فريكه ملفله بالدجاج ملكة أطباق فطور رمضان
تحرير فريكه ملفله بالدجاج ملكة أطباق فطور رمضان
فريكه ملفله بالدجاج ملكة أطباق فطور رمضان
المقادير
- دجاجه واحده
- كيلو فريكه خشنه
- زيت زيتون
- حبتين بصل
- ملح
- فلفل
- بهار كاري
- هيل مطحون
الخطوات
بسم الله الرحمان الرحيم
اول شي بتفقد الفريكه وبندفها من كل شيء عالق فيها وبغسلها ثلاث مرات او اكثر لحد ما اتاكد انها نظيفه تماما وبصفيها من المي وما بنقعها ابدا حتى تتفلفل معي كويس وما تخبص
وبعدين بقلب الجاج بالزيت والبصل كويس على النار وببهره وبغمره بالمي وعلى نار متوسطه حتى ينضج
في طنجره ثانيه بفرم حبتين بصل ناعم مع زيت الزيتون وقلبهم كويس بزيد شوية زيت لانه الفريكه بتعشق زيت الزيتون لم يدبل البصل بضيف الفريكه وبقلبها مزبوط وبضيفلها الملح والفلفل والكاري او اي بهار بتحبيه وبعد وبعدين بغمر الفريكه بشوربة الدجاج بخليها ترتفع تقريبا نص سم ولما تغلي بوطي الغاز وبغطيها تقريبا ساعه وربع وبضل اتفقدها اذا شوربه بزيد شوي شوي حتى تستوي وما تلزق بقاع الطنجره وبدين بسكبها وكون محمره الدجاج وبضيفو الها وبزينها باللوز والبازيلا المطبوخه سابقا وبقدمها مع السلطات واللبن والف صحه وهنا
اللهم اعنا على ذكرك وشكرك وحسن عبادتك
اللهم اعتق رقابنا من النار
يمي عن جد المنظر يفتح النفس تشهي
اروع اكلات اكلاتك يا ام علاء ما شاء الله عنك
الله يحفظك يا رب 😘😘
ماشاءالله…عاشت ايدج….ابدااااااع..
ما شاء الله عليكي يسلم دياتك حبيبتي منظرها روووعة انا بعملها بس ما بتزبط معي وبطلت اسويها😳
حبيبتي اعمليها بهذه الطريقه بتزبط اهم شي ماا تنقعيها بتخبص اذا نقعتيها اغسليها عدة مرات اهم شي تكون تنظفت كويس من الحجار والقش العالق فيها وبعد ما تغلي وطي عليها وسيبيها ساعه وربع على نار هاديه مع تفقدها وتحريكها باستمرار واذا بتحتاج شوربه ضيفيلها بشكل بسيط
النار لازم تكون هاديه كثير
رشا ام احمد ام حسنين المبدعه الله يسعدكم ما شاء الله عنكم تعلمنا منكم شغلات الله لا يحرمنا من طلاتكم من خلالها بنطمن عليكم
نور احمد وينك زمان ما بينتي
ان شاء الله المانع خير
يسلمو ايديكي حبيبتي وشكرا الك أن شاء الله في ميزان حسناتك رح جربها أن شاء الله😙
روووعة تسلم ايديكي.
وصفاتك عنجد بتجنن وزاكية وشرحك حلو .
روعه
الصابره المحتسبه الله يسعدك حبيبتي وشكرا لمرورك بارك الله فيك وجعلك في درجات الصابرين الحتسبين
يا محلا طبخاتك يا ام علاء الورده روووووعه
يسلموا ايديكي بتشهي
مشاء الله النظر اكثر من رائعه شهيتني اجرب اعملها …
روعاتك ام علاء شهية كثيييير شرح مفصل الله يجعلو في ميزان حسناتك 🌹🌹🌹
الله يسلم هالإدين الذهب والله انك مبدعة وكل وصفاتك رووووووووعة 😉😉😉😍😍😍
يسلمو. روووعة
من الاطباق المفضلة عندي يسلمو ايديكي
يسلمو ديكي بتشهي
الله يسعدكم جميعا شكرا لمروركم
حبيبتي بشرى الله يسعدك طول عمرك رائعه
رمضان كريم ام علاؤ
بتعرفي انا نفسي تزبط معي الفريكه وماتخبص
بدي اجرب طريقتك لبكرة يارب يبيض وجهي قدام نور عيني انا رح احط كاستين فريكه كم احط كاسة مرقه للكاستين
حبيلتي هدول القمر الله يخليلك نور عينك ويحننو عليكي يا رب كل كاسة فريكه كاسة شوربه وما تنقعي الفريكه اغسليها غسيل اكثر من مره وبعدما تغلي اطبخيها على نا هاديه وتابعيها اذا احتاجت شوية شوربه زيديها
ماشاء اللة عنك وع نظافة اكلك
جد انك ست مقدرة
خلص رح اعمل طريقتك
ربي يجعلو في ميزان حسناتك
ادعولي ربي يهدي بالي
ما شاء الله عليك ام علاء ابو يحيى ،،،،
روووووعه والله انك فنانه
ع المفضله اكيد
تسلم ايدك
يعطيكي الف عافية جد روعه..بس عندي سؤال حدا جرب الفريكة بدون نقع معقول بتستوي
اه بس بدها نار هاديه لمدة ساعه وربع وتضلي تراقبيها وانتي لما تغسليها عده مرات الغسيل بطريها
صحه وعافيه حاطه بازيلاء
زاكي
ام علاء انتي وين بيلتقى منك قوليلي
ماشاء الله عنك.. ست بيت مبدعة واكلك وشغلك بشهي
لطيفة وكلامك خفيف عالقلب متل النسمة
ومزوقة ومحبة لكل الناس وكمان أصيلة😘😘
يعني فتت هلا لشوف الوصفات لانو الي كم يوم ماشفت شي
بلاقيكي فاقدتيلي وسائلة عني.. والله مو عارفة بشو اوصفك😍
ربي يكرمك ويعطيكي على هوا نواياكي الطيبة اللي مخجلتينا فيها دايما ياقلبي
انا انشغلت كتير ماما كانت عندي وسافرت على سوريا واكيد بتعرفي كركبة الوضع هنيك والخوف بقى كنت مكركبة شوي
دعيلها توصل بالسلامة لعند اهلي ياغالية😙
والفريكة بتجنن متل كل وصفاتك
يعطيكي الف عافية يا احلى ام علاء😘🌹
حبيبتي الله يخليلك اياها ويحفظها ويوصلها بالسلام ويهدى الوضع وترجع سوريا الحبيبه زي اول واحسن والله الي صار بسوريا بوطنا العربي وبغزه حرمنا الفرحه باي شي
الله يردنا لدينا رد جميل وننتصر ونفرح بكفي الم
اللهم امين يسلموا دياتك كتير طيبه بس انا بعملها بسمنه احيانا بعملها بدجاج واحيانا بلحمه حسب الأختيار شكرا وشكرا زاكي…
ياالله شكلها بجنن يسلمو
ما شاء الله.. انا بقلبها بسمنه بلديه بتتطلع بجنن وكركم علشان لونها يظل أخضر بجنن.. لما اقلبها بضيف عليها نص كأسه شاي زيت زيتون علشان الامعه الخاص والنكهه مع السمنه البلديه واوووو.. يعطيك العافيه طريقه حلوة رح اجربها
انا بنقيها ما بكثر عليها ميه تقريبا ثلاث كاسات ميه جاج..
تسلم ايدك
يسلمو اديكي كتير لزيزة وطعم بجنن انا مجربتها