img
الرئيسة / أطباق رئيسية / المقلوبه بالدجاج

المقلوبه بالدجاج

/
/
/
2976 مشاهدات

 

المقلوبه بالدجاج

مقلوبة الدجاج

المقلوبه بالدجاج

المقلوبه بالدجاج , معكم صديقة زاكي الشيف الموهوبة ,💠أم جاسم💠

المقادير

  • دجاجة
  • كيلو ارز متوسط الحبة
  • خضار
  • بطاطا
  • باذنجان
  • جزر
  • بهارات مقلوبة
  • بهارات كاري
  • ملح وفلفل
  • زيت ذرة
  • لوز وسلطة للتقديم

الخطوات

السلام عليكم ورحمة الله وبركاته

أولاً/ الدجاج

نسلق الدجاج المنظف جيدا مع المطيبات ورق غار وبصل وهيل وبهارات مقلوبة وبهارات كاري وملح وفلفل حتى يستوي ، بنصفيه من المي وبنتركه شوي بس تخف الرطوبة عنه عشان لما نقليه ما يطرطش الزيت علينا.

وبنقليه مزبوط وبنتركه على جنب.

ثانياً/ المقالي

بنقلي الخضار وبتكون مقطعه قطع كبيرة نوعا ما عشان ماتذوب وتختفي بالمقلوبة .

ثالثاً/ تطبيق المقلوبة

بكون الرز ناقع وجاهز وبنرتب بالطنجرة اول شيء الدجاج بعدين الخضار ونراعي انه نرتب على داير وحواف الطنجرة شوية خضار عشان يبينوا بس نقلبها وبعد الخضار بنحط كل الرز وبنحط عليها مرقة سلق الدجاج وبنزبط بهاراتها وملحها ، والمي لازم تغمر الارز بمقدار 2 سم وكالعادة بس تغلي وينزل مستوى المي بنخفض النار عالاخر وبنغطي بقصدير وفوقه الغطاء وبنتركها ثلث ساعة وبتكون جاهزة ، بنتركها بعد النضج عشر دقائق تتشرب وترتاح عشان ماتفرط بس نقلبها.

رابعاً/التقديم

بتتقدم مع اللوز المقلي والسلطة واللبن .

لا تنسونا من صالح دعائكم

43 تعليقاً

  1. يعني اللي إخترعتي المقلوبه …
    روحي الهي يرحمك و يتجاوز عنك …❤
    كيف خطر ع بالك هيك .. 🤔
    انت عارف شو يعني بطاطا و بيتنجان و دايبين مع شوية زهرة مع اللحمه او الدجاج واللي كلهم صاروا مطعمين ع الرز !!
    إنت عارف كمية السعادة .. الموجوده داخل كل لقمه ..
    أي ستيك .. و أي سوشي … ولأ في دول بتغزلوا بالمعكرونه..
    و البيتزا .. 😉
    طريقة التقديم … لحالها حكايه …
    هضبة بحق و حقيق ..
    بتوديك ل جنوب افريقيا و بتحس حالك عامل منجم بستخرج الألماس … 🙄
    والا قاع الطنجره الذايب المنصهر الي كل العيله بتتهاوش مين يسبق ياكل منه الي مش عارفه اوصفه الي قلبك بدق 3 دقات بس تاكله يا سلام ☮
    بعدين … حطيت جنبها سلطه بتزبط .. حطيت لبن احسن ..
    بدك تخلط خيار باللبن .. كمان بمشي الحال ..
    ما بدك تحط اشي .. لحالها مغمسه 😋
    ولأ .. كمان بتعطيك سندويشة مقالي تسليكه لتجهز الطبخه
    يعني بالبلدي .. كاملة مكمله الطبخه .. 🤗
    بعدها … بتسمحلك .. تحبس بأي شي ..
    بيبسي و سفن 100% .. شاي بالنعنع أحسن و أحسن ..
    وقلبك بصير يرقص 💃💃
    سميت المقلوبه بهالاسم لأنها بتقلب كل مشاعرك البائسة للأحسن 😍👯

  2. ايه الجمااااال والغخامة دي يختي حرام عليكي 😅😍
    ماشاء الله تبارك الله منظر خيالي والطعم اكيد روعة
    ربي يسلم اناملك يا مبدعة 😙
    ام عاصم يبعتلك الهنا هههههههه😁

اترك تعليقاً

لن يتم نشر عنوان بريدك الإلكتروني.