img
الرئيسة / حلويات / حلا العروس التركية من كتاب زاكي

حلا العروس التركية من كتاب زاكي

/
/
/
3862 مشاهدات

 

حلا العروس التركية من كتاب زاكي

حلا العروس التركية من كتاب زاكي😄

حلا العروس التركية من كتاب زاكي

حلا العروس التركية من كتاب زاكي , معكم صديقة زاكي الشيف الموهوبة ,نور أحمد

المقادير

  • للطبقة الأولى: 3 باكيت بسكويت سادة مطحون + 100 غرام (اصبع زبدة) او حسب ماتحتاج المهم يصير البسكوت اذا ضغطناه بايدنا يلم شوي عبعضو
  • للطبقة الثانية: 3 كوب حليب سائل + نصف كوب سكر او اكثر حسب الرغبة + 3 ملعقة كبيرة نشا + ملعقتين كبار طحين + باكيت فانيليا + ظرف كريمة بودرة + (ممكن 3 حبات مستكة مطحونين بملعقة سكر.. مذكورين بالكتاب بس بصراحة انا ماضفتن هههههه )
  • للتزيين كمية وفيرة من جوز الهند واي شي بترغبو تضيفوه♡

الخطوات

بسم الله الرحمن الرحيم

اشتقتلكم ياحلوين وبدي قلكم انو الوصفة رائعة بس في تعليق بسيط بخصوص الكريمة رح قلكم عليه أثناء الوصفة♡

للطبقة الأولى منسيح الزبدة ومنوزعها عالبسكويت ليتبلل بالزبدة متل حبات الرمل ومنرصو بالصينية أو جاط البايركس ومنضغط عليه ليصير طبقة متساوية..

منجهز الطبقة التانية

منحط الحليب والسكر والنشا والطحين والفانيليا (والمستكة اذا بدكن) بطنجرة ومنحرك كل شي سوا ليمتزجو تمام ومنشغل تحتهم النار مع التقليب المستمر ليبلشو يغلو منطفي تحتهم ومنقيمهم عن النار

هلا مذكور بالوصفة انو نضيف عالخليط ظرف الكريمة ونخفق لمدة خمس دقايق وانا جربت هالشي بس الخليط صار طري شوي متل مو شايفين بالصورة

ممكن اذا حبيتو تخفقو الكريمة لحالها وتحطو خليط الحليب فوق طبقة البسكويت و فوق خليط الحليب تحطو طبقة الكريمة

او خلطو كل شي مع بعض وضيفوهم على طبقة البسكويت وخلوها بالبراد لتتماسك تماااااما

كم ساعة مثلا او ليلة كاملة 🙂

بس تبرد وتصير جاهزة للتقديم ضيفو عليها كمية منيحة من جوز الهند واي شي بتحبوه وصحة والف هنا حبيباتي

بحبكم من كل قلبي وتذكروني بدعوة حلوة♡

46 تعليقاً

  1. ماشاء الله عنك
    انت لازم تكوني بتعملي بأشهر وافخم المطابخ بالعالم لأنك موهوبة
    👍👍👍👍👍👍

  2. ممممم ماشاء الله عنك مبدعه عنجد كتاب رائع وعنجد انو الادمن تمار مزوئه
    يا عيني ع الزوء يسعدها المعدله نيال زوجك فيكي ما شاء الله اكييييد هلا وزنو 100 كيلو من هالاكلات الزاكيه والطيبه 😂😂😂

  3. يسلمووووو هالايدين الحلوين يلي بعملوووو الشغلات الزاكيين رووووعه والتقديم اروع لازم كملتي هندسة ديكور يا نوربتلبقلك

  4. 😍😍 لك ربي يسلمكم ويسعدلي ياكم ومايحرمني منكم
    محظوظة دايما فيكم وبتعليقاتكم المزوقة
    والله خجلتوني😘😙
    رؤى ياقلبي من بعض ما عندكم😍 ماشاء الله عنك شو حبوبة الله يحميكي❤
    ام علاء شايفة بالله هههههه نصيب سبحان الله😁
    اردنية لبسي نضاراتك الشمعة موجودة😄
    ام تيم اشتقنالك ياقمر😙

  5. ادمن تمار لو تعرفي شو فرحت بتعليقك وقديه بيعنيلي
    كلامك شهادة بعتز فيها😘
    الله يسعدك حبيبة قلبي وينولك كل شي بتتمنيه وتبقي مع زاكي دايما من تألق لتألق😄😍

اترك تعليقاً

لن يتم نشر عنوان بريدك الإلكتروني.