عجينة هشة لجميع انواع المعجنات

/
/
/
1870 مشاهدات

 

عجينة هشة لجميع انواع المعجنات

عجينة هشة لجميع انواع المعجنات

عجينة هشة لجميع انواع المعجنات

عجينة هشة لجميع انواع المعجنات, معكم صديقة زاكي الشيف الموهوبة ,أحبكم بالله

المقادير

  • 3 كيلو طحين
  • 6 كاسات ماء دافي
  • كاسة حليب بودرة
  • كاسة لبن رايب
  • باكتين خميرة صغار او مايعادل 3 معالق كبار
  • 6 ملاعق سكر
  • ملعقة كربونة
  • ملعقتين خل ابيض
  • ملح
  • كاسة زيت ذرة
  • ملعقتين بيكنغ باودر

الخطوات

السلام عليكم جميعاً ،،،، هاي العجينة تقريباً بستخدمها لكل انواع المعجنات هي بتشبه عجينة العشر دقايق بس انا بتركها تتخمر بعد العجن مابشتغل فيها مباشرة

بسم الله نبدأ…..

أولاً بوخذ مقدار 6 كاسات من الطحين وبضيفله الخميرة والسكر و6 كاسات مي دافية وبحركهن منيح وبغطي عليهن لحد مايتخمرو حسب برودة الجو ممكن عشر دقايق او اكثر

بس تتخمر معي العجينة ،، بضيف باقي المكونات ملاحظة( لبن الرايب والكربونة والخل بخلطهن سوا وبس يبلش يفور الخليط بضيفه للعجين ) وببلش اعجن فيها رح تكون عجينة لزجة جداً طبعاً اذا بدك اياها تكون هشة كثير وفيها نفشة مثل خبز الحمام خليها فيها لزوجة واذا بدك تكون رقيقة وبدون نفشة زيدي طحين وانتي تعجني لحتى تبطل تلزق بايدك ،،، بكمل عجن وبتركها تتخمر كمان مرة و بعدها بعملها اقراص او كرات حسب شوبدك تعملي فيها ،،، اذا بدكم لون حلو للعجين مو شرط تدهنو وجهو ببيض ،،، ممكن نذوب حليب بودرة بشوية مي يكون ثقيل الحليب وندهن وجه العجين بعطي نفس نتيجة البيض.

وصحتين وعافية

41 تعليقاً

  1. اخت فدوش الكربونة احياناً بستخدموها بديل للبيكنج باودر بس طبعاً مابتعطي نفس النتيجة بس هون استخدمتها لأنها بتساعد بنفخ العجين وبتعطي هشاشة اكثر ،،،،وحتى بالكيك بخلط ربع ملعقة كربونة مع شوية لبن رايب وملعقة خل وبس يفور بضيفو لخليط الكيك ،، طبعاً الكيك العادي مو الكيك الاسفنجي

اترك تعليقاً

لن يتم نشر عنوان بريدك الإلكتروني.

Translate »