img
الرئيسة / حلويات / تزيين الكيك اصنعي زينة الكيك بنفسك سلسلة وصفات التوفير 17

تزيين الكيك اصنعي زينة الكيك بنفسك سلسلة وصفات التوفير 17

/
/
/
3869 مشاهدات

 

تزيين الكيك اصنعي زينة الكيك بنفسك سلسلة وصفات التوفير 17

اصنعي زينة الكيك بنفسك سلسلة وصفات التوفير

تزيين الكيك اصنعي زينة الكيك بنفسك سلسلة وصفات التوفير 17

تزيين الكيك اصنعي زينة الكيك بنفسك سلسلة وصفات التوفير 17 , معكم صديقة زاكي الشيف الموهوبة ,أم جاسم

المقادير

  • لشرائح البرتقال
  • شرائح قشور برتقال
  • قطر 1:1
  • لبودرة اللميع
  • جيلاتين بودرة
  • الوان غذائية وماء
  • لكرات السكر
  • عجينة السكر
  • لجوز الهند الملون
  • جوز هند
  • الوان غذائية

الخطوات

اصنعي زينة الكيك بنفسك

شرائح البرتقال الشهية

كرات السكر الملونة واشكال اخرى

بودرة اللميع

الجوز هند الملون

السلام عليكم ورحمة الله وبركاته

سمعت عن زينة الكيك المنزلية وماكذبت خبر دغري جربتها ولقيتها ناجحة جدا ومنظرها رااائع ، الطعم بختلف في زينة الها طعم وزينة ما الها طعم، رح اقدم 4 انواع من الزينة ان شاء الله تعجبكم.

أولاً/ بودرة اللميع القابلة للاكل

هاي الزينة المفضلة عندي مع انه ما الها طعم.

بنحتاج ملعقتين جيلاتين وربع كوب ماء بنضيف المي عالجيلاتين وبس يتشرب المي بندخله الميكروويف 15 ثانيه وبنحرك وكمان 15 ثانية بكون ذاب تماما .

— بنضيف اللون الغذائي اللي بدنا ياه وبنحرك وبنصبه على ورقة زبدة وبنفردة بسرعة على طبقة رقيييقة قد مانقدر وبنتركه يومين ينشف في مكان جاف.

ملاحظة/

لازم تكون رقيقة جدا والا مارح تنطحن معك بس تنشف.

— بعد ما ينشف بنشيله عن الورقة بنقطعه وبنطحنه بمطحنة البهارات لحتى ينعم عالاخر بننخله وهيك بكون جاهز.

ثانياً/ شرائح البرتقال الشهية

عنجد نكهتها شي خرافي.

—بنحتاج قشور برتقال بنشرحها بالطول شرائح رفيعة جدا وبنسلقها في ماء عشان تطرى ويطلع منها المرار.

—اثناء سلق القشور بنجهز قطر مكون من كاسة سكر وكاسة مي وعصرة نصف ليمونة وبنخليها تغلي بعدين بنصفي البرتقال من اناء السلق لاناء القطر مباشرة وبنخليه على نار هادئة نصف ساعة تقريبا بس نشوف القطر سمك شوي خلص بكون جهز.

— بنفرغة بمرتبان زجاجي معقم وبنحتفظ فيه بالثلاجة .

— بنزين فيه كيكات البرتقال عادة او الكب كيك بنحط اكمن شرحة بشكل جميل وممكن من القطر ننزل سرسوب خفيف عالكيكة وذوقي وادعيلي.

ثالثاً/ كرات السكر واشكال اخرى

هاد النوع من الزينة من اروع واجمل الانواع بس بيحتاج عجينة سكر اما بتعمليها او بتشتريها جاهزة بس اذا عملتيها اعملي كمية صغيرة بلاش تكلفي حالك لانه الزينة بتكون حجم صغير مابحتاج عجينة كثير.

بنجيب عجينة السكر باللون اللي بدنا ياه وبنعمل كرات صغااار جدا زي حبات العدس واصغر كثير شكلهم حلو عالكيك.

— وممكن نعمل مجسمات كمان حطيت مثال عجل سيارة او شارب رجالي ، ممكن ورود صغيرة او حروف.

— ممكن تفرديها وتقطعي بقطاعات شكل نجوم او قلوب او ورود بالوان مختلفة.

رابعاً/ جوز هند ملون

بنجيب جوز هند ابيض عادي وبنحطه بكيس تفريز وبنحط ملعقة صغيرة ملون غذائي سائل وبنفركهم سوا لحتى تتلون كل حبات جوز الهند.

— بعد التلوين بنحمص جوز الهند بقلاية ناشفه تحميص عنار هادية بس لحتى ينشف من الرطوبة مابدنا نحمصه او نغمق لونه.

خامساً/ بتمنى تدعموني باضافة وصفاتي للمفضلة وبكون شاكرة جدا.

29 تعليقاً

  1. جد زاكي اكتير اتطور
    ام جاسم وام احمد رشا ونور احمد وفرح مسعد ولين طم طم
    وكل الصبايا ماقصروا
    جدا مفيد الي طرحتيه اكتير عجبني البرتقال جدا جدا
    سؤال زغنون كتير بتقدري تفيدينا وتبعتلينا عمل المربى بانواعه بكون مننونه كتير الك ياام جاسم

  2. الله يجزيكم الخير عنجد غمرتوني بلطفكم وذوقكم ، وربنا يجعلني دائما عند حسن ظنكم .

    نور عين ان شاء الله بعمل مربى عالمواسم وبنزل طريقته، وعفكرة قشور البرتقال بالوصفة ممكن تاكليها مربى بجد رائعه.

  3. بارك الله فيكم جميعا
    امينة فخورة انه وصفاتي بمفضلتك وانتي ما شاء الله شيف محترفه.

    ام ريان موجوده طريقة عجينة السكر بملفي تفضلي بزيارة الملف بالضغط على اسمي أعلى الوصفة او الضغط على شكل الرأس اسفل تعليقي.

  4. ماشاءالله لا قوة الا بالله الله يحميكي يا ام جاسم فنانه ومبدعه ومتألقه تبارك الرحمن شو ما احكي ما بوفيكي حقك 👌😘🌷

  5. ماشاء الله عنك ام جاسم الله يعطيكِ العافيه ❤️ ويسلموا عالاسرار الرائعة😍😘

    بدي أسأل كيف بنقدر نلون عجينة السكر باللون الاسود؟؟
    يعني اله صبغة جاهزة؟

اترك تعليقاً

لن يتم نشر عنوان بريدك الإلكتروني.