img

شاكرية عالطريقة السورية سلسلة وصفات من حول العالم 2

/
/
/
2432 مشاهدات

 

شاكرية عالطريقة السورية سلسلة وصفات من حول العالم 2

"شاكرية عالطريقة السورية" سلسلة وصفات من حول العالم ♡2♡

شاكرية عالطريقة السورية سلسلة وصفات من حول العالم 2

شاكرية عالطريقة السورية سلسلة وصفات من حول العالم 2 , معكم صديقة زاكي الشيف الموهوبة ,💖نور أحمد💖الشاكرية من أطيب الأكلات الشامية القديمة سهلة التحضير وطعمها مابيتقاوم.. بتمنى تجربوها وتعجبكم حبيباتي♡

المقادير

  • كيلو لحمة شقف
  • مطيبات لسلق اللحمة (هيل وقرفة وورق غار)
  • كيلو لبن
  • بيضة
  • ملعقة كبيرة نشا
  • بصلة مقطعة ممكن جوانح او مفرومة صغير شوي منسلقها دقيقة بمي مغلية ومنصفيها

الخطوات

☆بسم الله الرحمن الرحيم☆

بالبداية منسلق شقف اللحمة

منشيل الزفرة اللي بتطلع عالوش ومنضيف المطيبات

ومنتركها لتستوي عالاخيييير

بطنجرة منحط اللبن والبيضة والنشا والملح ورشة الفلفل والبصلة ومنخلطهم عالبارد مع بعض ليمتزجو تماما بعدين منشغل تحتهم النار ومنحرك باستمراااااار ها

لحتى يغلي اللبن

بس يغلي ممكن تضيفو شوية مرقة سلق اللحمة لحتى تخففو السماكة وبتعطيها نكهة كمان

هالشي بيرجع حسب رغبتكم وحسب سماكة اللبن اللي استخدمتوه

انا ضفت حوالي ثلثين كوب مرقة

ومنضيف قطع اللحمة على خليط اللبن ومنتركهم يغلو دقيقتين تلاتة مع بعض ومنطفي عليهم..

بتتقدم جنب رز بشعيرية وصحة والف هنا يا اميرات♡

اذا جربتوها وعجبتكم عطوني رأيكم ماشيييي

خلص ماشيييييييي ههههه

35 تعليقاً

  1. شكرا كتييييير الكم ممنونتكم من قلبي على تعليقاتكم الحلوة
    لو تعرفو شو بحبكم كلكم😄
    ام العبد حبيبتي هي طريقتها الاصلية مافيها حمص بس اذا انتبهتي فيها بصل جوانح😘
    واللي بحب يضيف شي متل ماقالت الاخت رحاب بيقدر طبعا بس اصولها هيك لحتى ما تضيع نكهتها الاصلية😀
    ام جاسم حبيبتي مافي داعي تطحنيه اذا حبيتي طحنيه بيمتزج البصل باللبن خاصة اذا الولاد مابحبو البصل واذا ماحبيتي خلطيهم بالخفاق اليدوي بتبقى شرائح البصل متل ماهية وهنا والف عافية عزيزتي😙
    ياريت اكسبكم كلكم على اكلة شاكرية والله يا ام انوار😄

  2. ما شاء عليك يا نور مبدُعة اكل اهل سوريا باين كثير زاكيييي هذه الأكلة كنت كثير بسمعها في المسلسلات السورية راح اجربها ان شاء الله
    الله يحفظك وينصر سوريا وشعبها الطيب❤

  3. مريومة حبيبتي الله يسلمك
    في ناس بتحط قطع صدورة جاج وبتطلع طيبة بس هية اصولها بقطع اللحمة بتطلع أطيب😁 والناس أذواق سبحان الله بس هي الطريقة الاصلية❤
    نقااااااء الغالية سبحان الله اسم على مسمى
    الله يسعد قلبك متل مابتسعدي اللي حواليكي😘
    جربيها وخبريني شو رأيك فيها وواثقة ان شاء الله انك رح تحبيها😄

اترك تعليقاً

لن يتم نشر عنوان بريدك الإلكتروني.

Translate »