طريقة عمل فطيرة الدجاج بالجبن

36 11٬351
 

طريقة عمل فطيرة الدجاج بالجبن

فطيرة الدجاج اللذيذة

فطيرة الدجاج اللذيذة

فطيرة الدجاج اللذيذة, معكم صديقة زاكي الشيف الموهوبة ,أم جاسم

المقادير

  • مقادير الحشوة:
  • دجاجة مسحبة ومقطعه مكعبات
  • بصل مفروم
  • فلفل ملون مفروم
  • فطر مقطع
  • ذرة
  • جبنة موزريلا
  • ملح وفلفل
  • بهارات دجاج
  • زيت زيتون
  • زيتون اخضر مقطع
  • مقادير العجينة:
  • 3 كوب طحين ابيض
  • نصف كوب زيت ذرة
  • نصف كوب حليب بودرة
  • م.ص بيكينج باودر
  • م.ك خميرة فورية
  • 2 م.ك سكر
  • م.ص ممتلئة ملح
  • ماء دافي
  • للزينة:
  • سمسم وحبة البركة

الخطوات

فطيرة الدجاج اللذيذة

السلام عليكم ورحمة الله وبركاته

هذه الفطيرة وجبة غذائية كااملة مكتمله مع كاسة عصير فيها كل الفوائد والعناصر الغذائية .

أولاً/ العجين

بننخل الطحين مع الحليب والبيكينج باودر والملح مرتين عالاقل بدهم يتنخلوا ، وبنضيفلهم الزيت وبنبسه مع المواد الجافة بشكل ممتاز وبنكون ضايفين الخميرة الفورية على كاسة ماء دافي وملعقتين سكر ومغطى ليتفاعل ، بنبلش نضيف بكاسة الخميرة اول شيء وبنعجن وبنكمل ماء دافي رح تحتاج كمان نص كاسة ماء عدا كاسة الخميرة، وبنعجن مش اقل من عشر دقائق ولحتى تصير العجينة ملساء وطرية غير دبقة، بنغطيها وبنتركها تتخمر بمكان دافي.

خيارات للتخمير السريع/

ممكن نخمر العجينة بايام الصيف بالشمس بمكان نظيف .

بالشتاء ممكن تخمري العجينة بجنب الصوبة وبتلفي العجينة بحرام وقدام الصوبة.

او بتشعلي الفرن يدفى بس ما يسخن وبتطفيه وبتحطي العجينة فيه بتخمر بسرعة، بس اياكي يكون سخن رح تستوي بدل ما تتخمر.

ثانياً/ حشوة الفطيرة

بتقلبي البصلة بزيت زيتون وبتضيفي عليها الدجاج وبنصف مدة الاستواء بتضيفي الخضار تستوي مع الدجاج وتتنشف من اي سوائل، وبآخر خطوة بتضيفي نصف كمية جبنة الموزريلا للخليط وبتقلبيه وبتتركيه عجنب لحتى تحضري الصينية للشوي.

ثالثاً/ التطبيق

بتقسمي العجينة بعد ماخمرت لقسمين قسم بتفرديه بصينية خبز مدهونة زيت وبتفردي عليها الحشوة وبتفردي القسم الثاني وبتغطي فيه الحشوة وبتسكري الجوانب مع بعض كويس وبتفتحي فتحه بنص العجينة من فوق عشان البخار يطلع وبتدهني وجها بحليب وبترشي سمسم وحبة البركة ورشة جبنة كمان اذا حبيتي ، انا ارفقت صور مرة بجبنة عالوجه ومرة بدون جبنة.

رابعاً/ الخبز

على فرن محمي بتحطيها عالرف الوسط لمدة ثلث ساعه او اكثر شوي على نار متوسطة وبس تستوي بتبين محمرة ومشقرة من الجوانب بتحمريها وبتقدميها وصحة وهنا.

36 تعليقات
  1. ام معتز العسل :

    ماشاء لله عنك الله يحميكي ام جاسم منظرها روعه

  2. غير معروف :

    زمرده…
    يسلمو انأملك من ايد مانعدمها ويعطيك ربي الصحه والعافيه

  3. أم جنى :

    عاشت ايدك يا معلمة المطبخ والله لا يحرمنا من هالابداع

  4. 💖نور أحمد💖 :

    اكتر من رائعة وشكلها بيفتح النفس😍
    تسلم ايديكي يامبدعة الله يباركلك❤

  5. ام محمد 💖 :

    كثير رائعه يسلم دياتك

  6. أم عبدالله الخلايله :

    ما شاء الله… ابداااع

  7. Ameena qadan :

    ماشاء الله روووووووعة
    تسلم ايدك

  8. 💝نونو 💝 :

    ماشاء الله رووووعة يسلموا ايديك 👍👍

  9. تولين :

    ما شاء الله بتشهي

  10. 🍒أم محمّد🍒 :

    روووووعه …تسلم أديكي يا مبدعه 👍

  11. إم مصطفي 😉 :

    شكلها روووعه سلمت يداك يا رب😙

  12. حبيبة زيزو :

    الله الله يا ام جاسم روعاتك يا فنانة اتحفينا كمان وكمان جد انت معلم واحنا منك نتعلم أن المفضلة اكيييييييد

  13. رشا رشا :

    ما شاء الله تبارك الرحمن
    يسلمو اديكي ام جاسم

  14. ام وسام👣 :

    يا سلااااام بتشهي كثير😋❤يعطيك العافية

  15. ريحانة🌿 :

    اللهم بارك🌹 صحتين وعافية🌹

  16. هناء مومن محمد :

    شكلها جميل اوي تفتح النفس تسلم ايدك

  17. ام اصيل :

    شووو بالنسسسبة لزززاكي اليوووم ابددداااع واشيااااء خرافية😋😋يسسلم ايديكم

  18. qamr :

    واااااو رروعه فنانه مبدعه

  19. ام علاء ابو يحيى :

    تسلم ايدك حبيبتي رووووعه
    تبارك الله😍😍

  20. سوزان فلسطين :

    يسلمو ايدكي كل وصفه احلى من الثانيه يلي بتتحفينا فيهم الله يباركلك ويعطيكي الصحه

  21. أم جعفر :

    يسلموا ايديها عنجد بتحنن عالمفضله عطول 💓💓💓

  22. 💖عطر :

    سبحان الله كنت بسأل عن طريقتها…. يسلمو أم جاااااسم

  23. ام ايهم :

    ما شاء الله ..لا قوة الا بالله ..يسلم ايديكي و عينيكي ..هاي نفسها الفطيره التركيه صح

  24. 💝سما💝 :

    رووووووعة ماشاء الله😋😋😋😋😋😋

  25. سلسبيل :

    ماشاءالله يا سلام بتشهي رررررررررروعه الله يعطيكي العافيه

  26. 🌸جمانة🌸 :

    عجبتني يسلمو هالايدين

  27. ام اسلام :

    بعملها يمي شو زاكيه

  28. waad🚸🤗🤗 :

    انا بحب الشرح كامل متلك يعطيكي الف عافيه

  29. سعسعديان :

    مشهيه تسلم ايدك

  30. كريمه :

    ما شاء الله عليكي مذهله

  31. ذات الخمار :

    جزاك الله خيرا أختي الفاضلة على هذه الوصفة
    طبقتها أمس وكانا

  32. ذات الخمار :

    طبقتها أمس وكانت نتيجتها رائعة
    اللهم بارك
    ربنا يبارك عليك ويزيدك
    أحب جميع وصفاتك واستفدت منك كثير

  33. نهلة الزعبي :

    ام جاسم حبيت احكيلك انه اليوم اعملت الفطيره هاي وعنجد عنجد انها رائعه زبطت معي وطلعت كثييييير بتشهي اولادي بحكولي بكرا ردي اعملينا اياها يسلم دياتك على الوصفات الرائعه

  34. […] 3- طريقة عمل فطيرة الدجاج بالجبن للشيف المبدعة أم جاسم […]

  35. nana nado :

    وااااااو شووو روعه ياريت تزبط معي ماشاء الله غليكي سلم دياتك 👍👍👍👍

  36. ام هيثم / :

    ماشاء الله عليكي
    رووووووعه👍

اترك رد

لن يتم نشر عنوان بريدك الإلكتروني.