img
الرئيسة / حلويات / كيكة القهوة الباردة من كتاب زاكي الرائع

كيكة القهوة الباردة من كتاب زاكي الرائع

/
/
/
11299 مشاهدات

 

كيكة القهوة الباردة من كتاب زاكي الرائع

كيكة القهوة الباردة من كتاب زاكي الرائع😄

كيكة القهوة الباردة من كتاب زاكي الرائع

كيكة القهوة الباردة من كتاب زاكي الرائع , معكم صديقة زاكي الشيف الموهوبة , نور أحمد

المقادير

  • 2 باكيت بسكويت سادة
  • نصف كوب ماء دافئ
  • ملعقة صغيرة نسكافيه
  • باكيتين كريمة بوزن 45 غرام للواحد
  • كوب حليب بارد جداً
  • ملعقة كبيرة سكر
  • ملعقة كبيرة نسكافيه
  • صلصة شوكولا (اختيارية ضفتها من عندي)
  • للتزيين كاكاو بودرة او برش شوكولا او التنين حسب رغبتكم

الخطوات

بسم الله الرحمن الرحيم

حبيت ابتدي بهالوصفة من وصفات كتاب زاكي المتميز بنكهة متميزة لكل محبي القهوة وبتمنى تجربوه و يعجبكم وتدعولي دعوة حلوة متل قلوبكم

اول شي مندوب ملعقة النسكافيه الصغيرة بنص كاسة المي الدافية ومنحطا على جنب

وبكاسة الحليب الباردة مندوب السكر وملعقة النسكافيه الكبار ومنخفق فيها الكريما لتصير عنا كريما متماسكة بنكهة القهوة

بعدا منبتدي نغط البسكويت بالخليط الاول ونرصو بالقالب ومنحط طبقات كريمة خفيفة وفينا مثلا نعمل طبقة كريمة وطبقة صلصة شوكولا متل ماعملت انا وحبيت ضيف نكهة الشوكولا مع القهوة وطلعت روعة ولما وصلت تقريبا لثلث القالب حطيت طبقة سميكة من الكريمة لحتى تطلع اوضح بالشكل ومايكون شكل الاكلة كلو بسكويت هههه وحتى بالطعمة بتفرق

ورجعت ضيف طبقات بسكويت وكريما وشوكولا لخلصت القالب وعالوش حطيت صلصة شوكولا وبرشت كمان عليها شوكولا وطبعا الكم الخيارات بإضافة أي شي بتحبوه سواء بقلب القالب او على وشو

ممكن نضيف قطع شوكولا او مكسرات مجروشة وممكن نكتفي بالوصفة وكلو لذيذ ههههه

ومنتركها بالبراد كم ساعة لتتماسك تماماً وتصير جاهزة للأكل

وصحة والف هنا حبايبي

133 تعليقاً

  1. هاي كيكية القهوه كتير زاكيه .اعملتها اليوم بلعيد كل سنه وانتي سالمه.ومااخذت مني وقت.شو عندك كيكيات زاكيه وسريعه نزلي.انا كتير بحب حلوياتك

  2. اختي انتي كنتي معلقتيلي هيك و سائلتيني هالسؤال

    بسم الله ماشاء يسلمو ايداكي اشي بفتح النفس .الله يجزيكي الخير لانك بتنشر علم.بس سوال ازا سمحتي شو نستله قشطه.وهل هي ضروريه.انا دايما بعمل صفاتك خصوصا كيكية الشوكلا

  3. وانا جاوبتك هيك

    الله يسلمك ياقلبي واياكي😍
    كلك لطف والله ممنونتك من قلبي وفرحتيني بدعواتك وكلامك والله يجعل أعمالنا البسيطة خالصة لوجه الله ❤

    أما بالنسبة للنسله فهية الحليب المكثف المحلى ولا مو ضرورية للوصفة أبدا هية إضافة للنكهة بس ياعمري وفيكي تستغني عنها😄😘

    وصحتين وعافية على كيكة الشوكولا مشكورة كتير على ثقتك 😄

اترك تعليقاً

لن يتم نشر عنوان بريدك الإلكتروني.