img
الرئيسة / حلويات / كنافه خشنه

كنافه خشنه

/
/
/
3110 مشاهدات

 

كنافه خشنه

كنافه خشنه

كنافه خشنه

كنافه خشنه , معكم صديقة زاكي الشيف الموهوبة ,أم حنان اصالة, أصدقائي في زاكي شجعوني لأنزل مزيد من وصفاتي بكتابة رأيكم في التعليقات, ولو حابة تنضمي لأشهر شفات الوطن العربي.
حمل تطبيق زاكي مجانا من هنا: 👈👈 https://goo.gl/ze0y3j
شاهد طريقة إضافة وصفاتك على تطبيق زاكي من هنا: https://www.youtube.com/watch?v=Sxz9gnTU_dw&t=6s 

المقادير

  • كيلوعجينه كنافه جاهزه
  • كيلو جبنه بيضا حلوه
  • سمن بلدي أو سمنه
  • فستق حلبي
  • وقطر فاتر

الخطوات

بدهن الصينية بشويه سمنه او سمن بلدي حسب الرغبه بفكك العجينه بأديه أو بمقص الطعام وبعجنها بسمنه ونضع طبقه الكنافه بصينيه ونضع الجبنه البيضا فوقها وبحطها ع ألغاز من فوق مو بالفرن وبظلي اقلب من كل الجهات والف بالصينيه مده ١٥ دقيقه بس انتبهي نار هادئة بس تتحمر بقلبها ع صدر وسيع ونضع القطر والفستق الحلبي في يستخدم صبغه طعام حسب الرغبه ياريت اجربوها كثير سهله وزاكيه

38 تعليقاً

  1. بتشهي يسلمو ايديك…
    براڤو…هاي أول مشاركة الك ع زاكي صح؟؟وهاي انا أول المشجعين..استمري 👏ع المفضلة مباااشرة تلزمني كتيير

  2. اه والله اول مشاركه ويسلمو ع التشجيع انا زمان كان عندي البرنامج بس ماكنت مشاركه فيه بس كنت اشوف الوصفات

  3. #حقنة_الموت
    #سلسلة_الهلع
    #للكاتبة_جمايكا_أحمد

    ايهم يا صغيري انا مدقة اللحم هل تسمعني اريد فقط سماح وغفران بسيط ..صدقني لم اكن اقصد أن اوجعك انا مجرد جماد حملوني وضغطوا على معصمي ليزيدوا الألم لي ألمين ..كنت اتمنى ان أكسر بين يديهم او اصبح فتات أخشاب او رماد محروق..كنت تصرخ بسببي وتقول اااخ واااه وكنت ارد ياويلاه …

    ….

    انت تراني هل هذا صحيح انا ذلك الجنزار القاسي الذي ربطوني بك..اعلم أنني السبب اعلم بأنني المذنب الأول في تعذيبك.. انا من قيد حزنك وألمك ووجعك ..انا من جعل هروبك من عذاب زوجة ابيك امر من المستحيل..هل تفهمني انا مجرد حلقات حديد ارجوك سامحني لم اقصد قتلك…

    ….

    لا اعلم ماذا اقول لقد بت مثلك جائع فأنا دائما فارغ ..انا ذلك الطبق الذي تذوي فوقه الذباب..كنت انام بجانبك واحلم بطبق صغير من الحلوى لقد كانت تملوه بالحنان..انا الان حزين على فقدانها مثلما فقدتك ..اسف ياصغيري فلم أكن حنون مثل امك ..سامحني…

    ……..

    علياء :- كان يامكان في قريب الزمان ..بيت صغير دافي وفيه اثنين صيصان …واحد اسمو الياس والثاني ايهم …كانو حلووين كثير وبسمعو الكلام .وبيوم طلبت منهن امهن يقوموا يسقوا الوردات يلي بحوش البيت..وطبعا لانهن بسمعو الكلام ماقالو لاء ..ركضوا وكل واحد حمل ابريق المي..بس ياخسارة كان في غراب اسود بقلب الحووش قطف ورداتهن …

    الياس :- ماما هاد الغراب الاسود انا مابحبو ..

    ايهم :- ولا انا كمان هاد شرير ..

    علياء :- اي لكان خلص صار وقت النوم قوموا قوموا ..

    الياس :- امي دخيلك خلينا كمان شوي..

    علياء :- حبيبي لازم تنام منيح كرمال بكرة ماتتعب على طريق السفر ..

    ايهم :- خلي الياس يروح وانا ببقى معك مابدي اروح انا ..

    علياء :- لو عليه يامو لخليتكن انتو الاثنين هون ..بس ابوكن بدو يعمل لالكن الجوازات وهو قال بس ثلاث ايام بالكثير اسبوع ويرجعكن..

    الياس :- انا مابحب روح .. مرتوا مانها مثلك ..

    علياء :- بعرف ياعمري بس لازم اعمل الجوازات كرمال تبقوا بالمدرسة هون عندي ..ماعم يقبلو يسجلوكن الا بجوازات ..

    ايهم :- لكان انا صغير ماعندي مدرسة .. حاكيه مابدي رووح…

    الجد :- يالا سيدو صار وقت النوم حاجي اتعذبوها لامك ..

    الياس :- حاضر ..بس اتصل على ابي وقلو مابدنا نجي..

    الجد :- ماقبلان بس مابقيان كثير وتجو لعندي على العيد ولامابدكن تلبسو التياب الجديدة..

    ايهم :- بلا

    الجد :- اي لكان ركض على النوم..

    ….

    (( هاي هي الليلة الاخيرة يلي كنت عم لامس ايدين اولادي فيهن .. الليلة الاخيرة يلي كانت عيوني عم تجي مقابيل عيونهن ..الليلة الاخيرة يلي اندفنت وقتها احلامهن تحت فراشهن. احساسهن بالخوف ليلتها ياريتني فهمتو..رفضهن ليروحوا لهاداك المكان ياريتني قبلت فيه…ياريتني وياريتني بس مارح ينفعني الندم ..غابو عني حبات عيوني واحد تحت التراب وواحد نفسي ارجع احضنو من تاني..اولادي ايهم والياس..هني حكايتي..هني ضحية ضعفي واختياري هني ضحية العذاب يلي شفتو وضحية تفكيري وضحية اخطاء ابوهن..بلشت حياتي من كان عمري 18 سنة ..وقت اتقدملي سلف خالتي من اراضي 48 الفلسطنية المحتلة..وانا كنت من سكان الاردن بقيت 4 سنين كاملين وانا ناطرة نهاية لهاي الخطوبة يا اما الزواج او اني روح بحال سبيلي ..وكثير حاولت اني انهيها لكن هو كان مصر على خطوبتنا..وبعد هالفترة تم الزواج وعشت حياة منيحة مع زوجي نضال..ماكان شي يغص على حياتنا صح كانت بسيطة بس كلها دفى واهتمام وراحة..وكنت املك دار عم ..مثل البلسم على الجرح طيبين وناس بسيطة ولهلاء بشهد على روحهن الطيبة ..بس نصيبي معهن ما اكتمل ..بعد اول ايام زواج احملت بابني الياس وعلى الاربعين من ولادتو كنت حامل بابني ايهم كانت حياتي مستقرة وكلها دفى ..زوجي كان على طول يهتم بأولادو والكل يعتبرهن مثل التوأم ..كانو روحو ومن هوايتو انو كل شهر ياخدهن يصورهن صور ..ليحتفظ بتاريخ حياتهن بالتفصيل…

    #نضال :- علياء لبسي الاولاد وجهزوا حالكن مشان نتصور..

    #علياء :- اي يالا رح لبسهن تيابهن الجديدة ..بس عند مين رح نتصور هالمرة..

    #نضال :- اها مابعرف احتمال باستديو البيلسان..

    #علياء:- ليش مو باستديو الامل..

    #نضال :- ممم مابعرف بكون احسن لو رحنا ع استديو البيلسان..

    ((من هاي اللحظات بلشت شك بتصرفات نضال..وخاصة لان كان يحب ياخدنا لعند استديو الامل ..بس باخر فترة صارت تشتغل صبية اسمها منى فيه ..ووقتها كنت انخنق من نظرات نضال لالها . وعلى طول ضلي حاسبو …ومن سألتو ليش ماعدنا نروح لهونيك قلي مشان ما اخلق مشكلة على اتفه الاسباب بسبب غيرتي ..بس يلي صدمني اوقات شوف على كروت الصور اسم الاستديو ..صور اولادي كانت استديو البيلسان..وصور جوزي الجديدة كلها صور الامل ..وهيك عرفت انو هو بروح لهونيك على طول ليتصور. لوحدو..ومو هيك وبس صار عندي بالبيت كل اسبوع صور جديدة..انشغالو بالموبايل زاد ..واهتمامو بتيابو واناقتو كانت على طول توترني واوقات يغيب ساعات طويلة من بعد الشغل..هالشي زاد فضولي لاعرف شو مخبي هو….

    نضال :- شو عم تعملي في موبايلي..

    علياء :- نضال مين هاي منى قلي..

    نضال :- ممم هاتي الموبايل..

    علياء :- مين هاي نضال وليش بتقلا حبيبتي وكلام فارغ وكأنكن متزوجين..

    نضال :- اعطيني وخلينا نتفاهم

    عليا ء :-بشو بدك اتفاهم كل هالفترة مو من فراغ كنت عم تتغير في شخص غيري بحياتك شاغل لالك بالك..انت عم تخوني كنت..

    نضال :- لاء مابخونك

    علياء :- لكان هالشي شو بتسميه..

    نضال :- اسمعيني مجرد تسلاية وحياتك

    علياء :- عم تسلى ببنت الناس..

    نضال : – خلي حاجي تصرخي ..جمعتي علينا العالم..

    علياء :- انا خلص ماعاد فيني اتحمل كل شي ولا انو حد يخوني انا صبرت عليك سنين نضال …

    نضال :- خلص لاتزعلي حقك عليه انسي كل شي وانا من هون ورايح ماعاد اعمل هيك..

    ( انا من طيبة قلبي سامحتو ..ماكان عندي خيار ثاني شو بدي اعمل غير هيك اهلي مو عندي ولا اهلو عندو ومافي مكان روح لالو..مرقت فترة ماكانت بسيطة شكي زاد وثقتي قلت على الاخر وعلى ابسط النظرات اعمل مشكلة كنت عم راقب موبايلو بالتفصيل وهالشي كان يقلي انو هو ماعاد يعمل هيك..بس يلي فاجئني فيه انو كان عم يحتفظ بموبايل ثاني يتواصل معها فيه ..ماكان عندي اي ردة فعل كل يلي طلبتو منو روح زيارة لعند اهلي بالاردن …. وهو وقتها وافق..واطلعت لعند اهلي وبقيت فترة وطلبت الطلاق…خاصة من عرفت انو هو بعدو على علاقة مع منى وبدو يخطبها..ماكان عندي اي قبول للفكرة ..وصلتني اوراق الطلاق بكل سهولة….ولاحرق قلبو اتقدم لالي شخص بعمر 50 سنة وقبلت فيه واتزوجنا..بس اولادي ماحسنت احتفظ فيهن معي ..

    ابي :- اتركيهن عندي انا بربيهن وشو ناقصهن انا بجيبو..

    علياء :- يعني رح ابقى على هاد الحال كثير ..

    ابي :- شو رح يتغير يابي اذا هو كل كم شهر ليبعت شي 100 دينار ..شو فرق ..ليكهن وصلو لعندي وغير هالثياب ماعندن ..ومثل ماربيتكن انتو واخواتك بربي اولادك..

    علياء :- مابعرف بس هالزواج يابي مافايت راسي بدي ضل مع اولادي

    ابي :- بدك اضيعي عمرك انا مابغصبك على شي بس اذا حاسة مابدك هالزواج مارح وافق …بس هو شاف حياتو وانتي بدك تفني عمرك بالتعتير..

    علياء :- 😔😔..

    ..بعد ما تم زواجي ..وانتقلت للحياة عند زوجي الجديد كنت كل فترة وفترة انزل شوف اولادي او هني يجو لعندي ويوميا احكي معهن..كانو مبسوطين بالعيشة مع ابي وامي..حتى اهلي كانو متعلقين فيهن..وبيوم طلبهن ابوهن زيارة قبل زواجو ونزلو اولادي السفرة الاولى وكان عمرهن و ثلاث سنين.. وبعد شي اسبوعين رجعو اولادي لعندي ووصلتني هيك رسالة من طليقي …

    #نضال :- رح تنصدمي من تشوفي اولادك..

    علياء :- ليش شو في..

    #نضال :- بس ليجو بتعرفي..اها شو بدي اقلك حاولي تخبي مية النار والمازووت لان اولادك مدمنين هيك شي..

    علياء :- مافهمت شو قصدك شو بتخبص نضال ..

    نضال :- اولادك بيشربوا مازووت ياهانم..

    (( ما اخدت اعتبار لكلامو اطلعت استقبل اولادي ومثل ماقال اتفاجأت بشكلن كانو حالقين شعرن مثل يلي بكونوا بسجن..ووجهن اصفر ونحفانين…ماعجبني وضعن وماكانو يحكو شو بصير معهن وكل ماسألت يخافوا يجاوبوا.. بس وقت الليل ابني اتغيرت ملامح وجهو وبلش يسعل بطريقة غريبة .لوصل يختنق وماعاد فيه يتنفس صرت اصرخ وفيقت اهلي يساعدوني …

    علياء :- ايهم ايهم والله ماعرفاني شبوو صار يسعل بطريقة غريبة شربتو مية وزاد وصار لونوا ازرق…

    امي :- روقي امي هلاء برجع ابوكي من المشفى وبقلنا شبو روقي…

    ااختي :- اجا ابي ..

    علياء :- طمني دخيلك شبو شو يلي معو..

    ابي :- الولد شارب كمية كبيرة مازووت ..والله لطف فيه من عندو بدكن اديروا بالكن عليه..سماح ابي شيلي كل شي مواد خطرة من البيت بشي مكان مايحسنو يصلو لالو…

    سماح :- حاضر ..هلاء كلن بشيلن… بس شو السبب

    ابي :- مابعرف والله
    .
    ((ومن يومها بلشت شيل كل شي من تحت ايدين اولادي وصحتهن بلشت ترجع ووضعهن الصحي صار افضل ..وهون بلشو اولادي يدامو بالمدرسة الياس بالصف الاول وايهم بالروضة..وكانت امورهن كثير منيحة…

    ابي :- علياء اولادكن جوازاتهن بقيان شهر وتنتهي واذا انتهت بنفصلو من المدارس ومابحسن عالجهن..

    علياء :- شلون رح نجددهن..

    ابي :- بنرسلهن لابوهن وبنقلو يجددهن..

    علياء : – واذا ماقبل..

    ابي :- ما اعتقد يرفض لان ضروري يجدد جوزاتهن اذا ما اتجددو بالوقت المحدد بنحرم منهن وماعاد يشوفهن..

    علياء :- طيب خلينا نحكيه..

    ابي :- اعطيني اتصل..

    علياء :- اتفضل يابي..

    ((بعد معاناة بالوصول لنضال حسن ابي يتواصل معو ليحسن يخبروا عن موضوع الجوازات وهون طلب نضال نبعتلو الاولاد كمان..بالاول انا رفضت بس هو صار يطلع لالنا الف مبرر انو الاولاد مابحسن يتجدد جوازهن الا بوجودهن قال هيك طلبو..كانت هاي الفترة باخر ايام رمضان …برمضان رغم انو اولادي صغار بالعمر الا انهم ماتركوا يوم الا صاموه ..وبكل صلاة كانت بوقتها ..كانو يحبو اجواء رمضان والعيد عنا لان ابي كان يكافئهن دائما ..واجى اليوم الموعود اليوم يلي كانت اخر مر شووف فيها اولادي كان محروق قلبي على وداعهن.. مابعرف كان احساسهن سابقهن كانو خايفين يروحوا..وقف قبالي ابني وقلي يامو خلينا عندك ومابدنا جوازات….واقفة انا وابي واخي عم اعطي اولادي بإيدي لرفيق جوزي..وصلتهن بإيدي للموت ..نظراتهن وعتابهن لالي وهني عم يترجوني امي خلينا بترجاكي مابدنا نروح ….. ياريتني وقتا فهمت شو بقولوا عيونهن…بعد ماوصل رجال واخد يلي بكون رفيق ابوهن..ودعتهن وقتا وراحو..اي راحو وراحت روحي معهن.. بعد ماغابو اولادي ايام ومرقت ايام العيد ارجعت اتصلت على نضال …

    علياء :- نضال رجعلي الاولاد بدي اياهن ضروري

    نضال :- لا انسي الموضوع ماعاد فيني رجعهن اولادي بدهن يبقوا عندي..
    .

    علياء :- ماحد رح يهتم فيهن مثلي اسمعني بدي اولادي يرجعو لعندي..

    نضال :- انا بقول انسيهم والتهي بجوزك واتركي اولادي مرتي بتهتم فيهن..

    علياء :- لو بضمن اولادي ساعة وحدة عند مرتك لوافقت اتركلي اولادي عندي لو سمحت..

    نضال :’- الله معك..

    علياء :- نضال اسمعني ..الووو الووو..

    ..

    بعد مارفض نضال يرجعلي الاولاد..وبعد مافشلت كل محاولاتي اني رجعهن ..وصعب اقول اني اتقبلت غيابهن عني بس ظروف الظلم كانت اقوى مني ومنهن .. كنت راقب صفحة مرت طليقي ..شوفها عم تنزل صور اولادي والكل عم يعلق عندها انو الله يحفظهن لالها ..كانها هي يلي تعبت فيهن كنت شوف القهر وانا محرومة منهن ..كنت بعرف انو هالتصرفات مجرد تعذيب لالي…مرقت الايام بل الاسابيع بل الاشهر..وماكنت احسن اسمع صوتهن..موبايل نضال اعطاه لمرتوا منى ..وكنت بالقوة وبعد عذاب والف اتصال تتركلي فرصة احكي معهن ومن اسمع صوتهن كنت حس الضحكة غايبة والحزن مالي شفافهن واذا حكيو معي احس انو الحكي عم يتنقل بالغصب لالهن..كأنهن محفظين شو يقولوا لالي ..كنت اتمنى اسمع صوتهن براحة اعرف شو بدهن شو يلي ناقصهن..دائما يحكولي كلام انهن معزوزين او مبسوطين بس نبرة الصوت كانت تحكي انهن بقهر وبعذاب وبمر بس شو بإيدي اعمل…حاولت اتواصل كثير يوم عيد ميلاد ابني الياس لاخبرهن اني بدي اعيد لالو بدي اقولوا كل عام وانت بخير لقيت منى عاملة لالي حظر من كل مكان ومن كل صفحة …اخدت موبايل اختي سماح واتصلت منو..وهون لحسنت احكي معهن…

    منى :- شو بدك ..

    علياء :- اليوم عيد ميلاد ابني بدي اسمع صوتوا منى..

    منى :- اي بس هو مو هون ..

    علياء :- ليكني سامعة صوتوا اعطيني اياه..

    نضال :- هاتي اشوف شو بداا غير. علياء شو بدك..

    علياء :- اليوم عيد ميلاد الياس عملت لالو عيد ميلاد بدي يطفي الشمع معي بدي احكيه بدي اسمع صوتوا..

    نضال :- الياس خد امك حاكيها..

    ايهم : – انا انا بدي احكي معها ماما اشتقتلك..

    علياء :- ايهم امي ليكني معك وانا اشتقتلك حبيبي..

    ايهم :-ماما انتي عاملة عيد ميلاد لالي..

    علياء :- رح اعملك احلى عيد ميلاد حبيبي بس لتجي لعندي اشتقتلك يا حبيب امك..

    الياس :- ماما ..كيفك..

    علياء :- الياس ليش امي مابتتصل عليه ومابتحاكيني..

    الياس :- هني…..

    علياء:- مين هني..

    نصال :- هات لهوون ..يالا مشغولين عاملين عيد ميلاد لالياس عن اذنك..

    علياء :- لاتعمل لالي حظر نضال بدي ضل حاكي اولادي..

    نضال :- اي ماشي الله معك..

    وهاد كان اخر اتصال اسمع فيه صوت اولادي.. .. هو يوم ماكنت عم اعيد على ابني ..وغابو اولادي عني..حاولت بكل الطرق اوصل لالهن ماحسنت كنت اطمن على اخبارهن من اخت نضال وامو…ودايما يخبروني انهن حكو معهن وانهن بخير ويطمنوني ويحاولوا يحاكو نضال انو يخليني احكي معهن..بس ماكان بإيدهن شي..بيت اهلو لنضال كانو رافضين فكرة زواجو من منى..وهني اكثر ناس شدوا على ايدي ..وكنت من اسمع انو اولادي عندهن كنت اطمن ..اكثر من وجودهن عند ابوهن..لانهن كانو يهتمو فيهن كثير ستهن اكثر شخص كان قريب لالي وماتركتني بمحنة..بس الدنيا ماكانت توقف عند حد الفاصل يلي بين بيت اهلو لنضال وبيت نضال كان كبير لهيك صعب ينتقلوا اولادي ليعيشو عند اهلو…كثير كنت اشكي لالهن تصرفات نضال وكنت انا واياهن استغرب مو هاد نضال يلي كان ماينام الا اولادو بحضنو كان كثير حنون عليهن ويحبهن بجنون يخاف عليهن من الهوا الطاير يلي صار ماكان يقبلو عقل ولا يقبلوا اي شي انخلق على وجه الكون..ومن اقلهن تصرفات منى ..وافعالها بحرماني من سماع صوت اولادي ماكانو يستبعدوا اي تصرف من خرابة بيت مثلها…مرقت كمان الايام ومرقت الاشهر وغابو اولادي بشكل تام عني…

    …..

    ابي :- الوو اي صابر علياء وين

    صابر :- ليكنا ارجعنا من شوي من عند القرايب في شي عمي

    ابي :- اي جيبها وتعال ضروري لعنا..

    صابر :- ليش خير يارب

    ابي :- ماتخبرها بس ابنها ايهم مات..

    صابر :- شوو ..اي اي على الطريق..

    علياء :- غريبة شو في ابي عم يتصل بهيك وقت..

    صابر :- لاتشلحي تيابك رح انمر لعندو قال تعو مشتاقين لالنا..

    علياء :- ممم بس ابي ..

    صابر :- مابعرف علياء خلصي خلينا نروح .

    اتصال ابي لحظتها ماطمني وكنت متأكدة انو صاير شي …وانا على الطريق فتحت الواتس اب ..لاتواصل مع اختي ..لاعرف شبو ابي لاني كنت خايفة عليه..اختي ماردت ..حاولت اتصل باخي حتى اخي مارد ماكان حد عن يقبل يفتح الاتصال ويطمني..وانا عم اقلب بين الاسماء بالواتس اب..اجاني اشعار انو تم ازالتي من مجموعة العائلة وهالشي استغربت منو ليش هيك عملو وشو في…ماكان فيني الا اطلع بالمحادثة لفوق واعرف شو صاير…

    … الله يرحمو

    …متى هالشي..

    …لاتقولوها..

    ..اي والله..

    …يا مصيبة

    ..هاد الخبر صحيح..

    …اي والله بكل مكان منشور حتى على الاخبار..

    …ياحرام

    .ماغيروا ابن علياء..

    …اي والله ابن علياء..

    …ايهم ابن بنت

    علياء ..

    اي والله ابنها ..

    لك لقوه مقتول..

    …من شو …

    اسمعتو اخر خبر ايهم ابن علياء مرت ابوه قتلتو..

    هاد اخر رسالة قرأتها واول رسالة كانت بالمحادثة…ماكنت مسدقة الخبر ماخطر على بالي انو هالحكي صحيح اخدت الامر بانو مزحة او اساسا ما اخدتو بعين الاعتبار كنت مصدومة يمكن مشتبهين ابني صغير واكيد هالشي ماصار ..وصلت لبيت اهلي ..كانو اعماي عم يركبو اعمدة لخيمة كبيرة حاولت اقول لنفسي اكيد هاي مو خيمة عزا ..ابي يلي واقف والدمعة على طرف عينو ..واخي يلي جنبو عم يبكي بقهر..وقفت قبالهن..اكيد عم تمزحوا لاتقولوا انو ايهم مات…ابي ايهم مامات مو هيك..بعدو صغير مو معقول يعني ..هاد مزحة منكن…يابي رد عليه ايهم مامات صحيح هالخبر..رد عليه ابني بعدو عايش ومافيو شي.. وينهاامي امي..وينك وينك قليلي شو بصير هون ليش بتبكووو ابني ماااات ايهم ..راح خلص ابني رااح سمااح..

    سماح :- اسمعنا الخبر مثلك والله دخيلك اهدي..

    علياء :- لاء لاء حاجتكن كذب ابني بعدو صغير وهو قلي بدو يرجع لعندي مستحيل مستحيل ايييييهم دخيل قلبك ياامو قلي هالحكي مو صحيح وين موبايلي وين موبايلي …حد يتصل بدي اسمع صوتوا احكي هلاء بكون ناطرني ..الله يخليكو حد يتصل يطمني ابني مافيو شي ..انا متأكدة مافيو شي هالكذب مابحبو مابحبو .امزحوا بغير شي ..لاتمزحوا بموت ابني…

    ابي :- خدي خدي يابي احكي مع ابنك

    علياء :- شفتو انا قلت ابني مامات..ايهم حبيبي كيفك سمعني صوتك امي قلهن بطلو هيك لعب..انت صغيرعلى الموت مو هيك يامو..

    الياس :- امي ايهم مات..

    علياء :- الياس حبيبي وين اخوك..

    الياس :- الياس مات ..😢…

    كنت اسمع الحروف من ابني بالقوة ..عرفت وقتها انو ابني الياس بالمشفى ومافيو يحكي منيح لان لسانو محروق..اولادي كانو يتعذبو ياجمايكا كانو عم يعانووو اااااه شو بدي اقلك شو بدي اوصفلك الوجع يلي ماعاد يخلص… بقلي ابني انها كانت تعذبهن وتحبسهن بالحمام ايام بالعتمة ..كانت رابطة رجليهن بالجنازير من شفت ابني الياس وجثمان ابني ايهم انصدمت مو هيك ابني مو هيك..كانت صورهن جلدة على عظم ..هيكلهن العظمي كان بارز..كانت تحرمهن من الاكل ايام…ومشان ماتخليهن يبكوا ويصرخوا من العذاب كانت عم تحرق لالهن لسانهن بالسكين السخن..كانت تكوي جسمهن لدرجة حارقة فتحة الشرج بالنار..ابوهن اللي كان حنون عليهن ياجمايكا كان يطفي بوجهن السجاير ..

    وكل ماتشوف حالها مزعوجة تفوت تضربهن وتطلع …وماتلاقي قدامها غير مطرقة اللحم..ضاربة ايهم على راسو بمطرقة اللحم بقلي الياس انو هو وقتها ماقال اخ ..بقي ساكت للحظات ..ومن لقتو مااعطاها اي ردة فعل بصراخ او بكي ماعجبها الحال اخده ابني ودفشتو من الدرج .. وبقي ابني ساعات بمكانو ماتحرك ابد..بعد مامرق وقت حست عليه انو ماقام..

    منى :- نضال نضال قووم ابنك لهلاء ماقام من الدرج..

    نضال :- ليش شو عملتي..

    منى :- انت قلت قسي الضرب عليه..

    نضال :- وينو هو..

    منى :- على الدرج

    نضال :- اعطيني مية بسرعة وجهو ازرق ازرق ..

    منى :- ماعم يفيق نضال..

    نضال :- بدي اخدو على المشفى بسرعة اعطيني التامين..

    منى :- هلاء بيعرفوا انو نحنا ضربناه..

    نضال :- بقلو وقع من على الدرج..

    ..

    بعد ماسمعت من التحقيقات ابني وصل المشفى جثة هامدة مافيو نفس.. وهو المشفى اتصلت بالشرطة ليدخلو بعد ماكشفو انو ابني صاير عندو نزيف داخلي بسبب ضربة مطرقة لحم…من ادخلت الشرطة ورجعت على البيت اتفتشوا لقوا ابني الياس بحالتو المزرية وهون كشفو انهن اتعرضوا للتعذيب. من قبل منى..ونضال.ابوهن الحنون..يلي كان يخاف عليهن…من ابوهن يلي كان يرجف من النسمة ..عم يعذبهن بقمع السجاير بوجهن كان يسمح لوحدة مثل منى تعذبهن وتحرمهن بالطريقة هاي..اخدو مطرقة اللحم والجنازير والمخدرات يلي لقوها ببيتهن…ابني ايهم كانت اخر رسالة منو..قبل موتوا بليلة..

    الياس :- ايهم قلي انو بس امي تحكي معك قلها اني بحبها…

    ..قلي ياجمايكا بحبني اعطاني رسالة تعذبني العمر كلو …خايف اخوه يحكيني وهو مايحكيني بقولوا قول لامي اني بحبها…بحبني ابني ..ااأه شو في بايدي يرجعلي ايهم واسمعها من تمو..شو في بايدي يخليني رجع هاديك الايام وواقبل طلب ايهم وما اخليه يروح ..ياريتني ياجمايكا خليتو ياريتني اتعذبت عمري كلو وماتركت ابني يتركني ..😢 راح ابني رااااح .. ماعاد فيني اسمعو اتخيلي حتى مات وماشفتو مابوستو ماحضنتو ماودعتو اخر شي . ابني ياجمايكا كان يحب الملوخية ينبسط كثير من اطبخها لالو …كان يحب يروح يصلي صلاة العيد ويكبر.. ماعرفاني احكي شي الوجع عم ياكلني تعرفي كم عمروا ايهم ماطبق 6 سنين بعدو صغير كثير على حرق سكين وكوي سجارة..بعدو صغير كثير على جنزير رابط رجليه..ماخجلت المطرقة وهي عم توجعو قليلي ماخجلت..

    جمايكا :- 😢 شو بدي اكتبلك بالقصة ورب هالكون دمعتي لهلاء ماوقفت..

    علياء :- اتخيلي وحدة مثل منى عندها طفلين كمان شلون اجا على قلبها تعذب طفل

    جمايكا :- كمان الها اطفال

    علياء :- اي بنت وولد..

    جمايكا :- ابنك الياس وينو مانو معك

    علياء:- ياريت ابني معي 😢..

    جمايكا :- وينو هلاء..

    علياء :- عند دار سيدو..

    جمايكا :- مممم شلون يعني ليش مايعطوكي اياه

    علياء :- ياريت ياجمايكا بتمنى هالشي بدي الياس هو يلي بقيلي ..

    جمايكا :- طيب انتي عم تحكي معو شي..

    علياء :- اي بحكي معو عمتو منيحة ياريتهن من البداية بقيو عندهن هني كثير منيحين وطيبين ..بس بدي اشوفوا بدي اياه حتى لو هني هيك هاد ابني بكفيني يلي خسرتوا ..

    جمايكا :- منى ونضال شو صار معهن..

    علياء :- نضال اتحول للمحكمة الاسرائلية..ومنى بشرطة الضفة الله ينتقم منهن …بدي حق ابني جمايكا بدي القصاص منها..دم ابني وروحوا مابدي تروح هدر ..بدي ابني يرتاح..والله كل يوم بحلم فيه سدقي قبل ليموت بيوم حلمت بالياس وايهم بقولوا لالي امي تعي خدينا…عم يمدوا ايدهن لالي ويقولوا تعي خدينا امي…😢😢
    .

    ياريت الله ياخدني لعندو 😢😢…..ماقدراني احكي اكثر ضغطي ارتفع ..

    سماح : – جمايكا اعذريها الله يخليكي والله كل يوم بهاد الحال..

    جمايكا : براحتها حبيبتي انا رسالتها رح خليها تصل..الله ينتقم من منى ..وياخد الله القصاص منها والله يصبرها على فراق ايهم ويرجع لالها ابنها الياس..ان شاء الله رسالتها يقرؤوها عمات الاولاد ..وتحسن تشوف ابنها الياس….

    اخيرا..قصة ايهم مانها خيال ..قصة ايهم هالمرة سردتها مثل ما اسمعتها..قصة ايهم هي قصة كل بيت شارف على الهاوية ..بقلك اقضم على الجرح ورش ملح على وجعك لو في بينكن اولاد ..رسالة ام الياس هي رسالة لكل ام ..بنفس وضعها.. بنفس وجعها وألمها ..لاتقولي بكرة بجي حد يربيهن ..ولا انا بدي شوف حياتي خليه يجيب لالهن مرت اب تربيهن ..صعب انلاقي مرت اب بهالزمن مثل مابدنا والمثل مافارقنا مرت الاب غضب من الرب..اربطي وجعك واحمليه .. اليوم سخن هالوجع بكره بيبرد نحنا باخر الزمان ..و مصير الخاين يرد لبيتو واولادو.. مافيني اكتب نصائح او كلام رسالتها اكبر نصيحة…حبيباتي هالمرة ماحسنت اضيف او ازيد شي بالقوة لحسنت اسردها لو جمعت الالاف الكلمات مارح احسن اوصف وجعها..هي ام والظروف كانت اقوى منها…في فيديو رح نزلوا رح تشوفوا صور ايهم . والتعذيب يلي صار معو…. ارجوكن افهموها لهاي القصة…

    انتهت

    استحلفك بالله لاتوجهي كلمة قاسية لامهن بكفيها فراقهن ..

  4. الڤيديو موجود عالفيس انا اختي بعتتلي القصة عالواتس وصورة الولد قبل التعذيب مدمجة مع صورته بعد التعذيب والوفاه
    بس هون انا مو عاملة حساب شيف ومابقدر انزل شي
    بس بتوقع اذا بتدخلي على جوجل وتحطي بالبحث اسم الطفل والقصة بطلعلك صورته

  5. الله يرحمه ويصبرك ويكون في عونك حاولي تجيبي ابنك الثاني لحضنك مهما كلفك الامر وايهم طير من طيور الجنة مصيره الجنة ان شاء الله

  6. ام جهاد انتي قرأتي شو مكتوب قبل ماتكتبي تعليقك
    مكتوب انها قصة حقيقة والكاتبة ماكتبت ولا حرف زيادة منها عالقصة ،وكتبت القصة متل ماسمعتها من ام الطفل وخالته

  7. لا حول ولا قوة الا بالله
    حسبي الله ع كل ظالم
    وع كل مرة ابو ما بتخاف الله
    ياويلي عليهم الاطفال هما وامهم والله قطعو قلبي
    الله يصبرها ويعوضها في الياس ويرحم ايهم يارب وان شالله بتحمل مرى ثانيه وبتجيب ايهم

  8. شيء بقطع القلب حسبنا الله ونعم الوكيل في كل ظالم نفسي اعرف كيف بقدروا يظلموا وخصوصا الاطفال الابرياء لاحول لهم ولاقوه

اترك رداً على امنه إلغاء الرد

لن يتم نشر عنوان بريدك الإلكتروني.