img
الرئيسة / سلطات و مقبلات / ذرة محمصة تسالي لزوم الشتوية سلسلة وصفات التوفير 9

ذرة محمصة تسالي لزوم الشتوية سلسلة وصفات التوفير 9

/
/
/
4883 مشاهدات

 

ذرة محمصة تسالي لزوم الشتوية سلسلة وصفات التوفير 9

ذرة محمصة تسالي لزوم الشتوية سلسلة وصفات التوفير

ذرة محمصة تسالي لزوم الشتوية سلسلة وصفات التوفير 9

ذرة محمصة تسالي لزوم الشتوية سلسلة وصفات التوفير 9 , معكم صديقة زاكي الشيف الموهوبة ,أم جاسم

المقادير

  • كاستين ذرة مجففة
  • مقادير الخلطة
  • نصف كوب طحين
  • نصف كوب طحين ذرة صفراء بتطحني ذرة مجففة صفراء بمطحنة البهارات لحتى ينعم
  • ربع كوب نشا
  • بودرة ثوم
  • ملح
  • فلفل
  • بابريكا
  • زيت للقلي
  • نكهة ذرة بودرة

الخطوات

السلام عليكم ورحمة الله وبركاته

دايما بسهرات الشتوية بنصير ندور شوفي شي نتسلى الليل طويل ولا روحة ولا طلعة ، ليش مانجرب نعمل تسالينا بايدنا منه نضيفة ومضمونة ومنه توفير عالجيبة.

(الطريقة الأولى)

أولاً/ الذرة

بنحتاج ذرة تاعة الزراعة بتكون كبيرة ومختلفه شوي عن ذرة البوشار واذا ماتوفرت زي حالتي بتستخدمي ذرة البوشار . بس رح تطلع قاسيه شوي ، اذا قدرتي جيبي بذور الزراعة احسن.

بتنقع بماء يغلي من قبل بليلة يوم كامل ، وثاني يوم بنسلقها بمي بس لمدة ساعة عالاقل لحتى تطرى مش تنهري بس تطرى ونقدر نقضمها بأسنانا بسهولة.

ثانياً/ خلطة التغليف

بنجهز مكونات الخلطة وبنخلطها كويس وبنحطها على الذرة بعد مانصفيها من المي مباشرة عشان تمسك عليها وهي رطبة وبنقلبها فيها وبننخل الخلطة الزايدة عنها.

ثالثاً/ القلي

بنقليها في زيت غزير اول شي حرارته عاليه بعدين عالوسط بتاخد تقريبا ربع ساعة قلي.

بنطلعها على ورق مطبخ وبنرش عليها رشة ملح زيادة ورشة نكهة ذرة بتعزز الطعم.

(الطريقة الثانية) الاسهل والأطرى

أولاً/ انقعي ذرة البوشار حصرا يوم كامل 20—24 ساعة

ثانياً/ بتنشفيها من المي تماما تماماً وبتحمي الزيت عالاخر وبتنزلي فيه الذرة وبتغطيها ضروري تغطيها وعايري 4 دقائق.

رح ينفجر جزء من حبات الذرة بس ما بصير بوشار بصير شي ثاني مش عارفه شو اوصفه من الزكاوة ، عشان هيك بقلك غطي القلايه .

ثالثاً/ التقديم

بعد ما ترفعيه من القلايه على ورق مطبخ مباشرة نشفيه من الزيت ورشي عليه وهو سخن رشة ملح ناعم ورشة بهارات ذرة ، شو بدي احكيلك عن زكاوتها وقرمشتها عنجد انها رائعة ونفسي تجربوها.

رابعاً/ مقارنة بين الطريقتين

الطريقة الاولى صحيح بهاراتها اكثر وطريقتها اطول وخطواتها اكثر بس قاسيه شوي صدقاً.

الطريقة الثانية طريقتها اسهل واسرع واطيب واطرى ، فقدمتلك الطريقتين وبنصحك بالطريقة الثانية.

وهيك تسالينا جاهزة وصحة وهنا.

ملاحظة التوفير/

مابيخفى على حد انه المملحات سعرها مرتفع ، فليش ما نحاول نعمل يلي بنقدر عليه بالبيت وبكلفة اقل ، ما بوعدك تكون نفس الجاهزة بالضبط ، لا في اختلاف بس طعمها لذيذ وبحبوها الصغار احسن من الشيبس والسكاكر.

كيلو ذرة البوشار بدينار

كيلو الذرة المحمصة ب6 دنانير

واحسبي الفرق بنفسك.

46 تعليقاً

  1. راىعة أم جاسم الله يجزيكي كل الخير ع هالوصفات المتميزة. فعلا محتاجين لهيك أفكار ناجحة.اسفة ع الإزعاج طريقة الثانية ما تتشرب الزيت كتيير؟ ؟

  2. مشكوريين عالمرور القيّم
    اسعدتوني بتعليقاتكم.

    ام جنى ابدا ابدا مافيها طعم زيت ولا نكهته حتى حبات الذرة مش مزيّته ابدا.
    واذا بدك نصيحتي اعمليها.

    دبس الفليفلة عند محلات المخللات.

  3. روعاتك يا ام جاسم تبارك الله عليكي ماشالله كل وصفة احلى من التانية يعطيكي الف الف عافية جد سرت احب المطبخ من وصفاتك الحلوة وكتير عملت اشياء من وصفاتك بسراحة طلعت تحفة اشكرك من قلبي

  4. صباح الخير
    اشكركم على كل شيء وكل كلامكم شهادة اعتز فيها.
    وكثير سعيدة انه عم بتجربوا الوصفات وتضبط معكم الحمدلله.

    ام مصطفى ولا يهمك .
    زهراء اذا خايفة من الطريقة الاولى لانها فيها خطوات اكثر جربي الطريقة الثانية كثير سهلة ولا بدها مجهود ولا اسباب نجاح.

  5. مساء الخير.
    لو سمحتي ام جاسم
    ٠شو المقصود بابذرة الصفراء المطحونة؟!
    هي نفسها ذرة البوشار؟!
    ٠بتمنى الاجابة..
    بتشكرك كتير عالوصفة.

    ٠حابة اجربها..

  6. صباح الخير
    اه الذرة الصفراء المطحونة هيه ذرة البوشار اطحنيها عمطحنة القهوة لحتى تنعم.

    بس لكل اللي حابين يجربوا الطريقة الاولى رح تطلع قاسيه شوي .

اترك تعليقاً

لن يتم نشر عنوان بريدك الإلكتروني.