img
الرئيسة / منوعات / قهوة نوى التمر سلسلة اقتصادي وسهل 2

قهوة نوى التمر سلسلة اقتصادي وسهل 2

/
/
/
1262 مشاهدات

 

قهوة نوى التمر سلسلة اقتصادي وسهل 2

عمل القهوة من نوى التمر سلسلة اقتصادي وسهل2

قهوة نوى التمر سلسلة اقتصادي وسهل 2

قهوة نوى التمر سلسلة اقتصادي وسهل 2 , معكم صديقة زاكي الشيف الموهوبة ,ام علاء ابو يحيى

المقادير

  • بذور التمر او نوى التمر
  • هيل مطحون ناعم
  • ماء
  • سكر

الخطوات

بسم الله نبدا

حبيباتي يسعد كل اوقاتكم وبارك الله فيكم اليوم وصفتنا عن عمل.القهوه المصنوعه من نوى التمر وهدفي اليوم مش القهوه نفسها هدفي اعرفكم على الفوائد العجيبه الموجوده في نوى التمرواكيد غالبيتكم سمع عن هذه القهوه وتصنع حاليا في عدة اماكن بالاردن وفلسطين واماكن عديده بالوطن العربي

طريقه عمل القهوه اول شي بجمع نوى التمر كل ما تجمعي كميه اغسليه من العوالق العالقه فيها ونشفيها ولما تجمعي كميه منيحه اغسليها مره ثانبه منيح عدة مرات وخليها تتصفى كويس وبعدين بنفردهاعلى صينيه فوق فوطه نظيفه وبخليها تنشف بالشمس اكم ساعه

وبنحضر صينية الفرن بنفرد النوى كويس داخلها وبنحمصه بالفرن مع الانتباه الشديد والتحريك المستمر حتى ما تنحرق بعدين بكسرها بالهاون او بالمدقه قبل ما اطحنها حتى ما تتلف المطحنه سبحان الله العظيم هذه النواه الصلبه القويه بعد تعرضها للحراره تصبح سهلة الكسر وبعدين بنخلها بالمنخل الناعم وبنضيف الها الهيل المطحون وفي ناس بحطو كبش قرنفل وزعفران كله حسب الرغبه والي بضل بالمنخل اما بتطحنيه او بتعمليه قهوه ساده وهيك بكون جاهز الف صحه وهنا

لكن لهذا المشروب فوائد لاتعد ولاتحص يحتوي على الحديد والزنك والبوتاسبو والكالسيوم وخالي من المواد الضاره بالجسم وتعمل منه عدة خلطات للبشره والجلد والشعر ومقوي لكل الجسم وخصوصا الضعف عن الرجال ويعمل منه الكحل للعين مع زيت الزيتون ويقوي البصر لمعرفة المزيد عن نوى التمر اكتبي فوائد نوى التمر على قوقل وسترين العجب

اعتذرعن الاطاله نور الله دروبكم وحياتكم بالعلم والعمل والمسرات ورضى رب العالمين

استودعتكم لله الذي لا تضبع ودائعه

36 تعليقاً

  1. ما شاء الله عنك شو هالابداع يسلمووا ايديكي حبيبتي ربي يحفظك يا غالية الله يطول في عمرك و نستفيد من خبراتك حبيبتي 😘😘

  2. حبيبتي ام علاء تسلمي على هالمعلومه المفيده وفعلا فوائد نوى التمر ممتازه جدا وخاصة للشعر جدا رائعه 👌😘💝

    بس بدي اسألك حبيبتي انا جربت عملت هاي الطريقه سابقا بس لما جربت اطحنها ما انطحنت معي ناعم من مره كانت خشنه شوي ممكن اني ماحمصتها مزبوط ما بعرف شو السبب كم المده حطتيها بالفرن وكيف طحنتيها 😊

  3. لين حبيبتي تسلميلي على التسجيع اولا قبل يومين حضرت لقاء مع وحده بتعملها وبتبيعها مسموح الها من الجمعيه العلميه الملكيه عملتها بالاستديووشربو منها المذيعات وعجبتهم بس حكت انها بضلفيها شوية خشونه ما بتنطحن ناعمه متل البن بس فوائدها اكبر بكتير وفي ناس بخلطوها مع البن العادي وفس ناس بشربوها لوحدها لعظم فوائدها
    بدها مراقبه بالفرت حتى ماتسود بتصيركحل بعدين بتبطل قهوه

  4. الله يسعدك حبيبتي ام علاء تسلمي ياست الحبايب💖🌷
    اه انا حضرت لقاءها زمااان كانت عامله مشروع وهذا الي شجعني يومها اعملها بس ما انطحنت معي مزبوط

    وانا صراحه طحنتها لاني بدي اعملها كمان خلطه لشعر لانها مفيده كتيييير بطول وبتكثف الشعر 👌

  5. يسلمو اديكي حبيبتي ام علااء ما شاء الله عنك قمه الابداع الله يباركلك بصحتك يا رب عنجد شهيتينا على فنجان منها الله يحفظك لعيلتك 😘😍

اترك تعليقاً

لن يتم نشر عنوان بريدك الإلكتروني.

Translate »