img

مضغوط اللحم ولا اروع

/
/
/
2810 مشاهدات

 

مضغوط اللحم ولا اروع

مضغوط اللحم ولا اروع

مضغوط اللحم ولا اروع

مضغوط اللحم ولا اروع, معكم صديقة زاكي الشيف الموهوبة ,أم جاسم

المقادير

  • لحمة قطع بالعظم
  • كيلو ارز بسمتي منقوع
  • بصلة مفرومة ناعم
  • حبة بندورة وسط مفرومة ناعم
  • 2 قرن فلفل حار اخضر مفروم
  • راس ثوم مهروس
  • بهارات كاري
  • بهرات لحمة
  • بهارات خليجية انا عندي بهار كبسة استخدمته
  • ملح وفلفل
  • ماجي
  • زيت ذرة
  • ورق غار
  • لومي اذا متوفر
  • للزينة:
  • لوز
  • زبيب
  • للتقديم:
  • سلطة
  • صلصة الدقوس

الخطوات

المضغوط

السلام عليكم ورحمة الله وبركاته

الطبخات الخليجية من اشهى الطبخات ودائما حاضرة على المائدة العربية وسيدة العزايم ، حبيت اقدملكم طريقتي بالمضغوط وان شاء الله تعجبكم.

أولاً/ اللحمة

في هذه المرحلة بنكون منظفين اللحمة ومجهزينها، وبنبدأ نقلي البصلة في طنجرة الضغط نفسها يلي رح تكمل فيها كل الطبخة، بنقلي البصلة بزيت ذرة وبعدها الثوم المهروس والبندورة والفلفل الحار ، وبس يتذبلوا شوي بنضيف البهارات تتقلى معهم لحتى تفوح ريحتها وبعدين بنحط اللحمة وبنقلبها معه بس لمدة خمس دقايق وبعدين بنضيف مي مغليه مش كثير بس شوي يعني بتضل اللحمة مبينة ماتغمريها مي مابدنا نسلقها سلق، لا تضيفي ملح في هذه المرحلة .

بنغطي الطنجرة وبس تصفر بنوطي الغاز وبنعاير ثلث ساعة وبنفتح الصافرة وبنفتح عالطنجرة بتكون مستوية اللحمة بتزيدي ماجي وملح لحتى تتزبط النكهه .

ثانياً/ ضغط الارز

طبعا الارز البسمتي منقوع ومغسول بنضيفه لطنجرة الضغط فوق اللحمة وما بنقلبهم ببعض لا بدنا تضل التتبيلة واللحمة من تحت وبنشوف مقدار المي اذا مناسب للرز او بنزيد شوية مي المهم كمية المي تكون مش مرتفعه عن الارز بتكون مبينه من الارز ومش غامريته بنغطي الطنجرة مزبوط وبنستنى تصفر ، بس تصفر بنوطي الغاز عالااااخر وبتعايري ربع ساعة وبتطفي الغاز وبتتركيها ترتاح قبل التقديم عشر دقايق.

نصيحة/

حاولي تعملي المضغوط بطنجرة كبيرة اذا متوفر عندك عشان الرز ياخد راحته بالسوا واللحمة تنفرد بقاع الطنجرة جنب بعضها احسن ماتكون فوق بعض.

ثالثاً/ التقديم

بتقلبي الطنجرة بجاط او سدر وطبعا بتكون مستوية ومتفلفلة وكلشي تمام وطعمتها ولا اروع من هيك،زينيها باللوز والزبيب و قدمي معها سلطة ولبن وصلصة الدقوس يلي لا غنى عنها بكل الاكلات الخليجية.

25 تعليقاً

  1. مفروض بس تنزلي وصفات يا ام جاسم تكتبي سلسلة روعات ام جاسم تبارك الرحمن ماشالله عليكي الله يديم عليكي الصحة والعافية كل وصفة احلى من الي قبل موالح و حلويات ماشالله

  2. الله يبارك فيكم ويكثر من امثالكم
    وبشكركم جزيل الشكر على كلامكم
    انتم الاروع.

    وصفة الدقوس موجودة على وصفتي البرياني بالتفصيل والصور ، تفضلي بزيارة ملفي بالضغط على اسمي أعلى الوصفة.

  3. ما شاء الله والله خير حافظ
    يسلمو اديكي حبيبتي ام جاسم اكلاتك رووعه وبتستحقي احلا دعم وتقدير 😘😍
    الي الامام ان شاء الله دمتي بحفظ الرحمن

  4. تسلم ايدك والله يجزاك الخير ..هسه خلصنا اكلها …طبخه ولا اروووع نكهه الخلطه يلي تحت اللحمه كانت دماااااررر رهيبه جدا ..ما شاء الله

    يعطيك الف عافيه 😘😘😘🤣

اترك تعليقاً

لن يتم نشر عنوان بريدك الإلكتروني.

Translate »