img

طريقة عمل البقسمات المبهره لقلي الدجاج من بواقي الخبز

/
/
/
1461 مشاهدات

 

طريقة عمل البقسمات المبهره لقلي الدجاج من بواقي الخبز

طريقة عمل البقسمات المبهره لقلي الدجاج من بواقي الخبز

طريقة عمل البقسمات المبهره لقلي الدجاج من بواقي الخبز

طريقة عمل البقسمات المبهره لقلي الدجاج من بواقي الخبز, معكم صديقة زاكي الشيف الموهوبة ,ام علاء ابو يحيى

المقادير

  • بواقي خبز عادي او فينو (حمام)
  • معلقة صغيره كاري
  • معلقه صغيره فابريكا حلوه
  • معلقه صغيره فلفل اسود
  • معلقه صغيرة توم باودر
  • معلقه صغيره بصل باودر
  • معلقه صغيره زنجبيل مطحون
  • زعتر ناشف مطحون او اي نوع اعشاب بتحبيه
  • معلقة صغيره كاري

الخطوات

بسم الله الرحمان الرحيم

يسعد كل اوقاتكم حبيباتي حبيت اقدم الكم هذه الوصفه السريعه البسيطه الغير مكلفه من بواقي خبزالبيت بدل ما ينكب اويتلف خلينا نستفيد منه بعمل البقسمات لقلي الدجاج انا بالعاده بعمله من بواقي خبز الفينو او الحمام المره هاي حبيت اجرب الخبز العادي وزبط معي والحمد لله بس للامانه خبر الحمام بنطحن بطريقه اسرع

في ابدايه حضرت بواقي الخبز البارد القديم وقطعتها وضعتها في صينيه بالمطبخ لما نشفت وتابعتها طبعا حتى ما تتعفن وبعدين حمرتها تحمير بسيط مش كتير لانها بدها تتعرض للتحمير مره تانيه اثناء القلي وطلعتها من الفرن وتركتها تبرد تماما بعدين حطيتها بكيس نايلون ودقيتها حتى تفتت وبعد فرمتها الكبه وصفيتها بصفايههه ثقوبها واسعه شوي لاني ما بدي اياها ناعمه كثير وبعدقين ضفتلها البهارات الي هي فلفل اسود فابريكا توم باودر بصل باودر زعتر ناشف ماري زنجبيل مطحون وانتي اختاري اي بهارات بتحبيها وبعدين بنعبيها بعلبه او مغلف نايلون بحفظها بالثلاجه لوقت الاستعمال انشاء الله تعجبكم

ملاحظه… اذا عملتيه للبروستد بفضل تكون البهارت لون فاتح بدون الفبريكا والزعتر

الف صحه وهنا ان شاء الله تنال اعجابكم

وفقكم الله لما يحب ويرضى وجعلكم من اهله وخاصته

44 تعليقاً

  1. رووعه يسلمو اديكي حبيبتي ام علاء😍 وانا كمان بعمل البقسماط بالبيت بنفس طريقتك يعطيكي العافيه ما شاء الله عنك كلشي من تحت اديكي 👌🏻👌🏻

  2. دخيل عيونك وقلبك حبيبتي ام علاء الله يسعدك دنيا واخرة
    انا ماكنت بعرف البقسمات بس هلئ راح اعملها 😘😘
    الله يجزيكي كل خير شي رائع 💖
    وعالمفضلة ع عسريع 💐💐

  3. الله يسعدك حبيبتي الاء عملتها لانك سالتي عنها حبيت تشوفيها بالتفصيل انتي واي اخت ما بتعرف تعملها سهله وبسيطه وغير مكلفه لانها من بقايا الخبز بدل مانكبه وناثم لا نستهلكه ونأجر

  4. مين المحتج خالتو ام علاء 😂😂
    بالعكس احلى اشي الورده ملفته للانتباه كيف ازا كانت وردة الورده ام علاء 😙😙🌸🌸🌷🌷اصلا انتي كل الورد والياسمين والجوري🌸🌸🌸🌸🌸🌷🌷🌷🌼🌼🌻🌺🌹🌹🌺🌺🌻🌻
    اوعك تكوني زعلتي مني ها؟؟😡😢😢😂😂😂😂

اترك تعليقاً

لن يتم نشر عنوان بريدك الإلكتروني.

Translate »