img
الرئيسة / أطباق رئيسية / مفتول بالخفاقة الكهربائية

مفتول بالخفاقة الكهربائية

/
/
/
5318 مشاهدات

 

مفتول بالخفاقة الكهربائية

مفتول بالخفاقة الكهربائية

مفتول بالخفاقة الكهربائية

مفتول بالخفاقة الكهربائية , معكم صديقة زاكي الشيف الموهوبة ,Mariam Ramadan

المقادير

  • طحين
  • ماء
  • برغل ناعم
  • زيت زيتون
  • بصل
  • بندورة
  • حمص حب
  • ملح
  • بهارات
  • كمون
  • فلفل اسود

الخطوات

مساء الخير لاحلى جروب

مفتول بالخفاقة الكهربائية

اليوم عملت مفتول مرة تالتة بالخفاقة الكهربائية وصورت فيديو حتى تشوفوا كيف الطريقة، وممكن يكون مش كتير واضح الفيديو لاني كنت بصور بايد وبفتل بايد ومش متحكمة بالتصوير اعذروني كنت لحالي في البيت ، وحبيت انشر هالطريقة السهلة لعمل المفتول حتى يسهل ع الصباية العرايس الجدد واللي ما بعرفوا يعملوا مفتول لحتى يتعلموا .

بتحطي بجاط غميق مقدار فنجان قهوة من البرغل المنقوع وبتضيفي عليهم شوية طحين قمح وبتبلشي تخفقي وبتصيري تزيدي مرة مي ومرة طحين لحتى يتكون عندك حبات المفتول ،،

طبعا الطعم والشكل خرافي وما بيفرق عن فتل الايد ابدا كل ما هنالك الحبات الكبيرة بتشيلها وبس تخلصي فتل بتحطيهم بصينية حوافها عالية او بلجن وبترشرشيهم شوية طحين وبتبرميهم براحة ايدك حتى يعطوا الشكل الجميل لحبة المفتول ..وسلامة تسلمكم ،،

والمرة الماضية طلعتلي وحدة بالتعليقات بتقولي راحت هيبة المفتول …بالله عليكم شو الهيبة اللي راحت ،يعني كان المفتول لابس بدلة وكرافة وبعدين لبس بيجامة وراحت هيبته

بالله عليكم لما انا ايدي عاملة فيها عملية وما بقدر افتل مفتول وجوزي واولادي ما بياكلوا مفتول جاهز ولا بياكلوا مفتول الا من تحت ايدي ،شو بعمل انا ،احرمهم من المفتول يعني ..

شو يعني راحت هيبة المفتول يعني بدل ما افتل بايدي الخفاقة بتفتلي وين الغلط بالموضوع .ماانتوا بتغسلكم غسالات الاتوماتيك غسيلاتكم صح والا لا ،يعني راحت هيبة الغسيل ،ولما كل شي عندكم بالبيت ع الكهربا صح والا لا

اذا وين الغلط لما افتل ع الخفاقة واريح ايدي .وين الغلط لما الموظفة تلاقي وقت تعمل مفتول لعيلتها ،وين الغلط لما اللي عندها اطفال وما عندها وقت تفتل ،وين الغلط لما اللي ما بتعرف تفتل تتعلم وتفتل بالخفاقة وين الغلط ؟؟؟

المهم عملت مفتول بالخفاقة وطلع بيشهي ونفس الطعم ونفس النكهة ونفس النفس

واللي ما عندها طنجرة مفتول بامكانها تعمل باي طنجرة عندها وتجيب مصفاية تحطها فوق الطنجرة بعد ما تحط لمنتصفها ماء ومعلقة ملح ومعلقة كمون وبعدين بتجيب قطعة قماش بالطول او شال قديم ما بتستعمليه وبتلفيه يعني بتبرميه وبتبلليه بالمي وبتربطي المنتصف اللي بيجمع الطنجرة مع المصفاية حتى ما يطلع البخار لبرا

وبس يمر ساعة على التهبيلة الاولى بتنزلي المفتول عن النار وبتحطي بصينية او سدر او جاط كبير الموجود ،وبتفرديه بالشوكة وبترشرشيه مي .وبتردي تدهني المصفاية زيت زيتون وبتحطي نص كمية المفتول وبتفردي الكمدة اللي هي عبارة عن راس او راسين بصل حسب الكمية وبتفرميهم وبتملحيهم وبتبهريهم وبتحطي رشة زنجبيل ومعلقتين كمون ورشة هيل واللي بحبوا عين الجرادة بحطوا حسب الرغبة .

وبتضيفي الكمية المتبقية من المفتول وبترفعيهم ع النار فوق طنجرة المفتول اللي فيها مي وبتتركيها كمان ساعة

وبتنزليهم وبتفرديهم والمرة بترشرشيهم زيت زيتون .

والدجاج معروف بتسلقيه سلق عادي مع بصل وفلفل اسود وكم ورقة غار وكم حبة هيل وبس يستوي بتحمريه بالفرن

نيجي لليخنة

اليخنة بتحتاج لكمية بصل وحسب كمية المفتول وعدد الافراد انا عملت ٤ بصلات على عددنا

بتقشريهم وتشرحيهم شرايح رفيعة وتقلبيهم بزيت زيتون لحتى يذبلوا بتضيفي كم حبة بندورو حمرة مقشرة ومقطعة قطع صغيرة وبتضيفي الحمص المسلوق ومعلقتين رب البندورة وبتضيفي ملح ،بهار، فلفل اسود ،زنجبيل ،كمون ،وكله حسب الرغبة .

طبعا الطعم والشكل خرافي وما بيفرق عن فتل الايد ابدا كل ما هنالك الحبات الكبيرة بتشيلها وبس تخلصي فتل بتحطيهم بصينية حوافها عالية او بلجن وبترشرشيهم شوية طحين وبتبرميهم براحة ايدك حتى يعطوا الشكل الجميل لحبة المفتول ..

صحيح بهدلت الرخمات والغاز والمطبخ ،لكن بس خلصت طبيخ وغدا بعشر دقايق كان المطبخ والغاز بيضو ضوي ،،

وصحة وهنا وسلامة تسلمكم

مفتول ام نضال بالخفاقة الكهربائية

51 تعليقاً

اترك تعليقاً

لن يتم نشر عنوان بريدك الإلكتروني.