img
الرئيسة / أطباق رئيسية / أوزي عالطريقة السورية

أوزي عالطريقة السورية

/
/
/
6107 مشاهدات

 

أوزي عالطريقة السورية

أوزي عالطريقة السورية♡

أوزي عالطريقة السورية

أوزي عالطريقة السورية , معكم صديقة زاكي الشيف الموهوبة ,نور أحمد

المقادير

  • لحمة مفرومة ناعم
  • بزاليا خضرا
  • رز قصير الحبة مغسول منيح ومنقوع حوالي نص ساعة
  • خليط من الزبدة او السمنة والزيت
  • ملعقة خل تفاح ابيض مخفف
  • ملح وفلفل أسود
  • عجينة كلاج او باف بيستري انا ضفت التنتين بالصور لتشوفوهم
  • قليل من الزبدة او السمنة السايحة
  • مكسرات (اختياري)

الخطوات

☆بسم الله الرحمن الرحيم☆

هاد الأوزي عالطريقة السورية بتمنى من كل قلبي تجربوها لأنها سهلة ولذيذة ♡_♡

أول شي يا حبوبات بالنسبة للطبخة ( الرز ببزاليا )

منحمس اللحمة بخليط الزيت والزبدة او السمنة بعد شوي منضيف البازيلا وحسب قديه بدها لتستوي منقلبهم مع بعض مع رشة ملح وفلفل أسود وبس يستوو منقيم قسم منهم حسب الكمية على جنب

منضيف المي حسب كمية الرز لحتى تغلي منزبط ملحها ومنحط الخل ومنضيف الرز ومنتركو يغلي حوالي 8 دقايق على نار عالية بعدين منوطي النار عالاخير والرز مغطى طبعا لحتى يستوي ويتهدى تمام

هلا الخطوة التانية هو عجينة الكلاج او الباف بيستري

الباف بيستري منمدها شوي حسب حجم الصرة اللي رح نعملها والطريقة موضحة بالصور

والكلاج منقسمها كمان حسب حجم الصرة ومنرتبهم ومنحط بقلبهم اول شي اذا حبينا مكسرات وبعدها شوي من خليط اللحمة والبازيلا وبعدين الرز ببازيلا ومنسكرها منيح ومندهنها كلها من برا ومن تحت بالزبدة او السمنة ومندخلهم شوي عالفرن من فوق وتحت لتتشقر العجينة

وصحة والف هنا يا أميرات♡

60 تعليقاً

  1. ما شاء الله عنك عسولتنا نواره زاكي الله يحميكي يا قلبي 😘😍😘
    الصراحه منظر ولا اروع لا يقاوم بيفتح النفس😋😋 نظافه وترتيب وفن واكيد نفس طيب يسلمو اديكي المعدلين 😘😍

  2. ما هذا الجمال ايتها الجميله
    الله يسلم ايديكي حبيبتي نور المتالقه عرفت انها وصفتك قبل ما افتحها

  3. الله يسلمكم يا احلى اخوات ويخليلي ياكم
    كلكم زوق ورقي😘
    صحيح رجاء اطيب شي معها😀
    ايمان حبيبتي عجينة الكلاج نفسها تبع البقلاوة😙
    ام عبد الرحمن عم غيرلكن شكل ههههههه
    مافي شموع لتجي ام حمزة😞
    رشا ام أحمد يسلملي قلبك يا صديقتي انا من بعدك❤😘

  4. الصراحه انا ماجربتها ولاعمري دقتها بدي اعملها شي يوم واشوف كيف بتطلع
    بس سؤال ليش الخل شو فايدتو؟
    جد شكلها بشجع الواحد يجربها
    ربنا راضي ع جوزك بعتلوا وحده متلك عدل زوق اناقه بكل شي يارب يرزقني كنه متلك ياااااااارب

  5. هدول ياقمرة ان شاء الله تجربيها وتعجبك حبيبة قلبي
    بسوريا منعملها هيك
    والاوزي عندكم مختلف😀 ويخليلي ياكي عالكلام الحلو اللي قلتيه والله يبعتلك الاحسن مني😘
    الخل بحافظ على لون الرز الابيض اكتر قدر ممكن ومابأثر عالطعم😄

  6. سبحان الله الواحد كل يوم بتعلم شي جديد رح اجربوا في طبخي للرز
    لاانا بدي متلك ماخصني ياريت ياريت الاقي لاخوي متلك عم بدورلوا ع عروس ياارب الله يطببني في وحده متلك يارب

  7. هدولة تسلميلي انتي احسن ياقلبي ان شاء الله تلاقي عسولة ومهضومة متلك😘
    ايجربيه لانو بغض النظر عن هالشغلة الخل الو فوائد كتير وحلو الواحد يتعود يدخلو بالاكل❤
    شهودة ياملكة الزوق والرقي حبيبتي تسلميلي الله يسعدك انتي وكلماتك😙

  8. يا عيني على المناظر تحفة ما شاء الله ربي يحميكي يا نور مبدعة الله يبارك فيكي وفي كل ما بتقدمي حبيبتي 😙😙😙😙😙

  9. لبنى ورانيا تسلمو حبيباتي من حلا عيونكم😘😘
    رانيا صلصة الخردل فيكي تستعمليها بتتبيلات للجاج او اللحمة او صلصة جنب البطاطا المقلية او حتى تحطي شوي مع تتبيلة السلطة😄
    شوفي وين ممكن تحبو نكهتها مع هالشغلات دخليها

  10. ياعيني ياعيني علمعدل من طول الغيبات جاب الغنايم كل مبتغيبي بتبدعي اكثر ربي يزيد ويبارك ويسلم هللادين الي بترسم لوحه فنيه بكل الوصفات الله يعطيك العافيه وينولك الي بالك يارب 😍😘😘

اترك تعليقاً

لن يتم نشر عنوان بريدك الإلكتروني.