img

طريقة عمل الكنافة الخشنة ملكة الحلويات الشعبية

/
/
/
1265 مشاهدات

 

طريقة عمل الكنافة الخشنة ملكة الحلويات الشعبية

كنافة خشنة من اروع ما يكون ملكة الحلويات الشعبية

طريقة عمل الكنافة الخشنة ملكة الحلويات الشعبية

كنافة خشنة من اروع ما يكون ملكة الحلويات الشعبية, معكم صديقة زاكي الشيف الموهوبة ,أم جاسم

المقادير

  • نصف كيلو عجينة كنافة
  • نصف كيلو جبنة عكاوي
  • سمنة مذابه
  • قطر بارد

الخطوات

الكنافه الخشنة

السلام عليكم ورحمة الله وبركاته

مافي حد مابحب الكنافه وخاصه اذا كانت متقنه ومن تحت ادين ست البيت تفضلوا عالطريقة

أولاً/ عجينة الكنافة

لازم نفتح خيوط عجينة الكنافة وانا بحب تكون مقصقصة احسن واريح قصيها بمقص المطبخ وبعدين بدك تصبي عليها السمنة السايحه وتفركيها مزبوط لحتى تتشرب السمنة، والسمنه اختياري بلديه او عاديه . انا استخدمت سمنه عاديه.

وبتدهني السدر بسمنه وبتفردي العجينة فيه بالتساوي.

بدك تعملي حسابك يكون عندك سدرين بنفس الحجم.

ثانياً/ الجبنة

استخدمي جبنة عكاوي محلاه من الملح ومبروشة

وبتحاولي تتخلصي من اي سوائل فيها وبتفرديها فوق العجينة وبتحطي فوقها مناديل مطبخ وبتضغطي عليها لحتى تسحبي كل السوائل منها .

ثالثاً/ الشوي

بتدخلي الكنافة عالفرن عالرف على اول درجة للفرن والفرن سخن وبتتركيها ربع ساعه تقريبا اثنائها بتفتحي عليها وبتلفي السدر ، بس تتحمر الاطراف بتكون جهزت.

وممكن تشويها عالغاز على نار وسط بس بدك تضلي معها وتلفي بالسدر عالغاز لحتى تتحمر.

وممكن عالفحم بنفس طريقة الغاز بتضلي تلفي بالسدر

بتحطي السدر الثاني فوق سدر الكنافه وبتقلبيه مرة وحدة بسرعة

رابعاً/ القطر والتقديم

بتكوني مجهزة قطر ومبرديته ضروري يكون بارد بتشربي الكنافه وبتقدميها مع رشة فستق حلبي، وكنافتي كان ناقصها الفستق الحلبي بس طعمها والله على مااقول شهيد زي طعم المحلات واطيب كمان.

30 تعليقاً

  1. الكنافة الكنافة وماادراك ماالكنافة شي بطير العقل يسلم الايدين 😍😍😍😍😍😍😍😍😍😍😍😍😍😍😍😍😍😍😍😍😍

  2. يسلمو ايداكي و يعطيكي العافية حبيبتي وهي على الغاز غطيتيها عشان ذواب الجبنه ولا
    ما حطيتي لون على الكنافه
    عند جبنه بيضاء عادي محلي من الملح ينتفع اسويها

  3. شكرا لكم جميعا

    ممكن استخدام موزريلا بس طعم العكاوي اطيب وبعطيكي نفس المطة.

    ممكن بجبنة بيضاء بس بدك تحليها على ثلاث ايام تنقعيها وتغيري ميتها كل يوم بس مابضمنلك انها تكون مطاطة.

اترك تعليقاً

لن يتم نشر عنوان بريدك الإلكتروني.

Translate »