ايدام دجاج باكستاني من سلسلة وصفات حول العالم 3

49 6٬664

ايدام دجاج باكستاني من سلسلة وصفات حول العالم 3

ايدام باكستاني من سلسلة وصفات حول العالم ♡3♡

ايدام دجاج باكستاني من سلسلة وصفات حول العالم 3

ايدام دجاج باكستاني من سلسلة وصفات حول العالم 3 , معكم صديقة زاكي الشيف الموهوبة ,نور أحمد وصفة الايدام الباكستاني سهلة ولذيذة وبتنطبخ على أصولها بالصاج اذا متوفر واذا مو متوفر فمافي أي مشكلة اي طنجرة بيمشي الحال وبلا تعقيد زايد هههههه

المقادير

  • نصف كيلو صدور دجاج مقطع مكعبات وسط
  • بصلة وسط مفرومة ناااااااعم كتير
  • بندورتين
  • ملعقة صغيرة دبس بندورة
  • 4 فصوص توم وسط مهروس
  • ملعقة صغيرة زنجبيل مبروش واذا مو متوفر اخضر منستبدلو بملعقة زنجبيل بودرة
  • ربع كوب زيت
  • ملعقة كبيرة زبدة
  • البهارات:
  • ربع ملعقة صغيرة فلفل اسود
  • ملعقة صغيرة كركم
  • ملعقة صغيرة فليفلة حمرا
  • رشة كمون
  • ربع ملعقة صغيرة كاري
  • ملح حسب الرغبة

الخطوات

☆بسم الله الرحمن الرحيم☆

  • بندورتين مبشورات او مفرومين عالخلاط بحيث مايصيرو مي وتضل قطع صغيييييرة متل مو شايفين

اول شي منحط الزيت بالطنجرة ومنضيف البصل ومنشغل تحتو ومنتركو ليدبل منضيف التوم والزنجبيل ومنقلبهم مع بعض شوي ورح تبلشو تشمو ريحة لذيذة من هالخليط يمي يمييي

منضيف مكعبات الجاج ومنقلبهم ليصير لونهم ابيض

هلا منضيف البهارات (ماعدا الملح منتركو للأخير) ومنضيف معهم الزبدة واذا حبيتو ضيفو شطة للي بحب الحد

منخلطهم ومنغطيهم ومنتركهم يغلو ليقرب يستوي الجاج منضيف عليه البندورة ودبسها ههههه

ومنضيف الملح حسب الرغبة ومنخلط كل شي ومنرجع نغطيهم ونتركهم يتسبكو على اقل من مهلهم لتستزي البندورة عالاخير وتتجانس النكهات وبتصير جاهزة للتقديم

وبس تصبوها حطولها رشة كزبرة خضرة

للاسف انا ماعندي لانو قليل نلاقيها..

وهيك بتكون اكلتنا اللذيذة خلصت اليوم وانتظرونا في الحلقة القادمة ههههه

اذا حبيتوها جربوها وعزموني ها مو ماتعزموني ×_×

بحبكم كتييييير ولا تنسوني من دعواتكم يا أميرات

عرض التعليقات (49)