طريقة الكيك

33 5٬694
 

طريقة الكيك

طريقة الكيك

طريقة الكيك

طريقة الكيك , معكم صديقة زاكي الشيف الموهوبة ,أم محمّد

المقادير

  • 2 كاسة طحين
  • 1 كاسة زيت
  • 1 كاسة حليب سائل بأربع معالق حليب
  • 4 بيض
  • 1وربع كاسه سكر
  • 2 معلقة بكينج باودر
  • 2 معلقة صغيره فانيلا
  • نص معلقه خل أبيض
  • معلقة كاكاو
  • برش ليمون او برتقال

الخطوات

يسعد أوقااتكم …اليوم راح اقدملكم طريقتي بالكيك العادي المزين بالشبكه العنكبوتيه ..ولا اشهى من هيك

بتمنى يعجبكم

ويلااا مع شرح الطريقه ….

& اول شي بنجهز جميع مقادير الكيك اسهل للشغل

ومن ثم ببلش بخفق البيض والفانيلا (وبرش برتقاال أو ليمون ) ومن بعد خفقهم بضيف السكر وبرجع اخفق ليذوب السكر وبالتالي بضيف الزيت ونص ملعقة صغيره خل ورشة ملح وبخفقهم سوااا

& هلا اضافة الطحين المنخول مره او مرتين افضل

ببلش اضيف جزء من الطحين والبكنج باودر وجزء من الحليب السائل وبخفق لحتى اخلص الكميه .

& واول ما ابلش شغل بتجهيز خليط الكيك بكون مشغله الفرن عشان يكون حامي كتير لما اضع الخليط فيه ..

& انا استخدمت سدر ..دهنته زيت ورشيته طحين وضفتله خليط الكيك ..وشلت جزء من الخليط ضفتله معلقة كاكاو وحركتهم مزبوط ..وضعتهم بكيس تفريز او بدونه بزبط ..وشكلت فيه دوائر داخل بعض ومن ثم بعود خشبي اخذت من الدوائر شكل لبرا وبعد هيك رجعت اخذت الشكل لجوا ..وهيك بتتشكل الشبكه العنكبوتيه

& بضعه بالفرن عالدرجه عاليه تلات دقايق ومن بعد هيك بوطي تحته لاقل من الوسط ووضعته بنص الفرن مش تحت ..واخذ وقت نص ساعه كان مستوي ومحمر ما بده تحمير …

بختبر استواءه بعود خشبي اذا طلع عالعود شي من الخليط بخليه خمس دقائق زياده مو اكتر وبرجع اختبر استواءه مره اخرى

ملاحظه اذا حبيتو تعملوه بسدر زي ما عملته انا ..بنصحكم تزيدو مقادير الكيك عشان يكون ارتفاعه اكتر من يلي عملته انا …اما اذا بقالب او صينيه عالنفس المقادير المعتاده

وصحه عافيه ….

33 تعليقات
  1. 💝نونو 💝 :

    ماشاء الله رووووعة 👍👍

  2. 💝سما💝 :

    روووووووعه بتشهي وع المفضلة فورا بدون نقاش 😋😋😋😋😋

  3. رورو الشبول :

    ياجماله ياجماله…اسي رائع والاروع انه الخلطه بيضا .ياريت تحكيلنا السر؟

  4. ام وسام👣 :

    كثيررررر بشهي😍😍يعطيك العافيه يا رب😍😍

  5. ريحانة🌿 :

    اللهم بارك .. شهي جدا 👍👍

    يعطيك العافية أم محمد 🍒

  6. رشا رشا :

    ما شاء الله تبارك الرحمن بشهي
    يسلمو اديكي ام محمد 😍😘

  7. ام محمد 💖 :

    يسلمو ايديكي كثييير رائع

  8. ولاء .... :

    يسلم ايديكي زي ما بعملها رائعه😋😋

  9. renadhala :

    مبدعه ام محمد مشالله عليكي ضلي ع طول اتحفينا بهيك وصفات
    زاكيه،
    ممكن استفسار بسيط
    الصينيه اوالسدر بنحط عالشبك بنص

  10. إم مصطفي 😉 :

    ماشاءالله منظرها روووعه ربي يسلم هالديات ويبارك فيكي حبيبتي 💕

  11. أم كرم :

    ماشاء الله عليك مبدعة تسلم ايدك حبيبتي😍
    مع كاسة شاااي ولا اطيب من هيك😋😋

  12. أميرة فلسطينية :

    مرتبة كتير ما شاء الله.. 👌

  13. qamr :

    يا سلام عليكي 😚😚😚

  14. qamr :

    أكيد نوع طحين إلي بخلي الكيك ابيض

  15. qamr :

    نوع الفرن حسب
    يعني فيه أفران لازم يكون من تحت شبك فيه بل وسط وفية عند وشاية
    أنا بنسبة إلي بعمله تحت شويه لحتى يزبك معي ومرات بل وسط انتي جربي الكل عشان تعتمدي

  16. فاطمة..ام ملك.. :

    ماشاء الله الشكل لحالو بجننن

  17. 🍒أم محمّد🍒 :

    مشكورين كتير اخواتي عالتعليقاتكم الجميله

    سبب اللون الفاتح زي ما حكت الاخت قمر نوع الطحين اله دور ..والخفق المزبوط للبيض

    ووضعتها بالرف الوسط ..ومعتمدها هالطريقه لانه بطلع مستوي ومتحمر والكيك من تحت بكون اشقر ..

  18. ام البنات :

    ماشاء الله مرتب كتييييير

  19. 💖أحبكم بالله💖 :

    تسلم ايدك منظرو بشهي ماشاء الله

  20. 💠أم جاسم💠 :

    ما شاء الله عنك
    ابداع وفن
    تبارك الرحمن

  21. 🌷🌹heba🌹🌷 :

    تسلم ايديكي….زاكي

  22. 💖نور أحمد💖 :

    ماشاء الله تبارك الرحمن ام محمد ولا اروع من هيك
    كيك مثالي واكيد طعمتو بتجنن
    تسلم ايديكي حبيبتي ❤

  23. 🍒أم محمّد🍒 :

    تسلمووو ..مشكورين

  24. Roze :

    تسلم ايدك زاكي

  25. أم خلدون :

    ولا ازكى من هيك تسلم أديكي حبيبتي

  26. 🍒أم محمّد🍒 :

    تسلمو ومشكورين ..أم خلدون 😊
    وروز 🌹

  27. عبير :

    زاكي

  28. سوزان فلسطين :

    يسلمو ايدكي ام محمد كل وصفاتك. ملفته للنظر ومميزه وسهله 👌

  29. 🌝الحياه حلوة 🌞 :

    ماشاء الله بفتح النفس
    جد ملفته للنظر انا شايفتو متل الجاتو
    بدي اعتمد طريقتك وهي المفضله عندي

  30. ام فادي :

    ماشاء الله تبارك الرحمن روعة
    بس ممكن سؤال انت ذاكرة بالوصفة انك حطيتي الكيك بالفرن بالطبقة الوسط انا الفرن عندي بس طبقتين فيني حطو من تحت بعدين شغل من فوق ولا كيف

  31. 🍒أم محمّد🍒 :

    مشكورين جميعا 💐

    ام فادي …عادي بزبط تحطي الكيك عالاول طبقه واذا ما اتحمر معك وهو من تحت ..لما يستوي بتحمريه بس انتبهيله لانه عالسريع بتحمر

    وانا الطبقه الوسط هي انه بنقل شبك الفرن عليها اتوقع بكل الافران موجده لانها درجات هي الدرجه بوسط الفرن ..واذا مو موجوده عندك عادي اعمليه عالاخر طبقه ..وبتمنى اكون فدتك
    🌹🌹🌹

  32. ام فادي :

    مشكورة كتير اختي ام محمد

  33. 🍒أم محمّد🍒 :

    العفوو ام فادي …ان شاء الله بتجربيها وبتعجبك

اترك رد

لن يتم نشر عنوان بريدك الإلكتروني.