو 18 سنة . شاب اسمراني وطويل ..كنت من تحكيلي قصصو يرتاح قلبي ..ومن مل روح قلها خالتو ام حيدر يالا قليلي عن حيدر.. كان نفسها تشوفوا قبل ليختارها الموت ..
: وانا متلها سرت اتمنى شوف هالشخصية المجهولة ..اللي حبيتها من ورا صورة لالو انا قررت دور على حيدر عن طريق الانترنت واسأل عنو بالسفارات
وبيوم كنت عم اتصفح حسابي الفيس ..لقيت رسالة من امي 😲 .. وبتقلي مابدك تباركيلي انا وبهاء 😲
.
.الجزء الرابع …
.
.
معقول امي خطبت خطيبي السابق لاه مش ممكن شلون امي تعمل فيني هيك هو انا ياربي عدوتها ياربي قلبي قام يوجعني والخنقة وصلت لاخر نفس فيني ..امي مو عارفة شلون تكسرني .. استجمعت قوتي وقتها ورديت على امي برسالة ..كان محتواها (( امي الحنونة .اعلم جيدا مدى تعبك لراحتي واهتمامك بسعادتي ، واشكرك جدا على عنايتك بي منذ وفاة ابي ..ارسلي لي موعد فرحك على خطيبي السابق حتى احضر لأهنئك )). وامي ماتكون خيابة ارستلي موعد خطوبتها اللي كان بعد شهر ..قررت روح على الخطوبة واجهز امري لالها ، لان لا امي ولاخطيبي عادو يعنو لالي شي ولازم روح لاجعلهم يشوفو اني بعدني قوية وماضعفتك ..امي خانت ابي وخانتي واكيد راح يجي اليوم والكل يخونها لازم روح مبتسمة لهيك حفلة لأشوف امي بجانب شاب بقد عمر بنتها راح يكون جوزها .. سكرت حسابي الفيس ..وتركت كل شي ورجعت لخالتو ام حيدر لأسألها اذا محتفظة بدفتر العائلة تبعها لحسن احصل على رقم حيدر ….وابحث عنو دوليا .. اتواصلت مع السفارات كلها وما اخدت اي معلومة … ارجعت ابحث بملف ام حيدر لاحصل على رقم اخوه لحيدر اللي ضربها..اخدت رقم الهاتف واتصلت على رقم البيت الخاص ردت عليه مرتو ..
#انا :- مرحبا انا منى مديرة دار العجزة .. بعدني ماكملت الاتصال كانت سكرت بوجهي الخط .. حتى هاد الاحتمال قفل معي .. كان لالي صديقة عندها صفحة فيس فيها اكثر من 7 مليون مشترك .. وقلتها راح نزل صورة لخالتو ام حيدر وانها بدار العجزة وعم تبحث عن شاب اسمو حيدر وانها مالها حد …
: ووافقت صديقتي على طلبي ونزلت الخبر كان انتشار الصورة كتير كبير ..بقيت الصورة اسبوعين وما اجانا اتصال حقيقي عن وجود حيدر …بالاسبوع الثالث دقت عليه رفيقتي بتقلي اجتني رسالة من شخص بقول انو بيعرف حيدر … قلتها انا بنطر تواصلو معي ..نطرت لتاني يوم لرد عليه صاحب الرسالة ..وحكيت معو ..وقلي ام حيدر منيحة هي بخير فيني شوفها او شوف صور لالها تانية . قلتو ام حيدر بخير بس ممكن تعطيني معلومات عن ابنها ووين هو موجود ..قلي موجود وبعرف كل المعلومات عنو لاتقلقي بس بدي طلب بدي اشوف ام حيدر واتاكد من شكلها صوت وصورة مشان ابعتهن لحيدر ليتاكد انو هاي امو او لاء .. قلتو تكرم رحت جبت خالتو ام حيدر وفتحت فيديو لالها ..وقلتها خالتو اقعدي هون قدام هاي الكامير واحكي عن حيدر من اول مابلشت حكي ..الشاب صرخ وقال
#امي والله امي والله ياناس امي اللي سارلي 10 سنين فاقدتها امي … خيو مافهمت انت حيدر .. اي اي انا حيدر قليلها انا حيدر انا حيدر استني افتح فيديو خليها تشوفني منيح قليلها هاد حيدر ابنك … فتح وقتها كاميرا وخالتو شافتو وسارت تبكي بحرقة
..#ام حيدر:- يا امي مشتاقلك تعال احضنك قبل لاموت تعال يا امي ليل نهار وانا ادعي انو الله يقابلني فيك ..كبران يا امي وساير احلى كبران وسرت عريس .
.#حيدر :- اي امي شوفتيني انا جاي يا امي جاي لعندك وجاي احضنك .. وقتها حيدر سار ينادي على اطفال ..
#حيدر :- رامي عبد الله تعالو شوفو ستكم هيها الحنونه اللي كنت احكيلكم يابي عنها .
. #ام حيدر :- واتزوجت يما وسار عندك اطفال ..اي يا امي سار عندي اطفال الحمد لله .. انا كنت قاعدة عم اسمع على جنب حيدر ما شافني وبالاحرى نسي اني موجودة الشخصية المجهولة اللي حبيتها وكنت ناطرة اليوم اللي شوفها فيه طلع متجوز وعندو اطفال .. بعد شوي نادت عليه خالتو ام حيدر لاحكي مع حيدر واعطيه عنوان دار العجزة.. ومن قعدت قبال الكاميرا وشفت حيدر صفنت بالجمال وبالرجولة فرق شاسع بين الصورة والحقيقة شاب بغاية الجمال والذوق حتى اطفالو ملائكة ..قلتو
#مرحبا اخ حيدر انا منى .. حيدر حتى هو لقيتو صافن فيني ..
# انا …اخ حيدر ..
#حيدر :- انا اسف انا الخميس هذا بدي اقطع تكت طيران واجي على الدار فيكي تعطيني العنوان . #انا :- اكيد خيو تكرم .. بعتت لالو العنوان ونطرت الساعة ليجي يوم الخميس ..يوم ما دقلي وقلي انا ربع ساعة واوصل ..حسيت قلبي وقع من مكانو ..من وصل حيدر المكان كان هاداك الجمال اللي بحياتي ما شفتو الرجولة والسمار والعيون اللوزية اخدني معاه لمكان تاني وانا صافنة فيه ..
#حيدر:- مرحبا منى وين رحتي .
. #انا :- اهلين حيدر بعتذر .
. #حيدر :- شو قصة صفنتك هاي تاني مرة تصفني فيني .. فيكي ادخليني شوف امي.. حيدر بعد ماسلم هو واطفالو اللي بيشبهو الجمال الاوروبي ..غير الاخلاق والادب والاحترام .. كانت اجواء استقبال حيدر لامو تبكي الحجر وشلون نزل لعند رجليها ليبوسهن …وحضنت اطفالو ..وقتها سألتو وينها مرتك ياحيدر ليش ما اجت .
. #حيدر :- امي تركتني مرتي وراحت وتركت الاطفال وهني صغار هي اوروبية ماتبعت بيوت لاتهتمي .
. #ام حيدر :- بكرة بجوزك وبفرح فيك ببنت حلال تسعدك على طول …. كانت خالتو ام حيدر عم اطالع فيني وهي بتحكي انا من الخجل تركتهن لحالهن …..وكنت فرحانة انو حيدر ماعندو زوجة ..يمكن حبي المجهول لالو فرحني .. خلص حيدر اوراق خالتو واخدها من عندي …زعلت وقتها انها راح تروح بس هي وعدتني انها على طول راح يجيبها حيدر لعندي …لتزورني وتزور رفقاتها .. بيوم دقلي حيدر وقلي انو عازمني على العشا ..عزيمة شكر
.
.
.: الجزء الخامس :-
.
.
.انا قبلت العزيمة وبصراحة كان كلي عزيمة اني روح .. جهزت حالي بالمسا ولبست احلى شي عندي .. طلعت شي حلو كتير … ونطرت حيدر ليجي ياخدني بالسيارة .. من وصل حيدر اتفاجئ فيني …
#حيدر:- ماشاء الله يحميكي من عيوني طالعة بتجنني ..
#انا :- يسلمو هاد من زوئك حتى انت طالع كتير حلو لمين كل هالشياكة ..
#حيدر:- والله اليوم في صبية حلوة كتير بدها تنافسني بشياكتي قلت مارح اعطيها مجال واطلع احلى منها ..بس الظاهر هي سبقتني ..اتفضلي ياحلوة 😍 … فتحلي حيدر باب السيارة ووصلت لمطعم فخم وموسيقي كلاسيك تجنن .. اعجبني المكان وخلاني اشعر بالراحة فيه .. قعدنا انا وحيدر نحكي عن قصص حياتنا .. قلي حيدر عن قصة حياتو اللي خلتو يهرب من البلد ليسافر وعن زواجو من الاوروبية وليش تركتو مع الاطفال ..وقلي عن محاولتو بالاتصال باخوه ليعرف وينو وين مكان امو ..بس ماكان يعطيه اجابة ..حيدر عندو شركة اثاث كبيرة باوروبا وشخص تعب على حالو كتير ..هو مانو جامعي بس مثقف ومتفهم لدرجة عالية مذوق ورجل منفتح ..
.: #حيدر:- شو ياحلو انا قلتلك كل حياتي انتي مابدك تقليلي شو سار معك
وتحكيلي قصتك واسمعت من امي انك عايشة بدار العجزة وانو بيك الله يرحمو كان مالكها وكان محبوب من الكل ….
#انا :- بس حيدر انا قصتي مابحب قولا لحد اذا قلتها راح تقلب علي المواجع وانا بنت قصتي طويلة .. #حيدر :- اذا راح تقلب مواجعك بلا منها .. بس فضولي اعرف ليش الحلو هاد عندو مواجع …..طريقة حيدر بالكلام خلتني ارتاح وانا بحكي اللي كان طول الوقت بمسح دمعاتي ومستمع لالي حتى عيونو بلشو يدمعو معي .. بقينا نحكي لوقت اجا القرسون قلنا عفوا سار وقت تسكير المطعم … كنا نسيانين حالنا طلبت من حيدر انو يوصلني وان شاء الله بنقعد مرة تانية … وصلني حيدر للبيت . ومن فتت ارتاح حسيت براحة كبيرة اني فضفضت كل هالزعل من على قلبي ..بعد نص ساعة وصلتني رسالة من حيدر (( شو ياحلو بعدك فايق ذكرتني بكم شغلة نسيت قلك اياهن .. هادول العيون الحلوين مابدي شوفهن زعلانين تاني مرة ..شغلة تانية حيدر سار هلاء موجود ومارح يسمح لحد يبكيهن نامي وارتاحي … حيدر سار هون ))
: سدقو اول مرة نام وانا مرتاحة من بعد ما مات ابي … فقت تاني يوم وانا كلي نشاط وكان مابقيان لخطوبة امي من بهاء .. الا ايام قليلة .. دقلي حيدر وقلي ((( اذا بتحبي تعزميني على خطوبة الماما انا موجود مرافق حرس اللي بدك اياه )) انا اضحكت وقلتو ليش لاء احلى شي …
: انا وقتها فرحت انو مارح كون وحدى راح يكون عندي سند راح اتباهى فيه قدام امي وطليقي راح متل ماكسروني راح اكون قوية .. رحت ع السوق واتسوقت احلى تياب واخد موعد مع الكوافير ..بعد ما جهزت رفضت الكوافير تخليني شوف حالي الا من يجي حيدر ياخدني .. ومن اجا حيدر يوصلني اتفااجأ وبقي عيونو عليه وهو متصفن ماعم يرفعهن ..
#انا :- حيدر حيدر ياهووو نحن هناااا حيدروا شو سرلك ..
#حيدر:- يانعمة الله على هالجمال فدوة للي خلقك سحرتي خلق الله ..
#الكوافير:- صلي على النبي لتحسد عروستك .. انا وحيدر خجلنا من كلام الكوافيرة وبلش وجههنا يتلون ..
#حيدر:- الله كريم يسلمو …
طول الطريق وحيدر مبتسم ماقال شي كل الطريق وانا عيوني ع الشباك ماقلت من الخجل شي.. وصلنا لمكان خطوبة امي وقلي حيدر اسبقيني انا لاحقك فتت المكان والكل عم يطلع علي كأني انا العروسة .. سلمت على قرايب بهاء وسلمت على امي وباركت لالهن .. بعد شو اجا بهاء لعندي ..
#بهاء :-شو هو اللي بطلق يحلو هيك ..
من كنت بالخطوبة الكل كان يحكو عني ويتهامسو ما اعطيت اعتبار لأي حد ..كنت قوية ..بس بهاء شرب كتير وسكر اللي ماحسن يرفع عيونو عني وهو مقهور على خسارتو فات حيدر وعرفت حبايبي عليه كل الصبايا كانو عيونهن عليه حتى امي من شافتو روحها الخضرا انفتحت لالو بس هو ما اعطاها وجه.. وبالحفلة سكر بهاء كتير ومسك ميكرفون الدي جي وسار يقول …..
.
.الجزء الاخير …

.
.#بهاء((مرحبا يا ضيوفي الكرام أكيد الكل اليوم مجتمع ليهنوني بخطوبة ام طليقتي .. طليقتي اللي تركتني مشان هاد اللي واقف جنبها ……..
انا بوقتها كمشت حيدر لان كان بدو يضربو وقلتو كرمالي اسمعو راح يجي وقتو .. كمل بهاء كلامو ..
#بهاء..اخدها مني وانا بحبها بقيت اتردد كل يوم لارجع لالها .بس هاي المرا اللي هي امها غرتني بحالها من بعد ما غرت ابي وفرقتني عن…. منى ..هاي الام اللي بالدنيا كلها ماشفت متل قسوتها .. اليوم راح اتجوزها انتقاما من بنتها اللي ماعملت لالي شي غير انها انظلمت ..فكرت من اخطب امها راح عيشها بقهر لتجي تترجاني ارجع لالها ..بس انا وقعت بشر اعمال ..متل ما امها اليوم راح توقع بشر عملها امها اللي باعتها بأرخص ثمن … امها اللي من جيت اترجاها ترجعلي منى قالتلي هاي مو بنتي تركتني مشان تعيش حياتها مع غيري وتاخد ميراث ابوها .. هاي الام اللي كذبت وشوهت سمعت بنتها مشان حب نفسها ..هاي الام اللي ماتركت سحرة او مشعوذين مشان ادمر حيات امي وابي كمان … شفتكن كلكن عم تتهامسو عن شرف منى الملاك بسبب امها ..ظلمتها وحكمت عليها بالطلاق وتركتها تحت لسانكم بلا رحمة ..سامحيني منى سامحيني… . هيك ختم كلامو بهاء وهو سكران وبيبكي لعند ما اغمى عليه ونام .. امي اللي كل عيونها شرار وحقد هربت وماعرفت مكانها وين راحت ..انا مسامحتها وهي امي وبتمنى ترجع وتكون تغيرت وعرفت غلطها …. وحيدر اللي يوميا سرنا نحكي مع بعض اللي ماتركني ولايوم اللي وجودو معي خلا الدني تحلا بوجهي .. ..بيوم عيد ميلادي وصلني بريد كان مكتوب عليه .. ياحلوة فيكي توقفي على البرندا … بسرعة بسرعة وقفت على البرندا وكان اولادو لحيدر واقفين ..وماسكين لافتة كبيرة مكتوب عليها … خالتو منى بتقبلي تصيري ماما لالنا .. وبعدين غيرو لافتة تانية وبتقلبي تصيري مرتو لأبي .. واللافتة الاخيرة وتجيبي لالنا نونو صغير كمان … انا بسرعة جبت لافتة وقلم وبلشت رد عليهن .. حبايبي الحلوين .. بتقبلو تصيروا اولادي الحلوين ..والتانية حبايبي بقبل بالبابا زوج لالي .. واللافتة الاخيرة من ناحية نونو صغير انا موافقة جبلكن قبيلة نونات… وبلشت اضحك عليهم من البرندا ..وقلتهن جاي العب معكن ..ومن درت وجهي ..كان حيدر وراي ماسك خاتم وبقلي وانا جاهز ياحلوة مشي نلعب سوا وتوته توته خلصت الحتوته وجبت كمان بنوته هيك الله جزاني صبري وعوضني بحيدر اللي صار سندي واغلى شي بدنيتي الصبر ياصبايا على ماربنا بلانا فيه ..ويجي يوم والا راح تفرج وحذاري من وسائل الاتصال والكثرة بالدلال بتعلم الهمالة وقلة القناعة متل ما سار مع امي الله يهديها ويرجعها… ويرحم ابي بترابو …
.
.#انتهت

عرض التعليقات (64)