img

ملفوف

/
/
/
2020 مشاهدات
 

ملفوف

ملفوف

ملفوف

ملفوف , معكم صديقة زاكي الشيف الموهوبة ,Mariam Ramadan مساء الخير يا ستات ويا صبايا يا معدلات بما انه الجو برد وشتا ،قلت ما في ازكى من الملفوف بهيك اجواء من قلب الحدث ملفوف فلسطيني ،لانه نحن ما بنحط بندورة ع الملفوف . عشان ما حدا يعلق تعليقات محبطة

المقادير

  • 2 راس ملفوف متوسط الحجم
  • نصف كيلو لحمة مفرومة
  • 2 كوب ارز صنوايت
  • راس بصل
  • ملعقتين كبيرتين زيت ذرة
  • فصوص توم حسب الرغبة
  • ملح حسب الرغبة
  • معلقة صغيرة فلفل اسود
  • ملعقة صغيرة بهارات مشكلة
  • رشة زنجبيل
  • رشة هيل
  • معلقتين كمون
  • ليمون حسب الرغبه

الخطوات

نسلق الملفوف انا بحط الملفوفة كاملة بالمي اللي بتغلي وبالسكينة بشيل الجذر اللي فوق للي نحن بنحكيله قرمية وبنصير نسحب ورق الملفوف ورقة ورقة لحتى تضل الجذر مع الاوراق الصغيرة اللي شكلها متل الصرة ،هذة كنا نحكيلها ونحن صغار جاجة وكنا نتقاتل عليها انا واخواني وضليت لليوم بحشيهم وبطبخهم وبطعميهم للاحفاد وبنقطع اوراق الملفوف الى مربعات

نفرم البصلة ونقلبها مع اللحمة بقليل من الزيت ورشة ملح

ننقع الارز 10 دقائق ونصفيه ونضيف له اللحمة والبصل والملح وجميع البهارات المذكورة

نلف الملفوف كل ورقة على حدا ونرتبهم في قدر الطبيخ

نضيف لهم الماء المغلي وفصوص التوم والكمون وعلى نار هادية حتى ينضج

وبتعصري عليه ليمون عند التقديم

وصحة وهنا

#ملفوف ام نضال

21 تعليقاً

  1. يسلموا بس فيش اشي إسمه ملفوف فلسطيني أو غيره الملفوف ملفوف ومسألة البندورة الشرحات عالملفوف هي مسألة ذوق بالأكل يعني أنا مرات بحب أضيف شرحات بندورة للملفوف مع شرحات البصل والتوم بيعطي نكهة حامضة وزاكية الو متل البصل والتوم ومرات لاء ومرات بفرم بندورة وبحطها مع الحشوة ومرات مية بندورة ومرات لاء متل الثوم المهروس بيصير ينحط جوا الحشوة او لاء في ناس بتحطه مهروس وفي ناس بتكتفي بالي بينحط صحيح برا مع الملفوف وهيك مثلا عندك السوريين والمصريين بيطبخوه كله مشبع بمية البندورة والبندورة وبيطلع لونه أحمر بعد السوا هاد كله نفس واذواق وحرية بطريقة تقديم الأكل لشهو لحتى حدا يعلق تعليق سلبي أو محبط يعني كل واحد حر ولازم كلنا نحترم بعض

    وملفوفاتك شكلهم بيشهي يعطيكي العافية😋👍

اترك تعليقاً

لن يتم نشر عنوان بريدك الإلكتروني.