الرئيسة / منوعات / وصفة للعناية بالقدمين مجربة وبمتناول الجميع

وصفة للعناية بالقدمين مجربة وبمتناول الجميع

/
/
/
2748 مشاهدات
 

وصفة للعناية بالقدمين مجربة وبمتناول الجميع

وصفة للعناية بالقدمين مجربة وبمتناول الجميع

وصفة للعناية بالقدمين مجربة وبمتناول الجميع

وصفة للعناية بالقدمين مجربة وبمتناول الجميع , معكم صديقة زاكي الشيف الموهوبة ,

المقادير

  • شمعه بيضاء
  • ملعقتين زيت زيتون
  • اي زيت عطري ( اختياري)
  • مبرد للرجلين او حجر (واكيد كل امرأة بتعاني من هل مشكله عندها شي من هدول)
  • جوارب

الخطوات

السلام عليكم ورحمة الله وبركاته

اليوم نزلتلكن هل طريقه يلي معضمنا بنعاني منها وبصراحة كنت عاني منها بشكل كتير كبير بس. بعد بعض الممارسات كتير ستفدت وحبيت فيد يلي بتحب تجرب

بالنسبه للأقدام هي جزء من مظاهر أنوثة المرأه وجمالها وهو جزء بيتوجب علينا نعتني فيه متل ما بنعتني بشعرنا بوجهنا بإيدينا وأي جزء من جسمنا

فإذا اتبعنا الخطوات التاليه رح ننبسط حتى النفسيه بعد ماكانت كتير تعبانه من هل شي رح ترتاح كتير وأهم شي إنو التغير بأقل من اسبوع رح يظهر

مارح طول اكتر خلينا نبلش

١_بنذوب الشمعه وبنضيف ملعقتين زيت الزيتون والزيت العطري ( اختياري) وبنصبهم بعلبة وبنتركهم يبردو رح يصيرو زي الصابونة

٢_رح انضف رجلينا من اي وسخ عالق فيها بأي أداة يعني بالليفة او بالفرشايه واذا كان الوسخ لدرجة انو مو نضفان لا بالفرشاية ولا بالليفة ورح احكي بجد بخريس خشن بس بنفرك فيه بكعب الرجل وطبعاً النضيف حيكون بالصابون مو بالشامبو واكيد التنضيف حيكون بمي سخنة كمان حتى يطره الجلد الميت وفوراً بعد ما نخلص تنضيف وهي رجلينا لسا رطبه حنفركهم بالحجر الخاص للرجلين او بمبرد الرجلين المهم بنضل نفرك حتى نتخلص من الجلد الميت كلو وهي اهم خطو

٣_الخليط يلي عملنا حيكون زي الصابونة بندهن رجلينا فيه وبنلبس الجوارب فوراً والأفضل ما نشلحهم إلا وقت النوم لأنو مجرد دخول أوساخ ع الرجل أو ندوس ع أرض صلبة وخشنة حيظل الشق موجود طبعاً كتير منا وانا منهم ما بتتحمل الجوارب بالصيف

فصارت الحلول كتيرة في جوارب قصيرة وفي جوارب السيلكون سعرها كتير رخيص وما بتعطي حرارة بالصيف بس جوارب السيلكون لما تلبسيها ما تدهني شي برجلك يعني بتدهني رجليكي بالخلطة وبتلبسي جوارب حوالي الساعه وبعدها بتغيريهم للسيليكون هي بالصيف لأنهم حيصيرو يتزحلقو ههههههه وما تتحمليهم برجليكي

٤_لازم لو مرة بالأسبوع نعمل هل النظام حتى مايتراكم الجلد الميت ع رجلينا ويسببلنا تشققات مو مشان جمال القدم بس بعض الأحيان التشقق بيوصل للأعصاب بالرجل فبسبب آلام كبيرة

ان شاء الله كون فدت البعض بهل الطريقه السهلة وأهم شي مجربه ويلي بتجرب تخبرني اذا استفادت

طولت كتير بتشكركم ع تحملي

لا تنسوني من دعواتكن السلام عليكم ورحمة الله وبركاته (؛

79 تعليقاً

  1. وعليكم السلام ورحمة الله وبركاته…. شكرا الك حبيبتي على مشاركتنا تجربتك و بارك الله فيكي عالإفادة…… انا عندي هاي المشكله وكتير جربت طرق بس ما استفدت عليها…. رح اجرب طريقتك يا عسل 💟🌹💟

  2. الحل هو النظافه وما نخلي القدم توصل لهاي الدرجه ادهني رجليكي بعد كل وضوء بكليسوليد اصلي . وافركيهم بالحجر الناعم عالاقل مره بالاسبوع لازم عنايه مستمره بتضل القدم مثل اقدام الاطفال

  3. موضوع مفيد ،جزاك الله خيرا
    بعد اذنك سأضيف افادة اخرى للعروسات الجديدات التنظيف السريع يكون يومي مع الترطيب بأي نوع كريم مرطب للقدم متوفر عندكم، اما التقشير يكون اسبوعي و بعد نقع الرجلين في الماء الدافئ و الملح قبل التقشير بعد ذالك يتم فرك القدم باداة التقشير الحديدية او حجر خشن بهدوء و مباشرة نشف و نرطب بخليط زيوت طبيعية ( زيت لوز +زيت گلسيرين +زيت زيتون و يمكن الاكتفاء بنوع واحد حسب المتوفر عندك) . لباس جوارب غليظة طول اليوم في الشتاء كانها شبشب او شبشب رطب في الصيف
    لان التشقق سببه جفاف الجلد حتى لو نظفنا القدمين لا نتخلص منه الا اذا اهتمينا بالترطيب و تقليل احتكاك القدم و اختيار جيد لما يلبس.
    هكذا اعتني بقدمي منذ زواجي و هذا ما علمته لبناتي و الحمد الله لا نعاني من اي مشكل في القدمين. دعواتكم ❤

  4. الله يجزيكي الخير جودي وصفتك بوقتها المناسب مع الشتوية الرجلين بخشنوا شوي.

    بس موضوع الخريسة مش قادرة ما اعلق عليه هههههه كيف طيب الخريسة بتجرح الجلد لأنها اسلاك متشابكة!

  5. الفازلين الاصلي.. حطيه على رجلك قبل النوم والبسي جوارب.. بأقل فترة بتلاحظي الفرق.. جربتها والحمدلله شفيت من التشققات.. والان امي تستخدمها وكانت ارجلها متقطعه اكثر بسبب التشقق.. والحمدلله الان تحسنت ولحد الان مستمرة على الفازلين

  6. يا صبايا الخريسة هي شي للحالات الصعبه انا كنت حاكية يعني مو شي اساسي الأساس انو انضف رجلينا بأي طريقه متعودة عليها بس
    ولبس الجوارب والخلطه يلي عملتها بس 😁

  7. يسلمو ايديك حبيبتي جودي فعلا الخلطه هاي كثير ممتازه وجربتها 👍👍
    لوسمحتي بدي اعطيكي طريقتي كل اسبوعين
    انقع القدمين بالماء الدافئ فيه ملعقه ملح و م ص بيكربونات الصوديوم وعصير نصف ليمونه
    أو م خل ثم افركهم بحفافة القدمين الناعم أو الخشن
    وبعدين اشطفهم واجففهم وادهن اي نوع كريم او زيت وبلبس كيس نايلون أو بغلفهم باكياس التغليف والبس عليهم جرابات مدة ساعه الى ساعتين بصيرو ناعمين زي قدمين الطفل وبفتح لونهم
    طبعا مع الترطيب اليومي
    والتقشير مره كل أسبوع أو عند كل حمام بالزيت والسكر ماراح يحتاجو مبرد خشن

    ياريت تجربي اكياس النايلون راح تعجبك أن شاءالله

اترك تعليقاً

لن يتم نشر عنوان بريدك الإلكتروني.