الرئيسة / أطباق رئيسية / رز إيراني ع طريقتي

رز إيراني ع طريقتي

/
/
/
3489 مشاهدات

 

رز إيراني ع طريقتي

رز إيراني ع طريقتي

رز إيراني ع طريقتي

رز إيراني ع طريقتي, معكم صديقة زاكي الشيف الموهوبة ,💖أحبكم بالله💖

المقادير

  • دجاجة منظفة ومقسمومة لنصفين
  • نص كيلو رز بسمتي
  • حبة بندورة
  • حبة فلفل اخضر حلو
  • راس بصل
  • 3 سن ثوم
  • باكيت كرميل جاهز
  • ملعقة صلصة
  • بهار كبسة
  • قرنفل
  • كاري
  • ثوم بودرة
  • كركم
  • لومي
  • بهار دجاج
  • كزبرة ناشفة
  • عودين قرفة
  • باكيت ماجي
  • ملعقتين ماء زهر
  • زبيب
  • ملح

الخطوات

السلام عليكم شيفات ومتابعين زاكي ، حبيت اشاركم هالوصفة يمكن غريبة شوي عشان الكرميل وماء الزهر بس بجد أكلة طيبة كثير وبتمنى تجربوها

بسم الله نبدأ…..

اول شي بنتبل الدجاجة بملح وبهار دجاج وكاري وثوم بودرة وتركيها بالثلاجة نص ساعة واذا اكثر احسن وأحسن،

بنقطع الخضار خشن

بنذبل البصل والثوم وبنضيف الفلفل الحلو بنحرك شوي وبعدها بنضيف ملعقة الصلصة والبهارات المذكورة (بهارات كبسة ،قرنفل،كزبرة حب ناشفة،عودين قرفة ،باكيت ماجي، 3حبات لومي ،ملح،) بحرك شوي وبرجع اضيف البندورة المقطعة بحرك منيح وبعدها بضيف كاستين مي وباكيت الكرميل (سكر مكرمل) ، بتركهم يغلو وبحط الجاجة فوق الخلطة بحيث المي تكون تحت الجاجة وبغطي الطنجرة وبخفف النار وبتركها عالهادي لحتى تستوي الجاجة ، واذا عندك طنجرة ضغط بكون اسرع الك

بس تستوي الجاجة بدهن صينية وبحط الجاجة فيها وبدهن الجاجة بزيت ذرة او زبدة مثل مابتحبي وبحمرها بالفرن من فوق، الزبيت بحمصه بشوية زيت ذرة مارح يوخذ معي ثواني بزيت حامي وبشيله بصحن وبحط ملعقتين ماء الزهر فوق الزبيب المحمص وبتركو ع جنب

بنيجي للرز ، بغسلو وبسلقه بمي معها ملعقة صغيرة كركم وباكيت ماجي وملح وحبة لومي وعودين قرفة وورقتين غار واكمن حبة قرنفل وزيت ذرة ، بسلقه ثلث ارباع استوا وبعدها بصفي بدون مااغسلو

بكون صفيت باقي المي اللي طبخت فيها الخضار والجاج وطبعا المي قليلة ومارح يصفي منها الا كاسة وحدة

بحط المي المصفية من الخضار والبهارات بطنجرة مناسبة لكمية الرز وبحط معها نص كمية الزبيب المحمص والمنقوق بماء الزهر وبس تغلي المي بحط الرز فوقها مع ملعقة زيت ذرة بخليها نتفة ع نار عالية وبعدها بخفف النار وبغطي الطنجرة من عشر دقايق لربع ساعة حتى يستوي الرز منيح ويتفلفل بطفي النار تحتو، بتركو ربع ساعة بعد الاستواء وبعدها بقدمه مع الدجاج المحمر وبزينو بباقي كمية الزبيب المحمص وفستق او لوز مثل مابتحبو والف صحة وهنا ، ان شاء الله هالوصفة تنال اعجابكم❤

47 تعليقاً

  1. ما شاء الله… بصدق انا عملت هاي الطبخه واسم تاني الها رز كابولي او افغاني .. طعم لايوصف وتتميز بالسكر المكرمل…. بس انا اخدت الطريقه عن شيف بالاردن … انه لمن الرز يستوى بأخر مرحله بكرمل السكر وبرشه ع وجه الرز .. فعلا اعطى طعم للرز لا يوصف

  2. اهلا صباح الورد اختي
    اه عندي حساب ونزلت كذا وصفة لكن رجعت حذفتهن للأسف
    لأنه المشرفين هناك بعثولي انه هاي الوصفة موجودة بموقع زاكي اللي هي الرز الايراني والوصفة هون الي وهناك كمان الي

  3. اه والله شفتها وتوقعت انها تكون لالك ..فحبيه اسالك عنها ….بس ليش في كتير صبايا بنزلو ع الموقعين نفس الاكلات وين المشكلة ؟؟؟

    وحبيت اشكرك ع الاكله هاي بتششششهي صرت طابخيتها مرتين روووعة ما شاء الله شو زاكيه
    تسلم الايادي يارب،😘😘

اترك تعليقاً

لن يتم نشر عنوان بريدك الإلكتروني.