img
الرئيسة / حلويات / اقراص جوز الهند الهشه ناجحه ومضمونه بتمنى تعجبكم

اقراص جوز الهند الهشه ناجحه ومضمونه بتمنى تعجبكم

/
/
/
4380 مشاهدات

 

اقراص جوز الهند الهشه ناجحه ومضمونه بتمنى تعجبكم

اقراص جوز الهند الهشه ناجحه ومضمونه بتمنى تعجبكم ❤❤

اقراص جوز الهند الهشه ناجحه ومضمونه بتمنى تعجبكم

اقراص جوز الهند الهشه ناجحه ومضمونه بتمنى تعجبكم , معكم صديقة زاكي الشيف الموهوبة ,رشا رشا

المقادير

  • بياض بيضتين كبار
  • نص كوب سكر ناعم
  • رشه ملح
  • معلقه صغيره فانيلا
  • معلقتين كبار طحين ابيض
  • كوب وثلاث ارباع الكوب جوز الهند
  • للتزيين:
  • فستق حلبي او اي نوع مكسرات حسب الرغبه اختياري

الخطوات

السلاام عليكم بالبدايه حابه احكيلكم اني كثيير اشتقتلكم بعد هالغيبه الطويله كثير بالنسبه الي

هالوصفه الها اكثر من طريقه ان شاء الله بالايام الجايه رح اقدملكم ياهن

وبقدم هالوصفه الطيبه لجميع عشاق جوز الهند وخصوصي الصديقات العزيزات حسب طلبهم ام البنات وام راشد بتمنى تجربوها و تعجبكم وتنجح معكم وآسفه كثيير على التأخير

بسم الله نبدا

بالبدايه نخفق بياض البيض مع رشه الملح لمده دقيقتين تقريبا ثم نضيف السكر والفانيلا ونستمر بالخفق

لما يذووب السكر نهائي بعد هيك بنبلش نضيف جوز الهند وبنحرك الخليط بمعلقه خشبيه او سباتيولا من تحت لفوق منشان نحافظ على الهوا الي دخلناه ببياض البيض وآخر اشي بنضيف معلقتين الطحين وبنكمل تحريك خفيف لما يمتزج الخليط منيح بنبلش نشكلهم كراات صغيره حجم الكره بيوخذ تقريبا معلقه كبيره والمقدار يلي عملتو عملي 15 حبه

وبنصفهم على صينيه الفرن وبنزينهم باي نوع مكسرات حسب الرغبه هالشي اختياري اكيد

وبنخبزهم على نار هاديه 180 درجه تقريبا عشر دقائق او 12 دقيقه لما يسير لونها ذهبي من تحت بنحمر الوجه و تبرد وتقدم والف صحه وهناا

ملاحضه هامه انتبهولها منيح اهم مرحله هيه مرحله الخبز المفروض يكون الفرن محمى مسبقاا

وتكون نار هاديه وما نتركهن وقت كتير بالفرن لانو رح ينشفن معنا الوقت الكافي تقريبا من عشر الى 12 دقيقه اكيد حسب الفرن الموجود عنا انا خبزتهم على الفرن العربي لمده 12 دقيقه تقريبا على نار هاديه جداا

لا تنسوني من فضل دعواتكم الحلوه بتمنى تجربوها وتعجبكم تحياتي الكم جميعاا رشا ام احمد

62 تعليقاً

  1. ماشاءالله عنك يا رشا فنانه ومتألقه ووصفاتك متقنه اللهم بارك لك بصحتك وبعافيتك يسلمهم ديااااتك يا معدله👌😘💝💝💝

اترك تعليقاً

لن يتم نشر عنوان بريدك الإلكتروني.