قوارب البيتنجان باللحمة المفرومة ملكة اطباق فطور رمضان

7 3٬481
 

قوارب البيتنجان باللحمة المفرومة ❤ ملكة اطباق فطور رمضان .

المقادير

  • بيتنجان حجم وسط ( باذنجان )
  • لحمة مفرومة
  • بصل
  • بندورة
  • صلصة
  • بهارات
  • ملح
  • فلفل اسود
  • ماجي

الخطوات

بسم الله الرحمن الرحيم

اول شي بنقشر البيتنجان بدون ما نشيل القمعة او الراس . بعدين بنقطع حبة البيتنجان من النص بشكل طولي مع القمعة ،، بعدين بنعمل بنص حبة البيتنجان زي حفرة او فتحة بنشيل اللب منها مشان نحط الحشوة وبس نخلص الكمية بننقعهم بمية وملح شي ساعة لساعتين .

وبنحضر الحشوة : بنفرم البصل بالمقلى وبنحطه عالغاز لحتى يدبل شوي بعديين بنزل عليه اللحمة المفرومة وقبل ما تستوي بنحط معها من لب البيتنجان اللي شلنا من البيتنجان وحبة بندورة جامدة بنقطعها ناعم وبس يدبلو منيح بنحط البهارات ( ملح وفلفل اسود وبهار مشكل وكاري وقرفة ودبس الرمان ) .

بعديين بنعمل الصلصة اللي هي 3 معالق صلصة ل3 كاسات مي عالغاز ولما تغلي بنحط عليها مكعب ماجي وملح وفلفل اسود ولما تتسبك منيح بنطفي تحتها ،، وبتقدروو تعملوها بعصير بندورة عالخلاط بدل الصلصة حسب ذوقكم .

هلأ تحضير الصينية : بنقلي قوارب البيتنجان بزيت غزير متل ما بنقلي البيتنجان العادي لحتى تاخد لون حلو .

بعدين بنصف القوارب بالصينية وبنمليها بالحشوة وبس تخلص كل الكمية بندير عليها الصلصة اللي جهزناها وبنحطها عالغاز لحتى يكمل سوا البيتنجان ولما تقل الصلصة عنها بندخلها الفرن للتحمير . صحة وعافية

عرض التعليقات (7)