طريقة المقلوبة

9 4٬205
 

طريقة المقلوبة

طريقة المقلوبة

طريقة المقلوبة

طريقة المقلوبة , معكم صديقة زاكي الشيف الموهوبة ,🍒أم محمّد🍒

المقادير

  • دجاجه
  • 1 ك أرز بسمتي أو أرز عادي
  • حبتين باذنجان
  • راس زهره
  • حبتين بطاطا
  • راس بندوره
  • ملح +فلفل أسود
  • كاري
  • بهارات دجاج
  • هيل مطحون
  • بهارات مشكله

الخطوات

يسعد أوقاتكم …اليوم راح اقدملكم طريقتي بالمقلوبه أكيد الطريقه معروفه بس كل ست بيت الها لمستها الخاصه لطبختها …

ويلااا مع الطريقه ….

& أول شي بنسلق الدجاج مع راس بصل مفروم ومن بعد غلي المي عالدجاج بضيفلها شوي من البهارات لانه راح ارجع اضيف عالارز ..ويلي هي بهارات دجاج وكاري وملح وفلفل اسود …

& وبنقع الارز بمي ساخنه شوي مو كتير مع رشة ملح لحتى اخلص شغل بتجهيز الطبخه وانا استخدمت كيلو أرز بسمتي بعرف راح تستغربو بس كتير زاكيه وما بتقرب للكبسه بشي لانه طعم المقلوبه خاص فيها ..جربوها ما راح تندمو ..ومرات بعملها بأرز قصير الحبه ..

& خلال سلق الدجاج ..بستغل الوقت وببلش بقلي الخضار يلي راح اضيفها بكون مقشرتهم ومقطعتهم قطع كبيره شوي عشان تضل ظاهره عندي لما تجهز المقلوبه

بقلي الزهره ثم البطاطا ثم الباذنجان ومن بعد ما اخلص قليهم ااكيد الدجاج بكون استوى بنشله من المي وبقليه

& وهيك ببلش اطبق فيها ..أول شي بضع شرائح بندوره ومن ثم الدجاج بوزعه بالطنجره وبعدين ببلش بوضع الخضار طبقة الباذنجان والزهره والبطاطا وبرشلهم رشة ملح وفلفل أسود وكاري وهيل مطحون هدول لطبقات الخضار وشوي ما بكثر بخلي توزيعي بالبهارات بشكل عام متوارزن لانه اكتر من مره بضيفها ..

& ومن بعد هيك بكون غسلت الارز وصفيته وببهره بالملح والفلفل الاسود وكاري وبهارات مشكله …وبضيفه فوق الخضار وبضيفله رشة زيت من يلي قليت فيه الخضار ومن ثم بضيف مية الدجاج لحتى ما ينغمر عندي الارز ..واذا احتاج مي من بعد الغليان بضيفله شوي شوي عشان ما يزيد عندي مي

& من بعد وضعها عالنار بخليها عاليه لبعد الغليان بوطي عليها عالاخر وبخليها تستوي عالراحتها ….ومن بعد هيك بتكون عندي جاهزه للتقديم بقلبها بعد ما اطفي تحتها بربع ساعه …وبقدمها مع السلطه واللبن ..

وصحه وعافيه

عرض التعليقات (9)