img
الرئيسة / أطباق رئيسية / زهرة بالطحينة سلسلة وصفات سهلة ولذيذة 1

زهرة بالطحينة سلسلة وصفات سهلة ولذيذة 1

/
/
/
3205 مشاهدات

 

زهرة بالطحينة سلسلة وصفات سهلة ولذيذة 1

سلسلة وصفات سهلة ولذيذة ♡1♡

زهرة بالطحينة سلسلة وصفات سهلة ولذيذة 1

زهرة بالطحينة سلسلة وصفات سهلة ولذيذة 1 , معكم صديقة زاكي الشيف الموهوبة ,

المقادير

  • كيلو زهرة مقلية
  • كوب طحينة
  • كوب عصير ليمون
  • مقدار من الماء لتخفيف الصلصلة
  • ملح
  • رشة فلفل أسود
  • رشة كمون اختيارية
  • رشة بقدونس مفروم ناعم

الخطوات

☆بسم الله الرحمن الرحيم☆

هالأكلة بسيطة ولذيذة كتير وتغيير عن المعتاد للمقالي.. إن شاء الله تجربوها وتحبوها ويلا نبلش♡

منحط الزهرة عالنار تنقلى وبهالأثناء منخلط الطحينة مع عصير الليمون والملح والفلفل لنحسها تماسكت وسمكت ولونها صار فاتح منضيف مي بالتدريج بحيث نخفف سماكتها شوي والبقدونس ومنخلطهم سوا،، لازم تكون مو جامدة ولا سائلة تماماً وبس تستوي الزهرة منخلطها مع هالصلصة وبسسس..

صحة والف هنا حبيباتي
ملاحظة “ممكن تتحكمو بالمقادير حسب رغبتكم بالطعمة سواء بنسبة الحمض او غيرها”

47 تعليقاً

  1. ما شاء الله عنك يسلمو اديكي يا عسووله كلشي من تحت اديكي غير واكيد طيب😘😍🌷 الله يباركلك يا قلبي بانتظار كل جديد ومميز من تحت اديكي 😘

  2. حبيبتي نور اغلبك بدي استفسر منك ومن اي اخت عايشه بتركيا … انا سألتك قبل فترة عن الوضع بتركيا وما قصرتي انت والاخوات …بس استجد انه ب حيرة من امرنا بشأن الطلعه ع تركيا بين الفصلين بتأثر ع دراستهم … صدقا محتارين نطلع بالعطله بين الفصلين .. وانه كمان لسا ما عندهم لغه تركيه … محتارين وبالنسبه للمدارس مو عارفين نحطهم بمدارس عربيه والا تركيه .الفصل الدراسي التاني

  3. اللي عندها جواب تفيدني . الله يجزيها الخير …. وبالنسبه لمدينة فاتح احنا حابين نروح عليها بالبدايه كيف وضعها من ناحية السكن والمدارس

  4. لانه احنا هلأ بالاردن بدو يخلس الفصل الدراسي الاول لاخر شهر 12،،،واحنا ناويين نطلع ببداية العطله بين الفصلين . . وبالنسبه للطلعه شو الافضل يطلع زوجي اول لوحده وبعدها يسحبنا والا نطلع العيله سوا …

  5. يسلموا ايديكي يعطيكي العافية بدي صحن منها بحبها كتير .
    عطر اذا بتطلعوا كلكم مع بعض احسن
    بدكم تستقروا هونيك على طول ولا بس بل العطلة

  6. اخت عطر…صعب بتحطي اولاد بمدارس تركية..علشان اللغة..فيه مدارس عربية ..وبالنسبة للسكن حسب وضعكم وكم فيكم تدفعوا بتوصل الاجار حتى 2000و2500ليرة… حسب ظروفك وبدك تروحي هلأ في عز الثلج والبرد..والله بيروحوا فيها اطفالك خاصة مش متعودين عالثلج انا كنت عايشة بأنقرة 😍😍😍😍😍ايام حلوه.. والافضل الاب يروح الاول علشلن السكن لان مرات تتعبوا لتحصلوا سكن خاصة الاتراك مابيحبوا كترة الاطفال…يمشي زوجك ويطمن عالسكن بعدين روحا لانكم رح تتعبوا..اتمنى فدتك حبيبتي

  7. تسلمولي حبايبي كلكم زوق يا احلى زهرات😄
    الله مايحرمني منكم ومن طيبتكم❤
    اخت عطر هاد الشي بتقدرو تقدروه انتو حسب ميزانيتكم
    يعني اذا قدرتكم تطلعو فورا بتكاليف عيلة او لا
    منطقة الفاتح منطقة رائعة وهية منطقة المركز والحيوية لكن آجاراتها غالية كتير
    فكتير من الناس بتفضل تقعد بمنطقة قريبة عليها نوعا ما وتكون ارخص
    وهالشي كمان بيتعلق بالشغل اللي بيشتغلو رب الأسرة👍
    اذا كان عم يشتغل بالفاتح ومضطر يكون ناح شغلو وعندو قدرة يغطي اجار البيت فليش لأ؟
    اما بالنسبة للولاد بحال اجيتو بالعطلة لازم يحاولو يستغلو وقتهم بالفصل التاتي بدراسة اللغة
    لانهم اكيد رح يحتاجوها كتير
    بكل الاحوال بدك تتقبلي فكرة انو يروح عليهم شوية من المدرسة لبين مايتعودو عاللغة
    لانو حتى ولو كملو هلا الفصل التاني وجبتيهم بالعطلة الصيفية لهون اعتقد مستحيل تكفيهم العطلة ليكتسبو اللغة فرح يروح عليهم كمان من الدوام المدرسي..
    في مدارس عربية خاصة وفي المدارس التركية وانتي بتختاري كمان حسب قدرتك المادية وين تحطيهم..
    برجع بقلك اذا انتو شايفين انكم بتقدرو تغطو التكاليف المادية لطلعتكم كعائلة بدل فرد وملاقيين انو هيك اريح فتوكلو على الله
    اذا صعب عليكم وبتقدرو تتحملو انو يطلع زوجك اول بعدين بتلحقيه انتي والولاد فبكون الحمل اخف على زوجك ماديا او حتى كلبكة مع عيلة
    وربي يخترلكم كل خير وشو ما احتجتي ماتترددي تسألي نحنا اخوات حبيبة قلبي❤

  8. حبيباتي … الله يجزيكم كل خير… انا راح غلبكم معي بأسألتي. ..طيب انصحوني بمنطقة رخيصة وتناسب العوائل غيرمنطقة فاتح باسطنبول أو غير اسطنبول

  9. اخت عطر راح اشرحلك وضع العائله
    رغم اني مو بتركيا بس تقريبا نفس الشي
    اذا حالتك بتسمح تطلعوا انتي وزوجك بكون احسن واذا لاء خلي يطلع وبتصبري بعين الله
    اول سنه راح تكون صعبه كتير.
    بلد جديده ناس غرب لغه جديده بدك اول سنه تمسحيا من ناحيه المدارس لولادك
    بس لاتخافي الولاد بتعلموا بسرعه كبيره اكتر من الكبار
    الله يفرجها على امه محمد عليه الصلاه والسلام بدكن فتره لتتعودو على المعيشه من كل النواحي
    الله يسرلكن ويخترلكن الخير ولاتنسي تعملوا استخاره احسن

  10. الله يجزيك الخير أم شام … احنا هيك ناويبن انه هو يطلع ويقدم لشغل ويستأجر بيت بسعر معقول … فعلا الله أعلم بالاستخارة. . والله بتسخير ربنا ثم بستشير اللي عنده خلفية عن الموضوع … وإن شالله ربنا يختارلنا الخير والأفضل …

  11. الله يسلمكم ويفرح قلوبكم ياعسولات
    كلكم زوق والله 😘😙
    اخت عطر صحيح متل ماقالتلك ام شام الله يجزيها الخير
    يمكن بتفرق شوي بتركيا وباسطنبول تحديدا كونو في تمركز كتيييير للعرب والسوريين لهيك بتحسي بألفة أكتر من غير دول ومابتحتاجي وقت طويل زيادة لتتأقلمي عالوضع
    يعني نوعا ما مابتحسي حالك غريبة هون
    اما بالنسبة لبورصة فهية منيحة بس اسطنبول هية المركز وفيها مشاريع اكتر وعرب اكتر يعني فرص عملها اكبر
    انا الي قرايبين جربو هون وهون بس بالنهاية اغلبهم بقي باسطنبول
    اما بالنسبة لموضوع السكن فأول شي هو متعلق بالشغل
    رح قلك شو افضل حل
    زوجك افضل يجي لحالو بالاول ويقعد بسكن شبابي بمنطقة الفاتح بالبداية كونو هية مركز لكل شي وببلش يدور فيها وبعدين حواليها
    يعني ببعد بالتدريج لحد مايلاقي شغل يناسبو وساعتها بدورلكم على بيت يكون قريب لشغلو

اترك تعليقاً

لن يتم نشر عنوان بريدك الإلكتروني.