img
الرئيسة / حلويات / فطيرة التفاح الرائعة ملكة الحلويات الشعبية

فطيرة التفاح الرائعة ملكة الحلويات الشعبية

/
/
/
14478 مشاهدات

 

فطيرة التفاح الرائعة ملكة الحلويات الشعبية

فطيرة التفاح الرائعة_ملكة الحلويات الشعبية

فطيرة التفاح الرائعة ملكة الحلويات الشعبية

فطيرة التفاح الرائعة ملكة الحلويات الشعبية , معكم صديقة زاكي الشيف الموهوبة ,نور أحمد مرحباااااا يا اميرات يارب تكونو كلكم بأحسن حال اليوم الوصفة سهلة وسريعة ولذيذة وشكلها مميز متل محبتي الكم♡ فطيرة التفاح هي أكلة شعبية بالولايات المتحدة وتعتبر من رموز الثقافة الأمريكية ورح نعملها سوا بهالطريقة

المقادير

  • عجينة ميل فوي
  • تفاح
  • خليط من السكر والقرفة ((لكل ملعقتين كبيرة سكر ملعقة صغيرة قرفة))

الخطوات

☆بسم الله الرحمن الرحيم☆

أول شي منفطع التفاح شرايح رقيييييقة بحيث تكون الشريحة شفافة نوعا ما

مالقيت كلمة معبرة اكتر هههه

ومنحطهم بوعاء فيه مي باردة وعصير ليمون لحتى مايسود لونهم

بعدين منفرد عجينة باف بيستري شوي صغيرة

المستطيل اللي بالصورة انا قطعتو بالنص يعني صار عندي مستطيلين كل واحد منعمل فيه وردة

منصف شرائح التفاح بعض مانضفيهم منيح ورا بعض بالتناوب متل مو واضح بالصورة ومنحط خليط القرفة والسكر ومنتنتي العجينة عليهم متل مو مبين معكم ومنضغط عليها عالجانبين لتتسكر ومنلفها رول بتعطينا هالشكل الرائع

فينا نحط تفاح بأي لون بس شخصيا لاقيت الاحمر احلى شي هههه

وبالنسبة للشوي منقدر نحطهم بقالب الكب كيك اذا كانو صغار بعد ماندهنو طبعا لحتى ما يلزقو ومنقدر نحطهم بصينية عادية تبع الفرن مابصير اي فرق وفيكم تكبرو الحجم قد ما بدكم انا الوردة الكبيرة عاملة مستطيلين

مندخلهم على فرن مسخن على درجة حرارة 190 او 200 لحتى تتحمر العجينة

وبتصير جاهزة للتقديم

هية غالبا بتتاكل دافية شوي او متل مابتحبو

بتقدرو تضيفو معها اي شي

صلصة كراميل او حتى بوظة او عسل او جوز او بلا شي لذيذة واذا حبيتو شكلها يكون عم يلمح اكتر دهنوها بنتفة قطر بعد ماتطالعوها من الفرن واستمتعو بالجمال هههههه

ان شاء الله تجربوها وتعجبكم

وهنا والف عافية حبيباتي

47 تعليقاً

  1. مممممم بتشهي تسلم ايدك حبيبتي😍😍
    والله عرفت انها الك قبل ما افتح الوصفة من روعة الصورة ماشاء الله عليك الله يحميك ويوفقك ي رب💕💕

  2. ماشاء الله تبارك الله شو هالاخوات الرائعات اللي رب العالمين كرمني بصحبتهن ومحبتهن😍
    شو بفرح بس شوف تعليقاتكم الحلوة وبدعيلكم من كل قلبي ربي مايحرمني منكم ويديم المحبة بيناتنا 😘
    تسلمولي عالكلام اللطيف اللي بيوصل لقلبي فورا وسدقوني ممنونتكم من كل قلبي وان شاء الله دايما ابقى عند حسن ظنكم واقدر فيدكم❤
    داليا يا اميرة وانا بحبك كتيييير انتي وكل الصبايا ورب العالمين بيعلم بمكانتكم عندي😘
    الاخت بلقيس شكرا كتير لثقتك انتي وكل الصبايا وبشرفني انك تكوني عم تجربيهم وتحبيهم😄😙
    الاخت بدون اسم بشرفني اسمي يكون مقرون باسم رشا شيفتنا المتألقة اللي بتعلم منها ومن كل الصبايا الحلوات وواجبنا نجاوب على اسئلة احلى اخوات بالدنية😙 مشكورة ياقلبي عالاطراء❤

  3. ام مصطفى ونقاء الله يسلمكم ياعسولاات انتو الحلوين والله😘😘
    لولو عاشت الاسامي
    واخيرا رح صير اعرف صاحبة التعليق😅
    انا منيحة الحمد لله مشتاقتلك
    انتي كيف البردات عندك
    يمكن بورصة ابرد من اسطنبول مو

  4. لولو

    تسلميلي نور
    تشتقلك الجنة حبيبتي
    هو برد عنا برد بس مابعرف اذا ابرد من اسطنبول بس يعني اذا بتحطي رجلك عالارض بتتكهربي مالقيت غير هل وصف 😂😂😂

  5. نونو وغادة وسوزان الله يسعدكم ويسلمكم حبيباتي كلكم زوق والله 😍😙
    لولو هاد اكتر تشبيه معبر بسمعو بحياتي😂😂 يبعتلك الهنا ما اظرفك قال بتتكهربي
    وصف دقييييق ههههه

  6. يااااا سلااااام شهيتيني فتحتي شهيتي والله متخيله انو طعمه بشهيييي 👍👍👍يعطيكي1000عاااافيه با قلبي
    عرفت انه انتي من الزينه والتصوير خصوصا القلب اكيييد هادا الي بدون ما احزر😉😉😉❤❤❤😄😄😄

اترك تعليقاً

لن يتم نشر عنوان بريدك الإلكتروني.