img
الرئيسة / معجنات / خبز / الخبز العربي المرضّف أطيب من أي خبز جاهز

الخبز العربي المرضّف أطيب من أي خبز جاهز

/
/
/
3096 مشاهدات

 

الخبز العربي المرضّف أطيب من أي خبز جاهز

الخبز العربي المرضّف أطيب من أي خبز جاهز

الخبز العربي المرضّف أطيب من أي خبز جاهز

الخبز العربي المرضّف أطيب من أي خبز جاهز, معكم صديقة زاكي الشيف الموهوبة ,💠أم جاسم💠

المقادير

  • 5 اكواب طحين ابيض
  • 5 ملاعق حليب بودرة
  • ملعقة كبيرة خميرة
  • 2 م.ك سكر
  • م.ص ممتلئة ملح
  • ماء دافئ للعجن تقريبا 2—2.5 كوب
  • حجار خبيز

الخطوات

خبز البيت المرضّف الذ من أي خبز تذوقتيه من قبل

السلام عليكم ورحمة الله وبركاته

مافي اطيب ولا انضف ولا الذ من خبز البيت خاصة اذا كان بيذكرك بطفولتك ايام ماكانت الحجة الله يرحمها تخبز كل يوم ولا تكل ولا تمل ولا تتعب ولا تشكي، رح نرجع نعيد ذكرياتنا بهالخبزات الرائعات.

أولاً/ العجين

عجينتنا اليوم مافيها خطوات عالطريقة القديمة بتخلطي كل المواد سوا الطحين والخميرة والحليب والملح والسكر وبتضيفي المي الدافيه بالتدريج لحتى تصير معك عجينة طريه دبقة شوي .

بتقطعيها وبتتركيها تتخمر وهي مقطعه.

كل كاسة طحين وربع تقريبا بتعطيكي رغيف على هذا الاساس قطعيها.

ثانياً/ الفرد والخبيز

بدك تكوني مسخنة الفرن على اعلى حرارة وحاطة الصينية اللي فيها الرضف اللي همه الحجار الملساء تاعة الخبز بتحطيهم بالفرن يسخنوا من اول ما تشغليه ولازم يكونوا سخنين لما نحط الخبز عليهم.

بتفردي العجين كويس بسماكه تكون نصف سم تقريبا لانها بتنفش شوي بالفرن ولازم تخرميها باصابعك عشان ما تنفخ طبقتين.

وعلى الحجار حطيها واتركيها لحد ما تصير شقرا من تحت بتشوفيها انتي بترفعي طرف الخبزة بتبين، بس تستوي بتحمريها انتبهي لاتنحرق بسرعه لانها بتتحمر.

وقدميه سخن لاهل بيتك واستمتعوا بألذ خبز من تحت ايدك ولا اطيب ولا انضف وصحة وهنا

27 تعليقاً

اترك تعليقاً

لن يتم نشر عنوان بريدك الإلكتروني.