معمول الراحة بالنانرج ملكة تحضيرات العيد

9 4٬542
 

معمول الراحة بالنانرج ملكة تحضيرات العيد

معمول الراحة بالنانرج #ملكة_تحضيرات_العيد

معمول الراحة بالنانرج ملكة تحضيرات العيد

معمول الراحة بالنانرج ملكة تحضيرات العيد , معكم صديقة زاكي الشيف الموهوبة ,Masa Queen

المقادير

  • 1 كيلو طحين زيرو أبيض منقيم من هالكيلو ( كأس كبير) ونضع عواضها كأس كبير طحين فرخة وهو انعم نوع بالسميد
  • نصف كيلو سمنة نباتية باردة يعني ماتكون سايحة علأخر .. وبإمكانكم نصف كيلو السمنة تحطو مع بعض ربع كيلو سمنة نباتية وربع سمنة حيوانية
  • 1 كأس كبير سكر
  • تلت أرباع كأس كبير ماء فاتر
  • ملعقة وسط بودرة خميرة
  • 2ملعقة كبيرة حليب بودرة
  • درررة محلب ناعم بس مانكتر
  • لدهن وجه أقراص المعمول وقت يطلعو من الفرن:
  • ملعقة كبيرة سمنة حيوانية سايحة
  • مقادير الراحة
  • راحة الحلقوم
  • رشة صغيرة ماء
  • ملعقة كبيرة سمنة
  • مقادير مربى النانرج
  • مربى قشر النانرج
  • مربى لب النانرج
  • راحة مذوبة

الخطوات

طريقة صنع الراحة:

نضع قطع الراحة بمقلاية تيفال

مع رشة صغيرة ماء وملعقة سمنة

على نار وسط..

نذوبها بملعقة خشب مدة 3 ل4 دقائق

بعدها نطفئ الغاز ونحركها لتذوب

بحيث لايبقى اي تكتل….

طريقة خلط الراحة مع النانرج:

خلطت نوعين من مربى النانرج

قشر ولب النانرج

صفيت مربى القشر واللب من قطره

وفرمت مربى اللب فرمات ناعمة

وبعدها خلطتهم مع بعض ووضعت فوقهم

راحة مذوبتها مسبقا” وبحط الراحة بالتدريج لان كمية قشور ولب مربى النانرنج يجب ان تكون أكتر من الراحة حتى ماتسيخ معك انت وعم تكوريها وخلطتهم مع بعض ووضعتهم بالبراد ليتماسكو لتاني يوم

وتاني يوم بكورهم وبحشيهم بس مابكتر

حشوة بالقرص مشان مايشقق…

الخطوة الأولى (1):

نفرك الطحين مع السمنة (باليد او بالعجانة الآلية)

فرررك وليس عجن حتى يصبح قوامها يشبه الكريما.

الخطوة الثانية (2):

نذوب السكر والخميرة والحليب البودرة والمحلب بالماء الفاتر ونضعهم فوق الخليط السابق ونعجنها بطريقة الفرك بسرعة مدة (2دقيقة فقط) ومانكتر عجن مشان ماتفسد لأن إذا كترنا عجن بتصير متل عجينة البيتزا.

نكور كرات ونحشيهم ونشكل أقراص ونحمي الفرن من تحت ونشويهم ليحمر سفلهم وبعدها نحمرهم من فوق…

بس ليطلعو من الفرن بفرشاية ندهن وجههم بسمنة حلوب حيوانية وبتصير ريحتهم وطعمتهم زكية كتيير

وصحة وهنا….M.Q

ملاحظات هامة

أولا” نشكل كرة من العجين ونرقها عإيدنا عشكل قرص دائري ونحملها لازم ماتشقق أبدا وهيك معناها العجينة ناجحة وهي أول خطوة مهمة…

تاني خطوة مهمة: بإمكاننا أن نشتغل فيها بنفس النهار أو نتركها لترتاح لتاني يوم .

إذا ساخت شوي نضع كمية من العجين يلي بدنا نشتغل فيه بالبراد بعدها منطالعها ونشكلها اقراص..

ماتكتري عجن بالخطوة التانية وإلا بتخرب وبتصير متل عجينة البيتزا..

ماتكتري ماء لأن الماء بقسي عجينة المعمول.M.Q

عرض التعليقات (9)