img

مجدرة البرغل أكلة شهية ولذيذة

/
/
/
974 مشاهدات

 

مجدرة البرغل

مجدرة البرغل ♡_♡

مجدرة البرغل

مجدرة البرغل , معكم صديقة زاكي الشيف الموهوبة ,نور أحمد

المقادير

  • كوب ونصف برغل خشن
  • نصف كوب عدس بني
  • 3 بصلات وسط
  • زيت زيتون
  • ملح
  • رشة فلفل أسود

الخطوات

☆بسم الله الرحمن الرحيم☆

اول شي منغسل العدس منيح ومنسلقو بالطنجرة اللي رح نطبخ فيها المجدرة

وبمقلاية على جنب منحط شوية زيت زيتون وبصلة مفرومة فرم صغير

مندبل البصلة وبس تدبل منضيف فوقها البرغل ومنحمصو شوي بالزيت

هي الخطوة بتعطي نكهة رائعة وبتكون المجدرة مدردرة هههههه يعني مفلفلة

لما نعمل هالخطوة لازم يكون العدس استوى ومنضيف فوق المي تبعو حسب قديه بيحتاج البرغل ومنزبط الملح وبس تغلي المي منضيف البصلة والبرغل اللي حمصناهن سوا

منغليهم شوي على نار عالية بعدين منوطي النار ومنغطيهم ومنتركهم لحتى يستوو

انا بحب ضيف رشة فلفل اسود بحسا بتعطي نكهة طيبة بس الخيار راجع الكم

ومنرجع لنفس المقلاية منحط فيها كمية من زيت الزيتون وبصلتين مقطعات جوانح ومنقليهم بالزيت لحتى يتحمروو ويصيرو مقرمشين حسب رغبتكم طبعاً

منصفيهم ومنضيف الزيت تبعهم للمجدرة كمان

وهي طبختنا البسيطة والمفيدة بيتقدم جنبها لبن او سلطة وصحة والف هنا ياحبوبات

ستنو نسيت قلكم انو فينا نعمل نفس الخطوات بس بالرز بدل البرغل وعالجهتين لذيذة كتير

يلا خلصنا هههههه

47 تعليقاً

  1. واللھ متل ماقالو لمجدرة اكلة مقدرة تسلميلي يانور واللھ بتشھي من تحت ايديكي رووووعة بموت فيھا الاكلة وابني اكتر مني بحبا ھھھھھھھ

  2. يسلموا ايديكي نور يعطيكي العافية كتير زاكية بحبهااااااااااااااااااااااااااااااا كتير وديلي صحن انا ما بعملها عمو زلمة ما بحبهااااااااااااااااااا

  3. نور وانا بدي طريقة الدجاج المشوي السوري 😍
    انا جارتك تذكرتيني ههههه
    من اطيب الاكلات الخفيفة المجدرة وبتنعمل بدل البرغل رز للاشخاص مابحبو البرغل

    تسلم ايدكي 😘

  4. لازم كل بنت لما بدها تتجوز تسال العريس عن اكلات البتحبا
    اذا مابحبا اكلاتا ترفض العريس 😂😂😂
    انا من عشاق الملوخية بابا واخي مابحبوا 😳
    كنت اكل عند ستي لما نخطبت قلتلو بتحبا 😈قلي اي قلتلو توكل على الله موافقة 😆
    بمزح طبعا 😂بس سالتو بعد الخطبة بفترة

  5. هههههه الله يسعدكم والله تعليقاتكم اخر رواق😁😙
    تسلمولي كلكم حبيباتي الوصفة بسيطة بس حبيت شارككم فيها
    ربي مايحرمني من قلوبكم الحلوة ومحبتكم😄
    ام عمر لعيونك الطنجرة كلها
    وانا كمان باكلها لحالي وجوزي مابحبها
    منتشارك الاكلة سوا انا وياكم😅
    ام تيم من عيوني التنتين احلى بيتيفور بأقرب وقت ان شاء الله
    انتي بتؤمري أمر😙
    ههههههه الاخت بلا اسم انتي جارتي ببورصة شي😅😀
    ذكريني كان اسمك ام وسام؟؟
    تكرم عيونك ان شاء الله بعملو بأقرب وقت😙

  6. الله يسلمكم ومايحرمني منكم ياقمرات حياتي😄😙
    ام وسام اي هيك ها ههههه كيفك حبيبتي طمنيني عنك😙
    ام عمروووو ياعسولة انا بألف خير الحمد لله بوجودكم معي
    انتي كيفك وكيف صحتك ان شاء الله تمام؟
    شو اخبارك هالأيام😄

  7. ان شاء الله دايما بتبقي بألف خير حبيبتي ام عمرو
    بتهون ان شاء الله
    ربي يقويكي ويقومك بالسلامة وبأتم الصحة والعافية انتي والبيبي😙
    سبحان الله دايما بتخطري ببالي❤

اترك تعليقاً

لن يتم نشر عنوان بريدك الإلكتروني.

Translate »