كبسة على زووقي

المقادير

• رح اكتب مقادير دجاجة بس الصور كانت لعزوومة
• دجاجة منظفة جيدا
• كيلو ارز بسمتي منقوع
• خضار احسبي حساب الدجاج والارز
• 2 بندورة
• 2 فلفل
• 2 بصل
• راس توم كبير
• بهارات ملعقة من كل نوع
• كاري حار
• بهارات كبسة خشنة وناعمه
• بهارات عبيدو او بديلها بهارات دجاج نوعية جيدة
• بازيلاء وجزر نصف كيلو
• خلطة تحمير الدجاج
• زيت زيتون
• خل
• صلصة بندورة
• ملح
• فلفل
• ماجي
• للزينة:
• لوز
• زبيب

الخطوات

السلام عليكم ياوردات.. اليوم كتبت كبسة على زووقي لانه الطبخ ما اله قانون وكل ست بيت بتطبخ على زووقها وزوق عيلتها.. الكبسة بالاصل بينحط للرز صلصة بندورة وبتكون حاارة مشطشطة بس عيلتي مابتحب الرز بصلصة البندورة فما بضيفه. بسم الله نبدأ

(اول شي طريقة شوي الدجاج)

#بنتبل الدجاج من قبل بوقت وازا عندك عزيمة من قبل بيوم.. بتحطي زيت زيتون وخل وجميع البهارات المذكورة أعلاه.. وبتدعكي الدجاج فيهم منيح وبتتركيه بالتلاجة مغطى.

# عند وقت الشوي بتفرمي بصل وتوم وفلفل وبندورة وبتحطيهم عالدجاج وبتخلطيه منيح وبتهنيه بخليط التحمير وبتحطيه بكيس حراري ازا عندك هوه الخيار الافضل.. وازا ماعندك بترتبيهم بصينية وبتضيفي كاسة مي عالصينية وبتحكي اغلاقها بالومنيوم منيح.

#وعالفرن حرارته حااامية لحد ما تفوح ريحته ( طبعا يومها كل الحي رح يعرفوا انك عم تطبخي من الريحة اللي بتهوس هههههههههههه)

وبتوطيه وبتتركيه ساعة ونص لساعتين ازا الدجاج كبير.

وبعد الاستواء بتكشفيه وبتدهنيه برضه من الصوص اللي بينزل منه من دهنه سقيله يعني.. وبتحمريه.. وبعد التحمير كرري عملية الدهن بتعطيه نكهه وطراوة ولمعه رائعه.

# طريقة الارز

بتقلبي بصل وتوم بالطنجرة يلي رح تطبخي فيها الرز وبعد التوم مايدبل بدنا نحمر البهارات لحتى تعطينا كل النكهه وتطلع ريحتها وبعد البهارات بنحط ملعقتين صلصة بندورة للي بحبه وبنخلط.. وبعدين الخضار مفرومة ناعم والزبيب ملعقتين بس .. واخر شي البازيلاء والجزر وبنحط عليهم شوية مي بتغلي وبنغطي وبنتركها تستوي..

# بعد الاستواء بنضيف الارز بعد تصفيته من المي وبنقلبه بالتتبيلة وبنغمره بالمي اللي بتغلي مع ماجي كمان .. لكل كيلو رز كيلو ونص مي.. وبنكمل طبخه كالعادة.. لحتى تتنشف شوي المي بنوطي وبنغطي بالومنيوم تحت عطاء الطنجرة لحتى يتفلفل مزبووط.

## ملاااحظة

ازا بتحبي طعم التدخين طفي فحمتين بقشرة بصل فيها نقاط زيت زيتون بصينية الدجاج وغطيها بالومنيوم.

ونفس الشي للارز.

# بيتقدم الرز وفوقه الدجاج المشوي ومزين باللوز والزبيب وصحتيييين وهنا.