img
الرئيسة / أطباق رئيسية / أروع أكلة من وحي خيالي

أروع أكلة من وحي خيالي

/
/
/
4107 مشاهدات

 

أروع أكلة من وحي خيالي

أروع أكلة من وحي خيالي هههههه

أروع أكلة من وحي خيالي

أروع أكلة من وحي خيالي, معكم صديقة زاكي الشيف الموهوبة ,نور أحمد

المقادير

  • فطر مقطع شرائح
  • قشقوان وبكصمات
  • للكفتة اللذيذة:
  • صدور دجاج
  • بصل
  • بقدونس
  • بهار جاج
  • ملح
  • فلفل
  • بابريكا
  • هيل مطحون
  • قرفة مطحونة
  • شوية بكصمات
  • للصوص:
  • زبدة
  • طحين
  • حليب
  • كريما
  • فطر مقطع قطع صغيرة اختياري
  • ملح
  • فلفل
  • كريما طبخ أو بدلها القشطة

الخطوات

بسم الله الرحمن الرحيم

للكفتة اللذيذة (صدور دجاج + بصل + بقدونس) وكلهم مفرومين ناعم + بهار جاج وملح وفلفل وبابريكا وهيل وقرفة مطحونين + شوية بكصمات
للصوص (زبدة + طحين + حليب + كريما + فطر مقطع قطع صغيرة وممكن بدونو) وملح وفلفل طبعا واذا مافي كريما طبخ استخدمو القشطة وماتخلو شي يوقفكم ههههه بالنسبة للكمية حسب قديه بتحبو كمية الصوص زيدو او نقصو عهوا رغبتكم
فطر مقطع شرائح
قشقوان وبكصمات

منفرم عالخلاط الصدورة والبصل ومنحطهم بوعاء ومنضيف عليهم البقدونس والبهارات والبكصمات ومنعجنهم سوا

بعدين منفردهم بصينية الفرن بعد ماندهنها بزيت نباتي متل اللحمة بالصينية وعملو فيها ثقوب بالعود ليفوت الصوص شوي لجوا

منجي للصوص منطبخ شوية بشاميل عادي مندوب الزبدة مع شوية زيت ومنحمص فيها الطحين وبعدا منضيف الحليب وبس يسمك منضيف الكريما او القشطة ومنحرهم سوا ومنضيف الفطر المقطع صغير ومنطفي

انا اخدت من هالخليط ملعقتين وفردتهم فوق خليط الجاج بعدين صفيت الفطر متل مو شايفين وضفت باقي الصوص وغطيت الجاط بالقصدير عالفرن ليستوي تماما بس انتبهو ماتقللو صوص لحتى ماينشف عالاخير لانو الجاج رح يمتص من الصوص ويقل كتير

وبس تستوي منطالعها ومنقيم ورق الالمنيوم ومنحط قشقوان وبكصمات عالوش

وصحة والف هنا يارب اكلة سهلة وطيبة وبتمنى تجربوها وتعجبكم

بتتقدم جنب رز ابيض

بحبكم كتيييير ولا تنسوني من دعواتكم حبيباتي

35 تعليقاً

  1. ما شاء الله عنك يا عسولتنا نور على هالاكله الطيبه شو هالاختراع الطيب 😋😋 يسلمو اديكي الصراحه شهيتيني يعطيكي الف عافيه 😍😘😍 الله يوفقك ويسعدك ويحققلك كل امانيكي يا قلبي 😍

  2. الله يسلم هالديات يا نوارتنا 😘😘شكلا بيحكي عن طعما 😍والله دائما بتتحفينا بإبداعك ما شاء الله 😍الله يحميكي😚😚هاتيلي ياهون الي شغل معهن😂

  3. الله يسلمكم ويخليلي ياكم حبيبات قلبي هلا شفت تعليقاتكم الرائعة متل قلوبكم😀😙
    يلا حولو كلياتكم عالغدا هههههه
    آلاء ياعمري هنا وعوافي وان شاء الله تحبيها
    البكصمات خبز يابس مطحون وفيكي تستغني عنو😄
    ام عبود ياغالية صح بتلبق مع المعكرونة كمان بس يمكن بتصير اتقل شوي زيادة
    انا بلاقي رز البسمتي اخف مع هيك اكلات😁

  4. زعرة البيلسان حبيبتي كيفك طمنيني عنك
    هديك المرة رجعت بعتلك تعليق على وصفة الشوكولا بس مابعرف اذا شفتيه وتمنيت ارجع القطك بعدها😙 طمنيني عنك كيف امورك ان شاء الله تماضلك دايما شاركينا حبيتك من قلبي❤

  5. زهرة البيلسان

    لحمد الله حبيبتي نور انا بخير
    اكيد رح تلقطيني على وصفاتك الرائعه
    بتشكرك على اهتمامك
    وانا حبيتك كتير

  6. لك الله يسعدكم وما يحرمني منكم والله انتو المميزات والراقيات والعسولات😀
    خجلتوني بلطفكم يخليلي ورداتي انا😄😙
    ام علاء رح وصل تعليقك لوزارة الخارجية😂 دخيل قلبك 😘
    ام فادي حبيبتي اكيد عرفتا والنعم فيكي وبكل أهل النبك
    انا اكلة حلويات من عندكم لشبعانة😁😂
    تشرفت بمعرفتك حبيبتي والله يحفظلك شمعاتك
    وانا من الشام من نواحي الغوطة😄 حاليا عايشة باسطنبول عمري 24 ومتزوجة من 3 سنين وماعندي ولاد لسا❤
    ياريت دايما تشاركينا😀
    زهرة البيلسان تحبك العافية حبيبة قلبي كلك زوق والله
    اذا بتحبي تفضلي شاركينا بجروب صبايا الوطن العربي بتنورينا وبتعرف عليكي اكتر وبكون مبسوطة كتير بصحبتك😀

اترك تعليقاً

لن يتم نشر عنوان بريدك الإلكتروني.