تكملة قصة الحرب الباردة للكاتبة هلا الغرابلي

42 12٬138

تكملة قصة الحرب الباردة للكاتبة هلا الغرابلي

تكملة قصة الحرب الباردة للكاتبة هلا الغرابلي

تكملة قصة الحرب الباردة للكاتبة هلا الغرابلي

تكملة قصة الحرب الباردة للكاتبة هلا الغرابلي,, هذه القصة تأتيكم من قسم المنوعات في زاكي, اكتب لنا رأيك في التعليقات, لتصلك كامل أجزاء القصة.

#الجزء العاشر:
لبستن للتلاتة و نزلت انا و اياهن ،كان علاء قاعد بالسيارة ،مسيت عليه و طلعتن بالسيارة و راح و انا رجعت طلعت على البيت ،مر اسبوع على نفس الحالة ،فيق الصبح ابعت رائد على المدرسة و ابقى مع يزن و قيصر يلي بلشو يتعودو على بعض و خفت مشاكلن عن اول ،كان قيصر مسالم و يسمع كلمتي بس رائد كان متمرد على طول و ما يعجبو اكلي و يعصب و يزعل على اي شغلة ،و انا حاول سايرو كتير ،بعد اقامتي ببيت علاء ما يقارب العشرة ايام ،اتصل المحامي بفادي و خبرو بالمخالعة الرضائية ،وافق فادي فورا بشرط انو كون موجودة ،اتصل فيني المحامي و قلي شرطو لفادي و اعطاني موعد الساعة 7المسا لاجتمع انا و اياه بالمكتب عندو و نوقع على اوراق الطلاق و نتفاهم مع الاولاد ،رحت انا و ناهد على الموعد و اجا علاء قعد عند الاولاد ، قعدنا عند المحامي ناطرين فادي ،بس صارت 8و ما اجا ،دقلو المحامي و ما رد عليه ابدا ،على الساعة 9فقدنا الامل و نزلنا ،طلعت بسيارة ناهد ،وصلتني على البناية و انا طلعت على البيت عند الاولاد لينزل علاء و يرجع مع ناهد على بيتا ،رنيت الجرس ،فتحلي الباب
رهف:مسالخير ناهد ناطرتك تحت
علاء:شو صار معكن ؟
رهف:ولاشي ،ما اجا ،نطرناه على الفاضي ،عم يستفزني
علاء:مصيرو يجي بالاخير
رهف:فادي عقلو صعب و عنيد ،ما بظن يطلقني بسهولة بعد ما عملت فيه هالضرب ،يلا ما في مشكلة،ما رح اخرك اكتر
علاء:ماشي تصبحي على خير
رهف:و انت من اهلو
نزل علاء و انا فتت غيرت تيابي ،رن الجرس ،ركض قيصر فتح الباب ،لحقتو لشوف مين ،شفت فادي بوجهي ،وقع قلبي و جمدت بارضي
رهف:فادي
فادي:ايه فادي ،كأنو شفتي شبح قدامك
صار يقرب لعندي و انا ارجع لورا
فادي: الخيانة و الغدر نفس الشي و بياخدو نفس العقاب و انت خنتي و غدرتي ، شو في بينك و بينو لعلاء؟
يزن:بابا ..بابا
فادي:لحظة بابا لسلم على امك بالاول بعدين بسلم عليك
رهف:ما في شي بيني و بينو و لو في كنت شفتو هون
فادي:انا شفتو نازل من هون و هدول ما اولادو ،عم تربيلو اياهن
رهف:ما دخلك ،روح طلقني و اتزوج سهى ،صارت حرة
فادي:طلقك !بعد ما لهفتي البيت علي ،مفكرة الامور بهالبساطة ،بقلعو و ببيع البيت و بكمل حياتي ،لا ما زبطت حساباتك ابدا لانو انا عندي حسابات تانية
مسكني من ايدي بقوة
فادي:فوتي ضبي اغراضك و جيب مفتاح البيت و خلينا نرجع و حسابك بالبيت
رهف:ما بدي ارجع
مسكني من شعري
فادي:بدك تنتقمي مني عن طريقو ،مرتو خانتو معي و انت بتخونيني معو ،تبادل خبرات يعني
رهف:تفكيرك الوسخ ما بخليك غير تفكر بهالطريقة
فادي:و انت نظيفة كتير يعني ؟
صار موبايلي يرن ،تجاهلو فادي و تابع حديثو معي
فادي:معك عشر دقايق لتفوتي ضبي اغراضك و الا رح نزلك شحط من البناية
رهف: قلتلك ما راجعة ما راجعة و اطلع من حياتي
مسكني من ايدي و بلش يسحبني معو هو و عم يسب و انا عم صرخ و ابكي و حاول اسحب ايدي منو ،خافو الاولاد و صارو يبكو ،التفت لعند يزن
فادي:بدك تروحي غصب عنك
رهف(تبكي):ما رح روح
شحطني من البيت و صار ينزلني على الدرج غصب عني ،لحتى طلع علاء و ناهد بوجهنا ،مسكو لفادي من بلوزتو و دفشو بعيد عني و وقع على الدرج
علاء:يا ندل عم تقلك ما بدا تروح معك
رجع قام و هجم على علاء و بلشو يضربو بعض و انا و ناهد نحاول نفصلن و الاولاد عم يصرخو و يبكو ، و الجيران فتحو ابوابن و صارو يتفرجو علينا ،كان علاء جسمو انهض من فادي ،رجع دفشو مرة تانية على الدرج
علاء:روح من هون احسن ما اتصلك بالشرطة
فادي: شو بدك من مرتي ،روح ضبا لمرتك من واحد لواحد
علاء:طلقتا روح خدا ،انتو الاتنين لابقين لبعض كتير
فادي:فشرت ما باخد وحدة رخيصة متلا ،كانت معي و ما بعرف كمان كانت مع مين قبلي
علاء:روح من هون و اذا برجع بشوفك بهالحارة رح بلغ عنك الشرطة
فادي:بدي ابني
رهف:الولد ما من حقك ، الولد حضانتو الي ، هيك القانون
فادي:وانا ما بسأل على القانون ، القانون انعمل اصلا للجبنا يلي ما بيقدرو ياخدو حقن بأيدن
ناهد:القانون فوق الكل
فادي:انا بفرجيكي يا رهف و صرلك لسان تحكي فيه ،رح ندمك و انت كمان ولا….الك حساب معي
علاء:يلا اعلى ما بخيلك اركبو
نزل فادي هو و عم يتوعدلنا و فتنا كلنا على البيت
ناهد:بعد.ما مشينا بالسيارة حسو قلبو لعلاء انو فادي بدو يلعب هاللعبة الوسخة علينا ، لفيت فورا لنرجع و نطمن عليكي و دقيتلك نحن و عالطريق بس ما رديتي ،انشغل بالنا اكتر
علاء:لحمدلله جينا بالوقت المناسب
رهف:قلتلك فادي مستحيل يطلقني بسهولة
ناهد:رح يطلق ما بكيفو ،بس هلأ انت ما بقا الك امان تنامي لحالك بهالبيت،بلكي هيدا رجع لهون بعد ما طلعنا
رهف:انا بعتذر جبتلكن وجعة راس ،من بكرا طالعة من هون
علاء:لا ما تحكي هيك ،كمان انت عم ديري بالك على اولادي بغيابي و انا ما رح انسالك هالمعروف ،هيدا اقل شي ممكن قدملك اياه
ناهد:انا ما قصدي تطلعي من هون ،خليكي و انت علاء نام هالليلة هون عندا لنشوف بكرا كيف منحل الامور ؟
اطلعت انا و علاء ببعض،هو نزل راسو و انا بلعت ريقي و رجعت اطلعت بناهد
ناهد:اي ما طلع معي غير هيك و انا ما بقدر نام عندك ،بفيق بكير بلبس اولادي على مدارسن و بنزل على شغلي
رهف:طيب ماشي ،علاء متل اخي بس ناهد الله يخليكي اسعيلي ببيعة هالبيت
ناهد:عم اسعالك ،حطيتو بكتير مكاتب ،بس ما بينباع بين يوم و ليلة ،بدا الشغلة صبر
رهف:طيب يسلم ايديكي و يخليكي فوق راس اولادك عم غلبك معي
ناهد:يا حياتي ما تاكلي هم شي و بأذن الله كلها فترة و بتخلصي من هالكابوس
طلعت ناهد من عنا و انا بقيت انا و علاء و الاولاد بالبيت
#الجزء الحادي عشر:
رهف:اكيد ما تغديت ؟
علاء:لا ولله ما صرلي وقت
رهف:رح فوت حطلك اكل
رائد:بابا رح تنام معنا اليوم
علاء:ايه بس اليوم
قيصر:ههههههييييي
رائد:بس انا اشتقتلا لامي ،بدي شوف امي ،من وقت ما جينا لهون ما اخدتنا عندا ولا مرة
علاء:باخدك عندا حبيبي بأخرة الاسبوع
فتت حطيت اكل على الطاولة بالمطبخ و طلعت،شفتن كلن قاعدين على الارض عم يركبو مكعبات
رهف:علاء جاهز الاكل
علاء:يلا قومو نتعشى و بعدين منرجع منكمل
قام على المطبخ هو و الاولاد و قعدو كلن على الكراسي حتى عدد الكراسي كان على عددنا ،و انا وقفت بالممر ما عارفة حالي لوين بدي امشي على المطبخ ولا غرفة نوم ،ضيعت الطريق
علاء:ما بدك تتعشي معنا ؟
رهف:ايه يلا يلا جاي
قعدت جنب يزن بأخرة الطاولة
علاء: بسم الله ، سهى اعطيني الص…عفوا عفوا خربطت …
رهف:ما في مشكلة بدك الصحن
علاء:ايه ايه ،بعدو اسما اخد على لساني
اخد مني علبة الصحن و صفن ،بعدين ترك الاكل و قام عن الطاولة و طلع من المطبخ ساكت ،كان علاء بعدو عم يعاني من اثار انفصالو عن ام اولادو ،اخد حرام و مخدة و حطن بغرفة القعدة ،نيمت الاولاد بغرفتن و نام معن يزن كالعادة لانو صار متعلق بقيصر كتير ،و انا رجعت على غرفة النوم ،قفلت الباب علي و تسطحت بالتخت كان النوم طاير من عيوني،رن موبايلي رسالة ،فتحتا كانت من علاء
مسج علاء:بعدك فايقة؟!!
مسج رهف: ايه
مسج علاء:صارت السساعة 12 و انا ما جايني نوم ،كنت عم فكر بفادي ،اذا بعدو عم يتواصل مع سهى ، اكيد رح يتصل بسهى و يخبرا انو انت قاعدة عند الاولاد ،يعني يمكن تجي سهى بكرا لهون ،لهيك كنت عم قول انك ما تقعدي بالبيت انت و الاولاد بكرا او تقفلي الباب و ما تفتحي لحدا بالنهار ابدا
مسج رهف:اكيد ما رح افتح لحدا و رح نبه على الاولاد ما يفتحوه كمان
مسج علاء:ماشي و ما تبعتي رائد بكرا على المدرسة بس لنشوف شو بدو يصير مع هالجوز
سكرت الموبايل ،فقت تاني يوم على صوت علاء و الاولاد بالمطبخ عم يفطرو ،طلعت غسلت وجهي و صبحت عليه
علاء:يلا انا رايح ،استلمي ،الله يعينك
على الساعة 10الصبح اتخبط الباب علي و انرن الجرس رنات ورا بعضن
سهى:افتحي الباب يا حقيرة ،انت يلي لعبتي كل هاللعبة الوسخة علي و اتهمتيني بخطف ابنك ،كرمال تاخدي زوجي و اولادي مني يا سراقة …افتحيه ما رح خليكي تتهني
وقفت ورا الباب اتسمع على حكيا لسهى و انا جسمي عم يرجف من قبل ب ليلة فادي و هلأ سهى ، رجعت فتت لجوا من غير ما رد عليا ابدا و انا عم افرك ايدي ببعضن
رائد:هاي ماما افتحيلا الباب
رهف:ما بقدر افتحلا ،ابوك نبهني ما افتحلا الباب
رائد:انا بفتحلا
ركض رائد على الباب و انا سبقتو و وقفت بوجهو
رائد:بعدي من هون هاي امي و بدي افتحلا و شوفا
رهف:طيب طيب خليني بس اتصل بأبوك حتى ما يعصب
فتت اخدت الموبايل و دقتلو
رهف:علاء ،سهى برا متل ما توقعت و عم تخبط على الباب و رائد بدو اياني فوتا
علاء:اعطيني احكي معو
اعطيت الموبايل لرائد
رائد:هاي امي ….بس انا مشتقلا ….انا ما بقا بدي ابقى هون مع هاي المرة …ما بدي…بدي امي تعيش معنا…طيب …طيب..باي …خدي حكيه
رهف:اي علاء
علاء:انا حكيتو و فهم علي ،ما تفتحيلا و لا تردي عليا ،هلأ هي معصبة ،هلأ انا بتصل فيا
سكر علاءو دقلا لسهى يلي كانت بعدا واقفة برا ،حطيت ادني على الباب
سهى: انت الخاين و هي الخاينة ،انا هلأ عرفت انو انتو الاتنين كنتو عم تخططو كرمال تجننوني بس ما حذرتو …ما رح اسكت ….بدي اولادي ….رح اخدن منك غصب عنك و رح اثبت انو ما فيني شي….اي و بتشوف ….ما بقا بهمني ..اعمل يلي بدك اياه….
انا امن و انا يلي لازم ربين ما هاي ….
نزلت سهى على الدرج هي و عم تحكيه لعلاء،رن موبايلي ،فتت لرد ،كان المتصل اخي سامح ،عرفت انو وصلو خبر من فادي قبل بيوم لهيك ما رديت عليه لانو قد ما شرحتلو ما رح يقدر يستوعب انو ما في شي بيني و بين علاء ،بعد ساعة اتصل فيني فادي
فادي:بطلقك و بسرعة بس بشرط؟
رهف:شو هو ؟
فادي:تكتبيلي نص البيت بأسمي ،انا عم نام عند فدوى هالفترة و عم تقل عليا و انا ما مرتاح ،خلينا نبيع البيت و نتقاسم حقو و كل واحد فينا بيشتري شقة على قدو،و اذا ما قبلتي و لا بمية سنة بطلقك و رح خليكي معلقة هيك
رهف:بفكر و برجع بحكيك
اتصلت بناهد فورا و خبرتا
ناهد:اقبلي و منخلي المحامي يلي بدو يطلقك هو نفسو يعمل اوراق البيت حتى نضمن ما يتراجع
رجعت اتصلت فيه لفادي و خبرتو انو موافقة ،اتفقنا تاني يوم و نزلنا عند المحامي و ب 4ايام كنا خالصين من الموضوع ،كان علاء عم ينام عند اختو خلال هالفترة ،و رجع فادي ينام بالبيت ،بعد باسبوع اتصلت فيني ناهد و خبرتني انو جاي شرا للبيت ،رحت انا و ناهد و الرجال يلي بدو يشوف البيت ،فتحت الباب و فات شافو و عجبو و اتفقنا على السعر ،اتصلت بفادي لخبرو
فادي:ما رح بيع حصتي
رهف:كيف يعني؟
فادي:بيعي نصك ،انا نصي ما رح بيعو
رهف:فادي ما عم نلعب ،ما هيك كان اتفاقنا
فادي:ولله انت يلي بلشتي لعب و تخطيط و انا رح كمل هاللعبة و ما رح بيعو ،بدك تعي اسكني بنص حصتك
رهف:حسبي الله بس،كيف بدي اسكن بنص حصتي و انا و اياك مطلقين
فادي:ما مشكلتي ،هاي انت قاعدة ببيت رجال غريب
رهف: ايه قاعدة ببيتو بس ما معو انا بعرف كيف اتصرف معك يا فادي
سكرت الخط بوجهو و اتصلت بناهد خبرتا ،تفاجأت من ندالة فادي
ناهد:صعب ينباع البيت هيك اذا ما موافق الطرف التاني
رهف:شو الحل؟ما معقول ضل قاعدة ببيت علاء هيك و هديك التانية على مشاكل مع علاء بعد ما عرفت ،يالله حاسة حالي فتت بدوامة ،ما عارفة كيف اطلع منا
ناهد:ما بعرف ما بعرف تشربكت الامور هيك ،فاجئنا بشي ما حاطينو بالحسبان ،بدو يضغط عليكي لترجعي تعيشي معو
رهف:طيب انا لقيت الحل
ناهد:شو بدك تعملي ؟
رهف:بعدين بخبرك لشوف اذا بتزبط بالاول
رجعت اتصلت فيه لفادي
رهف:انا فكرت منيح و قلت بلا ما ندخل محاكم و نلف اللفة ،رح نقسم البيت بالنص
فادي:شووووو؟
الجزءالثاني
اا عشر:
رهف:ايه منسكر باب الممر ،و انت بتاخد صالون و غرفة الاولاد و انا باخد المطبخ و غرفة النوم و بفتح باب تاني من المطبخ
فادي:بدك تخربي البيت كرمال تكبير راسك ،خلص بقا اهدي و ارجعي على البيت و خلينا نرجع نتزوج مرة تانية
رهف:لا بعد ما اطلقت منك مستحيل ارجعلك و انا عم ردلك خبر انو بدي اقسم البيت ما عم اخد رأيك لانو من حقي
فادي: و انا بتتركيني بلا مطبخ و بلا حمام ،ما عجبتني التقسيمة
رهف:اعمل مطبخ مفتوح ،انت رجال اما انا مرة ،كيف بدي سوي مطبخ و فوت بهاللبكة
فادي:ما دخلني ،اتحملي انت نتيجة اختيارك و عنادك ،و انا بدي قسم المطبخ
رهف:كل يوم عم بعرف اديش انت ندل ،قول انا ام ابنك ،في ولد بيناتنا
فادي:انا بعرف و بدي اياه يعيش حياة طبيعية بين اب و ام بس انت يلي جانة و هداك ال….عم يكبر براسك …بتعرفي اذا بسمع انو انخطبتيلو او تزوجتيه لعلق مشنقتك بساحة الدوار و ردي على اخوكي يلي عم يتصل فيكي
رهف:بلا كلام فاضي،انا عم فكر بحل لاطلع من بيتو و هو يرجع يقعد ببيتو لو عندك نخوة ،كنت فضيتلي البيت و قعدتني محلك انا و ابنك و ما زعجتنا ،على كل حال هاليومين منجي و منقسم
فادي:بس هاي عم قلك بدي قسم المطبخ
رهف:طيب طيب
نطرت ليرجع علاء من الشغل و يمر يشوف اولادو لاطلب منو هالطلب
علاء:طيب ماشي مع انو انا بنصحك ما تعملي هيك لانو بتخافي يدايقك على الطالعة و على النازلة
رهف:مضطرة ما في قدامي غير هالحل
علاء:خلص ابقي عندي قصدي ببيتي مع الاولاد و انا ..
رهف:لا ،انت كمان تابع حياتك و تزوج و من حقك تنام و ترتاح ببيتك مع اولادك و انا كمان بدي استقر و صير اشتغل
علاء:طيب ماشي ايمت بتحبي نبلش و انت لازم تكوني موجودة ؟
رهف:بكرا الصبح انشالله ، انا بسبقن على بيتي و انت ابعتن
اتصلت بفادي و خبرتو انو جاي انا و العمال بكرا ، تاني يوم الصبح رحت على بيتي ،و شفت فادي ناطرنا ،تمشكلنا شوي على القسمة و ما تنازل ابدا و لا انا تنازلت ،بعدين بلشو العمال شغل و سكرو الباب يلي بيفصل بين القسمين و فتحولي باب من الصالون و فادي رايح و جاي
فادي:عم تخربي حياتنا و تهدمي بيتنا
رهف:سبق و خربتا قبلي بخياناتك ،ما تجي تحط اللوم علي
فادي:و انا ندمت و وعدت حالي انصلح
رهف:كتير ندمت من قبل و بعداقل من 3شهور ترجع لعادتك القديمة
خلصو العمال على الساعة 12 الضهر و ركبولي الباب و اعطوني المفتاح و مريت على السوق بعت محبسي و العقد يلي برقبتي و تابعت عند ناهد بشغلا و اخدت الاولاد و رجعت على بيت علاء ،على الساعة 6علملي علاء لنزل الاولاد ،نزلت معن
رهف: يلا اطلعو
علاء:بدي اخدن طعمين بوظة ما بطول
رهف:ماشي ،بدي اتشكرك كتير يعني بدونك ما عرفت شو بدي اعمل
علاء:ولو ،انت كمان الك فضل علي
رهف: اديش بيطلع علي ،سألت العمال و قالولي انك حاسبتن
علاء:ما فارقة بيناتنا ما بينحكي فين
رهف:لا ما بقبل ،يعني لسا انا كنت بدي قلك انو انا بدي اعمل مطبخ صغير بالصالون و حمام صغير و بتعرف انا ما كتير بعرف بهيك قصص و ما عندي حدا..
علاء:اي خلص ولايهمك ،اتركي هالموضوع علي
رهف:بس ما بقبل الا اذا اخدت مني
علاء:طيب بس يخلص البيت على الاخير ،منتحاسب
رهف:ماشي و بدي خبرك كمان كرمال رائد و قيصر يعني انا وقت بدي اطلع من هون ،مين بدو يدير بالو علين انا اكلة همن
علاء:اختي ناهد عم تسألي على وحدة تقعد معن شي 6ساعات من ال 12ل 6 يعني بس يرجع قيصر من الروضة و رائد من المدرسة
رهف:اي تمام
علاء:بس بعد ما تطلعي من وين بدي جبلو لقيصر يزن (التفت على قيصر) ،بدو ياكل راسي بسيرتو
رهف:اي و انا يلي عندي نفس الشي ،لهيك انت شوف بأي روضة بدك تحط قيصر لحط ابني يزن فيا كمان
علاء:اي منيح كتير انا بكرا بشوف شي روضة يكون موقعا بين بيتي و بيتك انشالله و بردلك خبر ….
رهف……
ماشي يلا انا بدي اطلع على البيت
علاء:ماشي ديري بالك على حالك و قفلي الباب انا شي ساعة و برجع
رجعو الاولاد بعد ساعة و حاملين معن علبة بوظة
رائد:هاي من بابا
رهف:يسلم ايديه فوتي يلا غيرو تيابكن لحطلكن عشا
بعد يومين بلشت بتجهيز الشقة يلي اخدتا ،ساعدني علاء بكل شي و هو كان يلي يبعت العمال و يحاسبن و انا كنت طل علين ساعة وحدة بالنهار لتابع شغلن ،خلال هالفترة سجلنا يزن و قيصر بروضة وحدة بدوام من 8ل 1الضهر و رائد رجع التزم بمدرستو ،اما سهى كانت تشوف اولادا مرتين بالاسبوع ببيت اهلا ،هدوء سهى و فادي خلال هالفترة كان مخيف بالنسبة الي اما علاء فكر انو الكل تأقلم على وضعو الجديد بعد ما صرنا نحن الاربعة مطلقين و كل واحد بمطرح ،بعد اسبوعين ضبيت تيابي و تياب يزن لاطلع من بيت علاء و انتقل على بيتي
الجزء الثالث عشر:
الساعة 7المسا اجا علاء ليستلم مفتاح البيت و اولادو ،كان مصر يوصلني بالسيارة بس انا رفضت لانو خفت فادي يشوفو و يعلق معو
علاء:انا حابب انصحك بشغلة
رهف:تفضل
علاء: بيعي بيتك بعد ما عملتيلو هالصيانة و اشتري بيت تاني بعيد عنو ،احسن ما تبقي فيه لانو ما رح يتركك فادي بحالك و بتخافي يعملك شي
رهف:اممم بعرف حاسبة هالحساب ، انا رح جرب هالفترة و شوف الوضع ،اذا زعجني رح اعرضو عالبيع
علاء:ماشي
رهف:ما خبرتني اديش طلع حساب العمال ؟
علاء:لبعدين منحكي
رهف:لا قلي من هلأ و خليني حاسبك
علاء:طيب لتشتغلي بالاول و رجعيلي اياهن بالتقسيط ،ما مستعجل علين
رهف:انا مستعجلة اعطيك اياهن
علاء:اديش معك انت ؟
رهف:اديش بدك انت ؟
علاء:هههههه خلص لتركزي وضعك ،ببعتلك الفاتورة مع ناهد
رهف(مبتسمة):طيب ماشي
علاء:هاتي الشناتي عنك
بوست رائد و قيصر يلي كان عم يبكي كتير على فراق يزن و بدو اياه يضل عندو و نزل علاء و نزلي شناتي و وقفلي تكسي و رجعت على بيتي ،انا و عم ضب الشناتي ،اندق بابي ،رحت شفت بالعين الساحرة ،شفت فادي واقف برا ،حكيتو من ورا الباب
رهف:خير؟
فادي:خير يصيبك ،جيت باركلك بالسكنة
رهف:الله يبارك فيك
فادي:هيك من ورا الباب
رهف:ايه
فادي:بدي شوف يزن
رهف:تكرم هلأ ببعتلك اياه بس لعشيه و غيرلو تيابو
فادي:طيب ..ماشي
بعد ما لبستو بجامتو فتحت الباب و بدي طلع يزن ،هجم فادي و فات
رهف:شبك جنيت رعبتو للولد
فادي:اشتقتلك ،اشتقت لمرتي
رهف:اطلع برا ،انا ما بقا مرتك
صار يقرب علي و انا رجعت دفشتو
رهف:اطلع احسن ما صرخ و لم الجيران عليك
فادي:ماشي ماشي يا رهف صايرلك لسان و بتجاوبي
طلع و رجع على بيتو بدون ما يلتفت على يزن ،بعد ما استقر وضعي بالبيت ،اتصلت بناهد لذكرا بالشغل يلي وعدتني فيه
ناهد:طيب هلأ الدوام من الساعة 10للساعة 7المسا
رهف:اوووه طويل و يزن وين بدي روح فيه ،يلا بدبرو و بحطو عند عمتو
ناهد: طيب انا توقعت كرمال يزن لهيك بدي قدملك اقتراح
رهف:تفضلي
ناهد :انا جايبتلك وظيفة بدوام 6ساعات و بتاخدي ابنك معك و راتب منيح
رهف:موافقة
ناهد:ههههههه طب اعرفي شو هو بالاول ؟
رهف:شو هو؟
ناهد:جليسة اطفال عند اولاد علاء
رهف:……
ناهد:شبك …ما عجبك الشغل ؟
رهف:ناهد يعني اذا ما بدك تشغليني عندك قولي ما بزعل بدور على شغل تاني عادي
ناهد:لااا لا ما قصدي هيك ،انا قلت كرمال ابنك و اولاد اخي يعني صارو متعودين عليكي و بعدين علاء هو يلي لفت نظري على هالموضوع و قلي انو ابنا وين بدا تروح فيه و ما عندا حدا تحطو عندو و هو بكل الاحوال بدو يجيب جليسة اطفال و يدفعلا مصاري
رهف:طيب يتزوج ،هاي حالة طويلة و هو بحاجة مرة ما بس كرمال اولادو و بعدين مين بدو يغسلو تيابو و يطبخلو و مية شغلة
ناهد:علاء تعبان نفسيا كتير و ضايع ،صاير معو ردة فعل عكسية بعد ما صار معو هيك ،مستحيل يتزوج قبل ما يطيب جرحو و يقدر يرجع يثق بمرة تانية ،فهمتي علي ؟ ،اخي علاء انسان هادي من برا بس كتوم و حساس كتير من جوا
رهف:طيب يعني انا بروح من ال 12ل 6 عند اولادو
ناهد:اي تمام
رهف:طيب ماشي و هو الو علي لهلأ دين و قلي ببعتلك الفاتورة مع ناهد و ما شفتك بعدين
ناهد:اي صح ،انت اديش معك ؟
رهف:معي بما يقارب 150الف
ناهد:اي تمام
رهف:بس انا بعرف انو كلف اكتر مجلى و خزن وخلاطات و دوش و تمديدات صحية
ناهد:طيب هلأ هدول رح اعتبرن دفعة و الباقي سدين بالتقسيط من راتبك على راحتك ،ما مستعجل علاء
رهف: طيب ماشي معناها من بكرا بروح بس ما معي نسخة مفاتيح عن بيتو
ناهد:طيب هلأ بحكيه و بشوف كيف بدو يوصلك النسخة
اتصل فيني و قلي رح حطلك المفتاح بالذريعة يلي جنب الباب ،كنت كل ما حاول ابعد عن طريق علاء و بيتو و اولادو ،ترجع الظروف تجمعني معو ،حتى حسيت حالي اخدة وجه على بيتو اكتر من بيتي الجديد ،بعرف كل غرض وينو و بعرف اتحرك و اطبخ برياحة ،كانت مهمتي انو دير بالي على اولاد علاء بس انا كنت اطوع بمهمات اضافية متل طبخة او شغل بيت او غسيل تيابن للاولاد لتصير الساعة 6 كون انا لابسة و جاهزة ،افتحلو الباب انا اطلع و هو يفوت مع كلمتين بس مسالخيرر و كيفك و انا رد السلام و تابع طريقي ،بعد اسبوع كنت راجعة انا و يزن على البيت ،مريت اشتريت خبز و بيض و رجعت ،انا وصلت على باب البناية ،شفت فادي داخل كمان
فادي:اهلين ولله ،وين كاينة ؟
رهف:…..
فادي:عم اسالك ردي
رهف:…..
تابعت طلوع على الدرج ،مسكني من ايدي و لزقني على حيط المطلع
فادي:عم احكي معك
رهف:ابعد عني بقا ،افهم انو ما بقا الك دخل فيني ،انا ما بقا مرتك ،انا طليقتك
فادي:انت ام ابني و من حقي اعرف وين عم تروحي و تجي ؟
رهف:كنت بالوظيفة
هز براسو و قلب شفايفو
فادي:ولله و توظفتي كمان !
الجزء الرابع عشر:
رهف:يلا ماما نطلع
فادي:تعي لهون وظيفة شو؟
رهف:يا رب جيبك يا طولة البال ،اذا بدك ضل هيك رح بيع البيت و اطلع من هون ب ليلة ما فيا ضو قمر
بعدتو عني و رجعت اطلعت ،كان يزن عم يلاحظ سوء طباع ابوه يوم عن يوم ،بعد يومين انا نازلة من بيتي عال 11 ،فتحت الباب ،سمعت صوت فادي طالع،سكرت الباب فورا و اطلعت من العين الساحرة ،شفت مر و وراه سهى ،عضيت على شفايفي و لعنتا بقلبي ،فاتو و سكرو الباب وراهن ،فتحت الباب و تابعت نزول و رحت على بيت علاء ،فتت غيرت تيابي ،و ضبيت تختو و تخوت الاولاد ،و تابعت على المطبخ لشوف شو بدي اطبخ ،فتحت البراد و شفت ورقة كبيرة و مكتوب عليها
( يعطيكي العافية بس ما تطبخي اليوم شي ،رح ابعتلكن بيتزا عال 3)
قلبت الورقة و كتبتلو
(يسلم ايديك )
و رجعتا محلا و تابعت شغل بالبيت ،استقبلت الاولاد ،عال 3رن الجرس و اجا شاب التوصيل ،اتغدينا و عال 6التقيت بعلاء كالعادة على الباب
علاء:بدي اسألك فادي عم يدايقك شي؟
رهف:احيانا بس عم اعرف اتصرف معو
علاء: اذا تجاوز حدودو معك خبريني
رهف:ماشي تصبح على خير
علاء:و انت من اهلو
طلعت على بيتي و شفت فادي ناطرني على الباب
رهف:لا اله الا الله
فادي:هاي الوظيفة ،عم تقعديلو عند اولادو
رهف:اه سهى خبرتك ،صحي ما هي اليوم كانت عندك ،اي عم اشتغل جليسة اطفال و ما متل ما انت مفكر انا بطلع و هو بفوت على بيتو ،ما في بينا غير سلام ليش؟لانو انا مرة شريفة و محافظة على حالي و هو رجال ادمي عيونو بضل طارقن بالارض
فادي:رهف اذا بتريدي خلص خلينا نطلع هالاتنين من حياتنا و نرجع لبعض متل اول
رهف:متل اول ،المرة الضعيفة الغبية يلي ما عندا كرامة و الرجال اللعوب الوسخ ،هادا هو الاول و انا ما برجعلو
فتحت الباب و فتت و طبشت الباب بوجهو ،بلشت فكر جديا ببيعة البيت بعد ما طلعت تاني يوم لنزل ابني على باص الروضة و شفت كيس الزبالة مرمي على عتبة بابي ،استغفرت ربي و نزلت وصلت يزن و طلعت نظفت ،صرت كل يوم شوف زبالة او رمل او مي ،غير كان يدقلي على الحيط المشترك بيني و بينو او يشغل اغاني او اصوات مرعبة و يعلي الصوت حتى خاف بس انا كنت اتجاهل كل حركاتو المولدنة ،فاتحت علاء بموضوع بيعة البيت وقت صدفتو على الباب
علاء:كرمال فادي يعني
رهف:ايه ما فينو يضل انسان هادي كتير ،ندالتو
طاغية على سلوكو بشكل كبير
علاء:طيب رح اسعالك بموضوع البيع و الشرا ،اكيد بدك تشتري بيت
رهف:اي بس لينباع هيدا البيت بالاول
علاء:ماشي ،بس يصير معي شي بدقلك و بخبرك
هو فات على البيت و انا تابعت على بيتي ،طلغت و انا عم ادعي ربي ما اصدفو لفادي او يكون ناطرني على الباب ،فتت على بيتي و قفلت الباب ،بعد يومين كان الجمعة و عطلة ، ما رحت عند اولاد علاء ،بقيت بالبيت ،دق فادي الباب علي متل كل جمعة و اخد يزن و راحو مشوار على الحديقة ،اتصل فيني علاء ليخبرني عن البيت
علاء:حطيت البيت بمكاتب و اعطيتن مواصفاتو انشالله بتتيسر بيعتو ،بس دقتلك لقلك لبسيه ليزن
رهف:يزن مع ابوه بالحديقة
علاء:اممم كنت بدي مر اخدو ،اخد رائد و قيصر عالمول ،و اقترح قيصر ناخدو معنا ،بيبقى طول نهار مع ابوه ؟
رهف:لا بياخدو شغلة ساعتين و برجعو
علاء:ايوا ،طيب ماشي لمرة تانية معناها بدك شي؟
رهف:لا سلامتك الله معك
رجع يزن و فادي على الساعة 3الضهر ،فتحتلو الباب و تناولت يزن من ايدو و بدي فوتو
فادي:خليني فوت ولو ،افرطيا بقا
شديت يزن من ايدو و سكرت الباب من وجهو
بعد5ايام خبرني علاء انو في شاب بدو يشتري البيت و اعطاه موعد صبح يوم الجمعة ،اجا الشاب شاف البيت هو و عروستو و عجبن و اتفقنا على السعر و وقعنا العقد و اعطوني مدة اسبوعين اخلاء للاقي بيت انقل عليه و اشتريه بنفس السعر ،خلصت مدة الاسبوعين و ما لقيت بيت بالسعر يلي معي ،بعد اسبوع اتصل فيني علاء بالنهار
علاء:اي شفتلك بيت بالسعر يلي معك ،ما بعرف اذا بيعجبك ،بس فيكي تقعدي فيه مؤقتا
رهف:لا خلص رح استقر فيه انشالله ،ما بدي ضل كل فترة انقل على بيت جديد عم تتكركب كل امورنا ،و مبارح دقتلي خطيبتو للشاب و قالتلي انو حجزو عرسن بالصالة و مستعجلين على البيت ،وين صاير البيت؟
علاء:البيت صاير …جنبي …يعني بالبناية يلي جنبي …عرفتيا هاي البناية الطويلة ،كل بيوتا صايرين غرفتين بقلب بعض و مطبخ مفتوح
رهف:اممم طيب ماشي
علاء:يعني هيك اقرب على بيتي كرمال المواصلات
رهف:اي ما في مشكلة
علاء:بس ارجع بروح انا و اياكي منشوفو ومناخد الاولاد معنا و اذا عجبك منوقع العقد فورا
رهف:خلص بشوفو انا و ناهد
علاء:طيب بجيب ناهد معنا ،شو طابخة اليوم؟
رهف: شفت كوسا و بادنجان بالبراد ،عملت محشي
علاء:يسلم ايديكي …يلا بشوفك المسا
الجزء الرابع عشر:
سكرت الخط انا و عم اضحك ، المسا اجا هو و ناهد زمرلي بالسيارة و نزلت انا و الاولاد ،بقيو الاولاد بالسيارة و طلعنا نحن التلاتة شفنا البيت ،ما كان احلى من بيتي بس ما كان عندي خيار غير انو اقبل ،بلشت انقل اغراضي خلال النهار بوجود فادي بالشغل ، بعد اسبوع استقريت ببيتي الجديد،تاني يوم اتصل فيني فادي
فادي:بعتي البيت؟
رهف:اي بعت بيتي
فادي:كيف بتبيعيه من غير ما تاخد رايي؟!
رهف:هيدا بيتي و وقت بدك تشوف ابنك اتصل فيني و بجبلك اياه او منلتقي بشي محل عام
فادي:ماشي ماشي اعملي و كتري يا رهف ،انا بعرف كيف اتصرف معك
سكرت الخط بوجهو و التفتت على يزن و قيصر ،كنت عم درسن ،اما رائد كان عم يدرس لحالو ،عرضت عليه درسو بس ما قبل و رد علي بنشافة ،رغم كل الوقت يلي عم قضيه معن و كل محاولاتي لاتقرب من رائد الا انو بقي بعيد عني ،ما كنت مستغربة لانو عارفة انو سهى كل ما بتجتمع مع اولادا عم تعبي براسو لرائد علي و تخليه يكرهني و تتهمني انو اخدت مطرحا ، بعد يومين من استقراري ببيتي الجديد فاجئني فادي بزيارتو الو ،كان ناطرني تحت بيت علاء ،و اول ما نزلت لحقني و طلع وراي على البناية ،حطيت المفتاح بالباب ،طلع قبالي متل الشبح
فادي:مبروك مبروك
رهف:ما كنت اخلص منك انت وين ما بروح بتطلعلي ،حتى لو على المريخ
اخدت نفس
رهف:هاي اخر مرة بتطلع بوجهي و الا لروح قدم فيك بلاغ انك عم تلاحقني من محل لمحل و تزعجني
فادي :ما رح اتركك بحالك ،حتى ترجعيلي
سكتت و فتت على بيتي انا و مسموم بدني ،تاني يوم رحت على بيت علاء و بعتت كالعادة الاولاد على الروضة و الاولاد على المدرسة ،صارت موعد جيتن و ما حدا رجع منن لا رائد و لا يزن وقيصر ،هبط قلبي ،اتصلت بالروضة و خبرتني الادارة انو يزن اجا ابوه اخدو و قيصر اجت امو اخدتو ،ضربت على راسي و اتصلت بعلاء فورا
رهف: علاء …الاولاد ما رجعو لهلا ،اتصلت بالروضة طلع سهى و فادي اخدينن و اكيد رائد معن
علاء:ااااخ بس ما رح يستهدو هدول ،رح اتصل فيا
رهف:و انا رح اتصل بفادي
اتصلت بفادي ما يقارب العشرين مرة و ما رد علي ابدا ،بالاخير قفلو ،رجع اتصل فيني علاء
علاء:هاي ما عم ترد علي و اتصلت بأهلا جانين و ما بيعرفو وينا
رهف:ولا انا ما رد علي و بالاخير قفلو ،ليش هيك عملو ؟
علاء:بدن يضغطو علينا و يردولنا الضرب
رهف:شو بدنا نعمل ؟لازم نبلغ الشرطة ،هن يعتبرو خطفن
علاء:طولي بالك لاخرة النهار لنشوف شو بدن يعملو و بعدين منتصرف ،ما تخافي على يزن بالاخير هو مع ابوه
رهف:طيب انا رح اتصل بفدوى و أسألا اذا بتعرف شي
اتصلت فدوى و ما كان معا خبر بشي
رهف:خبريه لاخوكي اذا ما رجعو من هون للمسا رح بلغ عنو الشرطة بتهمة الخطف
بقيت طول نهار قاعدة على اعصابي و كل شوي يتصل فيني علاء ليسأل اذا صار شي جديد معي و يطمني انو يزن مع ابوه ما صاير عليه شي ،رجع المسا علاء هو و ناهد و رجعنا اتصلنا فين ،كانو مقفلين موبايلاتن ،نزلنا نحن التلاتة و بلغنا بالمخفر عن سهى و فادي و اعطيناهن كل العناوين ،بقينا 3ايام نحن و ناطرين خبر من الشرطة او حتى اتصال من اي حدا فين و اتصلت بأخي و خبرتو و علقت معو و حط كل الحق علي لانو ما سمعت كلامو و رجعت لزوجي و بهدلني انو عم اشتغل جليسة اطفال عند رجال غريب ،باليوم الرابع كنا قاعدين عند ناهد
رهف:فادي عم يتصل
علاء:ردي و حطيه سبيكر
رهف:الو
فادي:كيفك ياا انسة رهف
رهف:وينو يزن ،الشرطة عم دور عليك
فادي:ادور اذا بتلاقيني حلال عليها ،المهم ما اشتقتي لابنك ؟
رهف:وينو هات احكي معو
فادي:لا ما خرج ، انا متصل فيكي لخبرك اذا حابة تشوفيه خلينا نرجع نكتب كتابنا و نتزوج و نعيش تحت سقف واحد انا و انت و يزن
رهف:اسلوبك واطي متلك ،الولد ما هو اداة تستخدمو لتضغط علي و اولاد علاء وينن؟
فادي:شو بعرفني ،شو بدنا فين خلينا بحالنا،شو قلتي ؟
رهف(تبكي):لك احترم العشرة عالاقل بيناتنا
فادي:محترمة لهيك انا بعدني بدي اياكي و ما عم اتخلى عنك لهلأ ما متلك
رهف:بس انا ما بدي اياك و ما صدقت ايمت خلصت منك
فادي:معناها ما رح تشوفي ابنك سلام
سكر الخط بوجهي و انا صرت ابكي
ناهد:طولي بالك ما رح يضل هربان ،علاء بشو صافن؟
علاء:ولاشي ولاشي
ناهد:هديك التانية وين بدا تكون راحت بس شكلن ما مع بعض؟
علاء:ايه هيك شكلن ،وين ما راحت مصيرا ترجعن ، و طلعة من البلد ما بتقدر اطلعن
ناهد:ايه رهف شو قررتي ؟
رهف:رح دقلو و قلو موافقة
علاء:بهالسرعة !!!…..
الجزء الخامس عشر:
رهف:ما ضل عندي حل ،كتير عم يضغط علي وين ما بروح بطلع بوجهي و بلاحقني و هلأ شوفي شو عمل
قام وقف علاء
علاء:ناهد تعي شوي
طلعو الاتنين و بقيت لحالي ،رجعت ناهد بعد شوي ،اطلعت فيني و ابتسمت
رهف:شبك
ناهد (مبتسمة):شبني ؟ما شبني شي ؟ رح احكي بالموضوع مباشرة
رهف:موضوع شو؟
ناهد :شو رأيك بأخي علاء؟
رهف:رأيي من اي ناحية ؟
ناهد:من كل النواحي ؟
رهف:رجال ..كويس يعني منيح ما في منو بس ناهد انا وين و انت وين هلأ
ناهد :تزوجي انت و علاء
رهف:شوووو ؟ناهد ؟ا!انا بهم ابني الغايب عني …
ناهد:انا ام و بعرف شو شعورك بس انا شايفة هالشي حل الكن انتو الاتنين
رهف:بتعرفي اذا سمع فادي..
ناهد:يعني انت موافقة مبدئيا على الفكرة
رهف:لااا ، قصدي مستحيل هلأ بالوقت الحالي ،انا عندي ابني
ناهد:صدقيني فادي عم يضغط عليكي لانو خايف تتزوجي علاء ،لهيك تزوجيه و حطيه تحت الامر الواقع و خليه يتقبل الموضوع و ابنك رح يرجعلك اياه فورا بس يسمع بهالسمعة ،لازم يفقد الامل منك حتى يخليكي تكملي حياتك الا اذا عندك اعتراض على علاء
رهف: ما عندي اعتراض على علاء،يعني وقف جنبي كتير و كان انسان شهم خلال هال 3شهور بس ما وقت هالحكي
ناهد:شو بدك تخسري اكتر ؟كنت خايفة على ابنك و هاي عند ابوه ،شو قادرة تعمليلو ،هالزواج لصالحك و لصالح علاء ،زواجكن رح يضغط على الاتنين و رح يرجعولكن اولادكن
رهف:بس انا اذا تزوجت ،بتروح حضانة ابني مني
ناهد:بعرف بس فادي ما رح يخليكي تتهني و رح يرجعلك اياه بس اهم خطوة انك تبيني انك ما سئلانة على ابنك
رهف:مستحيل الا هالشغلة ما بقدر ،فادي بيعرف اديش…
ناهد:فادي بيعرف نقطة ضعفك و عم يستغلك منا و هيدا غلطك ،نقاط ضعفنا ما لازم حدا يعرف فيا حتى ما حدا يدمرنا
رهف:وين راح علاء؟
ناهد:جوا مع الاولاد ،ناطر جوابك ؟
رهف:انا ما قادرة فكر بشي غير بيزن
ناهد:طيب خلينا نوصلك هلأ على بيتك و فكري براحتك
لبستي جاكيتي و انا و طالعة من الصالون ،طلع علاء بوجهي ،نحن الاتنين خجلنا و درنا وجهنا ،وصلوني على بيتي يلي كنت حسو فاضي بعد غياب يزن ،حطيت راسي على المخدة و انا قدام خيارين فادي او علاء ،حتى هيك قرار مصيري خفت اخدو لحاالي اتصلت بأختي ريهام و خبرتا و اعطتني رأيا ،رجعت على دوامة التفكير،اجتني مسج من علاء
الجزء الخامس عشر

علاء:مسالخير انا ما حبيت قلك الحكي يلي قلتو لناهد لانو ما حبيت احرجك و انا ما حابب اضغط عليكي و بعرف ظرفك السيئ و انو ما مناسب ابدا لهيك فكرة بس يمكن لانو خفت تقرري ترجعي لزوجك قبل ما اخد فرصة و خبرك انو انا حابب تكوني مرتي و بيسعدني و بيشرفني هالشي لانو شفت فيكي شريكة حياتي و رجعتيلي الثقة بعد ما كنت فقدتا ،بتمنى تفكري بحالك قبل اي حدا و خدي وقتك،و انا رح اتقبل قرارك مهما كان ،و ما توافقي او ترفضي كنوع من الاحراج اوالضغط ،بس كوني مقتنعة بالشي يلي بدك تعمليه و الله يقدم الخير الي و الك ،تصبحي على خير .

رجعت قرأت الرسالة كتير ،قمت صليت صلاة استخارة و رجعت نمت انا و عم فكر بفادي و يزن و علاء ،فتت تاني يوم مرتاحة و اتصلت بعلاء لاعطيه جوابي

رهف:موافقة

اعطيتو رقم اخي سامح ليتصل فيه و يطلبني رسمي منو ،و بعدين نزلنا كتبنا كتابنا ، و نقلت تيابي على بيت علاءو عرضت بيتي على الاجار ، و تكلف علاء بنشر خبر زواجنا و شهر العسل لمازن زوجا لفدوى حتى يصل الخبر لفادي و لسهى ، بعد ما استقريت انا و علاء ببيت واحد ،بقي علاء مقدر حالتي النفسية و ما فكر ابدا يقرب علي ،بس كان وقت يرجع من شغلو نتغدى سوا و بعدين نسهر على التلفزيون او على البرندا سهرات رايقة و انا اشرد احيانا

علاء:رهف ،وين شردتي حاج تفكري بقا

رهف:مشغول فكري على يزن ،ما اشتقت لرائد و قيصر انا اشتقتلن و اشتقت للمتن هن التلاتة مع بعض

علاء:اشتقتلن كتير بس مصيرا ترجعن ،و اكيد اهلا عم يضغطو عليا ,و هلأ بس تسمع انو تزوجنا ما رح تتحمل الخبر

رهف:علاء لتكون تزوجتني كرمال تقهر سهى !

علاء:ههههههه ما بلومك لانك ما بتعرفيني لسا ،سهى شلتا من قلبي وحياتي على الاخر و حطيت وحدة محلا

رهف(مبتسمة):…….

علاء:بتعرفي ،بحس كتير انو نحن الاتنين منشبه بعض

رهف:كيف يعني ؟

علاء:يعني نحن الاتنين هادين و ممكن نضل قاعدين ساعة كاملة ساكتين متل هلأ هيك و عم نطلع ببعض و ما نمل

رهف:صح ما انتبهت على هالشغلة ههههه ما ابردنا

علاء:بتعرفي ،بحس كتير انو نحن الاتنين منشبه بعض

رهف:كيف يعني ؟

علاء:يعني نحن الاتنين هادين و ممكن نضل قاعدين ساعة كاملة ساكتين متل هلأ هيك و عم نطلع ببعض و ما نمل

رهف:صح ما انتبهت على هالشغلة ههههه ما ابردنا

علاء:هلأ صح هاليومين فكرنا مشغول على الاولاد بس حاسس حالي مرتاح اكتر من قبل

رهف:ليش؟

علاء:صرت انا و اياكي ببيت واحد ،كنت ادايق كتير بس ارجع من شغلي و انت تطلعي من البيت ،حسيت البيت فاضي بدونك و ريحتك فيه ،و هلأ بفيق بتصبح فيكي و منفطر سوا على صوت فيروز ،بتعرفي لو هالتلاتة كانو هلأ قاعدين معنا ما كانو حتى وعونا نقعد هالقعدة الهادية على صوت ام كلثوم

رهف:هههههه خايفة تعجبك الشغلة

علاء:شكلي انا بدي ابعتلن رسالة و قلن خلي الاولاد عنكن لسا اسبوع زمن

رهف: ههههههه بس فكرة

علاء:اعتبري هالفترة فترة رياحة الك و الي و قيمينا من سيرة هالجوز و خلينا بحالنا ،ليش بتحطي توم لمرقة المحشي؟

رهف:ههههه شو خطر على بالك هلأ

علاء:شو بعرفني هلأ تذكرت ، صحي بكرا عطلة ،شو رأيك نروح مشوار من الصبح للمسا

الجزء السادس عشر
رهف:اي منروح

علاء:بس على شرط

حط ايدو على وجهي و قرصني من خدي

علاء: بس انا و اياكي

رهف :ليش في حدا غيرنا

علاء: يعني ما نجيب سيرة لا فادي و لا سهى و لا اولادن ههههه

رهف:ههههه طيب ماشي

فقنا تاني يوم الصبح الساعة 8لبسنا و رحنا فطرنا فتة و بعدين تمشينا على البحر و تصورنا و نزلنا صورنا على الفيس فورا و بعدين نحن و عم نتفتل بالسيارة ، مرينا من جنب الحديقة

رهف :علاء وقف هون

علاء:ليش؟

رهف:وقف و انزل

صف السيارة و نزلت ،سبقتو على باب الحديقة

علاء:لوين؟

مسكتو من ايدو

رهف:يلا ولو

علاء:ما معنا اولاد ليش بدنا نفوت

رهف:و انا شو يلا ولو

فتنا على الحديقة ،سبقتو على المرجوحة و اشرتلو بأيدي

رهف: مرجحني يلا

علاء:ههههه من كل عقلك

رهف:يلا قبل ما تنعجق الحديقة

كان اليوم يلي قضيتو مع علاء من احلى ايام حياتي ،ما بحياتي قضيت متل هاليوم مع فادي خلال خمس سنين زواج منو ،انتهى مشوارنا المسا و نحن عم ناكل سندويش شاورما ،رن موبايلو لعلاء

علاء:هاي سهى عم تتصل

رهف:رد

علاء:الو

سهى:وينك انت

علاء:انا عم اتغدى انا ومرتي

سهى:مرتك !اي تعا خود اولادك ،انا واقفة على باب بيتك ،انا عم ربيلك اياهن و انت عم تقضيلي شهر عسل مع هالواطية

علاء:احترمي حالك و انت عم تحكي عليا ،بعدين اانا ما فاضي هلأ اجي اخدن ،انا بمشوار

اطلعت بعلاء و فتحت عيوني و متفاجئة بكلامو ،غمزني و تابع حديثو

علاء:رجعين معك و بكرا جيبين

سهى: لا ما حذرت ،اقطع مشوارك مع ست الهانم و تعا ،و الا رح اشلحلك اياهن هون و روح

علاء:طيب طيب جاي

سكر الخط هو و عم يضحك

علاء:الصور جابت نتيجة بسرعة

رهف:ليش هيك حكيت؟

علاء:حتى ما تتمسك فين ،يلا خلينا نمشي

طلعنا بالسيارة و رجعنا ،شفنا سهى و الاولاد واقفين على الباب ،ركضو الاولاد و سلمو على ابون و وقفت سهى تطلع فيني من تحت لفوق

سهى:الصيت النا و الفعل لغيرنا ،بس طولي بالك علي انا ما بسكت لحدا

سكتت و ما رديت عليها ،فتحت الباب و فتت و بعدين فاتو وراي الاولاد و بقي علاء و سهى يتخانقو برا و بعدين راحت و فات علاء ،رن موبايلي و كان المتصل فادي

فادي:تزوجتي يا …..ولله لندمك …ولله لخليكي تشتهي تشوفي ابنك ….انا بفرجيكي

رهف:ما من حقك ،انا بيطلعلي شوفو يومين بالاسبوع

اخد الموبايل مني علاء ليرد عليه و بس سمع صوتو سكر فورا ،بعد اسبوع سمعنا خبر زواج فادي من سهى بعد ما باع بيتو و اشترى بيت تاني ما حدا بيعرف عنوانو ،انزعجت كتير لانو ما كنت متوقعة الامور تصير هيك ،كنت حاسبة انو فادي يمل و يرجعلي الولد فورا بس كان حابب يجاكرني و يحرقلي قلبي و يجيب وحدة تانية تربي ابني ،بس كان منبه علي علاء انو اصمد و ما اتصل فيه ابدا لاترجاه او اطلب منو يفرجيني ابني حتى ما يتحكم اكتر ، و كنت ماشية متل ما قلي علاء بالضبط لانو كنت واثقة فيه ، بعد اسبوع رن جرس بيتي ،قمت فتحت الباب و شفت سهى و معا ابني يزن ،ركض علي و لفيتو

سهى:خليه عندك هاليومين ،لانو مسافرة انا و زوجي سياحة

رهف:ايه الله معك

سهى:وين اولادي؟

رهف:رائد بالمدرسة و قيصر بالروضة

سهى:اي منيح ديري بالك علين لانو علاء تزوجك لهل الشغلة بس

سكرت الباب انا و عم اضحك عليا ،كانت حياتي مع علاء هادية كتير مبنية على الثقة و الاحترام اما علاء كان انسان هادي و ذكي و كنت كل يوم عن يوم عم حبو اكتر و اكتشف فيه شغلات حلوة و اشكر الصدفة يلي جمعتنا ،رغم انو كان كلامو قليل و ما كان بيعرف يعبر عن حبو الي اكتر من كلمة بحبك و هالشي ما كان مدايقني ابدا بعد ما مريت بتجربة مع فادي يلي كان يقلي اديش بحبني و كانت كل تصرفاتو و خياناتو بدل على حقيقة تانية ،بعد يومين ما رجعت سهى لتاخد يزن و هالشي ريحني كتير و لا حتى اتصلت فيني ،هن اعتبرو انو زتولنا الاولاد لنربين و نلتبك فين و ما كانو يسألو علين الا بالنوادر بس انا و علاء كنا مبسوطين كتير بالنتيجة يلي وصالنالا ،اسرة كاملة و خاصة بعدما رائد بلش يتقبلني و يتقبل الوضع الجديد و الدائم ،بعد شهرين وصلتنا اخبار المشاكل بين فادي و سهى و انو واصلين للطلاق ،بعد ما اكتشفت سهى خيانة فادي الا مع وحدة تانية ، كانت مفكرة سهى انو فادي خاني بسبب تقصير مني او لانو ما بحبني ،حتى صارت بمحلي و عرفت انو الخيانة من طبعو لفادي ، لهيك رجعت تتواصل مع علاء بحجة الاولاد و بعدين طلبت منو يرجعا كرمال اولادا بس علاء رفض نهائيا و خبرا ما بقا تتواصل معو و تخلي كل حكيا معي انا يلي كنت عم حضر لولادة بنتي روزا .

عرض التعليقات (42)