img

زهرة بلبن مع رز أبيض

/
/
/
1221 مشاهدات

 

زهرة بلبن مع رز أبيض

زهرة بلبن مع رز أبيض

زهرة بلبن مع رز أبيض

زهرة بلبن مع رز أبيض, معكم صديقة زاكي الشيف الموهوبة ,وردة الأردن(الجبل)

المقادير

  • راس زهرة( قرنبيط) متوسط
  • لبن رايب
  • نشا
  • مقدار من الماء أو يمكن إستخدام لبن الشنينة الجاهز
  • لحمة راس عصفور
  • زيت
  • ملح
  • فلفل أسود
  • كمون
  • رز عادي منقوع الكمية حسب الرغبة
  • بصلتين مقطعات ناعم

الخطوات

نقطع الزهرة لقطع متوسطة الحجم وتقلى بالزيت وتوضع جانبا

نحضر اللبن بخلط مقدار اللبن الزبادي بالماء يدوي أو بالخلاط الكهربائي ويضاف له النشا والملح حسب الرغبة

تقلى اللحمة مع البصل المقطع وبعد استوائها تضاف لها الزهرة واللبن وتوضع على النار مع استمرار بتحريك اللبن حتى لا يفرط

نضيف الفلفل ويستحب القليل من الكمون وبعد ان ينضج و يغلي اللبن ويثقل قليلا يقدم مه الأرز الابيض المطبوخ بالطريقة المعتادة

وصحة وهنا

طبخة سهلة وزاكية خصوصا بالشتاء

أرجو من زاكي ينشرلي وصفاتي لأنه لاحظت إنه يتأخر بالنشر مع الاحترام والتقدير

20 تعليقاً

  1. تسلم ايدك حبيبتي بتشهي بس انا بحط اللبن على اللحمه بعد ما تستوي بكون اللبن مغلي بخليه يغلي خمس دقايق مع اللحمه وبعدين بضيف الزهره وبتركها لما
    تنضج وبطفي الغار لانه لو حركنا اللبن واللحمه والزهره مع بعض احتمال تذوب الزهره
    يسلمووووو هالايدين
    نور حبيبتي الزهره باللبن والكوسا المحشي باللبن والفول الاخضر باللبن من الاكلات المشهوره عنا

  2. تسلموا جميعا يا أحلى شيفات وطباخات والله كلامكم وتعليقاتكم الحلوة على راسي من فوق

    ام علاء أبو يحيى تسلمي على ملاحظتك على راسي

    نور هالطبخة جد على قد ما هي سهلة وبسيطة بس لذيذة كتير إذا بتحبي تجربيها وعلى فكرة إحنا بنسميها زهرة بلبن والها تسميات تانية وفي ناس بيحطوها نية للزهرة وبخلوها تغلي وتستوي باللبن بس بتطلع ازكى إذا انقلت شوي نص قلية وشكرا كتير طولت عليكم

  3. وكمان متل ما قالت ام علاء الكوسا المحشي بتنعمل بلبن كمان مش بس بمية بندورة وبتنعمل بمرقة بس كمان
    اما الفول الاخضر بلبن وجنبه رز بشعيرية فهو حكاية لحاله من زكاوته جد وباللحمة كمان متل الزهرة ومقلوبة الفول الاخضر كمان بتشهي

  4. كتير زاكيه سلمت يداك
    متل ماحكو الصبايا الفول بلبن ومقلوبة الفول والزهرة بلبن بيشهو
    انا بعملهم كلهم وفي ناس نفس الطريقه بعملوها مع طحينيه متل الكفتة

  5. يسلم اديك من ازكى الاكلات بس انا بحب ازيد لللبن طحينه و آخر اشي تقلايه ثوم مهروس مع كزبرة مفرومه و كزبرة ناشفه و عصرة ليمون و بعملها مع كرات الكفته ازكى من اللحمه القطع جربوا طريقتي بطحينيه مع اللبن ازكى بكتيييييير

اترك تعليقاً

لن يتم نشر عنوان بريدك الإلكتروني.

Translate »