img
الرئيسة / معجنات / فطيرة الفلافل بعجينه هشه وقطنيه وسلطه الطحينه بطعم جديد رووووعه

فطيرة الفلافل بعجينه هشه وقطنيه وسلطه الطحينه بطعم جديد رووووعه

/
/
/
4089 مشاهدات

 

فطاير الفلافل بعجينه هشه وقطنيه وسلطه الطحينه بطعم جديد رووووعه

فطاير الفلافل بعجينه هشه وقطنيه وسلطه الطحينه بطعم جديد رووووعه

فطاير الفلافل بعجينه هشه وقطنيه وسلطه الطحينه بطعم جديد رووووعه

فطاير الفلافل بعجينه هشه وقطنيه وسلطه الطحينه بطعم جديد رووووعه , معكم صديقة زاكي الشيف الموهوبة ,رشا رشا

المقادير

  • 1كيلو طحين ابيض
  • نصف كوب زيت نباتي
  • معلقتين كبار خميره
  • معلقتين كبار حليب بودره و معلقتين كبار لبن يوغرت
  • معلقه كبيره ملح
  • معلقتين كبار سكر
  • 2 كوب تقريبا ماء دافئ للعجن حسب نوع الطحين يمكن نحتاج اكثر شوي
  • فلافل حب وسط مقلي او حسب الطلب انا سبق ونزلت طريقه عمل الفلافل بتمنى منكم تشوفوها وتجربوها
  • سمسم للتزيين
  • قليل من الحليب السائل لدهن العجينه للصق السمسم
  • مقادير سلطه الطحينه 2كوب لبن يوقرت
  • نص كوب ماء بارد
  • نص كوب طحينه
  • ملح فلفل اسود كمون حسب الرغبه
  • نص كوب زيت زيتون
  • ضرسين كبار ثوم ربع ضمه بقدونس
  • حبه كبيره طريه ابو كاادو
  • عصير ليمونه كامله

الخطوات

بسم الله نبدا

بوعاء كبير بنضع الطحين والسكر والخميره والملح والبيكنج باودر والحليب الجاف وبنحركهم وبنبلش نضيف اللبن و المي الفاتره وبنعجنهم اقل اشي عشر دقايق وبعد هيك بنضيف الزيت وبنستمر بالعجن لما تسير عنا عجينه ناعمه وطريه بنغطيها وبنتركها تخمر ساعه كامله وبعد هيك بنحضر العجينه وبنرقها رغيف كبير وبنقطعها شكل دوائر حسب الحجم الي بدنا ياه انا هون قطعت حجمين صغير وكبير وانتو الكم حريه الاختيار وبنضع قطع العجينه بقالب الكب كيك المدهوون بقليل من الزيت وبنعمل بقاعها خزوق بالشوكه وبنكون مجهزين الفلافل وبنحطهن بقلب العجينه وبنضغط عليهم لتحت لقاع القالب وبنغطيهم وبنتركهم يخمرو ربع ساعه او اكثر حسب الجو قبل الخبز وبالفرشاي على الخفيف بدون ضغط بندهن العجينه حليب سائل وبنرش عليهم السمسم وبنخبزهم بفرن محمى مسبقاا عدرجه 200 لمده عشر دقايق او اقل حسب الفرن الموجود عنا وحسب سماكه القالب المستعمل بدنا ننتبه هون لانهم بسرعه بيستوو المفروض نراقبهم عطول

طريقه عمل سلطه الطحينه

بوعاء الخلاط بنضع جميع المقادير المذكوره وبنخلطهم مع بعض كثير منيح لما يسير عنا خليط ناعم جداا يقدم مع فطاير الفلافل

والف صحه وهناا بتمنى اكون بفيدكم لو شي بسيط وبتمنى اني بكون بقدملكم كل جديد ومفيد والاهم يعجبكم واي سؤال انا جاهزه

تحياتي وتقديري الكم جميعا رشا ام احمد

انتظرو المزيد من معجناتي الشتويه بالوصفات القادمه ان شاء الله

71 تعليقاً

  1. تيارك الرحمن ما شاء الله على تعليقاتكم الحلوه وكلامكم الجميل كثير فرحت بتشجيعكم ربي ما يحرمني منكم يا احلا واروع صحبه بالدنيا 😍😘😍
    هههه شايفه يا ام جاسم هههه حبينا نغير شوي عن المألوف 😁😁

  2. تسلم اناملك …عن جد فيها زوق وفن …وبصراحة لما قرأت العنوان ماعبيت عيني الوصفة بس لما فتحت الوصفة وشفت الصور غيرتيلي رأيي 180 درجة 😄 وشهيتيني اجربها عن جد شي مرتب وبيفتح النفس ماشاالله عليكي
    والاخت ام عبدالرحمن ولين كمان بصراحة حكياتك حلوين ع طول ومهضومين ماشاالله عليكي 😍

  3. وردة الامل
    حبيبتي تسلميلي مااحلاكي
    اكيد هاد من ذوقك وكرم اخلاقك …..شرف كبير لالي هالكلام الحلو
    مشكورة حبيبتي اسعدني كلامك كتيييييير
    💗💗💗💗💗💗💗💗💗💗
    واكيد والله رشا بتستاهل اجمل الكلمات لأنها فنانة بجد

  4. تحرير حبيبه قلبي تسلميلي والله لازم يوصفوكي انتي لانو عنجد انتي افضل دوا ما شاء الله عنك روحك مرحه وعسوله وعطوول بتخلي الواحد يطلع من جو الاكآبه للبسط والفرح
    ان شاء الله بتضلي عطول مبسوطه وفرحانه وتبسطي كل يلي حواليها 😍😘😍
    كثير بنبسط بتعليقاتك الحلوه تحرير ربي ما يحرمني منك

  5. حبيبتي ورود الامل تسلميلي عكلامك الحلو وصراحتك الاحلا الحمد لله انو صور الوصفه عجبوكي وشدوكي لتفرجينا حروفك الحلوه
    كثير فرحت بتعليقك بتمنى تشوفي ملفي وتجربي وصفاتي
    ان شاء الله بنشوف تعليقاتك الحلوه عطوووول
    ربي يسعدك 😍😘

  6. جبيبتي لميس كليها متل مبتحبي صحتين يا قلبي خبز مشروح ولا خبز شراك

    بس حابه اصححلك معلومه ما بتنشف الفلافل لانو البخار الي بيطلع من العجينه بضل مطريها وكمان ما بتوخذ وقت كثير بالفرن لتلحق تنشف يا دوب تستوي العجينه وتوخذ لون

  7. ما شاء الله تبارك الرحمن شو هالابداع كلو شو هالعداله نيال عيلتك فيكي ياريتني احمد عشان اكون ابن ام احمد واكل اكلاتها😂😂😄😉😉 ما شالله عليكي ميبببدعه ❤❤❤❤اشتقت لوصفاتك واشتقتلك والله زممااان عنها💖

  8. حبيبتي غدير تسلميلي اشتقنالك كثيير ربي يسعدك كلهم الك مش بس وحده يا ريت يصحلي ابعثلك عنجد 😍😘

    حبيبه قلبي رؤى تسلميلي يا عسووله هههه يا ريت حبيبتي بتشرف فيكي اكيد
    وانا اشتقتلك كثيير وفقدتك زمان عنك وعن وصفاتك الطيبه ❤😍

اترك تعليقاً

لن يتم نشر عنوان بريدك الإلكتروني.