img
الرئيسة / أطباق رئيسية / بروستد الدجاج الذهبي

بروستد الدجاج الذهبي

/
/
/
5023 مشاهدات

 

بروستد الدجاج الذهبي

بروستد الدجاج الذهبي

بروستد الدجاج الذهبي

بروستد الدجاج الذهبي , معكم صديقة زاكي الشيف الموهوبة ,أم جاسم

المقادير

  • دجاجة مع الجلد وزن بين 1000 الى 1200 غم
  • 3 كوب طحين للتتبيلة السائلة
  • 3 كوب طحين للتتبيلة الجافة
  • ملعقة كبيرة ممتلئة كزبرة ناشفه مطحونة
  • ملعقة كبيرة بابريكا
  • ملعقة كبيرة فلفل اسود بودرة
  • ملعقة كبيرة بصل بودرة
  • ملعقة كبيرة ثوم بودرة
  • ملعقة صغيرة زنجبيل مطحون
  • ملعقة صغيرة كركم
  • ملعقة كبيرة ملح
  • ملعقة صغيرة بيكينج باودر للتتبيلة الجافة
  • 3 ملاعق كبيرة قرشلة للتتبيلة الجافة
  • 3 ملاعق كبيرة نشا للتتبيلة الجافة
  • ماء
  • زيت ذرة للقلي
  • مقادير محلول النقع ( البرايم)
  • 3 لتر ماء معدني او مغلي ومبرد
  • نصف كوب ملح
  • ثلاث ارباع كوب سكر
  • ملعقتين خل

الخطوات

السلام عليكم ورحمة الله وبركاته

أولاً/ عمل برايم للدجاج

البرايم هوه عملية نقع للدجاج والدواجن بشكل عام

بنعمل محلول النقع المكون من 3 لتر ماء عليهم نصف كاسة ملح و3 ارباع كاسة سكر وملعقتين من الخل ويفضل الماء يكون معدني

( مياه صحية) او مغلية ومبردة.

ننقع فيه قطع الدجاج من قبل بليلة في الثلاجة .

هذه العملية ضرورية لانها بتطري الدجاج وبتخلصه من اي زفارة او دم.

ثانياً/ التتبيله

رح نحتاج طبقين من التتبيله نعمل التتبيله الجافه والتتبيله السائلة من نفس الخليط كالتالي، بنقسم كمية البهارات كلها بالنصف بين طبقي الطحين ماعدا القرشلة والنشاء والبيكينج باودر بينضافوا للخلطة الجافة ،

يعني عنا طبقين فيهم طحين عليهم نفس نوع البهارات لكن واحد منهم عليه زيادة بيكينج باودر نشا وقرشلة. وهذا بنتركه على جنب لانه التتبيله الجافه.

النصف الثاني بنضيف عليه ماء بالتدريج وبنخلطه لحتى تتكون عندك خلطة سائلة مثل قوام خليط الكيك تقريبا او ارخى شوي.

ثالثاً/ عمل طبقة الكرست

بنجهز الطبقين جانب بعض السائل والجاف وبناخد الدجاج بعد تصفيته من المحلول ونغمسه في التتبيله السائلة وبعدها على طبق التتبيله الجافة ثم على القلي.

رابعاً/ القلي هام جدا

عملية القلي تتم في طنجرة ضغط تستخدم مثل القلاية العادية كمية الزيت مثل قلي البطاطا ، يحمى الزيت وبتنزلي فيه قطع البروستد بس لحتى ياخد لون خفيف بتغطي الطنجرة وبتوطي الغاز لمدة ربع ساعة عالساعة بتعيري، بعدين بتنفسي الصفارة وبتفتحي عالدجاج لا تحركي ولا تقلبي ابدا لانه راح يكون طري لسا علي الغاز عليه لحتى يتحمر عالجهتين وطلعيه على مناديل مطبخ .

خامساً/ التقديم

قدمي البروستد مع البطاطا المقلية والصوصات المفضلة عند عائلتك .

39 تعليقاً

  1. بشكركم جميعا وبارك الله فيكم

    روان القزق
    المحلات بعملوه بمقلاة ضغط وانا جربت اعمل بالقلاية العادية طول بالقلي وطلع يابس من برا واستواؤه مش مية بالمية ، بطنجرة الضغط احسن وبتضمني انه يكون مستوي.

  2. اشكركم جزيل الشكر على كلامكم الطيب.

    اريج
    امبله فهمتي صح قليتهم بطنجرة الضغط خليتهم شوي بس لحتى اخدوا لون خفيف غطيت الطنجرة ووطيت الغاز وعيرت ربع ساعة عالمنبة وبعدين فتحت الغطا ورفعت النار لحتى تحمروا، اذا جربتيها رح تعجبك.

  3. صباح الخير

    ام جهاد
    لا الزيت ما بيطلع من الطنجرة ولا بيطرطش هيه كميته مش كثير بس بقاع الطنجرة زي ما بتقلي البطاطا بالضبط وبتسكري الطنجرة وبتضغطيها عادي زي اي طبخة، ولا تنسي لما تفتحيها تنفسي الصفارة بالاول.

  4. مشكورة ام جاسم عالرد ويسلم اديكي على الطريقه انا من زمان حاب اعرف طريقة البروستيد هيك واول مرة بعرف انه بينقلى بطنجرة ضغط ولما اعمل البروستد بسلقه بالاول وبعدين بقليه لاني بخاف انه ما يستوي وهالطريقة هاي بيضمن استوائه شكرا جزيلا عالطريقه فعلا مبدعه

اترك تعليقاً

لن يتم نشر عنوان بريدك الإلكتروني.