img
الرئيسة / أطباق رئيسية / طريقة مميزه لشوي سمك السلمون

طريقة مميزه لشوي سمك السلمون

/
/
/
1145 مشاهدات

 

طريقة مميزه لشوي سمك السلمون

طريقة مميزه لشوي سمك السلمون

طريقة مميزه لشوي سمك السلمون

طريقة مميزه لشوي سمك السلمون , معكم صديقة زاكي الشيف الموهوبة ,

المقادير

  • سمك سلمون
  • للتتبيلة السمك :
  • فلفل
  • فلفل أسود
  • بابريكا
  • راس ثوم مهروس
  • 4 حبات عصير ليمون
  • زيت زيتون
  • ثوم قطع او شرائح
  • فلفل حار أخضر
  • شرائح ليمون
  • قطع بطاطا كبيره
  • للبطاطا أضفت :
  • ملح
  • فلفل اسود
  • بابريكا
  • زيت زيتون

الخطوات

السلام عليكم ويسعد أوقاتكم بكل خير

اليوم بقدملكم طريقتي بشوي سمك السلمون

والطعم رووووعه وكثير طيب ان شاء الله تجربوها وتعجبكم

يلااا نشوف الطريقه …

& راح ابلش بملاحظات عن فائدة السلمون وعن ملاحظات اساسيه لشوي السمك :

& بتميز سمك السلمون بانه دهني اكثر من اي نوع سمك

وبوجود نسبة عاليه من فيتامين الأموغا 3

وفيتامين د …يلي اجسامنا بحاجتهم

والاحسن للسلمون هو الشوي اكثر من القلي لانه فيه دهون كثير فالشوي بناسبه اكثر من القلي بالزيت

والسمك بشكل عاام مو بحاجه لأضافة البهارات كثير

بكتفي باضافة الملح والفلفل عشان ما يطغى عالطعمه

وممكن اضافة البابريكا والكمون مو اكثر من هيك

انا اضفت البابريكا فقط مع الملح والفلفل

ولازم يكون السمك مصفى مزبوط من المي وبعد ما يتصفى بنشفه بفاين المطبخ افضل،، بنشفه تماما من المي

& الطريقه : بنغسل السمك وبنظفه وبصفيه من المي وبنشفه تماما مثل ما ذكرت من قبل

بنتبله باضافة الملح والفلفل الاسود والبابريكا

والثوم المهروس وعصير الليمون وشوي من زيت الزيتون

بتبل السمك وبتركه تقريبا ساعه منقوع بالتتبيله وممكن اقل من ساعه حسب وقتك

& بضيفله شرحات ثوم وفلفل أخضر حار وشرائح ليمون قبل تدخيله للفرن ..

البطاطا غسلتها وقطعتها لأصابع كبيره بدون تقشير وتبلتها بملح وفلفل أسود وباربيكا وزيت زيتون

& بضعه بصينية الفرن وبغطيه بقصدير وبدخله عالفرن بدون اضافة المي والفرن بكون محمى من قبل عالحراره عاليه بعد ربع ساعه تقريبا بنزل الحراره للوسط

وبعد 30 دقيقه كان مستوى وجاهز

مدة شويه كاامله من 30 الى 40 دقيقه مش اكثر

& بعد الاستواء بحمره وبقدمه مع المقبلات

حسب ما بتفضلوو

والطعم كثير طيب

وهيك وصفتنا صارت جاهزه

صحه وعافيه مقدما للي حاب يجربها

دمتم بكل الخير

89 تعليقاً

  1. يا عيني على هالسمكات وعلى نظافتهم ويا عيني على صف الثوم والفلفل وكأنهم متدربين عالوقفة.. والإ شرايح الليمون بزيدوا الوصفة لذاذة مع البطاطا واااااااو خاصة إنها سميكة وماخدة من خلطة السمكات.. يسلموا إيديك يا أم محمد على هالإتقان الرائع المعتاد عليه
    صحة وهنا يا قلبي أبدعتي 💖💖

    • الله يسلمك ويسعدك ويباركلك ويكرمك ويعافي قلبك كل الكلام قليل بحقك ام صبحي ما شاء الله عليكي وعلى تعليقاتك وكلامك يلي برفع المعنويات ووصفك جدا راءع دائما
      تسلمي وبتشكرك
      نورتي الوصفه بتعليقك

  2. ما شاء الله تبارك الرحمن عليكي ام محمد كل شغلك مرتب وزاكي والسلمون النوع الوحيد يلي ممكن اكل منه واشبع بس عنا بنشتريه بالشريحة ههههه بتلاقيهم اكمن شريحة على قد عدد العيلة.
    الف صحححة وهنا على قلوبكم يا رب.

  3. تبارك الله…ماااا شاااء الله عنك حبيبتي ام محمد ابداااع وتالق وترتيب واكلااااات طيبه ومنااااظر خلابه بتشهي الله يعطيك العافيه ويباااااركلك بصحتك يجعل تقديمك بميزان حسناتك

  4. ماشاءالله تبارك الله
    مناظر خلابه
    ترتيب شرح تصوير كله على بعضه ولا أروع الله يبارك لكم الله يعطيكي العافيه أكيد ورا هذا الشغل مجهود كبير .

  5. أبدعتييييي فعلا طريقة مثالية لشوي السالمون وما اعتقد في احسن واطيب من هيك 😍
    شكل وطعم تحفة اكيد اللهم بارك
    ربي يسلم ايديكي حبيبتي ام محمد أبدعتي بمعنى الكلمة 😘

  6. يسسسلمو ايديك ي جميله
    تبارك الرحمن دائما مبدعه وتبهرينااااا ب جديدك

    وعلى المفضله اكيد واكيد كللهاااا زكاوه لانهااا من تحت يدينك..
    انا عمري مااكلت السمك كذا
    اشرحه شرائح صغيره واطبخ
    بس بعد وصفتك ب اجربهاا

  7. يا عيني عالمناظر الشهية اللي بتطير العقل…. يعطيكي العافيه يا قلبي على هيك وصفة رائعة بكل معنى الكلمة… ابدعتي بالشكل واكيد الطعم زاكي من تحت دياتك… الله يباركلك يا حلوة 💜

اترك تعليقاً

لن يتم نشر عنوان بريدك الإلكتروني.