كبة بطريقة بسيطة

26 8٬792
 

كبة بطريقة بسيطة

كبة بطريقة بسيطة

كبة بطريقة بسيطة

كبة بطريقة بسيطة, معكم صديقة زاكي الشيف الموهوبة ,ام عمر

المقادير

  • ٤ كاسات برغل ناعم
  • ٢ كوب طحين
  • نص كوب زيت
  • بهارات مشكله وفلفل اسود ورشة عصفر
  • ٤ كاسات ونص ماء
  • معلقتين ملح
  • نص كيلو لحمه مفرومة ناعم

الخطوات

بننقع البرغل بالماء لحتى يفوش وبنضيفله بهارات ومعلقة العصفر انا بحطها لانها بتعطي لون حلو للكبة بعد القلي وفلفل ومعلقة ملح والزيت وبنعجنهم منيح وبنضيف الطحين بالتدريج لحتى تتماسك العجينة

بنفرم بصلتين ناعم وبنحطهم بمقلايه وبنحط عليهم زيت لحتى يذبلو وبنضيف اللحمه ومعلقة بهارات ومعلقة فلفل صغيره ورشة ملح وبنخليها عالنار عشر دقايق وبنطفي

بنجيب شوي من العجينه وبنكورها وبنغط ايدنا بمي اذا حسيناها بتلزق وبنحشي لحمه وبنشكلها لحتى تخلص كل العجينه

بنسخن الزيت منيح وبنبلش نحط حبات الكبة وبس تصير شقرا بنطلعها لانها بتنشف وصحه وهنا

عرض التعليقات (26)