قصص ما قبل النوم قصة الليلة العريس الألماني للكاتبة جمايكا أحمد

39 16٬913

قصص ما قبل النوم قصة الليلة العريس الألماني للكاتبة جمايكا أحمد

قصص ما قبل النوم قصة الليلة العريس الألماني للكاتبة جمايكا أحمد
قصص ما قبل النوم قصة الليلة العريس الألماني للكاتبة جمايكا أحمد

 

قصص ما قبل النوم قصة الليلة العريس الألماني للكاتبة جمايكا أحمد

قصص ما قبل النوم قصة الليلة العريس الألماني للكاتبة جمايكا أحمد, هذه الوصفة مقدمة لكم من قسم المنوعات في زاكي, قراءة ممتعة, وننتظر رأيك في التعليقات.

#العريس_الألماني ..
#للكاتبة_جمايكا_أحمد

الجزء الاول …. ضفت الجزء الثاني .. الجزء الثالث 👇👇 اضفت الجزء الاخير

الجزء الأول:

انتو مابتعرفو قديش انا وخواتي عيلة نغشة ..
نحنا تلات بنات وانا اصغرهم..
مشكلتنا واساسا ماعنا مشكلة احنا المشاكل اللي انخلقت بالدنيا😂😂😂
انا نور وعمري 23 سنة انا اصغر خواتي عندي بس اخ واحد وهو احن مخلوق بالكون ..بس فرق شائع بينا وبينو هو وسيم فوق العادة وانا واخواتي بتنافس على الوزن الثقيل اذا فتنا بمكان ممكن نعمل هزة ارضية زلزال او ممكن تسونامي ..
😄😄 وكعادتنا ككل يوم وكل صباح فقنا نفتح على قناة فتافيت لنشوف الاكلة اللي راح نطبخها هاد اليوم ونتفنن ونستمتع باكلها ..
بس النظام اليوم تغير لقينا كل قنوات الطبخ محذوفة واغلب القنوات رياضية قلبنا قلبنا بهالقنوات مافيها امل ولا بسمه ولا عمر .
خلص قررنا نطبخ شي من افكارنا بس المطبخ كان مقفول بقفل بلشنا نحسن انو هالافعال وراها مافيا وعصابة لعينة .. سرنا نتلوى بالبيت متل الديناصورات اللي عم تتنازع بعد شوي وصلت رسالة على موبايلي وموبايل خواتي وكانت من اخي اسعد .. ((مرحبا خواتي الدلافيين صديقي جاي من المانيا وبدو يتزوج وحدة منكم وبحكم انو صديقي مابدي يصبوا الضغط اول مايشوفكم لان انا قلتو انو خواتي ملكات جمال )) وبعد ماخلصت الرسالة بلشنا انا وخواتي نتصفن في بعض معقول هاد العريس لالي اي لالي لان انا اقل من اختي ب 2 كيلو وبلشنا نتشاجر على العريس اللي هو لو شافني ونحنا بنتقاتل ممكن يحفر قبروا بايدو .. بعد شوي اخي فات البيت .. وكان كمية الرعب والخوف على وجهه باينة .. وكان لابس درع وقائي خاف لنقعد فوقو ويفطس كان عارف نفسو فايت معركة ممكن يطلع منها بلا ايد وبلا رجل ..و اول مادخل … #اسعد:- قبل كل شي لاتعصبو انا اخترت العروس بس مارح قول مين بتكون بس بشرط لازم تنحفو .. واللي تنحف اكتر لالها العريس الالماني .. شدينا اخي من مكانو شي من ايدو وشي من رجلو لنحاول نعرف مين فينا العروس ..بس مافي فايدة ماكان في نتيجة ..بس اخي قرر يعيشنا على نظام قاسي مميت بمجاعة .. بالاول رفضنا بس اخي بلش يورجينا اجسام البنات الالمانيات وشي مخصر وشي مكسر وشي مشدود وشي ملفوف وكل وحدة بحجم فخدة بس …بلشنا انا وخواتي نفتح قنوات رياضية ونعمل تمارين الصبح .. ومن التعب سارت اجسامنا موجوعة نشحط شحط حالنا لنروح مكان ..بس اخي ماتركنا ولا فقدنا الامل ..
وسار من يجي موعد الاكل اخي ينقط الاكل تنقيط ..بلشنا نسير من الفيل الضالة او انتو ماسمعتو بالفيل البوليسي .. هاد بجوعوه على الاخر مشان يحسنو يستخدمو ..انا هاي المعلومة قريتها على فيلجفرافيك 😂😂 .. اول يوم مرق على خير مرق وانا من الجوع بالليل ع فكر قوم اكل شي اصبع من اصابع اختي ..اساسا الليل مامرق بسهولة ..اختي كانت طول الليل عم تكسر خشب سريرها وتعضعض فيه .. حتى اختي التانية كانت بتقطع ورق دفترها وتمضغ فيهم .. مرق الحمد الله هاليوم وتاتي يوم فقنا على صوت وحدة بالبيت مشغلة موسيقى .. فقت اخابط لعندها شفت بنت بحجم ايدي بس وقالت #انا معلمة رقص وراح يوميا اجي لنتعلم الرقص .. انا فرحت بس ماسكتت لالها ..#انا :- اسمعي مين جابك ترا بنعرف نرقص اذا هزيت هزة كل شي فيني وحولي برقص معي حتى انتي .. بس يالا مشان تعلمينا حركات جديدة . وسار يوميا هالدرس وبلشت النتيجة تظهر علينا بلش الشكل يظهر
بلش العرق يزروب .. بلش الجسم يلزق ..بلش احمرار الابطين والالم يظهر بتعرفو الحيوان اللي بياكل نمل او الكنغر .. هيك سرنا انا وخواتي كرمال هالعريس الالماني .. عزيمتنا ماوقفت كان اخي مايتركنا بشي ودايما يقهرنا بفلانه وعلانة وبنت حسني وبنت خليل .. اتحملنا نغاشتو لمدة شهر لبلش الخير يظهر ..وقربت جيتو للعريس الالماني اللي ما كنا نعرف وقتها شو مخبى لالنا عندو ..وخاصة من شفنا صورتو ..ياخرابي علينا محلاه يمه . مابعرف يمكن اختي او اللي ما اغمي عليها من شافتو 😂😂 يمكن انا… المهم والله ياصبايا يجنن لازم اناضل لاحصل عليه ..لازم احارب ..لازم اجاهد لأدافع عن مقدساتي ..وين رحت قصدي انو يسير من نصيبي وبعد شهر اجا موعد الميزان لازم نعرف كمية الخسارة لان بقيان لقدوم العريس اسبوعين …

الجزء الثاني :-

كان اخي جايب قبان ماكان جايب ميزان .. قبان لقياس الاطنان ..وبلش فرط ضحك علينا ونحنا متل التيران الهايجة متل التنين اللي عم يبخ نار من تمو .. #انا:- حاج خلصنا لتسير كفته للشوي حط الميزان لنشوف الفرق .. حط اخي الميزان لنقيس الوزن كان الميزان مابيشتغل مابعرف هو اخي قاصدها
يمكن .. هاداك اليوم ماقسنا وزن ..وتركنا الامر ع التواكيل ..بس سارت ملابسنا مو لحجمنا بلشت اجسامنا تظهر صح مليانين ومربربين بس فرق شاسع متل السما والارض ..طلعنا نشتري ملابس جديدة ونحنا مبسوطين على اخي ..وفجأة قابلنا محل ايس كريم وقلنا فرصة اخي مانو موجود .. وفتنا المحل وقعدنا كان في شاب عم يعاكس اختي ماعم يرفع عيونو عنها .. انا الغيرة بلشت تلعب بعبي مش قادرة اتحمل ليش ما يعاكسني انا .. فررت فورة حسيت النار بتطلع من إدني ..ورحت للشاب
..#أنا :- حاج بصبصه عيب عليك مامالية عينك قصدي بدك تراب بعينك ليش عم تجوحر بأختي .. خاف الشاب وهرب مني ويمكن من صوتي العالي طار واختفي .. قعدنا نص ساعة ننطر بعلب الايس كريم توصل وماوصلت شو القصة شو في .. قامت اختي تسألو ليش اتأخرت طلع على الكاشير اخي .. 😲😲 #أنا :- اسعد لك شو جابك ..
#اسعد:- انا من وقت ماطلعتو من البيت وانا عيني وراكم اياكم ثم اياكم تفكروا تخربو تعبي هيك ولا هيك امشو امشو اشربكم عصير جزر على حسابي … 😤😤😤 هيك كنا انا وخواتي ..عم ندبك برجلينا باب المحل الاجهزة العصارات الماكانات كلها كانت بخطر ..
مر الاسبوع ونص رتبنا حالنا انا وخواتي ناطرين عريس الغفلة … ناطرين الحب . ناطرين الالماني .. ناطرين توم كروز العربي ..مرق اليوم وما اجا حد سارت الساعة 10 بالليل وما اجا حد .. وينووو اسعد وينووو الاخ الحنون الوسم وينو الخراط الكداب اليوم راح يفحر قبروا بنكاشة سنان …مرق الليل واخي ما اجا ..باليوم التالي ..اجا اخي مبتسم مستبشر مستضحك ..
#انا :- ماشاء الله ماشاء الله وجهك بشعشع نور شكلك راح تسير مستطفلح مستنقع مستقلع اليوم .
#اسعد:- اختي حبيبتي بعرف ناطرين على نار بس العريس الالماني ..
#انا :- شو مااااااااات 😲
#أسعد :- لك موتيه…
#أنا :- اتزوج غيري ..
#اسعد :- ياربي لك لاء غير موعد طيارتوو .. .. العريس غير موعد طيارتو الحمد لله اجت على قد هيك الحمدلله بسيطة
الله يجيبو لالي على خير ويجمعني فيه حبيبي الالماني .. كانو خواتي بعدهم نايمات جلست جنب اخي وقربت منو حبيبي اخي ياعمري انت بتعرف قديش اختك بتفديك بطحلها وكلويها وليتها ودهنتها ..اعطيني حسابو للعريس ..
#اسعد:- حساب رائد ..
#انا :- اسمو رائد يالله كنت اتمني يكون اسم فارس احلامي رائد سدق بالله يا اسعد انا مرة شفت الابراج كان مكتوبلي هالشي .سدق كمان انا مرة حلمت بواحد اسمو رائد كان بقلي تعي يانور تعي يابطة احلامي .. يا كلبوزة ايامي ..يا كربوجة مستقبلي ..
#اسعد:- ماقلك يابقرة حليباتي 😂😂 ..
وقتها اخي انخلع كتفو مسكين ولهلاء عم يعاني من وجع كتفو .. فات شهر تاني ونحنا الهدف الاساس نيل المنى من العريس الالماني .. سارت حياتنا كلها بانتظام والخصر بلش يبان الله واكبر .سرت البس فستان مخصر يا نعمة الله معقول هاي انا ام خصر يارباااااااه … بيوم رن جرس البيت وطلعت ركض افتح ..
#المجهول :- مرحبا اسعد موجود ..
#انا :- لا والله مين اقلو ..
#المجهول:- احكيلو رفيقك رائد
#انا :-😲😲 رائد رائد ماغيروا .
.#المجهول :- عفوا شو قلتي .
. #انا :- هو بعد ساعتين بيرجع تعا ..😂😂 ..
#رائد :- يسلمو مع السلامه .. راح رائد راح حبيب الروح راح وراح يرجع نبض قلبي فتت اتمتم وانا برقص لقيت خواتي لازقين بالباب وشدوني .. مين هاد مين هاد اعترفي رائد ما اسمعنا بقول رائد
#انا :- لا ولكن هاد راضي تبع الغاز .. فتت وارتميت على سريري وانا بردد رائد رائد رائد …ومرو الساعتين واجا اخي واجا رائد وانا قمت ركض على المطبخ اضيفو ضيافة اجاملو عليها العمر وطلبت من اخي فوت ضيفوو وافق اخي ..ومن فتت وشفت رائد طلع …
.
.
.

😂 الجزء الثالث ..
.
.

مابعرف شلون اوصفو بس مو هو اللي بالصورة فرق بيناتهن شخص لا يمد بالجمال بشي ..😢😢 عادي فوق العادة ..  .. هههههه بمزح ياخرابي على هيك خلقة فدوة لخلقة الله من جمال .. انشكحت بنص الغرفة وحلفت يمين ماني طالعة الا من ياخدني على بيتو .. والشاب من الخجل ماعاد فيه يتنفس بشرتو السمرا قبلت حمرا ..شعرتوا وعيونو السود اويل امي . شو هااااااااااظ ياربااااه من اين لي هذا .. بقيت صافنه لعند # اسعد :- اشطحي من هون ..
#انا :- كلا ياهذا ..
#اسعد:- اختي مالك شو قصتك قلبتي ام جهل .. #انا:- شئت ام ابيت لن اشطح من هذا المكان الا وهذا الوسيم في يدي ..😂😂

مافقت الا على اخي سافخني كف (لطشني ) ..(يعني ضربني )) .. سار بؤبؤ عيونو يروحو يمين وشمال .. وجريت اذيال الهزيمة واطلعت من الغرفة . ولزقت بالباب اسمع وانا عم دوووب .. اسمعت اخي ورائد عم يضحكو ومبسوطين صنتت لافهم شو بقولو ..
#اسعد:- شفت هاي اختي اللي بقلك عنها خلصت جامعة من الاوائل طيوبة ونغشة وضحوكة متل مابدك ..شو رايك…
#رائد:- ماشاء الله عليها قلبي ارتاح لالها وماشاء الله جمالها حلو الله يحفظها ويخليها ..وانا من اول ماشفتها قلبي ارتاح لالي وبدي اطلبها على سنه الله ورسوله .. . اسمعت هالكلمااات وبلشت اغني من قلبي لفيروز …اتجمعو خواتي ليفهمو القصة ويسألوني ..
#انا :- لا تسألوني ما اسمُهُ حبيبي ___ أخشى عليكم ضَوْعَةَ الطُيُوبِ

والله لو بُحْتُ بأيِّ حرفٍ ___ تكدّسَ الليلَكُ في الدروبِ .
.

وبلشت دندن وانا سارحة بملكوت الله …. مافقت الا اختي بترش مي بتقلي وين رحتي ..
#أنا :- مين انا وين رحت بالله شو ..مين انتو وينو رائد .. ..
بلشو خواتي يفهمو الموضوع بعد ما اجا اخي ..
#اسعد :- مبروك نور الشاب معجب فيكي وموافق .. بلشو خواتي يضحكو والله ياضرسانه طلع من نصيبك هالالماني متى يا سعدوون تجبلنا متلا ..
#اسعد :- يالا رايح اشتريلكم ..
قعدنا طول الليل انا وخواتي نضحك ونعمل عرس وزغرت ..والبس طرحة .. وبعد كم يوم راح هالحلو الرائد يجي لعنا لنتم تفاصيل الخطوبة .. كنتو اكيد راح تسألو معقول خواتي ماغارو .. خواتي حبيباتي في احن منهم في الدنيا لا والله
اغلي شي بحياتي عمرها مافرقتنا زعلة او شدة شعر او تكسير مكانس دايما حبايب رغم الصعاب .. استنوا لاتفكروا خلصت قصتي لهون .. بعدها الايام الحلوة والمرة على الطريق
اجا رائد واجت عيلتو لعنا وانا من فرحتي ماعدت اوصفها شلون وتمت خطبتي وبلشت جهز انا واخواتي للفرح اللي ماكان بقيلو الا ايام قليلة وبعد ماخلصت الايام اجا يوم فرحي اللي ماتوقعت يسير هيك فيه 😢😢
..
.

الجزء الاخير … 
.
.

.فقت من بكير مشان لحق اموري خلصها انا وخواتي ونلحق نروح صالون التجميل لان فرحي مكلف كتير وخطيبي دفع كتير مابعرف ليش حسيت كل هالتبذير بس قلت الحمد لله على كل شي انا الحمد لله طلعت خيال ومابدي احسد حالي خمسة بعيوني 😂😉.. واجا وقت الزفة والعرس فتت صالة الفرح كانت مو طبيعية خيالة مافيها اطفال فيها عالم مو متلنا عالم مو بسيطة .. كانت النسوان كل وحدة لبسها افخم من التانية انا وعيلتي بقينا بس نتفرج على المناظر اللي كانت بصالة الافراح حتى رائد لبسو كان يشل قلقيشن 😂😂 .. الاغاني يابنات ..الترتيب حسيت حالي سندريلا بس فرحتي ماكملت بلشت حس بنخز بقلبي .. البنات والستات ماكانو طبيعيات كانو على طول عم يتأفأفو وينظروا لالي نظرة القرف .. حسيت بشي لازم اسال ..
#انا:- رائد ياقلبي شو القصة ليش الفرح كأنو احزاب ..
#رائد :- الله يمرق هالليلة على خير بنات عمومي وبنات خوالي بدهن يجنو
#انا:- ايوه فهمت ليش .. عرفت وقتها انو الغيرة والحقد بلش ..
اتحملت كل الافعال والحركات بيوم عرسي .. وحاولت اتفادي اي مشكلة لدرجة انو دفشوني وانا برقص مع عريسي .. الحمد لله عد الفرح على خير .. ارجعت على شقتي ..وانا مبسوطة واسمعت وقتها احلى الكلام وليش رائد اختارني وبلش حبو لرائد يسرقني سرق مرقت الايام وانا ورائد متفاهمين ومتفقين ودايما ضحكتنا على طول موجودة ودايما يغازلني ياهبولتي ..الله يعيني عليكي ..بيوم كنا سهرانين انا ورائد عم شوف فيلم رعب ..رن جرس الباب الساعة 12 بالليل ..انا من اندماجي بالفيلم خفت ..قام رائد يفتح الباب الا كانت بنت عمو سمر .. البنت الحقودة اللي دفشتني يوم عرسي اللي بدي موت واشدلا شعرها .. هاي ام بريص شو جابها لعنا بهيك وقت ..
#اسعد:- اهلين سمر ياساتر ساير معك شي حد متعرضلك شي .. قربت سمر على رائد وبوستو من خدو ..
#سمر :- اشتقتلك رائد تعبانه وجاي اقعد عندك كم يوم .. رائد ماعرف شو يقلها غير انو يرحب فيها قمت جهزت الغرفة لام بريص وانا قلبي بيغلي فاتت سمر على الغرفة لعندي..
#سمر :- شو ياحلوة لاتفكري جيت هيك من الهوا جيت لاقعد على قلبك
وراح تخدميني بصفتي ضيفة وبنت عمو لرائد ماهيك يا حلوة 😘😘 ..
#انا:- اي مو تكرمي لك عيوني لرئدو ……لالك … 😂😂 ..
#سمر:- باين انك وقحة ومانك قليلة ..
#انا :- متل مابتحبي بكون يالا ياحلوة انخمدي مشان ان شاء الله مايطلع عليكي صبح وقفلي الباب عليكي مشان روحك 😙😙.. اطلعت من الغرفة وانا عارفة انو غراب البين عشش عندي ومارح تحل الا من اضربها بالصميم ..طلع الصبح وانا عم فكر شلون قلعها فاق رائد على شغلو وطلعت اجهز لالو فطورو لقيت سمر عم تتمشى بالانجري بالبيت قدام رائد وعم تتمايع .. انا انسم بدني ورحت جبتلا خرئة المطبخ الكبيرة ورميتها عليها قلتها استري حالك بهاي عيب عليكي ..
#سمر:- اووه اسفة نسيت فكرت حالي ببيتي .
. #انا :- الله يجيبك ياطولة الروح.. بقيت ع هالحال كل يوم متل ناقر ونقير وبحكم انو زوجي بالشغل انا قررت شي يوم اطلع من البيت وتركتها للهانم بالبيت لحالا وانا مطمنة انو جوزي مانو موجود … ورجعت بعد ساعتين .. لقيت جوزي راجع البيت هو والهانم لحالهن انصدمت من منظرها لسمر جوزي كان مرتبك وباين عليه القلق انا لوهله فكرتو بخوني معها وبلشت اهاوش بالبيت واصرخ عليه ياخاين ياخاين .. بس هو كان على طول يقلي انتي فهمتي غلط .. انا تركت ال
البيت وانا روحي بدها تطلع معقول رائد خاني مع هاي الكلبة ..بلشت امشي ماني عرفانه لوين روحي ..دقيت على اخي اسعد..
#انا :- اسعد 😢 اخي حبيبي انا ماني عرفانه وين روح تعا خدني .. وبلشت احكي لاخي عن اللي سار واخي يقلي مستحيل رائد مابيعملها اكيد في شي غلط .. رجعت على البيت لعند خواتي وطفيت موبايلي وطلبت من اخي اذا بحبني مايرد على رائد .. واخي نفذ اللي بطلبو .. مر اسبوع وماسمعت شي عن رائد رجعت شبكت موبايلي لاشوف الرسائل …
كانو بس رسالتين وحدة من رائد وكانت يوم ماسارت المشكلة الصبح .. كان فيها مين الشاب اللي بدك تقابليه في بيتنا .. ورسالة من سمر كان محواها وكانت من يومين ( لو سمحتي ماترجعي ادقي على خطيبي رائد )* انا طار عقلي متت بمكاني الكداب الخاين .. مو بس خاني معها كمان خطبها ليداري فضيحتو ..
انا من حرقتي كتبت لرائد رسالة ..
#انا :- الف مبروك الله يهنيك معها .. بعد دقيقة وصلتني رسالة .. رائد :- ( على شو مبروك )… وبلشت ارد على رسائل رائد ..
#أنا :- على خطوبتك من سمر هيك هي بعتتلي ما اتصل عليك بس حبيت هنيك ..
#رائد :- بس انا ماخطبت سمر ..مافي منو هالحكي ..وبعدين انتي ليش خنتيني وقابلتي رفيقك وطلعتي معو انا كان بدي جواب لهالشي ..
#انا :- انا ماخنتك انا مين رفيقي انا ماعندي رفيق ماطلعت مع حد مين قلك ..
#رائد :- انا هلاء جاي نتفاهم .. واجا رائد لعندي ورجيتو المسجات ورجاني المسجات اللي كان سببتهاا سمر….
انا ما انصدمت منهن لان كنت بعرف انو وحدة متلها ممكن يطلع منها اكتر من هيك وقتها رائد قلي لاتعملي شي وابعتيلها رسالة قليلها لاتنسي تعزميني على خطوبتك وانا نفذت اللي طلبو مني رائد ..وبالفعل بعتت لالي سمر رسالة بتاريخ خطوبة وهمي من رائد وقالت انو الخطوبة بيبيت رائد .. بس بهاداك ليوم رائد اخدني علي البيت وهي ماكانت موجودة … ونطرناها انا ورائد لاجت وانا اتخبيت ورائد عمل خطة معها ليذلها ويكشفها فيها.. دخلت سمر ع البيت وكانت لابسه فستان سهرة سألها رائد ماشاء الله وين رايحة .. #سمر:- والله معزومة اليوم وعم انطر رفيقتي لنروح سوا تروح معنا قوم البس شي طقم حلو بتحب اخترلك اياه ..
#رائد :- اي فكرة حلوة قايم البس .. فات رائد لعندي على الغرفة وقلي البسي شي حلو من عندك وانا راح البس استعجلي .. البست ورتبت حالي وطلع رائد من الغرفة قبلي ..هي فرحت كتير لان على مخططها اني راح اجي بهاي اللحظة بس خاب ظنهاا من شافتني لابسه وانا بالبيت .
#انا :- شو بجنن لبسك سمر انتي كمان معزومة متلنا انا وجوزي .. .. سمر اتلبكت وحست انها انكشفت ..انا كملت كلامي
#انا :- شو ياعمري كأنو اليوم خطوبتك لزوجي بلشنا نضحك انا وزوجي وكمل رائد الموقف عني ..
#رائد :- اياكي تفكري انك تخربي حياتي ست سمر وبحكم انك بعدك بنت عمي طبعا ماتفكري سامحك بس الطريق اللي في نور ورائد لاتمشيه ويالا انقلعي من بيتي .. جوزي كبلا تيابها بالشارع . وانا من فرحتي ماعرفت شو ساوي غير اني اكل 😂😂 .. دقلي جوزي وقال ..
#رائد :- يالا انتي كمان عبي تيابك بكيس خبز والحقيني طالعين نقضي شهر عسل على حسابك ام كرش .. هيك كانت قصتي مع رائد اللي ملا حياتي حب وعوضني عن كل الدنيا ومافيها ومابرجع انو هاد كلو بفضل ربنا ومن ثم فضلو لاخي …

 

عرض التعليقات (39)