img
الرئيسة / حلويات / معمول وغريبة لحبايب قلبييييي

معمول وغريبة لحبايب قلبييييي

/
/
/
12212 مشاهدات

 

معمول وغريبة لحبايب قلبييييي

♡لحبايب قلبييييي♡

معمول وغريبة لحبايب قلبييييي

معمول وغريبة لحبايب قلبييييي , معكم صديقة زاكي الشيف الموهوبة ,نور أحمد
قبل كل شي بدي قلكم كل عام وانتو بألف خير يا أروع عيلة زاكي بداية من ادمن تمار لأخواتي بجروب صبايا الوطن العربي ولباقي أخواتي المشتركات بزاكي بحبكم كلكم من كل قلبي وبتمنى رب العالمين يعيد علينا وعليكم هالأيام الحلوة بالصحة والسلامة والسعادة وكل شي بتتمنوه♡ ويعيدو على أمتنا الإسلامية بالفرج والنصر ان شاء الله♡
تاني شي عذروني كتير عالتأخير والتقصير مع كل وحدة فيكم وان شاء الله راجعة عوض بس ماكنت عم اقدر شارك كما يجب للأسف بس يلا أن تأتي متأخراً خير من أن لا تأتي أبدا ههههه
هي وصفتي معمول الختام لوصفاتكم المبدعة والرائعة اللي اتحفتونا فيها ورح ارجع علقلكم عليها يا فنانات زاكي♡ وصفتي هي للمعمول الشامي والغريبة على أصولهم وللأمانة انا مصدومة بجمال هالوصفة وطراوتها وطيابتها وياريت لو تجربوها وتنبسطو فيها متل ما انا استمتعت بأكلها بس ديرو بالكم تسمنو متلي هههه يلا مارح طول اكتر ورح بلش بالمقادير..

المقادير

  • مقادير الغريبة
  • نصف كيلو طحين
  • ربع كيلو سمنة
  • 200 غرام سكر بودرة منخول (أو حسب الرغبة بدرجة الحلاوة)
  • باكيت فانيليا
  • مقادير المعمول
  • كيلو طحين
  • نصف كيلو سمنة باردة
  • 200 غرام سكر
  • 220 غرام ماء
  • نصف كوب قطر
  • كيلو عجوة “تمر مطحون”

الخطوات

☆بسم الله الرحمن الرحيم☆

طريقة الغريبة من أبسط مايكون

منحط كل شي مع بعضو ومنخلط لتجمع شوي عبعضها ومافي داعي انو نعمل السمنة والطحين اول لانو النتيجة مابتفرق

ومنريحها شوي بمكان بارد نوعا ما ومنشتغل فيها ومنشويخا على درجة حرارة 150 لحتى تصير بالشكل واللون المعروف وصحة والف هنا حبيباتي♡

أما بالنسبة للمعمول:

منبس الطحين بالسمنة الباردة ليتجانسو مع بعض منيح متل مو واضح بالصورة

انا خفقت السمنة لحالها اول دقيقة بس لتتفكك شوي

وبطبق تاني منخلط المي مع القطر والسكر منيح بعدين منضيفهم على خليط الطحين ومنحرك بإيدنا عالخفيف ليمتزجو سوا منيح

بالبداية رح يكون الخليط لزج وبلزق يعني مارح تشوفو عجينة تركوه كم دقيقة لبين ماتجهزو الحشوة والعجوة بتلاقو الطحين تشرب السوائل وصار عنا عجينة معمول بتجنن ولا اطرى واطيب من هيك ♡_♡

بالنسبة للعجوة حسب طراوتها منضيف معها قطر وسمنة

انا ضفت 3 ملاعق كبار قطر وملقتين كبار سمنة

هي الخطوة بتحافظ على طراوة الحشوة بشكل راااائع حتى ولو طول المعمول عندكم

وبالنسبة لحشوة المكسرات ضيفو سكر بودرة وسمنة كمان بيطلع روعة

وبعد التشكيل والحشي منخبز المعمول على درجة حرارة 250 يادوب كم دقيقة وانتبهو لانو فورا بتشقر

ماتنسوهم بالفرن متل بعض جماعة بعرفهم ههههههه@[email protected]

جربوهم ودعولي ولو مو بالأعياد رح تنبسطو كتير من سهولة الوصفة وروعة طعمها

بحبكم من كل قلبي على قد ماسفيتو معمول بهالعيد هههههههه

432 تعليقاً

  1. سوسو ياعسولة من وين بتجيبي هالكلام الحلو متلك هههههه الله يسعدك ياقلبي ويهني الحجي فيكي وبلطافتك 😄 انا منيحة الحمد لله ومشتاقتلكم كتير وماما بفضل من رب العالمين بتدعي بسلامتكم😙
    شوكو ماكو كيف الجو عندك هالايام😁
    ام جنى الغالية اشتقتلك والله طمنيني عنك ياقلبي
    فقدتلكم كتير هالفترة وفقدت لحكياتكم
    شو اخبارك وكيف بنوتاتك الاميرات
    يبدو البرد عندك قاسي كمان مو
    يلا فترة وبتمر ان شاء الله
    الله يعين الناس اللي بلا مأوى😔
    شو عم تعملي هالايام
    طمنوني عنكم ها😙😙

  2. مسكتك يا نور مسكتك هو انتي بتزكري من ورانا هههههه كنت عم دور ع وصفت غريبه وشفت وصفتك ومسكتك 😉🌺🌺يعطيكي العافيه شي بشهي بالنسبه للمعمول شي بشهي نفس طريقتي من الشيف معاذ وعن جد عملت كميه كبيره وطولت عندي عملتها وانا بالشهر الثامن من حملي وعملت البرازق وكنت ضيف ضيوفي منها وكان الكل يفكر جاهز يعطيكي العافيه يا حلوه 😚

  3. هههههههههه يبعتلك الهنا ياجودي شو ضحكت بس شفتك
    نقزتيني يابنتي😁
    والله ونورتينا يا مشاكسة😂
    اي والله طيبين كتير هالمعمولات والغريبة وكل حدا جربهم يروق عليهم الحمد لله
    اعتقد رح اعتمد هالطريقة كل عمري ومافي داعي جرب غيرها😁😁
    وان شاء الله هنا وعوافي الك ولضيوفك😍

  4. هههه حبيبتي نور .نور الحياة راح سميكي كيفك شو اخبارك وأخبار الاهل صحتك كيفها. نحن الحمد لله بخير وسلامة من رب العالمين وبناتي مناح يدعو بسلامتك وسلامة الكل والله الجو زمهرير ماشاء الله وتبارك الرحمن شتاء جديد برد قارس وتلج ومطر مستمر والبرد ياالهي. سوسو كيفك انتي وكيف الاهل .

  5. ام جنى تسلمي لقلبي شو اشتقتلك
    واخيرا طليتي😍 عقبال سوسو تجي وتطمنا عنها❤
    تسلميلي يا ام جنى انتي وحكياتك واسمائك وزوقك 😘😘
    والله شايفة البرد قاسي وين ماكان
    الله يعين اللي بلا مأوى😔
    كيف عم تقضي وقتك هالايام لسا عم تحفظي اغاني اطفال😁

  6. يخليلي الحلوين والله من ساعة والتلج عم ينزل. أى اكيد عم أحفظ مالى غنى عنهم لو مو منهم كانو بناتي
    ع طول قاعدين بلشارع والله عم يتونسو بالقنوات. أى حفظتلك غنية جديدة راح دندنلك. … 🎻🎹🎷يالله نساعد ماما ونرتب أمورنا. ..بس ياريت بناتي يفهمو معناها ويطبقوها😏🙇

  7. صباحوووو كيفكن ياحلوات ان شاء الله بخير 😍😘كيف البردات معكن 😭 والله رح صير امشي متل البطريق من البرد ههههه
    ومشتائتلكن والله 😍
    ام جنى مايبلى هالصوت 😉😂 ابئي غنيلنا كل يوم شي غنية بلكي بروء راسنا … الله يخليلك ياهن ويخليكي النا وتفرحي فيهن 😍😍😍😘😘
    نوارة وصفاتك ما عليهن كلاااام والله ..ووصفة السبانخ يالله شو شهيتيني عليها والله … ماشاء الله عليكي الله يحميكي ويباركلك 😘
    وجودي اهلا وسهلا فيكي 😊😍

  8. هلا بست البيت سوسو الحلوة كيفك شو اخبارك. والله برد شامل بكل الدول مبارح كان عنا ثلج ضيف ابيض حلو وخفيف. لا أن شاء الله تظبط معك

  9. ربي يسعد قلبك حبيبتي سوسو كلك زوق ولطف ومابفوتك شي اللهم بارك😍😍
    كتير فرحت بحكياتك الحلوين وطلتك علينا وانا متاكدة انو المقلوبة طلعت بتجنن متل صاحبتها وان شاء الله الف هنا وعافية ياقلبي

  10. ماشاء الله ام جنى التلج جمع عندك😀😀؟؟
    اعترفي عم تلعبي مع بنبوناتك ولا شو 😄
    ريي يباركلك فيهن ويحفظلك ياهن وتضلو دايما ام وبنبونات عسل متل الرفقات 😁

  11. صباح الخير. تسلميلي يا غاليه يخليلي ياكي ويحفظلك كل غالي ويسعدك ويفرحك ربنا بضمة بيبي حلو متلك ع صدرك تلاقيه عن قريب بجاه من الو جاه عند رب العالمين. ولا يحرمنا من دعواتك يا نور وانتي ياسوسو الله يسعدك بحياتك الزوجية ونلاقيكي أحلى أم عن قريب يارب العالمين 😙والله راح اعترف كانو انا بمحكمةهههههه لا والله ما طلعنا ول لعبنا ل سببين الأول التلج كان يجي بلليل وبنهار يطلع شمس يدوبو والسبب الثاني برد كتير خفت ع بناتي يمرضو صغار ما يتحملو. وحرمات صارت كتير حوادث ليلة التلج كنا زعلانيين عليهم الله يرحم الي مات ويشفي الي فات بلمشفى ويحفظنا جميعا من هالبلاوي. اليوم في شمس بس نسمات باردة كتير عم تهب وفي صقيع من أول النهار

  12. يا الله والله بعتلك تعليق ومو واصل مابعرف ليش😭
    الحمد لله انكم ماطلعتو والله خير ماعملتي
    صاير المرض تقيل هالايام😓
    الله يعين الناس اللي تضررت ويهون عليهم ويعوضهم كل خير😔
    كيفك اليوم ياقلبي طمنيني عنكم😙
    يمكن خف البرد هلا شوي مو؟؟
    وسوسو ياعروسة وينك غاطة تعالي طمنينا عنك اشتقنالك😄😙

  13. مقادير المعمول
    كيلو طحين
    نصف كيلو سمنة باردة
    200 غرام سكر
    220 غرام ماء
    نصف كوب قطر
    كيلو عجوة “تمر مطحون”
    الخطوات
    ☆بسم الله الرحمن الرحيم☆
    أما بالنسبة للمعمول:
    منبس الطحين بالسمنة الباردة ليتجانسو مع بعض منيح متل مو واضح بالصورة
    انا خفقت السمنة لحالها اول دقيقة بس لتتفكك شوي
    وبطبق تاني منخلط المي مع القطر والسكر منيح بعدين منضيفهم على خليط الطحين ومنحرك بإيدنا عالخفيف ليمتزجو سوا منيح
    بالبداية رح يكون الخليط لزج وبلزق يعني مارح تشوفو عجينة تركوه كم دقيقة لبين ماتجهزو الحشوة والعجوة بتلاقو الطحين تشرب السوائل وصار عنا عجينة معمول بتجنن ولا اطرى واطيب من هيك ♡_♡
    بالنسبة للعجوة حسب طراوتها منضيف معها قطر وسمنة
    انا ضفت 3 ملاعق كبار قطر وملقتين كبار سمنة
    هي الخطوة بتحافظ على طراوة الحشوة بشكل راااائع حتى ولو طول المعمول عندكم
    وبالنسبة لحشوة المكسرات ضيفو سكر بودرة وسمنة كمان بيطلع روعة
    وبعد التشكيل والحشي منخبز المعمول على درجة حرارة 250 يادوب كم دقيقة وانتبهو لانو فورا بتشقر
    ماتنسوهم بالفرن متل بعض جماعة بعرفهم ههههههه@[email protected]

  14. الله يسعدك نور ويطمن قلبك
    انا بخير وكتاكيتي بخير الحمد لله
    أن شاء الله بنحكي
    وبدون ما ارجع اكتب معمولك جربته مرتين قبل 😉
    كان رائع الوصف 😘

  15. هلااااا حبيبتي سوسو اشتقنالك كتير
    وين هالغيبة طمنيني عنك
    انا منيحة الحمد لله بس انشغلت هالكم يوم مع ماما
    انتي شو اخبارك وكيف اهلك؟؟
    ام جنى وينك تعالي طمنيني عنك

  16. كل عام وانتم بالف خير وسعادة وتضلو انتو واحبابكن بخير وسعادة نور سوسو كيفكن شو اخباركن انا الحمد لله بخير تعالو طمنونني عن حالكن. آسفة ع التأخير والله بعرف مقصرى بس شو احكي وادعي ع هالشبكة الي يادوب افتح شوي النيت ويبلش يرقص ويطير

  17. حبيبتي ام جنى يسعدلي هالطلة
    مو مشكلة ياقلبي عارفين مشاغل الحياة بس المهم نتطمن انكم بألف خير الحمد لله
    كيف بنوتاتك واموركم ان شاء الله تمام 😘
    وانتي سوسو تعالي طمنيني عنك
    طولتي الغيبة😔

  18. الحمد لله بخير تسلميلي. انتي كيفك شو اخبارك كيف الطقس عندكم. والله عنا برد سقع ثلج عم ينزل ب إيران ونحن قريبين على إيران. بنوتاتي بخير يبوسو ايدك.

اترك تعليقاً

لن يتم نشر عنوان بريدك الإلكتروني.