طريقة الكبة ملكة تحضيرات رمضان

67 7٬803
 

طريقة الكبة ملكة تحضيرات رمضان

مسابقة ملكة تحضيرات رمضان

طريقة الكبة ملكة تحضيرات رمضان

طريقة الكبة ملكة تحضيرات رمضان, معكم صديقة زاكي الشيف الموهوبة ,جلكسي والدنيا عكسي الكبه ويااااويلي ع الكبه مين ما بحبها معشوقة الجماهير ومن تحت دياتي بتطلع بتشهي

المقادير

  • مقادير العجينه
  • نص طيلو برغل ناعم منقوع مسبقا بماء ساخن لمدة ساعتين
  • نص كيلو لحمه هبرا خاليه من الدهن نهائيا للفرم مع البرغل
  • بهارات (ملح فلفل بهار مشكل وازا بتحبي حطي كمون)

الخطوات

تحضير العجينه

بمحضرة الطعام بكون البرغل منقوع ومافي عليه سواىل وازا عليه صفي وعصري منيح وفرمي شي دقيقتين بعدا بتتدريج بضيفي الحمه الهبرا حتى ينمزجو منيح وضيفي البهارات وتكون ناعمه ومتماسكه مش طريه وبتحطيها بتلاجه او اعملي متلي طحنيها بليل وصبح كبكبيها بتطلع بتجنن وما بتغلبك منوب

الحشوه

بتشوحي بصله ناعمه وبضيفي نص كيلو لحمه وبتشوحيهن وبتحطيلهن ملح وفلفل ورشة قرفه وبهار مشكل وكاري آصفر وبتفرمي فليفله خضرا مكعبات صغيره وبتبرشي سنين توم وبتقلبيهن وبس تستوي وتنشف المي بصيفي كمشة لوز او صنوبر حسب الرغب

تحضير الحبات

بتحطي بصحن معلقة نشا مع فنجان منشان العجينه بتلزق بالادين بتغطي ايدك فيها وانتي تكبكبي وبتعملي حبات الكبه وبتحطيهن بصنيه يرتاحو شوي بتلاجه وقت بدك تقليهم بتغطي ايدك بزيت وبتملسي الحبات وبتحطيهن بزيت غزير وحامي وما تقلبيهم هزي المقلى منشان يتقلبو

وفيك تشويهم بلفرن ازا بدك بس قلي آطيب وصحتين وعوافي ع قلوبكم كتيررررررطيبه ومن آفضل انواع المقبلات والجميع بحبها

الكبه البنيه

بتقلي حبات الكبه وبتحطيهم بورق مطبخ يمتص الزيت منهم بعدا بطنجره بتعقدي البن وبتسقطيهن

اللبن

نص قرص لبن جميد منقوع مسبقا بماء ساخن كوب لبن زبادي ومعلقتين نشا بتحطيهم بالخلاط مع كوب مي وبتخليطهم ليصير مزيج رغوي وناعم بعدا بتحطي بطنجره مع رشة كركم اختياري بس ليكسر لون البن هيك بنحبو احنا بس يغلي البن بتسقطي الحبات وبكون البن جامد مو مرق وازا حستي مرق ذوبي معلقة نشا وضفيها للبن وبتخليهم يغلو عشر دقائق وبعدا بتسكبيهن بجاط بايركس وبتعملي تقلايه لوز مع برشه ثوم ومعلقة سمنه وبتصبيهم فوقهن وريحه دماااااار

ملاحظه

وقت تكبكبيها وتجهزيها حطيها بصنيه بلفريزر بس يتجمدو عبيهم بكياس وحفظيم بتلاجه وقت بدك طويلهم وقليهم وبتنقلى فورا ما تستني بس تذوب من التجميد

ما تنسو ضفيوها ع المفضله بضغط ع القلب آسفل يسار الشاشه

ورمضان مبارك علينا وعليكم ياااااارب الله يبلغنا اياها آجمعين ويكون شهر خير وبركه ع الجميع

صديقتكم هزوره

جلكسي والدنيا عكسي

عرض التعليقات (67)